‏ترانا على خبرك ولو دارت الأيام

تغيّر تواريخ السنه .. ماتغيّرنا !

‏خلك ثقيل وخل كلآمك بـ مقيآس
‏مآ كل من يسمع همومك فزع لك

‏بعض البشر من حبهآ تقول لآ بآس
‏وبعض البشر من حقدهآتبتسم لك

..

‏وش ذنبهاالايام في جرح الاحساس
‏حنا الذي فينا الوفا مابقى... حي!

‏جرح المشاعرما يجي غير من ناس
‏ماهو من الايام والله...ولا شي!

..

يجاملكـ..
‏يجاملك رجلٍ يبي منك مصلوح
ويصارحك رجلٍ يدور صلاحك

هذاك ياخذ حاجته منك ويروح
و هذا معك ماهمه إلا نجـاحك

..

الطيبـ...
‏الطيب في روس النشاما علامات
واللـي كـسب نعمين للـه دررره

أحدن يمـوت وتبكي العين ﻻ مات
وأحدن يموت ويكـفي الناس شره

..

غير الطيبين...
وما يبقى غير الطيبين المشاكيل
وزن الجبال اللي ثقيلة ثقيلة

وأهل الردى نبتاعهم بالزنابيل
والّا نخليهم ي عرب سبيلة سبيلة .

..

حاولت اجنب عنه لاكنـي ازريت
طرت علي بعض المواقف وعفته

ومن لايـقــدر محـبتـي لـه تمنيت
ماحـدنـي وقـتـي عـليه وعرفته
..

ما دام...
‌‏مادام ماتـقـضـي لزومي لياجيت
ولالك عـلي معروف بالعين شفته

اليوم افتـش في الاسامي ومـريت
اسمك ومن بين الاسامي حـذفته

..

يطيحـ...
‏اللي لسانه على اعراض البشر قاوي
لايامن الوقت [ وان دارت دواليبه ]
يطيح بيدين من لا يرحم [ وياوي ]
ويذوق كاسن سقى غيره مشاريبه

..

يرفع مقامكـ...
‏تواضـعك يرفع مقامك في عـيون الطيبين
وتجـارب الأيام لابـن أدم دروس ومـدرسـه
لكـن تـرانـا مانشوف اللي يرانا بنص عين
نفوسنا ماتقبل أهل الكبر واهل الغطرسه

..

طيب السيرة...
‏الطيّـب اقـدره ويشـوف تقـديـره
ولاضعيـف الـروابـع ما حسبنا له

احب دمث الجناب وطيّب السيره
اللي يشيل الثقال ويكسب الطاله

..

هذي هي الدنيا متاهات وأحزان
كلن يــــــدور راحته ما لقاهـــا

تبي لها صبر مع شوي نسيــــان
مع ضحكة تخفي دموعك وراهـا

..

‏لاتضيق ان طاح من عينك بشر
‏من رحل من خاطـره الله معـــاه
‏،
‏لو أهداك العمر وأهديته عشـــر
‏الفـــراق أصلاً ترا سنّة حيـــاه
..

‏لا تـنبش الماضي ولاتنشغل فيه
‏الدمع مايـرقى من العـين لا طـاح
.
‏لا تنـتظرمن فاقـدالــشي يعـطيه
‏عمرالعزاما شالته صـاله افــراح

..

‏من ناتج الدنيا ومن واقع..الناس
تدري وش اللي عن قناعه طرالي

شطرٍ مدون للسديري بالألماس
المستريح اللي من العقل خالي

..

‏مكتوب لـ الوافي يجي فيه نقصان
ومكتوب للـناقص زمـانه يـزيده

احيـان نكبر على الحـزن واحيان
بكل ادب نمشي مـع الحزن سيده

..

إلےٌ متى : يٱخاطري .. ۆأنت مگِسور
ماتنجَّـًـــــٍبَّر !! رغم اعتزازي بـ روحي

اضحك وأنا كني على الضحك مجبور
وأذكر جروح الناس وإنسى جروحي

..

أعالج الوضع وأنا اللي بـ حاجة علاج
‏كبرت و أحلامي السودا على لونها
‏-
‏يارب تستر على نفسي من الإحتياج
‏لي رغبةٍ يستدير الحظ من دونها .

..

بعض المواجع لها ما تنفع الفزعه !!
وبعض المواجع وجعها من وجع ناسي

عودت نفسي على الصدمات و الفجعه !!
ولو دست جمر الزمن ما ينحني رأسي

..

عشنا وشفنا وانجرحنا و عفنا
واليوم يَ سعادة الحظ مشكور

​وحنا اوادم لو ..كـثير اختلفنا​
​مصيرنا للموُت .. ماشيَن بالدّور

..