‏ما مشيت إلا و أنا عايف و عندي يقين
‏القلوب إن ذاقت الغبن ماهيب لاينـه .

يا علي خل العيد لأم الدناديش
اللي تنظف كل يومً جسدها

تبغي تماري ناقضات العكاريش
في كل ملفاح تنقض جعدها

العيد عيد الله ولو فات حتيش
من حسبة أيامً يمرك عددها

نبي نعلمك المساري على الجيش
تمشي ذلولك لين يفترّ جهدها

خابرك منت بضاري للمطاريش
نبيك تونس حلّوها من نكدها

ليله على مسرى وليله مغابيش
وليله نخلي نومها لمن رقدها

وليله على تمره وليله على عيش
وليله نوكلك اللحم صيد يدها

يا علي لاجيت العرب لا تجي ديش
خبلٍ ليا جاب السوالف سردها

أحفظ لسانك لا يجي فيه تبطيش
تصبح عيونك كايداتٍ رمدها

يجيك من ينشدك نشدة كديش
يبي يسنع هرجة يعتمدّها

خله يقوم مفلت في يده ريش
يروح منك وحاجته ما وجدها

ترى دعابيّل الخبول الفوانيش
تبدي بما فيها ولا أحد نشدها

يجيك واحد يورش يوريش
سحابته يسبق مطرها بردها

واللي لغقمات السوالف مناقيش
قراية الكلمه على أول عددها

تجي سوالفهم ضحك وتهبيش
وقلوبهم محد يفكك عقدها .

لشاعرها : صقر النصافي .

إصبري ياعين مالش على الدمعه سبب .

كنك أرض تأويني وكن العالمين بحور
وكني شعب ما يقدر يسافر أو يهاجرها .

أنت اليقين الراسخ اللي ما يشوبه إحتمال
‏وانت الثواب اللي تجلّى لي بعد شدّه صبر .

الشعر بحرٍ دونه الموج لطام
مايسبحه كود الغلام الفداوي

والشعر حرٍ ماعلى خشمه خطام
مايعسفه كود الشجاع القصاوي

والشعر له نقاد تصدّر له أحكام
ما يعتمد غير القصيد الغلاوي

ولا الرخيص رخيص وشلون ينسام
مثله مثل دلوٍ بليا عراوي .

❤️❤️❤️❤️❤️.

المصافح بالقلوب أصدق من مصافح الأيادي ..

❤️ابو حمد

عزم الرّجل ما يظهر إلا عند زرقات السهوم
ولا السعه حتى الهنوف تهوّش دون أخوانها .

اخر ساعه من يوم الجمعه صلو على النبي صلى الله عليه وسلم ولاتنسوني بدعوه فـ اني بـ امس حاجه لدعواتكم الطيبه🌷