فقدتك والضياع الَّلي بعد فقدك ماهو بيدي
أنا في غبَّة وداعك وضايع في مراثيها

وأنا الَّلي دارت الدنيا وأنا قاعد مكاني بي
وأنا الَّلي حابسٍ في عيني الدمعة وألهِّيها

وأنا الَّلي لا اخْتلى حاكى طيوفك كنَّك له توحي
وأنا الَّلي يحضن ثيابك من الَّلهفة ويبكيها

وعلى وجهك سلام الله وآمانه لين يبْعث حي
وعليّ من الصبر ما يحبس دمُوعي ويداريها .

انت ياللي منك صدري فيه كنّه
سيف هجرك توّ عيني لا تسله

ولا تردّا وأنت عنده فوق ظنه
ولأجل عينك دامحٍ تسعين زله

صرت أغني وأردف الونه بـ ونه
" العبيدي قال بيتٍ قمت أشله "
-
علموا للغايّب اللي ضقت منه
في محله ما حدٍ حل بـ مّحله

وإن نشدكم ويش سوا؟ قولوا إنه
همّه أنت بخير ، ولاّ فيك عله

حنه ، الله يلعن اللي ما يحنه
والله إنه منك كنه فوق مله .

يامرحبا بك هيل عدّ السيل
‏ترحيبٍ أطول من مدى عمري

‏واجبك في خيرة سمان الحيل
‏ياصلك قبل الشاهي الجمري .

يا كم عارٍ جابه لابس البشت والدسمال
ويا كم نالت من المجد لبّاسة الشيلة .

المحبّة والغلا ، شيء من رب الأنام
ماتجي بـ القوّة الضاربة والصاملة

والمعاتب له ضريبة فعل ولاّ كلام
شاملة للدمعة .. وللمفارق شاملة

لا تعاتب من تحبه على قلّ إهتمام
العتب مابعده إلا إهتمام مجاملة .

إن سألت وقلت وينك؟ قلت فالصدر الرحيب💙.

جعل تبطي بك سنينك محدٍ غيرك حبيب .

أحبك مثل حُب المغاتير عند عمير
واقدرك مثل تقدير الجحادر لابن هادي .

❤️‍🔥❤️‍🔥 .