ريف قلبي ومرباعه وشوفتك عيد
انت مثل الهواء وارضي والآفاق لك

إيه أحبك وأحبك وهمّ أحبك وأعيد
وحالتي شسمها والقلب توّاق لك

شوق لهفه ولّه ، دوّرت مابه جديد
ودّي ألقا كلام أكبر من أشتاق لك .

لا لمحت رموش عينه من الفرحة حييّت
زين مبسم والسعد .. لا تبسم لي شفاه

توني من بير حبه ضميّ ! ولا أرتويت
ودي أشبع من غلاه وتوني في مبتداه

والله إني وافيً بالمحبة لا هويت
وان لفاني بالمحبة لقاني في وّلاه

أكتم أسرار المحبة وأجنب ما حكيت
ومن نظر شوفي يشوفه وفي عيني قرّاه

والله إني عن هواه لا سليت ولا أنتهيت
مجددٍ حبه في قلبي وباقي في رجاه

والله إني عن هوا غيرك اليوم أنعميت
الخفا في سهم حبك تحددّ مشتراه

مطلبي في شرع ربي وبالخاطر نويت
مسخيً قلبي لقلبك وربي اللي عطاه .

ِ

سيدي وأنت لديار المعنا ربيع
‏ما ترِدّ الوجيه اللي ذبحها الظما

‏كنّك تقول للدنيا وأهلها جميع
‏لو تضيق الأراضي ما تضيق السماء .

خذا الموت مني ضحكةٍ عاشت معي سنين
واليوم ابيع عمري المقبل على اني اشاهدها .

ما يملى فراغات المكارم سوا الافعال
رجال الهمم . . ما تارّد الا على الجمه .

انت يا أبن دليم ذكر أسمك لحاله مهيّب
لك مع الحكّام مقعد .. ولك فالرأي رأي .

‏طبيعة الدنيا مصافح وتوديع
‏لاتتعب احساسك ورا شي تشقى

‏اللي تخاف انه يبي يضيع بيضيع
‏واللي تمنيت انه يروح يبقى .

حانت الفرصة ولكن ما إنتهزت الفرصة
‏جيت أبغتنمها وعيّت شيمتي وأخلاقي .

يارب وأحلامي تبي منك تدبير
‏خلقتها مثلي و جت مثلي كبّار .

أنت من وجهة نظر قلبي وطيب ظنوني
‏غاليٍ يستاهل أحفظ عشرته وأحبّه .

يمر الظبي قدام السلاح و يبّرد البارود
‏تقول إن الرصاصة من عيون الظبي مذعوره .

يا وجه الرجال ألهيتني معك وأستهليت
‏حديثك ونيس وجلسةٍ معك ما تنمّل

مشى الوقت مدري كيف وشلون ماحسّيت
‏والله يا الكلام أن يظهر الصبح ما كمل .

‏تنكس بروقه من شمال وجنوب وشرق
‏تنكاسةٍ تبري من الخافق العلة

‏علي الحرام ان للمطر في بلادي فرق
‏مثل فرق بيت الله من بيوت خلق الله .