ابعدوا به ليت داري من دياره قريب
ماكلٍ حالي غرامه وساحرني حكاه

ان تحاكا هرجه الذ من طعم الحليب
وان تبسم قلت سبحان خلاق الشفاه

وان مشى سبحان منهو على خلقه رقيب
كن الأرض اليا وطّاها تقول الله معاه

لادعاني قلت لبيه يالغصن الرطيب
وان دعيته قال لبيه لي ماقال هاه

وان شبح بالعين لديت من مابي صويب
نظرةٍ في حاجبيها مفاتيح الغناه

لاعطاني وجهه السمح حثيت الخبيب
واتنهت كل ماصد وأعطاني قفاه

لايغرك قولتي لك ترا قلبي صعيب
المحبة تلحق العاشق المغرم قصاه

غير دامك يامعرب من النسل العريب
لد صوبي والتفت لي وأخذ مني وصاه

فارق همومك وريّح وضنك لايخيب
والله انك راس مالي ومفتاح الغناه .

اشهد من يفعل الجود في من لايجود
مثل من حجج على غاربة ذبّاح ابوه .
- حمد المسردي .

تصافقت ويا الايام واليّا عثرت اقوم .

يا طالب الفرقا ترا طلبتك جتك
قلبي جنوبي ما يرّد الطلايب .

والله ما قفى واحدٍ عنا و قلنا له تعال
انقول دلوّه الطريق الي يودي لا غدا .

‏لو ان ماني احّن الناس لكني أحن الناس
‏و اخاف الله لا ابدل خاطرٍ راضي بموجوعي
‏
‏أداري فالخواطر لو ما عندي لها احساس
‏يا كيف اللي اغلى من هلي واغلى من ربوعي .

‏للطيب ذروة سنامً ماوصلها الضعيف
‏يقوم من دونها .. ويطيح من دونها .

العمى⁩ ⁦والله⁩ ⁦عمى⁩ ⁦التدبير يالعين الكفيفه
‏والبخل ⁦والله⁩ بخل الاخلاق ياليمنى البخيله

‏دايم العقل الثقيل يجيك فالنفس الخفيفه
مثل مالعقل الخفيف يجيك فالنفس الثقيله .

امّا حث القدم واطلع على راس عالي .

الا يا وجودي وجد من ضمّ له مولود
بعد ما ابتسم من شوفته مات بيدينه .

يالله يارب بالغناة اللي ماهي بـ أيت غناه
اللي على اثرها الصدور المناوي تمتلي .

هجاد الليل لاحل في خافق المفجوع
يورّى له العزله ولو ان القوم مجتمعه .

اللهم في يوم الجمعه اجعلنا من أسعد خلقك ، وأقرب عبادك إليك ، اللهم اغفر لنا ما مضى ، وأصلح لنا ما بقى وأكتب لنا عفوك وغفرانك ورضاك والجنة .

ترا السنين الي تروح اغلب لياليها هدوء
مغلّفه بالكلمه الزينه وبالوجه السعيد .

- القلوب اللي نجيها ولا نلقى مكان
‏لو تعرّينا الليالي ما عاد نمرّها .