‏رقيق الهوا لامن طرق قلبي المنلاع
نقض كل طاري فـ الضماير ولا حنّه .

‏جعل ماجانا من الوقت كفارة ذنوب
‏وجعل طربات الليالي تجي متخاويه .

‏تعال ياللي حضورك يفرق من الحضور
‏مثل ماتفرق دهور الارض ، من ريفها

‏لايحزنك هاجس الفرقا وكبت الشعور
‏وظروفنا اللي شتاها احرّ من صيفها
‏
‏اهم حاجة محبتنا .. وباقي الامور
‏ان زانت تزين وان م زانت ؟ بكيفها (:

tellonym.me/sqi5 💙?

مثل ماتجيك الضيقة اللي بدون إشعار
‏يجيك الفرج من خالقك وأنت ماتدري .

الحياه الفانيه تبغى لها شخصٍ سياسي
‏بالكلام وبالمزوح وبالسؤال وبالاجابه

‏ينتهي دور الرئيس يوم تبديل الكراسي
‏تختلف فيه الوجيه ولكن الوجهه تشابه

‏ياملذات العمر ماعاد يشغلني حماسي
‏ماتحرى في حياتي غير ساعه مستجابه

2024 💙

‏عساني مانحرم من شوف وجه أمي ووجه العود
‏ ولا من ضحكة أخواني ولا أقرب لاصدقاء ليّه

‏وعسى ما راح من عمري غفره الوالي المعبود
وعسى اللي جاي ما تكتب بصفحاته ولا سيه .

عاد لـ الماضي الجميل اللي رحل فالعين صوره
‏وعاد قلبي ما نسى ضحك الوجيه اللي صدفها

‏كن صدري ديرة ٍ من جملة الناس امهجوره
‏الدهر جفف مواردها و عشىّ في طرفها

‏من كثر ما اقفّى ونسها و الشجر ماتت جذوره
‏لو وطاها واحدٍ قد حل فيها ما عرفها .

‏خل عندك فالاوادم نظرةٍ واحتياط
‏لا تكبر هقوتك بالضعوف وتنصدم .

أدري أن الوقت دوار والحاجه محك
‏و الليالي تردع الناس دون إحقوقها
‏ٰ
‏حي راسٍ كل ماكبرت البلوى ضحك
‏كل ما جات الهقاوي يجي من فوقها .

ابعدوا به ليت داري من دياره قريب
ماكلٍ حالي غرامه وساحرني حكاه

ان تحاكا هرجه الذ من طعم الحليب
وان تبسم قلت سبحان خلاق الشفاه

وان مشى سبحان منهو على خلقه رقيب
كن الأرض اليا وطّاها تقول الله معاه

لادعاني قلت لبيه يالغصن الرطيب
وان دعيته قال لبيه لي ماقال هاه

وان شبح بالعين لديت من مابي صويب
نظرةٍ في حاجبيها مفاتيح الغناه

لاعطاني وجهه السمح حثيت الخبيب
واتنهت كل ماصد وأعطاني قفاه

لايغرك قولتي لك ترا قلبي صعيب
المحبة تلحق العاشق المغرم قصاه

غير دامك يامعرب من النسل العريب
لد صوبي والتفت لي وأخذ مني وصاه

فارق همومك وريّح وضنك لايخيب
والله انك راس مالي ومفتاح الغناه .

اشهد من يفعل الجود في من لايجود
مثل من حجج على غاربة ذبّاح ابوه .
- حمد المسردي .

تصافقت ويا الايام واليّا عثرت اقوم .