يارب ما أدري وش اللي ينكتب بالغيب
‏ولكن رحمتك أكبر من اللي فيه أنا داري .

أشوف المبادي والتقاليد والأعراف
‏خواطر يتامىّ مالقت من يجبّرها

‏أشوف الهقاوي باركه والوهم سيّاف
‏وتقبل مشاريهي رجاء ويتعذّرها

‏أكابر عن الخذلان والظلم والإجحاف
‏وأثر ما يضر العالم إلا مكابرها .

-

بالغصب ما نعطي عدّانا مساحة شبر
‏وبالطيب مافي بمخابينا يجيك برضاي

‏بعض العلاقات ما اشريها بأرخص سعر
‏وبعض العلاقات اشريها بنص اقرباي .

الشاعر اللي مايهيّض بالطرب صم الجماد
‏ان ماوجد مايكتبه يصبر على الضيم ويجد .

𝟓
يا خطاي الي توافق مع خطاك .

افزع لنا يا من توكلنا عليه
‏من قلّة الحيله وعاقبة الزعل .

من عيال الشايب اللي بقى ذكره جميل
كل منهم من مزايا فعوله يقتدي

انتثني للكفو بالشعر والفعل الجزيل
والردي ما هو همي وغاية مقصدي

لابتي اهل الشكاله مروين الصقيل
لا بطشوا بطشة سطر ما تلوى يدي

نكعم العيّال وخيولنا تصهل صهيل
في عجب منهو من صدوف بقعاء محتدي

ان رضينا نلعب القزوعي لعب المهيل
وان غضبنا فالشدايد يتوب المعتدي

وان زهمنا نعلن الحزم ما فينا ذليل
غيرنا يمشي وحنا على الضدّ نعدي .

‏الفقد لو مرّ الجمل خلّا الجمل مفتور حيل
‏وش عاد في قلب آدميٍ خيّب الواقع رجاه .

يالله بصبحٍ من صباح العالمين
‏تفتح مغاليقه على اللي سارحه

‏كم له يصافقها وعيت لا تزين
‏الحظ عاثر والليالي جارحه

‏ماهوب طامع في حياة الفارهين
‏الوضع ما يسمح وحاله شارحه .

فلا يا دهر لا تختبرني تراني صلف
ولي هقوةٍ علياء ولي نفسّ طماحه .

سلام الله على قلبٍ يعيش الفقد ويكابر
واذا زادت طعونه قال يا الأيام عطبّتي .

‏يجيك بالهزله مثقف ودكتور
‏ويشوم منها واحدٍ ما تعلم .

شاركوني ..
tellonym.me/sqi5

من زلال الموارد ما شربت الهماج
‏ما طلبت البديل ولا رجيت القليل

‏ما يقدي طريقي ضوح نور السراج
‏لا تماديت بالمسرى يذوب الفتيّل

‏ضيقة الهم ترجي ضحكة الانفراج
‏مثل ماترجي الصحه شفاة العليل .

اللهم صل وسلم على نبينا محمد .

اللهم صلي وسلم ع نبينا محمد .. اللهم في يوم الجمعة جمل حالنا وأحوالنا وأجعل للسعادة مستقراً في قلوبنا وأجعل لنا من كل ضيق مخرج .

سورة الكهف بصفحة وحده اقروها وشاركوها 🤍.
‏⁦ b5b5.com/1/⁩

—