والله و والله إن ماله شبيه .. ولا يشبّه .

ثياب الليالي : ثوب فرحة ، و ثوب حداد
‏ولا يدري الفتى وش عاد تلبس له سنيّنه .
- عويد النجود .

إنتواضع بس نكره مراحل الانحطاط
دونها .. يمكن نحط الكباريّه خدم .

ملا عيني اللي في عيونه تشوف الجيد
‏شجيع يقول و يفعل و يامر و ينهى .

تجمّعنا مساحات الأدب والحزن والقيفان
‏وتربطنا تقاليد العرب .. والشيمه الحيّـه .

‏الكلام اللي يتك الصدر سيلٍ عارم
‏والكلام اللي يسرّ القلب بالقطّاره .

‏َ دونك اعزومي صلابتها صلابه
‏مايحوفك شري / ان ماشفت خيري .

‏كل يوم اسمن العذر والهقوه تخيب
‏في رفيق شح طيبه وقدم لي رداه .

‏من ينحني للعواصف كل ماهبت
‏تلحق عليه العلوم وينحني راسه .

‏والزمان يحدني حد ويبيح خفاي 
‏غير يالله بمدةٍ منك ماحدٍ مدها .

‏مكانك ترا فوق القمم والسما الزرقا
‏يطيح السنافي من كثر مايخايلها .