‏" وكل مكانٍ - على سعته - بدونك ضيق
‏ كأن وجودك شرط من شروط البراح .

دنياك هذي يالعواجي غرابيل
‏ومن شق جيب الناس شقو له اجياب .

مرحبا بالجميع في محلكم❤️

ولا نقصر من العز و الجد قحطاني
هذي لابتي يا سِّعد منهم له لابه

من اقصى الجنوب اليا قطر دار بن ثاني
مداهيل ربعٍ لـ النواميس كسّابه .

لو تباعدنا و شانت مقادّير الحياه
ماسكن غيرك في قلبي ولاحدٍ طايله .

جعل ذعذاع الهبايب لاذعذع وأستدار
‏يستدير بمقفيات المخايل والقنوف

‏تجتمّع مثل المواليف عقب الإنتظار
‏وتنثني مثل المطاليق في وجيه الظروف .

‏ما ودي ان عندك مشاريه وعلوم
‏ودي بك انك سمح / دمّاح زله .

حلفت ما قلط مجلسٍ ما تحفى بي
لو ينثرون اغلى الدرر فوق زلّه

العز زادي والكرامه شرابي
يكّرم جنابي من بساط المذله .

‏أعصاب متوترة وضغوط نفسية
‏تمسي سنون الشعور تقطع شفاها .

مبطيه منكم ومن علوومكم 🧘🏻‍♀️❤️.

‏أول بدايات المشيب التجاعيد
‏واكبر دلالات السقوط البلاده

‏واللي يسجل في سجل المواليد
‏بكرة يسجل في وفاته شهادة

‏ماللمهام الا الرجال الصناديد
‏ولا يلام المرء بعد اجتهاده

‏و صداقةٍ يلحقك منها مناقيد
‏مثل الذنوب المحبطة للعبادة .

واللي بلاه الغرام وطاح في بيره
الله يجبّر عزاه ويلطف بـ حاله .

‏يالله اغفر ماسبق من كل ذنب وما توّخر
‏ماطلب عبدك رضاك ومغفرتك الا مخافه .

‏جيت محتاجك وفيني كلامٍ مايقال
‏اتعزز وارفع الصوت وامشي واعدي

‏حطني في وجه حضنك من صدوف الليال
‏تايهٍ لاخطيت من ضمتك .. وين اغدي

‏غبّ على كيفك وانا بين هقوات الوصال
‏اتحرّى لك .. وروحي على راحة يدي

‏واكتبك بالشعر و الشعر دوامة خيال
‏يتضح فيها بعيد المدى والمبتدي .

‏قاوم الايام بـ العزم .. واصنع لك مكان
‏الزمان الصعب .. لا شافك تقاوم جلس

‏وانتصر لـ الحظ ما ينخذل غير الجبان
‏اللي يسولف عن حظوظ غيره ويهلس

‏فرحتك بـ الانتصارات رغم انف الزمان
‏مثل فرحة جيش طارق بفتح الاندلس .

‏عيونك مثل مجدٍ قصر دونه اللي خاف
‏وانا اللي يحب المجد ويموت من دونه .

‏تحسب اني ضلعٍ قصيّر وصيدٍ هيّن
‏وتدري ان العلم لا استعصى يسده اسمي

‏بالظفر قسمي مع زحول الرجال يعيّن
‏يوم قسمك مايقارن يالضعيف بقسمي

‏شاعرٍ وملكّع وعاقل وقرم و ديّن
‏وللرفيق احن والطف من براد الوسمي

‏بالحساب المستعار اسمي و وسمي بيّن
‏وانت مجهول الهويه بالحساب الرسمي .

من شاعرها ؟ @sq_9ii

اللي يعرف حساب راعيها في تويتر يرسله لي خاص