مرحبا ..
‏بعد سنوات من استخدامي الانتباه والتدقيق والشدّه في بعض الامور عرفت ان اللين والسعه الواجد كانت افضل وكانت تسوي الخير دايم وان التغاضي كان يريح للحد الي يخليني اشوف الدنيا افضل ويأخذ بيدي اعيش اوقات افضل .

ما اشين واسوء من ان يعيش الادمي يفكر في كل شيء او اي شيء وينتبه دايم لكلام الناس وشعورهم له سوا كره او محبه
ودايم يحس بالقلق وشكاك ويذبحه التفكير فاللي من حوله ومشاعرهم له ويعيش في عناء دائم وموت بطيء .

ويوجب علي اني استشهد ببيت شعري 😅:

هي الدنيا تقاسيها فتقسى
‏وان هونتها بالحب هانت .

فالختام : اسال الله ان يرزقنا راحه القلوب ويببعد عنا الشقى والتعب ❤️

انتهيت ، شاركوني رايكم
tellonym.me/sqi5

يحق لها التباهي بالجدود وعودها الريّان
‏وانا ما لي حقوق إلا محبتها وضحكتها .

عن سفاف الامور الي تجيب الفضيحه
‏كن ربي مع عيسى ابن مريم رفعنا .

‏في محطات العمر ما كنت ‏من ضمن إختياري
‏" القدر جابك " ‏وأنا ممنون للاقدار جدّا 💙

‏َ وكل صبحٍ به غلاك العّف حاضر .

‏هبوبً توسع خاطري كل ما احاكيك
‏تراها تضيق خاطري يوم تقطعني .

يوم الغلا ما له مع مثله حقوق
الله ولا بعض الغلا والمحبه

لعبت به الدنيا مغرّر ومطفوق
ليت الغلا والشوق جاه ولعبه .

الليل سر وثومة القلب صندوق
رميت مفتاحه على جال غُبه

راحت به امواج المحيطات من فوق
كنْها تقول السر لاهنت غَبه

غبه عن اللي ياُخذ العلم ويبوق
ترا علوم الناس حبه بـ حبه

ما كل خلق الله صدقان وصدوق
كثير من يضحك معك لجل سبه

اخذ الكلام الي مصَّدق وموثوق
اما عجبك العلم ولا فـ كبه

لو بحت بدنا سَد لدنات مخلوق
ما عاد بـ اسم سد لو قلت خَبه

القلب سده سد ما سدّه بعوق
لو كان كبر الكف والسد قبه

لو كان همه طود ومْساحته ضوق
يقوم ما دامه توكل بـ ربه

يكويه من ضو الجفا ميسيم الشوق
ويطيب ما دام الهبايب تهبه

يشفق ولهَْ ويحن ويونْ ويتوق
للّي بعْده العقل والفكر سبه

تلع المعنّق ضامر الحقو منتوق
عين اشقرٍ راعيه فلاّ وضبه

كنّه وهو يرعاه في عينه بروق
من مزنتن مترايعه مستكبهّ

واذا مشا كنه من القاع مسروق
يسير من فوق الثرا ما يطبه

مثل الغزال الي مع فيةْ عروق
واوحا من ادنا العرق صوت وتنبه

حول وهو ما بين شارد وملحوق
يا زين مشيهْ فالعيون ومدبه

يالي سرقت القلب معلوق معلوق
اما حرمتْه غلو ولا فـ عبَه

لـ احدن نشدني قلت والصدر مخنوق
يحب وصلي مثل ماني بـ احبه

ما يدري اني سقت دمعي معه سوق
سوق النضا في خايعٍ فيه ربَه

اقفى وانا فـ ارعاه والقلب محروق
طول البطا يحيي الحريق ويشبه

كنت احسب ان الوصل صبه وطابوق
اثره لـ طابوقٍ ولاهوب صبه

ما كنت احسبْه صدق ينسام فالسوق
ويباع بٰ اول سوم قشره ولبه

الا نهار أصحبت دمعي ملا الموق
كن النهار يقول جمه وصبه

اطلق سْبوقه يومه اطلق له سبوق
مركز له النونين والخد جبه

يوم الغلا ما له مع مثله حقوق
الله ولا بعض الغلا والمحبه

لعبت به الدنيا مغرّر ومطفوق
ليت الغلا والشوق جاه ولعبه .
- عبدالرحمن بن منير .

معنا نوادر من شواهين واحرّار
وغير الطيور النادره ما قنينا .

‏مسافة السعي خلف الحلم ماهيب يوم
‏مسافة العمر ما بين المهد واللحّد

‏وإن وقفوا ضدك اللي يحبطون العزوم
‏وقّف لهم وقفة اللي ما عليه من أحد .

يقولون العرب ثوب الثنى والعز والنوّماس
خلقها الله ورا بابٍ عطيباتٍ مراهيفه

يشوف العز والتقدير رجالٍ صليّب الراس
يجوع الذيب وان حدّه زمانه ما كلا جيفه

ويشوف الذل والحقران رجالٍ بليد حساس
جّنيه من ذهب له حكة تغلي مصاريفه

عجايب ناسٍ ، ودنياً عجايبها بدون قياس
ورماد الجمر من نار! ترا اول ساسها ليفه .

أيا قلبي نفيت ولا بقى لك في الوجود بلاد
‏اخذ قيصر شمالك و الجنوب احتلها كسرا

‏حوانيتك خراب وشارعك موحش وصمتك زاد
‏و زفرات الهبايب في ممرات الوله غـبـرا

‏تهز الريح كرسيّ الدروب و ينعس النشاد
‏ايا ويحي ليا منه صحى كيف التمس عذرا !

‏واشوف الجافلات من الجوازي صادها الصياد
‏و اشوف الباسقات من الخريف اوراقها صفرا

‏أنا كل يوم اخسرّ الطيب و الـتقي جـلاد
‏خساراتي جسام و كل طاقاتي غدت هدرا

‏يا قلبي حل عن عيونٍ ضلوع و بَّشر الأجواد
‏خطايانا جعلها الله لهم يسر و لنا عسرا .