صحيح الخطا وارد لكن الأسف مطلوب
‏مهوب عيب لا زليت ثم جيت متأسف

‏لكن لا تحاول تلبس الثوب بالمقلوب
‏تزيد الخطا ب عناد و تصير متحسف .

ذهب النصف وبقي النصف
‏اللهمَّ تقبل منا ما مضى وأعنّا ‏على ما بقى وبلغنا ليلة القدر 🤍 .

ان كنت تجهلّني فـ أخذ مني التعريف
‏ أنا درب ما تقدر بوجهين تسلكني

‏أنا أكبر من التلميع و البهّرجه و الزيف
‏لا غبْت أنفقد وإن جيت ربي مجملّني .

الحاجة اللي تجعل الكايد هوين
تروس بك الريعان واتشق البحر

النية السمحة ، خذ العلم اليقين
كم وصلت سادات ونجوم وجبر

والنية اللي تهزع ايسار ويمين
ما تروح بك ديرة ولا منها ثمر

والحاجتين الكافية للعارفين
العافية والستر في وقتٍ غبر

اما الثلاث اللي تسر الناظرين
ظبي المسايل والاصايل والمطر

والاربع اللي من علوم الناقصين
ما تشوفها الا في الضعيف من البشر

طبع الحسد والعذربه في الطيبين
والكبر وكذابٍ مثل رص الحجر

والخمسة اللي تجعل الخافي يبين
تعرف بها الخايب من بعيد النظر

وقت الغضب والورث والعشرة سنين
والمال والمنصب بعد ( فقر وقهر ) .

- صالح ال كيرعان العبيدي .

‏نبتسم في وجّه الايام لو ما به حصيل
‏الخاطر الطيب ما كل الظروف تكدره .

لا تنسوني من دعاكم ❤️

👌🏼 .

‏في زحام المغريات وليلها المتمادي
‏من ترك لله شيً عاضه أبرك منه

‏يالله أعصم من محابيل الحرام فؤادي
‏عصمةٍ تاخذني بيمناي لين الجنة

‏ياعظيم الملك وأنت المستعان الهادي
‏باب جودك جعل مانيب محجوبً عنه

‏كل ظنٍ في سواك من الخلايق غادي
‏وأنت عبدك عند ظنه لا أحسن بك ظنه .

أنا بجاه الله من الضعف والفقد
والطيحه اللي ما عليها مسمي .

رحت مني ولا على الدنيا إلا السلام
والحال عقبك من عثور في عثور .

لن تطيب حياتنا و لن نهنأ فيها إلا برضاك عنّا
يارب فارض عنّا و اعفو عنّا و ارحمنا و زدنا قربًا منك .

عايد على اللي عاد حبّه لا يزال
عيدٍ بلا لقيّاه ما له فاااااايده .

اعيّد بشوفك بعد طول البطى💙 .

ريف قلبي ومرباعه وشوفتك عيد
انت مثل الهواء وارضي والآفاق لك

إيه أحبك وأحبك وهمّ أحبك وأعيد
وحالتي شسمها والقلب توّاق لك

شوق لهفه ولّه ، دوّرت مابه جديد
ودّي ألقا كلام أكبر من أشتاق لك .

لا لمحت رموش عينه من الفرحة حييّت
زين مبسم والسعد .. لا تبسم لي شفاه

توني من بير حبه ضميّ ! ولا أرتويت
ودي أشبع من غلاه وتوني في مبتداه

والله إني وافيً بالمحبة لا هويت
وان لفاني بالمحبة لقاني في وّلاه

أكتم أسرار المحبة وأجنب ما حكيت
ومن نظر شوفي يشوفه وفي عيني قرّاه

والله إني عن هواه لا سليت ولا أنتهيت
مجددٍ حبه في قلبي وباقي في رجاه

والله إني عن هوا غيرك اليوم أنعميت
الخفا في سهم حبك تحددّ مشتراه

مطلبي في شرع ربي وبالخاطر نويت
مسخيً قلبي لقلبك وربي اللي عطاه .