اللهم ارحم من سبُقونا إليك واغفر لهم واجمعنا بهم في جنتك بلا سابق حساب او عذاب يا كريم .

اهتوّي طاري هله من حبي لطاريه
والدروب اللي تجنبهم ماهي دروبي .

يا عذاب اللي هقاويه و أحلامه كبار
‏يحسب الدنيا ترّاعي شعور الطيبين .

مايبي العالم يشوفون فيه الانكسار
‏مبتسم والابتسامات من طبع الحزين

‏الزمان دوار وانا نشدته يوم دار
‏قلت ليش تدور قال انتظر ما درت زين

‏صكت الصكات راسي جعل راسي مجّار
‏من معآناة وظروف وبقايا راحلين .
- فهد قطنان .

‏مبتعد عن زحمة العالم وجويّ غايم
‏فاقدٍ نفسي قبل فقدي لـ اعز اقرابي .

احاضي العين ما ابغاها تهلّ الدموع
‏واقول للقلب خلك قلب ذيب وتقو
‏
‏من هدّ حيله فراقً مر من كل نوع
‏عدّه من اللي على درب الشقاوه شقو
‏
‏سود الليالي سواة مفرقين الجموع
‏واخاف لا تلحق اللي راحو اللي بقو .

احبه وحبه في فواد الشقي منحوت
لكنه ما طيّح من عيوني ولا دمعه

فراق الولايف والله إنه سوّات الموت
جعل ماهو بـ يسقى علي ليلة الجمعه .

الرحابه يوم أدوّر . . للرحابه
‏يوم صدري ضاق بالجرح وزهابه

‏والله إِنها عند ربي جلّ ربي
‏ما قفل عن حاجة المحتاج بابه

‏ادلهي ياعين و يانفس استكنّي
‏الليالي غيبها .. ما يندرا به

‏ما تضيق إلا و عند الله فرَجها
‏والعجاج الصلف تقفاه السحابه .

راشد ال جميان .

دايم المنه لاجات من عقب معروف
‏ لاغدا مكسب جماله ولا دفعه بلا

‏القلوب تشوف وانا احسبنها ما تشوف
‏ والعيون تميل وتحب قدام الملا .
- صالح النشيرا .

علينا من الدنيا ضغوط ماهي بـ شوّي
‏وهو يحسب إن الله خلقنا على شانه .

النفوس العظيمه تعرف اللّي تبيه
‏ما تدوّر رضا العالم وتركض وراه

‏من يجامل وجيه ويستحي من وجيه
‏راح عمره وهو يّمشي بدون إتجاه .

ماني بمجبور أخاطب على قدّ العقول
‏والله إن بعض القناعات عندي مهمله

‏الكلام تشوفه الناس .. حل من الحلول
‏مثل ما أشوف التجاهل يحّل المشكله .

العباد تعيش و الرزق من رب العباد
‏جل من يعلم بحالك ورزقك يكفله

‏واجه الدنيا و لا توقف بـ صف الحيّاد
‏يا تكون الحل ولا تكون المشكلة .

النفوس جنود من جند رب العالمين
‏نفسٍ نوقف عليها ونفس نطوفها

‏أرض نفسك أولى من الناس اجمعين
‏ان تبعت الناس بتموت وانت تحّوفها .

من كثر ماني على الفزعه مضّرا
‏لا دخل في وجهي الحزن احتميته .