يارب أقفي ماتركت إلا حسن خلق وكلام
ولا تركت ندوب في صدرٍ قريب وأجنبي .

الثقيله مالها الا الرجاجيل الثقال
‏عقب اللي بالمواقيف ماهو قدها

‏حاول انك ماتردا لياجالك مجال
‏وخل لك سمعه يذعذع بطيبك ندها .

:(

‏تشرق الشمس وتجلى وانا أحس بظلام
‏كن شمسي غير عن شمس سّكان بلدي

‏يتحرر خوف الأنسان من قيد الملام
‏لا أدرك ان العمر مرة والايام تعدي

‏لا متى وانا اعشقك في حدود الاحترام
‏والمحبه مالها الا البساط الاحمدي

‏لا تعدت حاجة الطيب يدين الكرام
‏صدّ منها لا تهيّت من يدين الردي .
- عوّيد النجود .

‏تمرين المكان وتتركين الكل بك مذهول
‏لقاك المشهد اللي ما تمّل العين تكراره ❤️

‏يناديك همس الغيم والماطر الهمّال
‏وجمر الشموس وبارق الليل والقمرا

‏وقف لك حنين الأمس وقفة رضا وإجلال
‏وطاحت قِدَمْك آخر حصوني من الذكرى

‏تغرّبت في نظرة عيونك وهي منزال
‏وأنا كمّ مسراحي معاها وكم مسرا

‏عرفتك مثل أجمل قصيدة تمر البال
‏وذكرتك مثل جرحٍ جعل ماهو بـ يّبرا .

‏القوي هزيمته شينه وشكواه عيب
‏مايبي في عيون الاصحاب نظرات شفقه .

اشوفك بعين ما ملا موقها رجال
ولا تشوفني لو ان عيني ذبّاحه .

وان خسرتك ما على الأيام شرهه
أنا من اللي .. مايعدّون الخساير .

‏حلالاه يا المشراف والفجر والنسناس
‏وحذف الهموم اللي ورى القلب مكنيّه .

يا مجمّل الصبح دام الصبح في ذكرك
يالله تقسم لنا من قسمك الوافي

صباح ما فيه لا حمدك ولا شكرك
راعيه ما هو بـ متوفق و متعافي .

رجلٍ تنادينه ولا يسمع الصوت
‏خسارةٍ سمعه و صوته و شوفه

‏و رجلٍ يضمّك بين أياديه ويموت
‏والله ما يلحق حياته حسوفه .

‏اول الغيث قطرة واخر الغيث سيل
وانت اولك جرح واخرك مذبحّه .