و من تعشم في المقابيل ضيّع ما هقا .

‏رحال .. والأيام رحلة واخر الدنيا رحيل
‏وامالي اطول من مدى عمري ولله البقا .

قريت اسمك وبيّن قمت ارحب بك واهلّي
‏مرحبا في ذمتي عقب الجفيا والقطاعه

‏مرحبا واهلا هلا بالغايب اللي ما يدلي
‏كون قلبي يوم قلبي ميزه بأقصى ارتفاعه

‏العوض فاجمل طيوفك يوم شوفك ماحصل لي
‏يا حبيبٍ مرخصٍ له كل عمري والجماعه .

تحاليت الجروح اللي تجيني من ايدينك لين
‏دريت إن كل جرحٍ في حشاي أغلى من الثاني .

‏ليتني اقدر اصلح عقب ما فات الاوان
‏لكن ما تنفع الديه عقب حدّ السيوف .

ما هوب كفوً الوقت ، حبك يمحيّه
ياللي تخاف صروف الايام تمحاه

مرتاح دام إن المواصل يقويه
انت انت وانا قلبي هو ايّاه .

لاعاد تنشد وش وسط الحنايا
‏صدر الشقاوي بالتشوّق مشقى
‏
‏شوقت قلبي من جميع النحايا
‏النبض والإحساس واللي تبقى

‏حتى الريايا مابقى بي ريايا
‏حطيتها لك فرش وأمش وتوقى .

لعل البروق الي لها فالغداري ضوح
‏تخيل على دارٍ لها القلب ميّلافي .

‏منت عايش طول عمرك في حياتك راضيّ
‏بس لامن جادت اللحظات عيش اللحظه .

ودنا ان الوقت يمشي على شف النفوس
‏غير عيّا الوقت يمشي على ما ودنا .

ما دامك اكرمتني بـ الحب ذا كله
‏فـ ابسط حقوقك على مغليك واللّي لك

‏ محبتك والله وبيتٍ بناه الله
‏انّي فلا احب غيرك مثل حبّي لك .

اذا تأملت بحسن وجهك وطولت النظر
‏جمال الاشياء يبعث الراحه ووجهك منتهاه
‏ٰ
‏مليت من بعض الوجيه اللي تقصر فالعمر
‏ولقيت في مجمل تفاصيلك تفاصيل الحياه .

هادي بن جابر .

‏بقى لك كلمةٍ في قلبي انقلها ثمان سنين
‏مخلّيها معي مثل السلاح اللي يجرّيني .

‏على وجهك اللي تستمد الشمس منه النور
‏سلامٍ أعذب وأرقّ من النسيم بوقت فجري .

‏ما يقارن شوف وجهك بمال ولا بنين
‏حظ من يقضي الليالي معك على أنفراد .

سوالفك تلهم كل راعي شغف وإحساس
‏ يزاول معك !.. من يملك إبداع موهبته

‏لقى بك غريبٍ منعزل عن جميع الناس
‏” وطن”يحتويه ويحتوي عمق تجربته

‏من أول ماشاف السحر في قدك الميّاس
‏ وهو داري إنّه طاح في “سوء عاقبته “ .

يمضي الردا لا جاك من نايد الناس
‏ويتعبك من ناسٍ يضمّك نسبها

‏مايوجع الشجره قسى ضربه الفاس
‏أكبر وجعها ان العصى من خشبها .

‏" ومن لا يورّد .. بالشدايد ضماياك
‏خلّه عسى وبل الحيا ما يعلّه "

قدام لا تختلف موجات الإرسال
رمزية الشعر لا فتحة ولا ضمة .