سوّد الله وجه حزنك لا احتضنك
كنّ قلبي ناقصه حزن وتعب .

قبل تشوف المخابي فتّش جيوبك
‏مْراقب الناس ما تصعب مراقبته ‏

هذي عيوب العباد وهذي عيوبك
‏ولادرا الهرش عن عواجة رقبته .

ما دام غبت بساعة أمّ المعارك
ما لي ليا زال الخطر حاجةٍ فيك .

تكبّرنا فعول الطيب ولو إنا صغار أعمار
‏ويحوينا صدق مبدأ وهيبة عقولٍ مسنة .

تعال عندي لك من علوم قلبي علوم
‏مشاعّري فيك ملهوفه ومتمسكه

متعود اكلمك واواصلك كل يوم 
‏واللي تعوّد على له شيءٍ مايتركه 

‏انت اكثر انسان فالدنيا صدوق و كتوم
‏ازعله وارضيه وابكيّه و اضحّكه

‏تقول ويش القمر واقول ويش النجوم
‏وتقول ويش الحسن و اقول فيك بركه

‏من شاف وجهك وركز فالقمر قال توم
‏بس القمر فالمجّره وانت فالمملكه .

‏تركتك وتبت التوبه اللي لـ وجه الله
‏طراة الممات اموت مبسوط ومصلّي .

الله صرفه لي مثل صرف العلاج من الطبيب
أثر الجروح تطيب لامن عولجّت في حينها .

بين حب الصف الأول وحب الإمتياز
توخذ الجزله بيدها إذا الله رآدها .

‏إكتشفت إن الحياة بـ كبرها قطعة مسافة
‏تغوي المفتون لين العقل يصحى ويتنبه

‏وإستعذت من الدروب اللي نهايتها حسافه
‏قبل ترميني ملذات الزمن في جوف غبّه

‏مايخاف المؤمن اللي فيه من ربه مخافه
‏مصدر الخوف الحقيقي واحدٍ ماخاف ربه .

‏لا غدا خصمك حبيبك لا تحارّب
‏كيف تنقل جرح من روحك لروحك .

يطرق الدمع المحاجر طرق باب
والعيون تصد به وتلّد به

عند ذكر معرّب رغم الصعاب
ما شكى حتى على أيام تعبه

واجه الدنيا بـ قلبٍ ما يهاب
شايلٍ هم الجميع بـ منكبه .

مرحبا مني لو الترحيب مني ما يكفي
‏لو ارحّب لين يرث الله الارض و ما عليها .

‏جعل وقتٍ عطاني اياك .. ما يفنى
‏ وجعل حظٍ رزقني فيك يدوم خيّره .

اثر الهوى ما يميّز الأقوياء والضعوف
كذّبت به مثل كذاب اليهود لـ النبي

الين ما جاتني طيوفك تمثنى الصفوف
وقمن اردد وانا بين الصفوف “ ارحبيّ “ .

مالنا روس تدنق و لا عينٍ تلد
القناعه زادنا و الفخر مّلبوسنا

ما طرقنا باب تاجر و لا حاكم بلد
من خلقنا الله تعالى عزاز نفوسنا

كل ما ضيّق بنا الوقت سقناها جلد
تبطي ظروف الليالي تنزل روسنا .