​​Молитва по соглашению о здравии преподобному Иоанну Дамаскину (молитву начнем в 21:00 по мск).

Преподо́бне о́тче Иоа́нне! Воззри́ на на́с (имена) ми́лостивно и к земли́ приве́рженных возведи́ к высоте́ небе́сней. Ты́ горе́ на небеси́, мы́ на земли́ ни́зу, удалены́ от тебе́, не толи́ко ме́стом, ели́ко грехми́ свои́ми и беззако́нии, но к тебе́ прибега́ем и взыва́ем: наста́ви на́с ходи́ти путе́м твои́м, вразуми́ и руково́дствуй. Вся́ твоя́ свята́я жи́знь бы́сть зерца́лом вся́кия доброде́тели. Не преста́ни, уго́дниче Бо́жий, о на́с вопия́ ко Го́споду. Испроси́ предста́тельством свои́м у Всеми́лостиваго Бо́га на́шего ми́р Це́ркви Его́, под зна́мением креста́ во́инствующей, согла́сие в ве́ре и единому́дрие, суему́дрия же и раско́лов истребле́ние, утвержде́ние во благи́х де́лех, больны́м исцеле́ние, печа́льным утеше́ние, оби́женным заступле́ние, бе́дствующим по́мощь. Не посрами́ на́с, к тебе́ с ве́рою притека́ющих. Вси́ правосла́внии христиа́не, твои́ми чудесы́ испо́лненнии и ми́лостьми облагоде́тельствованнии, испове́дуют тя́ бы́ти своего́ покрови́теля и засту́пника. Яви́ дре́вния ми́лости твоя́, и и́хже отце́м всепомоществова́л еси́, не отри́ни и на́с, ча́д и́х, стопа́ми и́х к тебе́ ше́ствующих. Предстоя́ще всечестне́й ико́не твое́й, я́ко тебе́ жи́ву су́щу, припа́даем и мо́лимся: приими́ моле́ния на́ша и вознеси́ и́х на же́ртвенник благоутро́бия Бо́жия, да прии́мем тобо́ю благода́ть и благовре́менную в ну́ждех на́ших по́мощь. Укрепи́ на́ше малоду́шие и утверди́ на́с в ве́ре, да несомне́нно упова́ем получи́ти вся́ блага́я от благосе́рдия Влады́ки моли́твами твои́ми. О, превели́кий уго́дниче Бо́жий! Все́м на́м, с ве́рою притека́ющим к тебе́, помози́ предста́тельством твои́м ко Го́споду, и все́х на́с упра́ви в ми́ре и покая́нии сконча́ти живо́т на́ш и пресели́тися со упова́нием в блаже́нныя не́дра Авраа́мова, иде́же ты́ ра́достно во труде́х и по́двизех ны́не почива́еши, прославля́я со все́ми святы́ми Бо́га, в Тро́ице сла́вимаго, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

❗️ Завтра, во вторник (8 сентября) в 21:00 по Москве начнется совместная молитва Богородице о помощи в житейских делах.

​​8 сентября. Седмица 14-я по Пятидесятнице.

🙏 День празднования:
▪️ Сретение Владимирской иконы Пресвятой Богородицы (празднество установлено в память спасения Москвы от нашествия Тамерлана в 1395 году);
▪️ Икона Божией Матери: «Умиление» Псково-Печерская (1524).

🙏 День памяти:
▪️ Мч. Адриа́на и мц. Ната́лии (305–311);
▪️ блж. Марии Дивеевской (Фединой) (1931);
▪️ Прмч. Адриа́на Ондрусовского (1549);
▪️ Сщмч. Петра Иевлева, пресвитера (1918);
▪️ исп. Гео́ргия Коссова, пресвитера (1928);
▪️ сщмч. Ви́ктора Элланского, пресвитера, мчч. Дими́трия Морозова, Петра Бордана и исп. Романа Медведя, пресвитера (1937);
▪️ Обре́тение мощей исп. Николая (Могилевского), митрополита Алма-Атинского (2000).

🙏 Молитва дня мученикам Адриану и Наталии Никомидийским

О, свяще́нная дво́ице, святи́и му́ченицы Христо́ви, Адриа́не и Ната́лие, блаже́ннии супру́зи и до́блии страда́льцы! Услы́шите нас, моля́щихся вам со слеза́ми, и низпосли́те на ны вся благопотре́бная душа́м и телесе́м на́шим, и моли́те Христа́ Бо́га, да поми́лует нас и сотвори́т с на́ми по ми́лости Свое́й, да не поги́бнем во гресе́х на́ших. Ей, святи́и му́ченицы, приими́те глас моле́ния на́шего и изба́вите ны моли́твами ва́шими от гла́да, губи́тельства, тру́са, пото́па, огня́, гра́да, меча́, наше́ствия иноплеме́нников и междоусо́бныя бра́ни, от напра́сныя сме́рти и от всех бед, печа́лей и боле́зней, да вы́ну, ва́шими моли́твами и предста́тельством укрепля́емии, просла́вим Го́спода Иису́са Христа́, Ему́ же подоба́ет вся́кая сла́ва, честь и поклоне́ние, со Безнача́льным Его́ Отце́м и Пресвяты́м Ду́хом, во ве́ки веко́в. Ами́нь.

​​Молитва по соглашению Богородице о помощи в житейских делах (молитву начнем в 21:00 по мск).

О, Преблагослове́нная Де́во Богоро́дице Влады́чице! Ма́ти всех стра́ждущих и боле́знующих се́рдцем! Страны́ на́шея и гра́да Защи́тнице! Оби́тели Пско́во-Пече́рския красото́ и сла́во! При́зри на нас (имена) смире́нных, обремене́нных грехи́ мно́гими, отягче́нных скорбьми́ и печа́лями, и с сокруше́нием и слеза́ми взира́ющих на пречи́стый лик Твой, в чудотво́рней ико́не явле́нный. Сохрани́ от вся́каго зла святу́ю оби́тель сию́, ю́же преподо́бный Корни́лий со ста́рцы Ма́рком и Ио́ною Тебе́ вручи́ и всех в ве́ре и наде́жде подвиза́ющихся в ней. Спаси́ и град сей, и вся лю́ди, правове́рно живу́щия и к Тебе́ прибега́ющия, от наше́ствия иноплеме́нных, от вся́каго стра́ха и тру́са, от мо́ра и гла́да, от злых челове́к и вся́ческой ско́рби. Прини́кни к нам милосе́рдием Твои́м, я́ко ли́ком Твои́м Боже́ственным любе́зно прини́кла еси́ к лани́те Богомладе́нца. Согре́й нас дыха́нием Твоея́ любве́ и никогда́ же отступа́й от нас, ни в сей жи́зни, ни в бу́дущей, да ча́юще Твою́ всеси́льную Матери́нскую по́мощь, сподо́бимся безбе́дно дойти́ ве́чныя жи́зни и прославля́ть Небе́снаго Отца́ и Сы́на и Свята́го Ду́ха, в Тро́ице сла́вимаго Бо́га, во ве́ки веко́в. Ами́нь.

❗️ Завтра, в среду (9 сентября) в 21:00 по Москве начнется совместная молитва о благополучии в семье.

​​9 сентября. Седмица 14-я по Пятидесятнице.

🙏 День памяти:
▪️ Прп. Пи́мена Великого (ок. 450);
▪️ Прпп. Ку́кши, иеромонаха, и Пи́мена постника, Печерских, в Ближних пещерах (после 1114);
▪️ свт. Оси́и исп., епископа Кордувийского (359);
▪️ свт. Ливе́рия исп., папы Римского (366);
▪️ прп. Пи́мена Палестинского (ок. 602);
▪️ мц. Анфи́сы (Анфу́сы) Новой;
▪️ прп. Са́ввы Венефальского;
▪️ Сщмч. Михаила Воскресенского, пресвитера, и с ним 28-ми мучеников (1918);
▪️ сщмч. Стефа́на Немкова, пресвитера, и с ним 18-ти мучеников (1918);
▪️ сщмч. Павла Фокина, пресвитера (1918);
▪️ сщмчч. Иоа́нна Лебедева, Иоа́нна Смирнова, пресвитеров и прмч. Мефо́дия (Иванова), игумена (1937);
▪️ сщмч. Алекса́ндра Цицерова, пресвитера (1939);
▪️ сщмч. Влади́мира Соколова, пресвитера (1940);
▪️ исп. Дими́трия Крючкова, пресвитера (1952).

🙏 Молитва дня преподобному Пимену Великому

О, ди́вный уго́дниче, преподо́бне о́тче на́ш Пи́мене, недоуме́ем мы́, гре́шнии, по до́лгу восхвали́ти тя́. Бы́л бо еси́ мона́хов о́браз, исцеле́ний пода́тель, пусты́ни жи́тель, безмо́лвия рачи́тель, страсте́й искорени́тель и вся́кия доброде́тели учи́тель. Сего́ ра́ди уми́льно к тебе́ припа́даем и смире́нно про́сим: от сокро́вищницы твоея́ пода́ждь и на́шему убо́жеству. Смире́нием твои́м на́шу горды́ню низложи́; безстра́стием на́ши стра́сти попали́; бо́дрствованием ду́х ле́ности от на́с отжени́; сле́зными то́ки на́ше нечу́вствие пробуди́; бде́нием от нераде́ния на́с возста́ви; моли́твами в на́с пла́мень моли́твы возжги́; любо́вию на́с братолюбны сотвори́; пода́ждь же на́м ду́х кро́тости и смире́ния, ду́х чистоты́ и благоче́стия; от страсте́й у́бо на́с свободи́ и ко и́стинному покая́нию приведи́. Ты́ бо во уме́ твое́м непреста́нно име́л еси́ на Кресте́ распя́таго за на́с Сы́на Бо́жия. Того́ сладча́йшее И́мя во уме́ и се́рдце непреста́нно име́ти и на́м, окая́нным, пода́ждь, да любо́вию Тому́ горя́ще и грехи́ на́ша помышля́юще, стра́шный о́ный Де́нь су́дный сре́тити угото́вимся и в Ца́рствие Небе́сное вни́ти с тобо́ю и все́ми святы́ми сподо́бимся, сла́вяще Отца́ и Сы́на и Свята́го Ду́ха во ве́ки веко́в. Ами́нь.

​​Молитва по соглашению о благополучии в семье блаженной Ксении Петербургской (молитву начнем в 21:00 по мск).

О, святая угодница Божия, блаженная Ксения! Воззри милостиво твоим оком на нас, рабов Божиих (имена), пред священной твоей иконой со умилением молящихся и просящих у тебе помощи и заступления. Простри ко Господу Богу нашему горячие твои молитвы и испроси душам нашим отпущение согрешений. Ибо вот, мы с сердцем сокрушенным и духом смиренным тебя, ходатаицу милостивую ко Владыке и молитвенницу за нас, грешных, призываем, ведь ты приняла от Него благодать молиться за нас и от бед избавлять. Просим же тебя: не презри нас, недостойных, молящихся тебе и в твоей помощи нуждающихся, и испроси всем всё, ко спасению полезное, чтобы твоими ко Господу Богу молитвами получив благодать и милость, мы прославили Источник всех благ и даров Подателя, – Бога Единого, в Троице Святой славимого Отца и Сына и Святого Духа, ныне и всегда и во веки веков.

❗️ Завтра, в четверг (10 сентября) в 21:00 по Москве начнется совместная молитва Николаю Чудотворцу о заступничестве перед Господом.

​​10 сентября. Седмица 14-я по Пятидесятнице.

🙏 День памяти:
▪️ Прп. Моисе́я Мурина, иеромонаха (ок. 400);
▪️ Обре́тение мощей прп. И́ова Почаевского, игумена (1659);
▪️ Собор преподобных отцов Киево-Печерских, в Дальних пещерах (прп. Феодо́сия) почивающих;
▪️ прп. Са́ввы Крыпецкого, Псковского (1495);
▪️ прав. Анны Пророчицы, дщери Фануилевой, встретившей Господа Иисуса Христа в храме Иерусалимском (I);
▪️ вмц. Шуша́ники (Суса́нны), кн. Ранской (475) (Груз.);
▪️ Сщмч. Алекси́я Будрина, пресвитера (1918);
▪️ прмчч. Казанских: Се́ргия (Зайцева), архимандрита, Лавре́нтия (Никитина), Серафи́ма (Кузьмина), иеромонахов, Феодо́сия (Александрова), иеродиакона, Лео́нтия (Карягина), Стефа́на, монахов, Гео́ргия Тимофеева, Иларио́на Правдина, Иоа́нна Сретенского и Се́ргия Галина, послушников (1918);
▪️ сщмч. Алекса́ндра Медведева, диакона (1918);
▪️ сщмч. Николая Георгиевского, пресвитера (1931);
▪️ сщмч. Васи́лия Сокольского, пресвитера (1937).

🙏 Молитва дня преподобному Моисею Мурину

О, преподо́бный, ты от тя́жких грехо́в дости́г пречу́дных доброде́телей, помоги́ моля́щимся тебе́ раба́м Бо́жиим (имена), влеко́мым в поги́бель оттого́, что предаю́тся безме́рному, вре́дному для души́ и те́ла употребле́нию вина́. Склони́ на них свой ми́лостивый взор, не отклони́ и не пре́зри их, но внемли́ им, прибега́ющим к тебе́. Моли́, свято́й Моисе́й, Влады́ку Христа́, что́бы не отве́рг их Он, Милосе́рдный, и да не возра́дуется диа́вол их поги́бели, но да пощади́т Госпо́дь этих безси́льных и несча́стных, кото́рыми овладе́ла па́губная страсть пия́нства, ведь мы все Бо́жии созда́ния и иску́плены Пречи́стою Кро́вию Сы́на Его́. Услы́шь же, преподо́бный Моисе́й, их моли́тву, отгони́ от них диа́вола, да́руй им си́лу победи́ть страсть, помоги́ им, простри́ твою́ ру́ку, вы́веди их на путь добра́, освободи́ их от ра́бства страсте́й и изба́вь их от винопи́тия, что́бы они́, обновле́нные, в трезве́нии и све́тлом уме́ возлюби́ли воздержа́ние и благоче́стие, и ве́чно прославля́ли Всеблаго́го Бо́га, всегда́ спаса́ющего Свои́ созда́ния. Ами́нь.

​​Молитва по соглашению Николаю Чудотворцу о заступничестве перед Господом (молитву начнем в 21:00 по мск).

О, всесвятой Николай, преславный служитель Господень, горячий наш заступник, и везде в скорбях скорый помощник! Помоги нам (имена), грешным и унывающим: в нынешней жизни умоли Господа Бога даровать нам отпущение всех наших грехов, сколько согрешили мы от юности нашей в течение всей нашей жизни делом, словом, помышлением и всеми нашими чувствами; и при исходе душ наших помоги нам, несчастным, умоли Господа Бога, всего творения Создателя, избавить нас от воздушных мытарств и вечного мучения, дабы мы постоянно прославляли Отца, и Сына, и Святого Духа, и твое милостивое предстательство, ныне и всегда и во веки веков. Аминь.

❗️ Завтра, в пятницу (11 сентября) в 21:00 по Москве начнется совместная молитва в честь праздника Усекновения главы Пророка, Предтечи и Крестителя Господня Иоанна.

​​11 сентября. Седмица 14-я по Пятидесятнице.

🙏 Усекновение главы Пророка, Предтечи и Крестителя Господня Иоанна.

​​Молитва по соглашению в честь праздника Усекновения главы Пророка, Предтечи и Крестителя Господня Иоанна (молитву начнем в 21:00 по мск).

Святый Предтече и Крестителю Христов Иоанне! Проповедник сый покаяния, кающихся не презри нас (имена), но молися ко Владыце Христу за нас, недостойных рабов, унылых, немощных, во многия грехи впадших. Смерти убо чаем, о гресех же наших николиже поболехом и о Царствии Небеснем не попекохомся: но не презри нас, Крестителю Христов, честный Предтече, болий рожденных всех, постником и пустынником наставниче, чистоты учителю и ближний друже Христов.

Тя молим, к тебе прибегаем: не отрини нас, просящих твоего заступления, обнови души наша покаянием, еже есть второе крещение: твоим ходатайством пред Господем испроси нам очищение грехов. Уста недостойная вопиют к тебе, и душа смиренная молится, сердце сокрушенное из глубины воздыхает: простри пречистую твою десницу и защити нас от враг видимых и невидимых.

Ей, Господи Иисусе Христе! Молитвами святаго Иоанна Крестителя Твоего, изряднее же Пречистыя Твоея Матери, Владычицы нашея Богородицы, спаси нас, грешных рабов Твоих, кающихся о гресех. Ты бо еси Бог кающихся, и на Тя, Спасителя, возлагаем надежду, славяще Пресвятое Имя Твое, со Безначальным Твоим Отцем, и со Пресвятым и Благим и Животворящим Твоим Духом, ныне и присно и во веки веков.

❗️ Завтра, в субботу (12 сентября) в 21:00 по Москве начнется совместная молитва об избавлении от страстей.

​​12 сентября. Седмица 14-я по Пятидесятнице 

🙏 День памяти:
▪️ Свтт. Алекса́ндра (340), Иоа́нна Постника (595) и Павла Нового (784), патриархов Константинопольских;
▪️ прп. Алекса́ндра Свирского, игумена (1533);
▪️ Обре́тение мощей блгв. кн. Дании́ла Московского (1652);
▪️ Перенесение мощей блгв. вел. кн. Алекса́ндра Невского, в схиме Алекси́я (1724);
▪️ Прп. Христофо́ра Римлянина (VI);
▪️ прп. Фанти́на чудотворца, в Солуни (IX–X);
▪️ Святителей Сербских: Са́ввы I (1237), Арсе́ния I (1266), Са́ввы II (1271), Евста́фия I (ок. 1285), Иа́кова (1292), Никоди́ма (1325), Дании́ла II, архиепископов, Иоанни́кия II (1354), Ефре́ма II (1395–1400), Спиридо́на (1388), Макария (1574), Гаврии́ла I (Райича) (1659), патриархов, и Григо́рия, епископа;
▪️ свт. Варлаа́ма Молдавского, митрополита (1657) (Румын.);
▪️ Сщмч. Петра Решетникова, пресвитера (1918);
▪️ прмч. Аполлина́рия (Мосалитинова), иеромонаха (1918);
▪️ сщмч. Павла Малиновского, пресвитера, прмц. Елисаветы (Ярыгиной), монахини и мч. Фео́дора Иванова (1937);
▪️ прмч. Игна́тия (Лебедева), схиархимандрита (1938);
▪️ исп. Петра Чельцова, пресвитера (1972).

🙏 Молитва дня благоверному князю Даниилу Московскому

Це́ркве Христо́вы похвало́ высо́кая, гра́да Москвы́ стено́ необори́мая, держа́вы Росси́йския Боже́ственное утвержде́ние, преподо́бне кня́же Дании́ле! К ра́це моще́й твои́х притека́юще, усе́рдно мо́лим тя: при́зри на нас, па́мять твою́ воспева́ющих и с ве́рою под кров моли́тв твои́х прибега́ющих. Проле́й те́плое твое́ хода́тайство ко Спа́су всех, я́ко да утверди́т ми́ром страну́ на́шу, гра́ды и ве́си ея́ и оби́тель сию́ до́бре да сохрани́т, благоче́стие и любо́вь в лю́дех твои́х насажда́я, зло́бу же, междоусо́бие и нра́вов развраще́ние искореня́я. Всем же нам вся блага́я ко вре́менному животу́ и ве́чному спасе́нию да́руй моли́твами твои́ми, я́ко да прославля́ем ди́внаго во святы́х Свои́х Христа́, Бо́га на́шего, во ве́ки веко́в. Ами́нь.

​​Молитва по соглашению об избавлении от страстей (пьянства, блуда, гнева и пр.) пред иконой Божией Матери «Умиление» (молитву начнем в 21:00 по мск).

Приими́, всеблагомо́щная, Пречи́стая Госпоже́, Влады́чице Богороди́тельнице, сия́ честны́я да́ры, Тебе́ еди́ней прикла́дныя, от нас (имена), недосто́йных рабо́в Твои́х: от всех родо́в избра́нная, всех тва́рей небе́сных и земны́х вы́сшая я́вльшаяся, поне́же бо Тебе́ ра́ди бысть Госпо́дь Сил с на́ми, и Тобо́ю Сы́на Бо́жия позна́хом и сподо́бихомся свята́го Те́ла Его́ и пречи́стыя Кро́ве Его́; те́мже блаже́нна еси́ в ро́дех родо́в, Богоблаже́нная, Херуви́мов светле́йши и Серафи́мов честне́йши су́щая. И ны́не, всепе́тая Пресвята́я Богоро́дице, не преста́й моля́щися о нас, недосто́йных рабе́х Твои́х, е́же изба́витися нам от вся́каго сове́та лука́ваго и вся́каго обстоя́ния и сохрани́тися нам неврежде́нным от вся́каго ядови́таго прило́га диа́вольскаго; но да́же до конца́ моли́твами Твои́ми неосужде́нных нас соблюди́, я́ко да Твои́м заступле́нием и по́мощию спаса́еми, сла́ву, хвалу́, благодаре́ние и поклоне́ние за вся в Тро́ице Еди́ному Бо́гу и всех Созда́телю возсыла́ем, ны́не и при́сно, и во ве́ки веко́в. Ами́нь.

❗️ Завтра, в воскресенье (13 сентября) в 21:00 по Москве начнется совместная благодарственная молитва Господу Богу.

​​13 сентября. Неделя 14-я по Пятидесятнице.

🙏 День памяти:
▪️ Положение честно́го Пояса Пресвятой Богородицы (395–408);
▪️ Перенесение мощей блгвв. кнн. Петра́ (в иночестве Дави́да) и Февро́нии (в иночестве Евфроси́нии), Муромских чудотворцев (1992) (переходящее празднование в воскресенье перед 19 сентября);
▪️ Сщмч. Киприа́на, епископа Карфагенского (258);
▪️ свт. Генна́дия, патриарха Цареградского (471);
▪️ Собор новомучеников Ясеновацких (1941–1944) (Серб.);
▪️ Собор Нижегородских святых (переходящее празднование в 1-е воскресенье после 8 сентября);
▪️ Собор Саратовских святых (переходящее празднование в ближайшее воскресенье к 13 сентября);
▪️ Сщмчч. Алекса́ндра Любимова, пресвитера, и Влади́мира Двинского, диакона (1918);
▪️ сщмчч. Михаила Косухина и Миро́на Ржепика, пресвитеров (1937);
▪️ сщмч. Дими́трия Смирнова, пресвитера (1938).

🙏 Молитва дня благоверным князьям Петру, во иноцех Давиду, и Февронии, во инокинях Евфросинии, Муромским чудотворцам

О, вели́цыи уго́дницы Бо́жии и преди́внии чудотво́рцы благове́рнии кня́же Пе́тре и княги́не Февро́ние, гра́да Му́рома предста́тели и храни́тели, и о всех нас усе́рднии ко Го́споду моли́твенницы! К вам прибега́ем и вам мо́лимся с упова́нием кре́пким: принеси́те за нас гре́шных святы́я моли́твы ва́ша ко Го́споду Бо́гу и испроси́те нам у бла́гости Его́ вся благопотре́бная душа́м и телесе́м на́шим: ве́ру пра́ву, наде́жду бла́гу, любо́вь нелицеме́рну, благоче́стие непоколеби́мое, в до́брых де́лех преуспе́яние, ми́ра умире́ние, земли́ плодоно́сие, возду́ха благорастворе́ние, душа́м и телесе́м здра́вие и ве́чное спасе́ние. Исхода́тайствуйте у Царя́ Небе́снаго: ве́рных рабо́в Его́, в ско́рби и печа́ли день и нощь вопию́щих к Нему́, многоболе́зный вопль да услы́шит и да изведе́т от поги́бели живо́т наш. Испроси́те Це́ркви святе́й и всей держа́ве Росси́йстей мир, тишину́ и благоустрое́ние, и всем нам житие́ благополу́чное и до́брую христиа́нскую кончи́ну. Огради́те оте́чество ва́ше, град Му́ром, и вся гра́ды Росси́йския от вся́каго зла и вся правове́рныя лю́ди, к вам приходя́щия и моще́м покланя́ющияся, осени́те благода́тным де́йством благоприя́тных моли́тв ва́ших, и вся проше́ния их во бла́го испо́лните. Ей, чудотво́рцы святи́и! Не пре́зрите моли́тв на́ших, со умиле́нием вам возноси́мых, но бу́дите о нас при́снии предста́тели ко Го́споду и сподо́бите нас по́мощию ва́шею свято́ю спасе́ние ве́чное получи́ти и Ца́рствие Небе́сное унасле́довати; да славосло́вим неизрече́нное человеколю́бие Отца́, и Сы́на, и Свята́го Ду́ха, в Тро́ице покланя́емаго Бо́га, во ве́ки веко́в. Ами́нь.

​​Благодарственная молитва по соглашению Господу Богу (молитву начнем в 21:00 по мск).

Благодарим Тя, Господи Боже наш, о всех благодеяниях Твоих яже от перваго возраста до настоящего, в нас, недостойных рабех Твоих (имена), бывших, ихже вемы и не вемы, о явленных и неявленных, яже делом бывших и словом: возлюбивый нас якоже и Единороднаго Твоего Сына о нас дати изволивый, сподоби и нас достойны быти Твоея любве.

Даждь словом Твоим мудрость и страхом Твоим вдохни крепость от Твоея силы, и аще что хотяще или нехотяще согрешихом, прости и не вмени, и сохрани душу нашу святу, и представи ю Твоему Престолу, совесть имущу чисту, и конец достоин человеколюбия Твоего; и помяни, Господи, всех призывающих имя Твое во истине, помяни всех, блага или сопротивная нам хотящих: вси бо человецы есмы, и всуе всяк человек; темже молимся Тебе, Господи, подаждь нам Твоего благоутробия велию милость.

❗️ Завтра, в понедельник (14 сентября) в 21:00 по Москве начнется совместная молитва о здравии.

​​14 сентября. Седмица 15-я по Пятидесятнице.

🙏 Начало индикта – церковное новолетие.

🙏 День празднования Икон Божией Матери:
▪️ Миасинская (в память обре́тения Ее иконы) (864);
▪️ Черниговская-Гефсиманская (1869);
▪️ Августо́вская (1914);
▪️ Александрийская;
▪️ «Всеблаженная» (в Казани).

🙏 День памяти:
▪️ Прп. Симео́на Столпника (459) и матери его Ма́рфы Каппадокийской (ок. 428);
▪️ Сщмч. Аифа́ла, диакона (380);
▪️ Мцц. 40 дев постниц и сщмч. Амму́на Ираклийского, диакона, учителя их (IV);
▪️ мц. Калли́сты и братий ее мчч. Ево́да и Ермоге́на (309);
▪️ прав. Иису́са Навина (XVI в. до Р. Х.);
▪️ прп. Диони́сия Малого (до 556) (Румын.);
▪️ Прмц. Татиа́ны Грибковой, послушницы, мч. Ната́лии Козловой (1937).

🙏 Молитва дня преподобному Симеону Столпнику

О, святы́й и вели́кий уго́дниче Бо́жий Симео́не! По́двигом до́брым подвиза́вся на земли́, восприя́л еси́ на небесе́х вене́ц пра́вды, его́же угото́вал е́сть Госпо́дь все́м лю́бящим Его́. Те́мже, взира́юще на святы́й тво́й о́браз, ра́дуемся о пресла́внем сконча́нии жи́тельства твоего́ и чти́м святу́ю па́мять твою́. Ты́ же, предстоя́ Престо́лу Бо́жию, приими́ моле́ния на́ша и ко Всеми́лостивому Бо́гу принеси́, о е́же прости́ти на́м вся́кое прегреше́ние и по́мощи на́м ста́ти проти́ву ко́знем диа́вольским, да изба́вльшеся от скорбе́й, боле́зней, бе́д и напа́стей и вся́каго зла́, благоче́стно и пра́ведно поживе́м в ны́нешнем ве́це и сподо́бимся предста́тельством твои́м, а́ще и недосто́йни есмы́, ви́дети блага́я на земли́ живы́х, сла́вяще Еди́наго во святы́х Свои́х сла́вимаго Бо́га, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

​​Молитва по соглашению о здравии и исцелении болящих святому великомученику и целителю Пантелеимону (молитву начнем в 21:00 по мск).

Святы́й великому́чениче и цели́телю Пантелеи́моне, Бо́га ми́лостиваго подража́телю! При́зри благосе́рдием и услы́ши нас (имена), гре́шных, пред свято́ю твое́й ико́ною усе́рдне моля́щихся. Испроси́ нам у Го́спода Бо́га, Ему́ же со А́нгелы предстои́ши на Небеси́, оставле́ние грехо́в и прегреше́ний на́ших. Исцели́ боле́зни душе́вныя же и теле́сныя рабо́в Бо́жиих, ны́не помина́емых, зде предстоя́щих и всех христиа́н правосла́вных, к твоему́ заступле́нию притека́ющих. Се бо мы, по грехо́м на́шим лю́те одержи́мы есмы́ мно́гими неду́ги и не и́мамы по́мощи и утеше́ния, к тебе́ же прибега́ем, я́ко даде́ся ти благода́ть моли́тися за ны и цели́ти всяк неду́г и вся́ку боле́знь. Да́руй у́бо всем нам святы́ми моли́твами твои́ми здра́вие и благомо́щие души́ и те́ла, преспе́яние ве́ры и благоче́стия и вся к житию́ вре́менному и ко спасе́нию потре́бная. Я́ко да, сподо́бившися тобо́ю вели́ких и бога́тых ми́лостей, просла́вим тя и пода́теля всех благ, ди́внаго во святы́х, Бо́га на́шего, Отца́, и Сы́на, и Свята́го Ду́ха. Ами́нь.

❗️ Завтра, во вторник (15 сентября) в 21:00 по Москве начнется совместная молитва при житейских неудачах.

​​15 сентября. Седмица 15-я по Пятидесятнице.

🙏 День празднования:
▪️ Икона Божией Матери: Калужская (1771).

🙏 День памяти:
▪️ Мчч. Мама́нта (275), отца его Феодо́та и матери мц. Руфи́ны (III);
▪️ свт. Иоа́нна Постника, патриарха Цареградского (595);
▪️ прпп. Анто́ния (1073) и Феодо́сия (1074) Киево-Печерских;
▪️ Обретение мощей прп. Феодо́сия Тотемского, игумена (1796);
▪️ Мчч. 3628-ми в Никомидии (III–IV);
▪️ Сщмчч. Варсоно́фия (Лебедева), епископа Кирилловского, и с ним Иоа́нна Иванова, пресвитера, прмц. Серафи́мы (Сулимовой), игумении Ферапонтова монастыря и мчч. Анато́лия Барашкова, Николая Бурлакова, Михаила Трубникова и Фили́ппа Марышева (1918);
▪️ сщмчч. Дамаски́на (Це́дрика), епископа Стародубского, и с ним Евфи́мия Горячева, Иоа́нна Мельниченко, Иоа́нна Смоличева, Влади́мира Моринского, Ви́ктора Басова, Феодо́та Шатохина, Петра Новосельского, Стефа́на Ярошевича, пресвитеров (1937);
▪️ сщмчч. Ге́рмана (Ряшенцева), епископа Вязниковского, Стефа́на Ермолина, пресвитера и мч. Павла Елькина (1937).

🙏 Молитва дня преподобному Антонию, игумену Киево-Печеpскому

О, до́брый наш па́стырю наста́вниче, приснопомина́емый и́ноков росси́йских первонача́льниче, преподо́бне и богоно́сне о́тче наш Анто́ние! Ты горе́ на Небеси́ пребыва́еши, мы ни́зу на земли́, удале́ни су́ще от тебе́ не толи́ко ме́стом, коли́ко грехо́вною нечистото́ю на́шею; оба́че па́мятующе оте́ческую любо́вь твою́ к лю́дем, ти сро́дным, припа́даем и мо́лимтися с умиле́нием и ве́рою: помози́ нам, гре́шным, покая́нием очи́ститися и досто́йным бы́ти поми́лования и проще́ния от Го́спода и Созда́теля на́шего. Умоли́ Его́ бла́гость дарова́ти нам вели́кия и бога́тыя ми́лости: земли́ плодоно́сие, возду́ха благорастворе́ние, мир глубо́к, братолю́бие и́скреннее, благоче́стие нелицеме́рное, жите́йских потре́б дово́льство, и да не во зло обрати́м блага́я, да́руемая нам от щедротода́тельныя Его́ десни́цы, но во сла́ву И́мене Его́ свята́го и во спасе́ние на́ше. Соблюди́, чудотво́рче святы́й, благомо́щными твои́ми моли́твами росси́йския гра́ды, оби́тель твою́ и всю страну́ Правосла́вно Росси́йскую невреди́мы от вся́каго зла, и вся лю́ди, жи́тельствующия в оби́тели твое́й и на поклоне́ние в ню приходя́щия, осени́ Небе́сным твои́м благослове́нием, и в ско́рбех, беда́х и боле́знех утеше́ние, избавле́ние и исцеле́ние им пода́ждь, да благода́рно сла́вим, хва́лим и велича́ем просла́вльшаго тя Го́спода, чрез тебе́ ди́вно благоде́тельствующаго нам, Безнача́льного Отца́, Единоро́днаго Его́ Сы́на и Единосу́щнаго Его́ Ду́ха, Тро́ицу Живонача́льную и Неразде́льную, и твое́ свято́е заступле́ние во ве́ки веко́в. Ами́нь.

​​Молитва по соглашению при житейских неудачах святителю Тихону Задонскому (молитву начнем в 21:00 по мск).

О, всехва́льный Святи́тель и Уго́дник Христо́в, о́тец наш Ти́хон! Словно ангел ты пожи́л на земли́, ты яви́лся благим А́нгелом и в ди́вном твоём прославле́нии. Ве́руем от всей ду́ши и помышле́ния, что ты, благосе́рдый наш помо́щник и моли́твенник, твои́ми истинными хода́тайствами и благода́тью, оби́льно дарова́нной тебе́ от Го́спода, всегда спосо́бствуешь на́шему спасе́нию. Прими, ублажа́емый Уго́дник Христо́в, и в этот час на́ше недосто́йные моле́ния: освобо́ди нас (имена) твои́м заступле́нием от окружающих нас высоко­мерия и суему́дрия, неправове́рия и злове́рия челове́ческого. Поспеши, быстрый за нас предста́тель, благоприя́тным твои́м хода́тайством умоли́ть Го́спода, да продлит Свои вели́кие и бога́тые ми́лости на нас гре́шных и недосто́йных рабах Свои́х, да исцелит Свое́й благода́тью неисце́лимые я́звы и раны растле́нных душ и тел на́ших, да раствори́т окамене́лость сердец на́ших слеза́ми умиле́ния и раскаяния о грехах о мно́гих грехах на́ших и да изба́вит нас от ве́чных мук и огня́ гее́нского; всем ве́рным лю́дям Свои́м да́рует в этом веке мир и тишину́, здоровье и спасе́ние и во всём благо́е поспеше́ние, да та́к, в спокойно и безмо́лвно жизнь прожив во вся́ком благоче́стии и чистоте́, сподо́бимся с А́нгелами и со все́ми Святы́ми сла́вить и воспева́ть всесвято́е и́мя Отца́ и Сы́на и Святого Ду́ха. Ами́нь.

❗️ Завтра, в среду (16 сентября) в 21:00 по Москве начнется совместная молитва об избавлении от страстей.

​​16 сентября. Седмица 15-я по Пятидесятнице.

🙏 День празднования:
▪️ Икона Божией Матери: Писидийская (VI).

🙏 День памяти:
▪️ Сщмчч. Анфи́ма, епископа Никомидийского, и с ним Фео́фила, диакона, мчч. Дорофе́я, Мардо́ния, Мигдо́ния, Петра, Инди́са, Горго́ния, Зино́на, мц. До́мны девы и мч. Евфи́мия (302);
▪️ прп. Феокти́ста Палестинского, спостника Евфимия Великого (467);
▪️ блж. Иоа́нна Власатого, Ростовского чудотворца (1580);
▪️ Св. Фи́вы Кенхрейской (Коринфской), диаконисы (I);
▪️ мц. Васили́ссы Никомидийской (309);
▪️ сщмч. Аристио́на, епископа Александрийского;
▪️ свт. Иоанни́кия II, патриарха Сербского (1354);
▪️ Сщмчч. Пи́мена (Белоликова), епископа Верненского, Се́ргия Феноменова, Васи́лия Колмыкова, Фили́ппа Шацкого, Влади́мира Дмитриевского, пресвитеров, прмч. Меле́тия (Голоколосова), иеромонаха (1918);
▪️ сщмчч. Васи́лия Красивского, Парфе́ния Красивского, пресвитеров (1919);
▪️ сщмчч. Андре́я Дальникова, Феофа́на Соколова, пресвитеров (1920);
▪️ сщмчч. Влади́мира Садовского, Михаила Сушкова, пресвитеров (1921);
▪️ сщмч. Николая Сущевского, пресвитера (1923);
▪️ сщмч. Евфи́мия Круговых, пресвитера, и с ним 4-х мучеников (1924);
▪️ сщмч. Романа Марченко, пресвитера (1929);
▪️ сщмчч. Алекси́я Зиновьева, Илии́ Бажанова, пресвитеров (1937).

🙏 Молитва дня блаженному Иоанну Власатому, Ростовскому чудотворцу

О, всесвяты́й уго́дниче Христо́в, Иоа́нне преблаже́нне! Услы́ши на́с, моля́щихся тебе́ и прибега́ющих под кро́в тво́й, яви́ на на́с (имена́) мно́гую твою́ ми́лость и исхода́тайствуй на́м от Всевы́шняго богоприя́тными твои́ми моли́твами вся́ поле́зная ко спасе́нию ду́ш и теле́с на́ших: сохрани́ прихо́д на́ш и лю́ди, живу́щия в не́м, от вся́каго озлобле́ния по́мощию твое́ю. Те́мже святу́ю твою́ па́мять чту́ще воспе́ти тебе́ дерза́ем сицева́я: ра́дуйся, христиа́н все́х те́плый к Бо́гу моле́бниче; ра́дуйся, прихо́ду на́шему похвало́ и утвержде́ние; и я́коже ны́не, та́ко и при кончи́не на́шей испроси́ у Христа́ Бо́га обрести́ на́м ве́лию ми́лость.

​​Молитва по соглашению об избавлении от страстей (блуда, пьянства, жадности и пр.) преподобному Моисею Угрину (молитву начнем в 21:00 по мск).

О, пречу́дный и Богоно́сный о́тче Моисе́е, изря́дный уго́дниче Христо́в и вели́кий чудотво́рче, к тебе́ смире́нно припа́даем и мо́лимся: да́ждь нам (имена) бы́ти прича́стниками любве́ твоея́ к Бо́гу и бли́жнему, помози́ нам твори́ти во́лю Госпо́дню в простоте́ се́рдца и смире́нии, за́поведи Госпо́дни соверша́ти непогреши́тельно, при́зри благоутро́бно на вся́кую ду́шу ве́рных твои́х чти́телей, ми́лости и по́мощи твоея́ и́щущих.
Ей, всеблаги́й уго́дниче Бо́жий, услы́ши нас, моля́щихся тебе́, и не пре́зри нас, тре́бующих твоего́ заступле́ния и досто́йную песнь тебе́ принося́щих, тебе́ ублажа́ем, о́тче Моисе́е, тя воспева́ем, чистоты́ свети́льниче, прославля́юще ми́лостиваго Бо́га, во Святе́й Безнача́льней Тро́ице сла́вимаго Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

❗️ Завтра, в четверг (17 сентября) в 21:00 по Москве начнется совместная молитва Николаю Чудотворцу о заступничестве перед Господом.

​​17 сентября. Седмица 15-я по Пятидесятнице.

🙏 День празднования:
▪️ Икона Божией Матери: «Неопалимая Купина» (1680).

🙏 День памяти:
▪️ Сщмч. Вави́лы, епископа Великой Антиохии, и с ним трех отроков: мчч. Урва́на, Прилидиа́на, Епполо́ния и матери их Христоду́лы (251);
▪️ прор. Моисе́я Боговидца (XVI в. до Р. Х.);
▪️ Обре́тение мощей свт. Иоаса́фа, епископа Белгородского (1911);
▪️ Второе обре́тение (1964) и перенесение (1989) мощей свт. Митрофа́на, в схиме Мака́рия, епископа Воронежского;
▪️ Собор Воронежских святых;
▪️ прмч. Парфе́ния, игумена Кизилташского (1867);
▪️ Мц. Ермио́нии, дщери ап. Филиппа диакона (ок. 117);
▪️ мч. Вави́лы Никомидийского и с ним 84-х отроков (IV);
▪️ мчч. Фео́дора, Миа́на, Иулиа́на и Кио́на (305–311);
▪️ сщмч. Петра (Зимонича) Дабро-Боснийского, митрополита (1941) (Серб.);
▪️ Сщмчч. Григо́рия (Лебедева), епископа Шлиссельбургского, Павла Васильевского, Иоа́нна Василевского, Николая Лебедева, Николая Сретенского, Иоа́нна Ромашкина, Николая Хвощева, Алекса́ндра Никольского, Петра Лебединского, Михаила Богородского, Илии́ Измайлова, пресвитеров, прмч. Стефа́на (Кускова), иеромонаха, мчч. Васи́лия Ежова, Петра Лонскова, Стефа́на Митюшкина и Алекса́ндра Блохина (1937);
▪️ мц. Елены Черновой (1943).

🙏 Молитва дня святителю Иоасафу Белгородскому

О, святи́телю Христо́в Иоаса́фе, чудотво́рче Белогра́дский! Ве́руем гре́шнии и недосто́йнии, я́ко о́чи Госпо́дни на пра́ведных и у́ши Его́ на моли́тву их, и того́ ра́ди к моли́твам твои́м прибега́ем и хода́тайства твоего́ за нас про́сим, по глаго́лу апо́стольскому упова́юще, я́ко любы́ твоея́ николи́же отпадае́т. Во гресе́х и боле́знех на́ших льну куря́щемуся и тро́сти сокруше́нней уподо́бихомся, и, а́ще живе́м, ми́лостию Бо́га живе́м и за моли́твы пра́ведник Его́. Приклони́ у́бо и ты, о́тче пра́ведне, се́рдце твое́ к моле́нию на́шему, и предста́тельством твои́м даждь ро́ду христиа́нскому от Го́спода мир и благослове́ние. Правосла́вие укрепи́, нападе́ния же лука́внующих и беззако́нных на це́рковь Бо́жию отжени́. Умоли́ Отца́ Небе́снаго изба́витися нам от наше́ствия вра́жескаго, от междоусо́бий же и смяте́ний наро́дных, от губи́тельных пове́трий и смертоно́сныя я́звы, от гла́да, огня́, пото́па и ины́х бед и обстоя́ний. Испроси́ у Христа́ Бо́га душа́м на́шим кре́пость и телесе́м на́шим потре́бное здра́вие, боле́знем же исцеле́ние: хромы́м хожде́ние, слепы́м прозре́ние, разсла́бленным утвержде́ние, печа́льным утеше́ние и от всех скорбе́й избавле́ние. Отпа́дшыя же лозы́ Христо́вы ве́тви па́ки с то́ю соедини́, ея́же и сам прича́стник бы́ти сподо́бился еси́, да та́ко просла́вится тобо́ю пречестно́е и великоле́пое и́мя Бо́га на́шего, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.