السلام عليكم ورحمة الله وبركاته
اولا اعتذار كبير لكل زول م قدرت احول ليه كورسات اليوم نسبة لظروف الكهرباء في الكلية وكمان الانشغال بمشروع التخرج والظروف الباقية الى حصلت
لكن بحمدالله طلعنا بتجربة وجاء وراها قرار حيكون مؤثر ويحل مشكلة التحويل وتوزيع الكورسات باذن الله
الفكرة كالاتي للمهتم
توجهنا كلية الهندسة جامعة امدرمان الاسلامية ولاقينا مجموعة شباب وبالصدفة ليدر (قائد) الميكانيكا الفرقة الثانية ولقينا انه عنده علاقة مع باقي الليدرز في التخصصات الهندسية الثانية
فحنقوم نتواصل مع الليدرز كلهم ونلاقيهم في يوم واحد في مكان خارج نطاق الجامعة وندي كل ليدر التخصص حق دفعته كامل ويكون بمثابة مخزن للداتا لباقي الدفعة والكلية ودا حيسهل جدا نسبة لان اي طالب حيكون بس شايل تخصصه وليس مخزن كورسات هو م محتاجها بل حاجة محتاجها وبتحويلها بكسب حسنات نشر العلم النافع
بانتظار ان نطبق الخطوة دي بالكامل ونخلصها ونديكم النتائج
وحاليا بنجرب بس في جامعة امدرمان الاسلامية نسبة لانها موطني الاصلي
فلازم ابدا بناسي اولا ..بهظر اكيد حنطبق في كل الجامعات ان شاء الله لكن حاليا محتاجين نجرب فعالية الموضوع ونجاحه فترقبو التفاصيل ودعواتك بالتوفيق للشباب الهندسي الجميل الى حيساعد معانا ان شاء الله في اكبر خطوة لتسهيل التعلم في دولتنا دي
وان شاء الله حنعمل ايفنتات وتحديثات للمبادرة اكثر في الفترات الجاية وحنوافيكم بكل ما يخص التعليم
نرجو منكم التفاعل فعدم التفاعل يشعرننا اننا نقوم بعمل خاطئ او غير صحيح وسيئ
ودعمنا يعني اننا نقوم بشئ صحيح
ممكن تدعمنا كمان بنشر المبادرة لاهلك وناسك واصحابك وتوعيتهم تعليميا وفكريا
وشكرا ليكم

سؤال عام
ليه لما تبدا تقرا بتكسل؟ او بتحس بان دا ممل وبتفقد الانتباه واحيانا بتنوم ....الخ
اجابة شخصية لي وتجربتي
كان بحصل لي دا زمان وكنت بفكر انه بسبب الشيطان
بعد فترة وصلت مرحلة(تعود على القراية) بمعنى اقعد ساعتين عادي بقرا في شي بشكل متواصل بدون امل او افقد تركيزي ودا بدا بالتدريج (5 دقائق 10 دقائق ثاني نص ساعة ثاني ساعة ثاني ساعتين وبحمدالله حاليا 5 ساعات)
ودا اخد وقت
ثاني شي تعلم مهارة ولا حاجة بتجيب لي قروش بحيث موضوع هم اني بقرا عشان قروش يروح
ثالث شي الترقيب في القراية نفسها بحيث لما اقرا اتاكد اني مستفيد منها او مطبقها ولو حتى في لعبة
رابع شي تعلم حاجات دينية ودي كانت اهم حاجة واكثر حاجة افادتني وحسنت لي النقطة 1 و 3 وكمان قوة تركيزي وسرعة البديهة والانتباه والاسترجاع
اخر نقطة م ادي نفسي نقد سلبي عن القريته بحيث م اقول انا م مستفيد من الى قريته او انا بكره مجالي او دا كلام م عنده علاقة بتخصصي ..الخ
بالتوفيق للكل
احكو لينا تجاربكم التعليمية في الجروب حقنا دا
https://www.tg-me.com/solmnder_chat

بالنسبة للبرالمة دي خريطة ممكن يبدو بيها مشوارهم
كونك تتعب نفسك وتجتهد في اول سنة دا نوع كبير من تضيع الوقت
اول سنة في الجامعة مهما عملت بالكثير بتعادل حوالي عشر المعدل التراكمي يعني اقل من الثمن (دا في الغالب وحد بحثي )
مقارنة باخر سنة الى احيانا بتصل ل45% من المعدل التراكمي تعتبر ولا شي مهما تعبت فيها فما بتستاهل ان الانسان يركز فيها ويعتبر ان اي شي فيها مهم وصعب ويجري ومراجع وغيرو
شخصيا بديك السناريو دا
اول سنة ونص في الجامعة حاول تشتغل (ايا كان الشغل)
عشان تجمع راس مال وفي بداية او نهاية ثانية تكون بديت ليك بزنس محترم(تمول نفسك جامعيا وتكفي نفسك بدل تكون عالة على البيت)
انت هنا حترتاح جامعيا واولى وثانية مهما تعبت فيها مجرد نسب بسيطة لمن غلط وبتتعوض بمشروع التخرج بسهولة الى بنفخ ليك المعدل نفخ شديد
المعادلة كالاتي
لما تتعب وتجمع مال في اولى ثانية وتقراهم وتديهم قيمة معينة م اكبر من حقهم = ترتاح ماديا في ثالثة +رابعة +خامسة = نسبة عالية وشهادة قوية +شهادات اخرى حتسجل وتمتحنها + حتقراء مرتاح + حتفهم الى قريته + حتبدع في تخصصك + م حتعاني في انك تطلع شهاداتك ورخصك بالاخص لو كنت مهندس وكمان حيساعدك ماديا في مشروع التخرج الى بصرف مال
فدي نصيحة لكل البرالمة عشان م يختو للجامعة اكبر من حقها في سنين اولية وعادي ممكن تاخد اذن انك تدرس اول سنة منزليا بالاخص في الهندسة (تقريبا الا في الطب م متاكد من المعلومة) لان الهندسة اول سنة حتاخد حاجات ثالثة نفسها وكمان تقنية معلومات وغيرها من التخصصات لو عندك فيديوهات شارحة حتخليك مرتاح في اولى
الوضع المادي اهم شي في الدراسة لانها بقت من ضمن الرفاهيات نسبيا فانت لو حتعاني ماديا عاني ف اولى وثانية اخير من تعاني في السنين الى فيها مواد تخصصك وتفوت محاضرات وتضيع
وشكرا
اخوكم المهندس السلمندر ناتسو

تنبيه
بالنسبة للناس الى بتبيع فلاش اسمه (نمبر ون ) كفلاش للبيع
بقولو ليك م ممكن تحول الى فيه
الفلاش اساس فيه نوع من الفايروسات الى بخلي الفلاش يخفي الملفات ويدخلها لحاجة اسمها ( حاوية افتراضية )
والحاجة دي بتبوظ الفلاش
فانت كونك تشتري الفلاش دا حتخسر قروشك في الفاضي ودا غير ان الفايروس حيبوظ جهازك
جبت فلاش من النوعية دي من فترة والحق الضرر بكمية من اجهزة اصحاب اخوي الصغير وجهازي نفسه تضرر ولكن الحمدلله صلحت المشكلة ودا غير ان الفلاش م بعيش كثير وبتلف
فانت اذا عايز مواد ثالثة ثانوي
نحن بنوفرها ليكم مجان في مؤسسة تعليم فاونديشن
بدون فايروسات وبدون مشاكل وبشكل مجاني
كل الى عليك تلاقي اي واحد من موزعننا المعتمدين
ودي قائمتهم
https://www.tg-me.com/solmnder/128

السلام عليكم ورحمة الله وبركاته
من فترة بحاول انجح المؤسسة بكل مجهود بس للاسف م قدرت اوفي لكل الناس الحاجات الى عايزنهم وموضوع انك توزع داتا تعليمية ولا تبدا اي مشروع براك شي شبه مستحيل
حاولت اخلي الناس تجيني في البيت واحول ليهم وكانت صعبة لان بعض الناس م بقدرو
كمان اعمل معارض نوزع كل الداتا لكل الناس لكن دا مكلف شديد وكمان زمن النقل بطول فما كل الناس بتشيل
وكونك براك بترد على كل الاسئلة وبتهتم بالنشر والتجديد والاراء موضوع صعب
فعشان ننجح مشروع التعلم المجاني او تعليم فوانديشن ونقتل الجهل حنحتاج كل المساعدة الى عايزنها

السلام عليكم ورحمة الله وبركاته
بعد تفكير واراء جاتنا طلعنا بالتفاصيل دي للمؤسسة تعليم فاونديشن
⚛️ حل مشكلة عدم توافر الكورسات في مناطق قريبة للناس ⚛️
حنواصل في المعارض بصورة متقطعة كل فترة حسب توفر الامكانيات وكمان حنعين بعض الناس لمسؤولية نقل الكورسات وكما سبق وذكرنا اننا شغالين في جامعة امدرمان الاسلامية حاليا وحنحتاج وقت لحد ما نغطي كل الجامعات
https://www.tg-me.com/solmnder/167
ونقيس التجربة عشان نكررها بنتائج احسن في جامعة ثانية وهكذا لحد ما نخلص كل جامعات العاصمة وننتقل للولايات لحد ما نخلص كامل الوطن باذن الله
⚛️حل مشكلة عدم توافر كورسات اونلاين لمساعدة الشباب في تطوير انفسهم عن بعد ⚛️
الحل حيكون في خطوتين
اولا حنقوم بعمل كورسات باسعار رمزية عشان نشجع الناس تقدم كورسات اونلاين
اسعار الكورسات حتكون رمزية جدا ولو شخص م عنده حيخش مجان لان المال شي جانبي
جزء من اموال الكورسات الرمزية حيمش لكورسات ثانية عشان تتقدم ليكم بشكل مجاني
وبكده نقدر نوفر ليكم اكبر قدر من الكورسات والتعليم عن بعد
⚛️حل مشكلة الوصول والانتشار ⚛️
صراحة دي اكبر مشاكلنا حاليا وهي اننا م بنصل لكل الناس وفي ناس كثيرة جدا م عارفين عننا ولا عن الى بنقدمه للناس ولا هدفنا ودي مشكلة الناس الى م بتقرا رسائل طويلة فرجاء اقروء الرسائل دي لاني بتعب فيها كثير
ومشكلة الوصول دي عليكم انتو شخصيا ففي القناة اكثر من الف شخص
لو كل شخص شاركها مع 10 بس من الى يعرفهم وال10 ديل مع 10 وهكذا حنشتهر والشهرة بتفيدنا من نواحي كثيرة اولا من ناحية المتبرعين وثانيا الناس الى حتطوع تساعد وتقدم حاجات وثالثا العروض حتفيد ناس وحنلقى ناس تقبل تمسك الكورسات وتوزعها زي ما حصل في فترة فلاش نمبر ون والموضوع كلما انتشر بكون احسن فشاركنا مع كلام جميل مع ناسك حتى لو م عندك متابعين فانت م عارف رسالتك حتصل وين ولمنو وانا نفسي بديت من الصفر م كان في انسان بعرفني ولا مهتم بالى بعمله وكنت ولا حاجة فالمشاركة مهمة جدا جدا
⚛️حل المشاكل المالية الى بتواجه المؤسسة وتوقف المعارض دائما ⚛️
اكبر عائق لكل مشروع دائما بكون مادي وعشان نتخطئ دا كمان حنحتاج مساعدتكم بالتبرعات عشان المشروع يقف على حيله وكل شخص بساهم ان شاء الله يكون ليه سهم خير وصدقة فالمؤسسة منكم وفيكم وليكم وان شاء الله نساعد كل من يحتاج مساعدة
قبل قليل احد الاخوة من اليمن جاء وساعدنا وتبرع ودعم معانا وان شاء الله المؤسسة بعد السودان حتنتقل لكل الدول الاسلامية الاخرى
فهدفنا واحد وهو نشر التعليم ونخليه متاح للكل
دي حساباتنا للتبرع
عن طريق بنك فيصل 💵
رقم الحساب
51389184
رقم البطاقة
6391862215308005
باسم حارث حافظ عبدالرحمن علي

حساب بايير 💰 للتبرعات الاجنبية
P1057328214
وجزاكم الله كل خير ❤️

السلام عليكم ورحمة الله وبركاته
عندنا نقص حاد في الناس الى بتوزع حصص الصف الثالث ثانوي 😓 وكمان الطلاب نازلين قريب وعايزين الحصص 😰
لو في شخص عنده الحصص في فلاش او جهاز وحابب يتبرع ويحولها لغيره ويساعد الطلاب
ياريت يتفضل يكلمنا عشان عايزين نعمل لسته بالناس الى بتوزع عشان الناس تاخد منهم
وشكرا
دا حسابي لو حد عايز يساعد يحول الحصص للناس
@the_slmnder
وتذكرو دي صدقة جارية وعلم ينتفع به ❤️

📅 التنبيه الاخير للتسجيل في الدورة الاولى لكورس المهندس التقني 💽
الكورس اونلاين لتعليم كل ما يتعلق بالحاسوب في 20 يوم بس
محتويات الكورس
📚 كورس ال A+ مع الشرح العملي كامل
📕 كورس كامل عن صيانة الهاتف والكمبيوتر واللابتوب وتحديد الاعطال
📙 اساسيات CS50 مع العملي
📘 اساسيات شبكات
📗 كورس اساسيات التصميم والمونتاج
📒 السوفت وير وتركيب الوندوز
📔 موضوعات منوعة عن الحاسوب والتقنية

🗂 هدف الكورس يطورك حاسوبيا وتقنيا بحيث تبقى بمستوى خريجي تقنية المعلومات وافضل منهم كمان
🔖 الكورس اونلاين وحيقام في التلغرام والمحاضرات بتكون مسجلة عشان الناس المشغولة تقدر تتابعها في اي وقت
🔗 مدة 20 يوم ان شاء الله
🖇 الكورس تحدي وبنافس اي كورس تقني في الساحة
⏰ الكورس ببدا يوم 20 شهر 10 ان شاء الله
🔓 الدورة الاولى عليها تخفيض 50% وسعرها حاليا 1500 جنيه فقط 🎉🎊
للتسجيل راسلني تلغرام 🏷
@the_slmnder
T.ME/THE_SLMNDER

السلام عليكم ورحمة الله وبركاته
مؤسسة تعليم فاونديشن بالتعاون مع الدكتور النابغة ابراهيم عبدالاله نقدم لكم فرص تركيب طقوم كاملة او جزئية بحالات ثابته او متحركة في عيادة جامعة كرري
طبعا الصورة بتحكي قصص كثيرة لحبوباتنا واجدادنا وحالات ممثالة كثيرة لابائنا وكبر حجم معاناتهم من مشاكل فقد اسنانهم والى بتؤدي لمشاكل لثة وامراض فم دا غير مشاكل المضغ والاكل خصوصا ان الفم احد اهم اجزاء الجسم البشري غير الضرر النفسي لفقد الاسنان نفسها
فاخونا الدكتور ابراهيم تبرع وتكرم انه يقدم فرص علاجية بمستشفى كرري وتركيب طقوم للاسنان
دي معلومات التواصل الخاصة بالدكتور لمزيد من التفاصيل والاسئلة والاستفسارات
للتواصل تلغرام = @KidCha0s
دا رقمه 0117729280
www.tg-me.com/KidCha0s

السلام عليكم ورحمة الله وبركاته
حبيت اعرفكم بالراعي الرسمي لمشاريع تعليم فاونديشن واليد الخفية للمؤسسة ومسؤول التصاميم والابداعات الى بتحصل جوا المبادرة كلها وكمان مدير القسم التقني بالكامل
جارو استور 💫
https://www.tg-me.com/Garo_Store
https://www.facebook.com/garocraft/
شرفونا
لو انت دارس تقنية وهدفك تبقى مصمم ناجح ومنجز في حياتك تابع الانسان دا وحتتقدم باذن الله

السلام عليكم ورحمة الله وبركاته ومعلش للازعاج 😅 عايزين نعمل احصائيات سريعة
اضغط على القلب حسب تخصصك عشان نشوف نقدم ليكم محتويات شنو
❤️ - تخصص هندسي ( مدنية -معمار - تعدين - ميكانيكا -كهرباء..الخ)
🧡 - تخصص طبي ( طب - صيدلة - مختبرات - علاج طبيعي - تمريض..الخ)
💛 - تخصص اداري ( محاسبة - ادارة اعمال - اقتصاد - قانون .الخ)
💚 - تخصص حاسوبي ( برمجيات - حاسوب - تقنية معلومات - علوم حاسوب..الخ)
💙 - تخصص تربوي ( عربي - انجليزي - علوم ..الخ )
💜 - تخصص اداب ( لغة عربية - انجليزي - فرنسي..الخ)
🖤 - مهني - صناعي - عامل
🤍 - معاهد
🤎 - تخصص فنون
❤️‍🔥 - تخصصات اخرى

اضغط في القلب حسب تخصصك عشان نحصل على احصاء
تنبيه للبتات القلوب عشوائية فماف بينها وبين التخصصات اي ربط 🤝

احصائيات ثانية عايزين نعرف تنوع الفئات العمرية اضغط في القلب حسب عمرك 🎯
❤️ -اصغر من 10 سنين
🧡 - من 11 الى 14 سنة
💛 - من 14 الى 16 سنة
💚 - من 17 سنة الى 20 سنة
💙 - من 21 الى 25 سنة
💜 - من 26 الى 30 سنة
🖤 - من 31 الى 35 سنة
🤍 - من 36 الى 45 سنة
🤎 - من 46 الى 50 سنة
❤️‍🔥 - فوق ال50 سنة

اخر احصاء معانا وهو عن الجنس ذكر ام انثى

السلام عليكم ورحمة الله وبركاته 👋🏻
وفتحنا باب التسجيل للدراسة بالهند 🇮🇳🫠
طبعا كلكم عارفين ان مؤسسة تعليم فاونديشن 🐉
هدفها توفر ليكم كل ما يمكن التهامه من العلوم والمعرفة وتوفير اسهل الطرق لتحصيل العلم🖤
وفي كان لينا من فترة بنخطط ليها الا وهي المنح والوتري وتعليم السفري دا✨ 🤝🔥
ففكرنا نعمل بحث ونشوف السودانيين في مختلف الدول عشان يعملو لينا بحث ويشوفو لينا تفاصيل الجامعات في الدولة الى هم فيها سوا عربية او اجنبية 🌏
وبحمدالله التجربة نجحت ولقينا اول متطوع معانا الا وهو الاخ الرائع مصعب صالح ⭐️
تعريف بالاخ مصطفى وكيف ممكن تتواصل معاه عشان تعرف الدراسة في الهند 🎒
اخونا مصعب هو طالب صيدلة بدرس في الهند وفي قبل فترة طويلة راسلني بموضوع انه حابب يتبرع يساعد اي طالب عايز يدرس في الهند ويوريه الجامعات ويساعده عملية التسجيل والارشاد وكمان دليل شامل لكل الجامعات الكويسة لمختلف التخصصات وطبعا م مساعدة مادية نسبة لانه طالب زينا فحيرشدك في تخصصك ويوريك احسن الجامعات واحسن التخصصات في كل جامعة وكيف تسجل ويساعدك في التسجيل الاوراق وكل شي
وحنبدا من الدعامة دي وبخطوات بسيطة لحلم ان نصل لكل الجامعات باذن الله
يلا الى عايز يعرف اي تفصيل عن الدراسة في الهند ياريت يتواصل مع الاخ مصعب هنا 👇🏻

واخيرا اقول م تنسونا من صالح دعائكم عشان نقدر نفيد كل الناس بالعلم النافع
#مؤسسة_تعليم_فاونديشن

دايرين اقتراحات عشان نطور المؤسسة حقتنا رسلنا لينا هنا افكاركم↙️👇🏻👇🏻
@the_slmnder
او اي حاجة شايفين انها ناقصة عندنا

السلام عليكم ورحمة الله وبركاته 🤝
⭕️ عارفين طبعا نحن م بنخلي موضوع نتائج تالته دا يمر مرور الكرام 🔥 فنشطنا مبادرة اختار تخصصك من جديد ⭕️ والى هي مبادرة بتوريك تخش ياتو تخصص واحسن تخصص ممكن تدخله بنسبتك الى جبتها وكمان لو عايز تعيد تختار شنو واسئلة منوعة عن الجامعات
ف اي زول عايز يعرف التخصصات الجامعية او يسجل في جامعة او يستفسر يراسلنا في البوت دا↙️

@go_marketbot
عشان نوريه كل ما يتعلق بالتخصصات ونبدا نقدم للناس ونوزعهم على جامعاتهم ⭐️
للاستفسار المستعجل راسلني شخصيا ↙️
@the_slmnder

اي زول عنده مشكلة جامعية ولا دراسية وعايز يستفسر دي لجنة مؤهلة ↙️↙️❤️
https://chat.whatsapp.com/FaMzdMX4UMl92prHaqK3MD
ناس المنح بهنا 🤍↙️
https://chat.whatsapp.com/II3YBKYCq0NIR0uedDRUqw

السلام عليكم ورحمة الله وبركاته
حابب اعمل تنبية سريع وخفيف
كلكم عارفين معارضنا(الى م عارف يضغط هنا) او هنا للبقية
ففي احتمال كبير نعمل معرض يوم 23 شهر 10 الحالي دا في جامعة السودان ان شاء الله
الموضوع لسا في قيد الاحتمال فالناس تستعد لكن تنتظر التاكيد
المعرض بشمل تحويلات لكورساتنا المعروفة (كل التخصصات الجامعية+المهنية+الثانوي+الدراسة)
وفي نقاشات وتوجيهات تعليمية وفي كمان اركان كثيرة الناس حتستفيد منها وتعرف كيف ممكن تتعلم شي معين او لو عندها معضلة تعليمية(الانجليزي-التخصص-الشغل بعد التخرج-الدراسة في اول سنين-كل شي)
فالمعرض حيكون شامل وقوي ان شاء الله بالاضافة لتيم متجر جارو وكمان دكتورنا مؤيد وعندنا عدة اسماء بارزة كده حتساعد فيه ان شاء الله فحيكون اظبط من اي معرض ثاني ان شاء الله
فخليكم قريبين
وكلمو ناسكم وجهزو اجهزتكم

ناس كثيرة بتسئل اقدم شنو ؟ واقدم وين ؟ والفرق شنو اني دارس علمي ولا ادبي؟ والفرق شنو بين التخصصات الى ممكن اخشها بالحاسوب والهندسية
وعايزين فكرة عامة عن الجامعات وكيف نختار بينها
الريكورد دا شامل باذن الله حيوضح ليكم كل التفاصيل الى بتساعدك تقدم للجامعة الى بتناسبك باذن الله وبجيب عن كل اسئلتك الجامعية
ونحن كمان متوفرين 24 ساعة للاجابة عن اسئلتكم ايا كانت فالى حابب يسئل م يخجل ويتفضل او حابب نساعده بس كل الى عليك ترسل لينا في البوت دا
@go_marketbot
مبادرتنا مبادرة السملندر نحو تعليم افضل

ناس كثيرة ملخبطة بين بكلاريوس ودبلوم وكل الناس بتنبذ ليك الدبلوم وبتقول كلام سيئ عنه وغيره
ومصلطحات كثيرة غريبة في الجامعة حتى طلاب الجامعة م عارفنها
في الريكورد دا شرحنا ليك الفرق بينهم وهل يجب تخش دبلوم ولا لا؟
تنبيه بسيط الدبلوم يعتبر دراسة خاصة ففيه رسوم
نسية اذكر النقطة دي بس
ونقطة ثانية اهم
لو انت درست تالته 2016 او 18 او اي سنة وقدمت دبلوم بشيلوك لانو بقبلو شهادات قديمة فدي فرصة للنساء الى م درسو وخلو الجامعة وللناس الى خلت المدرسة عشان تعين اهلها
لان دراسة الدبلوم م مقيدة زي البكلاريوس
استمعو واستمتعو واستفيديو
ونحن كمان متوفرين 24 ساعة للاجابة عن اسئلتكم ايا كانت فالى حابب يسئل م يخجل ويتفضل او حابب نساعده بس كل الى عليك ترسل لينا في البوت دا
@go_marketbot
مبادرتنا مبادرة السملندر نحو تعليم افضل