السلام عليكم ورحمة الله وبركاته
عايز تتعلم او عندك كورس او مشكلة في تخصصك الجامعي او حابب تطور نفسك؟
دا البوست الى حيغير حياتك بالكامل
مبادرة السلمندر:-
هي مبادرة للتعليم الذاتي والتطوير تهدف لتطوير المجتمع السوداني بحيث يتمكن المواطن من اجادة العديد من العلوم الاكاديمية والعامة سوا من تخصصه الاكاديمي او حبا في تعلم مجال اخر بالاضافة لمجاله عن طريق تقديم وتوزيع الكورسات المجانية في شكل فيدوهات مع تقديم شروحات كافية وكتب ومواد تعليمة للافراد
بمعنى نحن حنديك كل الى محتاجه عشان تدرس اي شي في الكون دا
من علوم دينية الى علوم دنوية
من كليات طب الى كليات هندسة
من تخصصات تقنيات الى علوم جيولجية وعلوم تخصيصة والعديد من كورسات تعليم اللغات
سوا كنت بتدرس المجال دا في جامعة او كنت شخص حر تركت الدراسة
نحن حنديك فيدوهات تعلمك اي شي انت نفسك فيه بدون انك تحتاج اي شخص اخر يدرسك ليها
ونحن بنوجه كل جهودنا لفئتين
الناس الى بتدرس تخصصات من غير رغبة وحابة تدرس رغبتها والتخصص الى دخلته وهنا بندعمك توافق بين تخصصك الجامعي ورغبتك وتدرسهم الاثنين
والفئة الاخرى هي الناس الى تركت الدراسة وهنا نحن بنقيف معاك ولو عمرك 100 سنة عشان تكمل مسيرتك التعليمة
ليه؟بتسئل نحن بنعمل كده ليه؟
عشان ننهض بوطنا لان ماف وطن بنمو بدون تعليم وبدون دراسات وبدون متخصصين وعلماء عشان لمن تطلع تلقى طفل في الشارع ببكي تسئله ليه بتبكي يقول ليك اخوي اكبر مني بسنة ومتعلم حاجات اكثر مني
عشان تاني نحتاج لشخص واحد لانجاز مئات المهمات
فالننهض بامتنا فليس خير ان نستبيح الجهل في الوطن وليس خير في وطن قد ابغض العلم وقدس الجهل
طريقتنا في تقديم الفائدة بسيطة
عندنا مخزون تعليمي لكل التخصصات ولكل العلوم في شكل فيدوهات وكتب
كل الى عليك تتواصل معانا مجانا ونحن بنقدم ليك المكتبات التعليمة دي لحد عندك باذن الله او نوصلها لشخص جمبك ويحولها ليك بس بمجرد انك تطلب انت عايز تتعلم شنو
وفي حال حبيت تدرس شي بجانب تخصصك ادينا اسمه ونحن بنديك المسار الصحيح لدراسته والتوفيق بين دراستك وبينه وبنحول ليك التخصص كمان
بالنسبة لتعليم اللغات فعندنا مكتبات كبيرة لتعليم كل اللغات العالمية تقريبا بالاخص الانجليزية ونحن حنقدمها ليك بالاضافة لدعمك فيها ومساعدتك بالاشخاص الى حيساعدوك في تطويرها
وشكرا ليكم لحسن القراءة والمتابعة
صفحتنا على فيسبوك
https://www.facebook.com/slmnderco
#مبادرة_السلمندر
#عشان_وطنا
#التعليم
#تعلم
#السلمندر_ناتسو

⭕️السلام عليكم ورحمة الله وبركاته
🚶‍♂️ عمرك عملت صدقة جارية في حياتك؟ صدقة بحيث انك تكون حي او ميت واجرها لسا بصلك؟
عندك شخص ونفسك تتصدق وتعمل ليه اجر دائم؟
↖️ حاليا في مبادرتنا المتواضعة بفضل الله ثم انتم وصلنا لاكثر من 3 تيرابايت من الداتا التعليمية يعني تقريبا خلصنا كل حاجة انت ممكن تتعلمها من اساس وثانوي وجامعة ومهن حرة وتطوير ذات
وكنا على مشارف ان المبادرة تصل حتى للولايات وتصل اهلنا في كل المناطق عشان تفيدهم
بس للاسف بنواجه مشاكل هائلة مع التخزين لان م عندنا وحدات تخزين كبيرة تسع الداتا دي
والاسبوع دا خسرنا 1 تيرا بايت كاملة للاسف💔💔
بصراحة محتاجين مساعدتكم وبحاجة ماسة عشان نقدر نواصل ونقدم ليكم التعليم الى انتو بتستحقو وتذكرو ان دي صدقة جارية انك بتساعد في نشر علم ينتفع به
فبناشدك انت وانتي اخوتنا بالمساعدة في مبادرتنا محتاجين نشتري وحدات تخزين جديدة والهدف او التارقت هو 100الف جنيه وعارف اننا حنقدر ان شاء الله نلمها في زمن قياسي ونقوم المعرض
اخونا المغترب الوميض الله يجزيه كل خير قرر يدخل معانا
باقي لينا بسيط
ولو عندك ساعد بالشير عشان غيرك يقدر يعرف والدال على الخير كفاعله
⭕️دا رقم حساب البنك 2264748 باسم احمد عبدالرحمن
⭕️رقم سوداني للمساعدة في تنشيط الانترنت عشان نحمل المزيد من الكورسات
0115809842
🟩 تنبيه مهم الكورسات كلها مراجعة فهي خالية تماما من اي مواد مسيئة او مخلة او ممكن تخدش الحياء او الدين بل مراجعة ومؤكد عليها بحمدالله
❤️باذن الله نسطيع وسننجح وحنقوم المبادرة ونوصلها حتى للولايات❤️

حقيبة المهندس 🖤
السلام عليكم ورحمة الله وبركاته 😇
وفقنا الله لان جمعنا للباشمهندسين اخوانا حقيبة بتحتوي على ما لذ وطاب من الشهادات والخبرات الهندسية وبقت متوفرة عندنا بشكل مجاني ففي خلال عدة اشهر م قدرنا نشوف المهندس بحتاج لشنو دراسة وشنو شهادة عشان يبقى باش مهندس مستقل ومتمكن
الكورسات مقسمة كالتالي
كورسات للهندسة واساسيات بالنسبة لطلاب الهندسة الجدد
كورسات مفيدة للطلاب على وشك التخرج ونصائح بمتطلبات الوظيفة الهندسية بالاضافة للشهادات الى بتساعدهم في ان يصبحو مهندسين كبار
كورسات لمعيدي الجامعات تساعدهم في التدريس مع مهارات شاملة
كورسات للمهندسين العاملين بتحتوي شهادات تصعيدية عشان يطورو تخصصهم وكيف يسعو للماجستير والدكتورا
ملف كورس استخدام كل المعدات الهندسية بحتوي على شرح لكل الادوات الهندسية والاجهزة الميكانيكا مع افضل الشركات ليها وكيف تشتريحها وتستخدمها بالاضافة كمان لفلوقات وفيدوهات توضحية للاعمال الهندسية من تعدين الى كهرباء او نقل ومرورا بالميكانيكا
اتمنى تستفيدو منها واغشونا واحصلو عليها من مبادرة السلمندر مجانا

⭕️ لدعمنا عبر بنكك للمساعدة في تطوير المبادرة عبر الحساب✨👇🏻
2264748
⭕️ادعمونا بالشير

السلام عليكم ورحمة الله وبركاته
عارف ان في كمية كبيرة جدا من الطلاب الى بعانو السنة دي من النسب الضعيفة والتشتت بين الخيارات ومفاضلات الاهل بين التخصصات وبين الاعادة الصعبة
زي ما عودناكم دائما في مبادرة السلمندر ان بحمدالله بنحقق المستحيل في المشوار التعليمي
اليوم بحمدالله بافتتاح مشروع مبادرة اختر تخصصك
المبادرة بكل بساطة نحن تيم مختص ومجهز من مختلف التخصصات الجامعية والمهنية
قمنا بتصميم بوت عشان يساعدك تحصل مستقبلك وتفوته ✨❤️عن طريق ↙️

❤️/تقديم استشارة جامعية مجانية لتحديد تخصصك وفقا لرغبتك
🧡/المساعدة في اجراءات التقديم للجامعات

💛/المساعدة في تحصيل افضل الجامعات باقل التكاليف
💚/تقديم المنح والعروض الدراسية الخارجية بالمجان

💙/المساعدة في منح الطالب الكورسات والمواد الدراسية بشكل مجاني
💜/مساعدة الطالب في التعرف على تخصصه الجامعي

🖤/مساعدة الطالب في التعرف على رفاقه الاكبر سنا في التخصص


انت بس بترسل لينا تفاصيل عنك لينا عن طريق بوت اختر تخصصك
وبنقوم نحن الفريق المختص بتحليل النتائج عشان نوريك افضل تخصص ممكن تدخله وشرح وافي للتخصص وغيره ومقارنة بين التخصصات وغيرها الكثير
والمفاجئة لو نسبتك اقل من التخصص بنديك طريقة مختصرة انك تدرسه حتى خارج الجامعة من كورسات خارجية
مع استشارات جامعية حتى لطلاب الجامعات لتسهيل وراحة الحياة الجامعية
ومساعدات في موضوع التقديم للجامعات وتسهيل لحياة الطالب المقبل للتعليم العالي
والاهم من كل دا بنوفر لكل طالب المواد الى بحتاج يدرسها في شكل كورسات فيديو بنحولها ليه لتقصير مشواره وتطوير مهارته
دا غير مشروع المنح المتضمن الى حيعلن عنه قريبا باذن الله
مبادرة السلمندر
للتعليم واكثر
دا البوت الخاص بمبادرة اختر تخصصك ارسل فيه المتطلبات
اسمك وعمرك وتخصصك ووضعك ونبذة عنك وتدينا رغبتك او طموحك او شي انت بتحبه
دا رابط البوت اضغط عليه بس
www.tg-me.com/go_marketbot
ملحوظة البوت دا روبوت بمعنى مصمم بنظام الذكاء الصناعي فكل الى عليك ترسل للبوت كل الى عايزه وهو حيوجه التفاصيل للمسؤولين
صفحتنا على فيسبوك للمزيد من المبادرات والتفاصيل
https://www.facebook.com/slmnderco

السلام عليكم ورحمة الله وبركاته
ناس للان م فاهمة نظام الكورسات حقنا كيف وكيف كمان ممكن تتحصل على الكورسات وكل تفاصيل المبادرة
فدا ريكورد شامل بشرح ليكم المعارض ومبادرة السلمندر حتلقو فيه كل التفاصيل
معرفي
@the_slmnder

#مشروع_سلمندر_فاملي
ورونا تفاعلكم مع الموضوع❤️✨ الى حيغير دنيتك ويخليك انسان جديد بالكامل
نصل 1000 تفاعل ونبدا باذن الله

السلام عليكم ورحمة الله وبركاته
لسا الفرصة مفتوحة انك تساعد وتكون انسان ناوي يطور وطنه ويفيد غيره بعلمه وربنا يبارك ليك في علمك
عايزين مساعدتكم بصراحة ودايرين من كل ذي عقل يجتهد معانا
فلو كان عندك خبرة في مجال وحابب يكون ليك صدقة جارية
عندنا مشروع خيري وبنفتش لناس تقدم شروحات تعليمية اونلاين وتدرس في جروبات
والموضوع علم ينتفع بيه فلو حابب تشترك كاستاذ ومعلم كلمني هنا
@the_slmnder
كل المجالات تنفع وممكن تساعد بعلمك ايا كان المجال الى حابب تشرح عنه
سوا كنت بتفهم في التقنية او الهندسة او الجانب الطبي او التعليمي او اي مجال عام❤️والموضوع كله اونلاين فما بكلفك تطلع من بيتك ولا جهد ولا زمن وحنرفع الشروحات اونلاين عشان الناس تستفيد❤️
وبارك الله فيكم

وفرنا ليكم قائمة بمجموعة من الاخوة والاخوات الى بحولو وبنشرو فلاش نمبر ون مجانا ومستعدين يحولو ليك كل الى تحتاجه كطالب ثانوي او الصف الثامن مجاناا
1/ اخونا تاج السر خليفة
ساكن سوق ليبيا مدينة الصفوة الجديدة تحديدا
ناس امدر ممكن تمشو ليه وتحولو منه متوفر وبعزكم ان شاء الله ومتحرك وبصل العربي احيانا
دا حسابه في التلغرام
www.tg-me.com/wadkaa144
دا رقمه واتساب
0929060585

اخونا السلمندر ناتسو
ساكن الكدرو تحديدا السلمة
ناس الايزرقاب والكدرو والدروشاب والحلفايا كمان وحولها ممكن تتواصلو معاه وبعزكم
دا حسابه تلغرام
www.tg-me.com/the_slmnder
م عنده رقم للتواصل للاسف

3/ اخوكم بهاء حمزة
ماسك ولاية بورسودان
دا حسابه على تلغرام
www.tg-me.com/bahaa238

4 / الاخت هدوء الليل
ماسكة الكلالكة
دا حسابها
www.tg-me.com/Sandrellllla

5 - اخونا عبدالله
ماسكة منطقة الايزرقاب وما حولها
دا حسابه
www.tg-me.com/ABDALLAH_ABD0

6- اخونا عبدالرحمن
ماسكة منطقة امدرمان وساكن شارع الوادي
دا حسابه
www.tg-me.com/aboody28112000

بتحتاج فلاش 32 جيجا فما اكثر عشان تشيل كل الحصص ✨
لو حابب يكون ليك سهم خير وحابب تنشر اسمك وموقعك وتفيد من حولك
شارك معانا في حملة لشباب الصف الثالث
عشان نساعدهم في دراستهم ونسهل ليهم معيشتهم بتوفير التعليم المثالي لهم
للمزيد من الكورسات والحصص المجانية ↙️
https://www.tg-me.com/solmnder
شير في الخير ⭐️🎯
وشكرا✨

معرض السلمندر ✨ينتظركم في جامعة السودان للعلوم والتكنولجيا - الجنوبي
جهز اكسترنلك ولاب توبك وتلفونك وفلاشك وزاكرتك عشان تجي تحول مواضيعك الرمضانية 😉🖤
يحتوى
ركن لتحويلات الاتى
- كورسات لكل التخصصات الجامعية تقريبا ( تخصصات تقنية/برمجية - هندسية - علمية - طبية -وغيرهم)
- ركن نقاشات ومناظرات علمية
- مجموعة منوعة لكورسات ما بعد الجامعة
- كورسات علمية لزيادة الثقافة والمعرفة
- كورسات لمهارات حياتية للبنات ( كل الاعمال اليدوية للبنات والحياكة والتطريز والحنة والرسم والاكسوارات)
- كورسات لمهارات حياتية للولاد (القيادة وركوب الخيل والتمارين الرياضية والسباحة وقيادة الهيليكوبتر)
- مكتبة دينية شاملة ووافيت بكتب وقصص وسيرة وعلوم و برامج دينية مضمونة ومراجعة
- مطابخ شاملة للحلويات والطبخات من مختلف المطابخ العالمية(تركي - شامي -صيني-هندي -كوري وغيرهم)
والكثير الكثير بانتظاركم في معرض السلمندر
يوم السبت الموافق
يوم 5 شهر 3 سنة 2022
كونو في الموعد
للاستفسارات
www.tg-me.com/the_slmnder
قناتنا الرسمية
https://www.tg-me.com/solmnder
صفحتنا الرسمية
https://www.facebook.com/slmnderco
⭕️ بالتعاون مع جمعية سوتش ⭕️

تفاصيل المعرض
حيكون المعرض في جامعة السودان تحديدا الفرع الجنوبي
مكان المعرض داخل الجنوبي في منطقة اسمها الغابة عبارة عن شجر ومكان جميل كده لان قررنا نغير جو القاعات مع الصيف صعبة فيفضل في منطقة مفتوحة
اسئل اي زول من المدخل عنها بوصلك ليها
تحديدا مكان معارض اسبوع المهندس
حيبدا التحويل من 9 صباحا ان شاء الله ويستمر لحد 4 مساء
كونو في الموعد ✨

نحن في الغابة يا شباب

السلام عليكم ورحمة الله وبركاته
امس طبعا كان في كمية كبيرة من الناس ما شاء الله حبت تاخد الداتا و م قدرت نسبة لضيق الزمن ولان الداتا بتاخد وقت عشان تتحول
فاولا محتاجين ناس تدينا افكار او طرق لتسريع تحويل الداتا والملفات حتى لو حلول تنظيمية او طرق عملية ايا كان الى بتفكر فيه شاركنا هنا
@the_slmnder
ثانيا حيكون باذن الله في اكثر من معرض قبل رمضان باذن الله عشان عايزين الناس تتحصل على حاجات تفيدهم قبل رمضان ويشاهدو المفيد(بالاخص المكتبة الدينية) فالناس تستبشر وتقترب
ثالث شي الى لاحظته ان ناس كثيرة من داخل الجامعة م كانت عارفة بالمعرض اصلا فياريت الناس تنشر الفكرة عشان نصل اكبر قدر من المستفيدين من خدمتنا المجانية الى هدفها بس تكمل الجانب التعليمي للمجتمع فياريت ان شاء الله تشارك القناة في جروبك حق الدفعة وصفحتك وعموم ناسك وانا براي م بعمل شي بس باجتماعك انت وانا وهو وهي ونحن بنقدر نصل لكل السودان ان شاء الله
رابع نقطة عايزين افكار كويسة وناس حابة تساعدنا في المبادرة سوا بانها تخزن الداتا عندها او يلاقونا ويشيلو الداتا ويحولو لجامعتهم والحاجة دي لقيت متبرعين بسيطين ليها فعايزين اجتهاد فلو حابب يكون ليك صدقة جارية ممكن تشارك معانا وبارك الله فيك
خامس واخر نقطة نحن على استعداد ومرحبين نشترك مع مبادرات ثانية لاجل توصيل التعليم للسودان فلو انت مدير مبادرة او حابب تكلم مدير مبادرة وحابين تعملو تكامل مع مبادرتنا حبابكم ونحن هدفنا م الشهرة ولا حاجة شخصية لينا لكن عايزين السودان دا دولة لما يذكر العبقرية والذكاء الناس تظهر في عقولها دولتنا زي ما كنا زمان بنتوصف باذكى شعب
وشكرا ليكم
معرفي
@the_slmnder
مبادرة السلمندر

50 منحة مجانيه للأطفال من عمر 10-16 عام خلال شهر رمضان المبارك منحة الشهيدان عبدالمنعم ومنذر لتعليم الاطفال الذكاء الاصطناعي تشمل المنحة تعلم أساسيات الذكاء الاصطناعي، البرمجة لمده اسبوع واحد فقط انولاين💥💥

من هما الشهيدان:
الشهيد عبد المنعم إيهاب صلاح عبد الرحمن
-العمر 19 سنة
-الدراسة جامعة التقانة أسنان المستوي التاني
-اكبر الاولاد في الاسرة هادئ وطيب القلب،بسيط جدا وبحب الخير،كان بطمح انو يبقا دكتور عشان يفتح عيادة يساعد المساكين والمحتاجين

الشهيد منذر احمد العاقب
-العمر 19
-جامعة التقانة هندسة كيميائية
-معروف انو بجبر بخاطر اي زول وبيساعدو ف مشاكلو وما بخلي زول زعلان وبساعد الكل

سبب وفاتهم غرقا فى البحر يوم 27 رمضان الموافق 9/5/2021
ربنا يرحمهم ويدخلهم جنة الفردوس ❤️


رابط التسجيل:
https://docs.google.com/forms/d/e/1FAIpQLSeFDpQ5x-jAaslHXfpMWprpWfMnrEAmh0sCepqPnlf-rZHdrQ/viewform

فى نهاية الدوره سيحصل المتدرب على شهادة معتمده.

"كُن نافعاً ولو بِالنية ، فإن الله إذا رأى فيك ‏خيرًا ، يسّرك للخير "💗

عملنا جروب للقناة عشان نتبادل معاكم الاراء وندردشبخصوص المبادرة وكل ما يخص التعليم
دا رابط الجروب 👇🏻🖤
www.tg-me.com/solmnder_chat
انضمو عشان تستفيديو حتى من الاراء والاقتراحات
برجاء النشر 🤍
www.tg-me.com/solmnder_chat

طبعا رمضان شهر القرآن وللاسف ناس كثيرة مهملة القرآن الكريم في الشهر دا
وبعض الناس عايزين يطورو قرأتهم وتلاوتهم ويحسنو صوتهم ويتلو القرآن الكريم كما انزل
عشان كده قدرنا نقدم ليكم بوت قرآنيات شبابية
https://www.tg-me.com/Quraniatna
البوت باختصار موصول بالسيد الشيخ احمد آل محمود وهو مدرس للقرآن الكريم في عدد من الخلاوى ويملك الكثير من الشهادات في علوم الدين والعلوم الشرعية ودرجة عالية حفظه الله
فكل الى حتعمله انك تدخل البوت ⭕️👇🏻
https://www.tg-me.com/Quraniatna
وترسل كلمة تحسين او قياس او تجويد
وترسل تلاوة شخصية ليك والشيخ باذن الله حيقوم بالرد عليك بالتفصيل مع شرح وافي للى مفترض تعمله وباذن الله مع التدريب حتبقى قارئ مجود حافظ باذن الله

السلام عليكم ورحمة الله وبركاته
حابب اورد اخبار جديدة بشأن المبادرة والكورسات والتحويل والبرامج والبازارات والامور الجميلة دي كلها
حنغير المبادرة ونبقيها مؤسسة عديل
وحنغير الاسم كمان
وحنطور ونغير مفاهيم ومواضيع كثيرة بالاضافة لاننا حننشر كل فترة عن فرص لدخول كورسات اونلاين قوية وبشهادة ان شاء الله بشكل مجاني
ترقبونا