خليك ع يقين بإنك بكل علاقة بحياتك رح يجي يوم يجي بديلك ..
سواء هل الشخص صديق او حبيب ، رح يلاقو اللي بنظرهن احسن منك ..
ورح تتغير فكرتهن تجاهك ،
يعني رح يتذكرو بس عيوبك ليلاقوها ( حجة )يتركوك فيها ،
خلي الله هو الرفيق والحبيب وبوعدك بحياتك مارح تخيب 💙!

لمّا أخذت قرار البُعد، يمكن كُنت بدّك مِنّي اتمسّك فيك، واحكيلك (لأ، خليك ما تروح)، مثل ما كنت احكيلك بكُلّ مرّة حكيت فيها بدك تروح.

بهنيك على هاي القُدرة العظيمة يلي عندك، القُدرة يلي بسبّبها قادر تاخذ أصعب القرارات وأكثرها أذى وألم، رُغم حُبّي وإيماني فيك، ألا أنّك شخص قاسي، ما رح احكي عنّك أناني؛ لأنّه بأيامي يلي عشتها معك ما كُنت هيك.

بس إنت قادر تبعد بأي وقت، وقادر تروح لو أنا ما كُنت أمسكك واحكيلك خلّيك معي، كنت دايمًا تحكيلي (اذا بُعدي عنك راحة، ببعد عادي) ما أذاني كلامك أبدًا بقدر أذى كلمة عادي.

يلي عشته وحسيّته معك كوم، وكلمة عادي لحالها بدها جسم جديد وعقل جديد وقلب جديد ليستوعبوا حجم قساوتها.

* بتمنّالك حياة سعيدة برفقة روح قلبي يلي رح ترافقك❤️.

-
قلتلي مرّة ..
وحياتك، ماحدا رح يحبّك قدي
لاتنطري
قلتلّي مرّة ..
ناطرك تحت المطر، بذكر إنها كانت
أحلى نطرة
وأحلى مطرة!

وهلأ بغيابك
خبرّني المطر،
لاتنطري
ماحدا رح يحبّك قدّو!
لاتنطري
ماحدا رح ينطرك بعدو! 💛

أنا عمري ما بخسر حدا ، بضل أعطي اللي قدامي فُرص لحد ما يفكروني هبلة أو بنسى ، بس الحقيقة إنو بكون ما بدي أخسرهن وبفهمهن إنو لهون وخلص بكفي!
بتسكّر معي من كل شي ووقتها والله ولا حتى الإعتذار ولا الندم ولا أيا شي برجّعني لأنه فعلاً ما بكون في بإيدي شي قدمو أكتر من اللي قدّمتو ، اللي هو أنا بعرف إنك أسف وبعرف إنو معلش وكل الشغلات هي بس خلص والله رصيدك عندي بكون خلّص ..
لكل إنسان رصيد عند الشخص التاني ، بخلّص أو بيزّيد بالمواقف تدريجياً ، ووقتها أنا فعلاً ما بحِس إني خسرت الشخص هاد ، بس بكون متأكدة إنو هو اللي خسرني 💙

`لما إشتاقت زليخة لسماع صوت يوسف الصديق .. طلبت من الجلاد أن يجلده حتى تتمكن من سماع صوته وتطفئ شيء من نار الأشتياق ..💙
فحينها أتفق الجلاد مع يوسف أن يضرب الأرض ويهم هو بالصراخ .. وأستمر الوضع هكذا لعدة أيام...
وبعدها قالت زليخة للجلاد ..ويحك أجلده
قال لها أنا أفعل ذلك بخمسين جلدة كل يوم ..
قالت له وربك أنك تكذب ....
فقال لها وكيف عرفتي ذلك مولاتي !! ..
قالت لأني لم أشعر بوجع يوسف في قلبي 💔
فأخبر الجلاد يوسف الصديق بما قالت سيدته زليخة ..
فقال أفعل ما أُمرت ..
فلما هم بالجلدة الأولى رفعت صوتها وقالت ويحك !! ..
أرفع صوطكَ عن حبيبي فقد قطعت قلبي🥺

#الحب_شعور_وإحساس .. يبدأ بالعين ويصل إلى القلب️🖤🍂

••
لماذا لا تتخلي عنْهُ ؟! 💙
كُنتُ غاضِبة مرّة وكسّرت كل الفناجين، ف نظر إليّ بعينيه الفرحتين وقال إن الفناجين غير أصليّة
ومرّة أُخرى كنت أضع مساحيق التجميل ف كسرت قلَم أحمر الشفاه من شدّة غضبي فقال لي إن شفاهَكِ الورديّة أجمل من تلك الألوان ،أنا لا أحبها . . و حين غضبتُ من جارتنا بسبب صراخها المتواصل على أولادها"قال لي أنتِ حنونة . . حين اقتلعت كل الأزهار لأن الحشرات خرّبتها ..قال لي أنتِ زهرتي.. يا أُقحوانة . . . 🌼
لطالما غضبتُ لأمور تافهة ،إنّى أكثر الإناثِ مزاجيّة ،وأشدهُم غضباً..إنّي مجنونة وغريبة الأطوار
عفواً؛ ولكنّ سؤالي كانَ لماذا لا تتخلين عنهُ؟!!
إنّه على عَكسكِ لا يُكرر السؤال ولكنّه يفهم الإجابات من نبرتي . . . 🌿
ما تخليتُ عنْهُ لأنّه الوحيد الذي يعرف عنّي ما يكفي لكُرهي ولم يفعَل . . .
إنّه نَجمِي . . . ♪💙

إحداهن في جوابها عن ما هو الحب قالت :
هو حين فحصتُ نتائج بحث طفلتي على غوغل ، و وجدت أنها كانت تبحث عن إجابة سؤال صاغته في مربع البحث تقول فيه : أمي رأسها يؤلمها ، فكيف نستطيع حل المشكلة ؟!
ثمة حب لاينسى . .💙🌸

في ناس ممكن تغلط فيك وتطلعك إنت إلي غلطان، وبكونوا بدهم إياك تعتذرلهم كمان، عندهم قدرة عجيبة جداً بالوقاحة وعمرهم ما اعترفوا بغلطهم ، مقتنعين تماماً إنهم صح والهم الحق بكل اشي ، حتى لو كل الأدلة ضدهم!
مستحيل يحكوا احنا آسفين أو يحاولوا يصلحوا غلطهم، لأ، عينك عينك بطلعوا إلي فيهم فيك وبكل ثقة وكأنهم فعلاً مظلومين .. هذا النوع من الناس لا بيتعاتب ولا بيتناقش ، اتركه وامشي بدون كلام ووفر طاقتك لشغلات ثانية بتستاهل ! 💛

أول مرة تزاعلنا فيا ، صحيت الصبح لقيت فطوري جاهز كالعادة ، تيابي مكويين ، والحمام سخن ، ما صحتني بس تركت المنبه حدي ليرن بوقت فيقتي ، ما ذكرتني بأوراقي ومفاتيح السيارة بس كانت حاطتن جنب الباب لحتى ما أنساهن . .

تاني مرة تزاعلنا فيا ، كنت متطمن إني ح أصحى تاني يوم ولاقي كل شي جاهز متل المرة الأولى ، بس يلي صار إني صحيت متأخر، لا الفطور ولا التياب جاهزين ، ما كانت صاحية ومهتمة متل كل مرة ، وأنا رغم إني زعلتا كنت عتبان كيف مابتصحى قبلي وبتجهزلي كل شي لازمني ، لُمتها بدل ما لوم حالي . .

تالت مرة زعلتا ، صحيت مالقيتا ، مالقيت تيابا ولا كتبا ولا تفاصيلا ، حسيت إني صاحي ببيت تاني ، مطفي تماماً ، مافيو أي شي بيوحي للصبح ، مافيو شي من ضو الشَمْس ، بيت معتم فاضي من كل شي . .

إلا من رسالة صغيرة محتواها : بكل مرة كنت تنام فيا وأنت مزعلني كنت عم تطفي حبي إلك ، لحد ما خلص هاد الحب وماضل شي مستاهل لأبقى معك ، كان لازم تستغل كل فرصة عطيتك إياها بس أنت بهمك تحصل على حقوقك بلا ماتقوم بواجباتك ، ومتل ما وعدتك بيوم إنك لما تغلط بحقي رح أمشي وماتعرفلي مكان ولا تعرف توصلي ، رح أتركك وحيد مع شريك جديد لكل لحظة ح تعيشا ، رح أتركك مع الندم 🤍😌
🥺🥺🥺🥺

مو بالضرورة نصرخّ لتظهر أعصابنا كيف محروقة وتعبانة ،
نحنَا ناس منتعاطى كتّمان و نَظرات شاردة كتير .. !🖤