قُلوبُنا بسيطةٌ جداً، لو زارتها الفرحةُ تَنسَى كلَّ لحظةٍ ذَاقَت فِيها الألم.

يعني أنت بذمتك شايف إن حياتك دي ينفعلها شريك حياه .

حافظ علي الشخص الي بيحبك

خصوصا لو مفيش حاجه في الي خلفوك تتحب .. شكرا

يا نهون علي بعض يا نهون علي بعض فاهمين الفرق ؟

كان في واحدة خطوبتهاا كانت عبارة عن لعبة منهاا، وافقت وهيا مش مقتنعة عشان ترضي أهلهاا وتقدر تعمل اللي عايزاه، كانت مقرره إنهاا لماا تحقق اللي في دماغهاا هتلغي الخطوبة،مكنتش بترضى تقعد معاه ولا تتكلم، كان بيحاول يقرب منها وهيا رافضة، كان دايماا بيكلمهاا بعد كل امتحان ويسألها عملتِ ايه؟ كان بيسأل عن صحتهاا، لو عرف انها عاوزه تاخد كورس معين يسأل عليه ويقولها شرح مبسط عن اللي هستفاده وأحسن مكان تاخد فيه الكورس ده، كان كل يوم يعرفهاا عن الأول وكانت هداياه دليل انه فعلا عارفهاا، جابلهاا مرة طرمس صغير تشيله في شنطتهاا لماا عرف انها بتشرب نسكافيه كتير، سافر مرة عشان يجيبلهاا نسخة من الكتاب اللي لفت عليه ملقتهوش، وفاكره انه كلمهاا مره علي الفون بيطمن عليهاا كانت بتفرش شقة عروسة صاحبتها فحس ان صوتها مش كويس، سألها لو في حاجه! قالتله إن في عجز في العربيات والناس اللي بتشيل، كان في ظرف سااعة عندهاا مع صحاابه بعربياتهم، نقلوا معاهم وغيروا مود البيت بحاله وكان في هيصه أكتر من يوم الفرح، الوقت عدى على خطوبتهم، اكتشفت لماا غاب يوم عنهاا، إنها اتعلقت بيه وحبته، حبت اهتماامه وحبت وجوده اللي فرق معاها وملى حياتها، كانت بتقول 'اناا عاوزه ايه غير كده! حد بيستغل كل فرصه عشان يقربلي، مهتم بكل اللي مهتمه بيه، بيشاركني كل تفاصيلي، عارف حتى نبرة صوتي لماا بزعل....' طبعاا اتجوزوا ودلوقتي ماشاء الله معاهم ولدين، ولغاية دلوقت مبيرجعش البيت غير لماا يبقى جايب حاجه ليهاا، حاجه تخصهاا هياا وبس، حااجه حتى لو كانت بسيطه بس الاحساس اللي مغلفهاا حاويهاا ومكفيهاا .
- في مستشفى نفسي في شرق أسيا مش فاكره الدولة بالظبط، كان في مريضة بتعاني من الإكتئاب الحاد، محاولاتها في الانتحار كانت رقم قياسي، مافيش دوا نافع ومافيش حل غير إنها تفضل نايمة،
في نفس الوقت كان في دكتور في نفس المستشفى مكنش بيعترف إن في دوا للإكتئاب حتى انه جعل ده موضوع رسالته، كان متأكد إن الأدوية ماهي إلا مسكنات بتشغل عن الألم شوية بس مبتعالجوش، كان رهان نجاح رسالته متوقف على حالة المريضة دي،
بالفعل بدأ معاها علاج، حااول بطرق كتير وفشل، فجأه وهوا قاعد عالمكتب بدأ يكتب في جواباات عن اللي بيعيشه كل يوم وتفاصيل حيااته واللي بيشوفه وكل يوم يحط جواب تحت باب الاوضة بتاعت المريضة،
استمر كده لمدة شهر ونص، في اليوم ال ٤٧ من جواباته، المريضة ردت عليه بجواب! وقعدت زيه تحكيله، بعد ١٥ يوم بدأت تخرج من أوضتها، تتمشى، وتطلب أكل، وبدأت تضحك، وفجأه بقت عايشة.💜

•الاهتماام•
مصطلح لفعل ورااه كل معاني الحب،
ترجمة عملية، وألف طريقة للقرب،
احسااس بيقول إنناا فارقين،
مش بكتر السؤال، هو في الأصل شعور بيلمس روحناا حتى في الغيااب والبعد، فبيخليناا مشغولين بحد وقلقانين، ونحط ايدناا على قلوبناا وندعي، ❤
اكتفاء،
هوا السر في إن كل حااجه فجأه تبقى حلوه
هو اللي بيرد الروح وبيدي للدنياا نكهة وطعم،
في نااس اللي مخليهم لسه عايشين إن في حد يهمه وجودهم أكتر منهم شخصياا،
في حلم لسه بيحاول يطلع للنور لأن في حد مهتم إنه يظهر،
وفي ضحكة رغم الأسى لسه مرسومه عشاان في حد يهمه انهاا تفضل عالوش،
مافيش حاجه على وجه الأرض موجودة إلا عشان في اهتماام،
حتى الوردة اللي بتشوفهاا كل يوم، في حد بيسقيهاا،
بس خد باالك عمر الوردة ماطلبت من حد يسقيهاا
لأن الاهتماام مبيتمنحش، الاهتماام يُفرض يُعطي ..

‏"يكفينـــاا دائمًـــاا أن الله يعلَم بنوايَانا الصَّادِقه 💙

نحن لا نعلم أي أرض وأي قلب وأي قرار هو خير لنا، لكننا نوقن ونُدرك أن الخيرة فيما اختاره الله.

ايدا انتي لسه عايشة 😂😂😂😂

‏في الايام دي الواحد متلخبط جداً و لسه بيدرس خطوات مستقبله و مش عارف لسه حياته هتمشي إزاي، بس أتمنى إن ربنا يكون معايا في كل خطوه في حياتي، و يختار لي ولا يخيرني، و ينور بصيرتي و يحققلي اللي بتمناه و الخير ليا، والأهم يرضيني بيه مهما كان.

‏يارب بعدد قطرات المطر أمطرنا فرحاً لا ينتهي وحقق امنياتنا ، اللهم اجعل لنا مع كل قطرة مطر تفريجاً وسعادة ورزقاً وعافية واستجابة لكل دعوة ♥️🌸🙏

يوم دراسي سعيد أتمني ميتكررش تاني.

احنا الظاهر كده بندفع تمن أننا كنا نضاف مع ناس وسخه.

البنات إللي بتلف علي واحد و عارفه أنه مرتبط ليه شغل فتيات الليل ده يابنتي .

لما تلاقي حد طيب، ماتستغلش طيبته لحسابك وتيجي عليه وتحمله ما لا يطيق سواء فى شغل أو زواج أو صداقة، لأن الطيبين بيتحملوا ويصبروا كثير بسبب إنهم طيبين، لكن بياخدوا قرار الإختفاء بلا رجعة من اللى بيؤذيهم باستمرار، فهتكون إنت الخسران لأنهم مش كثير.

ثانوية عامة ف تلات دقايق✌🏻

أكبر كده وأفهم ان مفيش حاجة اسمها علاقة مُريحة.. انت مش هتدخل في علاقة مع كتافاست..

مساء الخير يجماعه والله نفسي احس اني في حد عايش في القناه والله

سواق ميكروباص انهارده الصبح سب الدين عشان اخرته وانا ريحه اركب وكان مفكرني هعيط وزعل وقوله حسبي الله ونعم الوكيل فيك خليته هو اللي يتحسبن عليا بعد ممسحت بيه الموقف اللي هو بيشتغل في 🙂