Şêrko_bêkes

🎀 @Sherko_bekas

#له_بۆدابست_دا
🎀 @Sherko_bekas

لە دوای شەوێک، خەوی پچڕ پچڕی زڕاو
لوورە لووری شەمەندەفەر،
بە نووزەی درێژ.
زیکە زیکی پێچکەو فیشکەی
لەپڕو ناکاو.
شەقە شەقی دەرگایەکی
دووری دانەخراو.

دوای شەوێکی دەم بە باوێشک
تۆزێ گێژو وێژ..
وەختێ تازە
هەتاو، کراسی ئەرخەوانیی
ئەکردە بەر:
"بودابست" ی دەمەو بەیانی.
لە ناو ئیستگەی پوورە هەنگدا
منیش دابەزیم...
شوێن: گوڵجاڕی ئەو خەونه بوو
پێش چەند ساڵێ دیم.

سەرنجی لووس وەکوو ماسی
لە دەست دەرپەڕیو،
خۆی هەڵدایە
"دانووب"ەوە
ناو ڕووباری زیو.

باڵای شیعرم هەر لە ڕێوە
خۆی تیا نوقم کرد.
خەیاڵ تۆڕ بوو
هەزار تیشکی
ڕەنگاو ڕەنگی گرت.

لە سەر پردی مەڕمەڕ ڕەش بووی
دێرینەی تاق تاق
بریسکەی دێ
پایتەختەکەی
قژ گوڵە مێلاق.

۲
بۆ کوێ بڕۆم نامۆیی کورد
ئەڵێی سێبەرمە
نیگاکانی پێڵوی تەڕی
پەڕەی دەفتەرمە.
بۆ کوێ بڕۆم کوردستانم
هەر لەگەڵ دایە
لێرەیش "سیروان"
لە هاواری
ناو "دانووب" دایە!.

دانووب! هاتم لە کەنارتا
برین بسرەوێ
لە جۆلانەی
ناو شەپۆلتا
خەوی لێکەوێ.
هاتم خەمی دارستانم
تۆزێ بە بادەم
بە سەر سنگتا
باز بدەم و
وەک مناڵ ڕاکەم.

کە چی خۆشیت
تا بە لووزەو
بێتە گیانمەوە
ئاو سەر ئەکا لە پەنجەرەی
هەر دوو چاومەوە.
چونکە دانووب شاییت بۆ من
عومری دوو ڕۆژە
بەڵام عومری شەونخونیم....
ئێجگار درێژە.

ئەی "جولیتا" !
کچی دانووب !
بەرگی بەر ساکار
پێست تەنکی، توێکڵ ناسک
هەناری ئاودار.
سپێنە ڕوون
لاسکی پرچ، وەک پەڵکی چنوور
ئاسکی ماڵیی، سڵ نەکردووی
ناو هۆڵ و ناو ژوور.

سەرسام مەبە !
مەلی نامۆی ئەم دەم و چاوە
باڵی ئەویش وەک وڵاتم
توند توند بەستراوە.

با لاملیش لە شەپۆلی
گەردنت هەڵسوێ بەڵام چی بکەم
خەم گرتوێتی و بزە نایگرێ،

من ئەزانم تۆو بۆدابست
لە دانووبەوە
زۆر پەنجەرەی شیعری جوانتان
بۆ من کردەوە لە بەر تاوی بارانتانا
درەختی بەژنم بەو چەند ڕۆژە
گەڵای تازەی وشەی بۆ گرتم.

ئەی پاساری !
جریوەی تۆ ! زمانی ئەوین
کوێرەکانی بەهرەی وشکی
خستمە هەڵقوڵین
بەڵام جوانێ کچی دانووب
ڕێگەی سبەینێ

ئەمباتەوە بۆ وڵاتی
خەم تیا نشینێ
ئەمباتەوە بۆ ئەو شوێنەی
گوڵ تیا ئەکوژرێ

کچ لە نسێی هەژاریدا
سیس ئەبێ ئەمرێ.
ئەڕۆمەوەو یادگارتان
ئەکەم بە سەرین
بۆ شەوانی تەنیاییم و
دنیای خەو بینین..

بەرگەڵو ۱۹۸٦/۲/۱۷
🎀 @Sherko_bekas
🎀شێـــــرکۆ بێـــــــکەس🎀
ــــــــــــــــــــــــــــــــــــــ
📚 فەرهەنگۆک

پچڕ پچڕ: بریدە بریدە
زڕاو: خواب پریدە
لوورە لووری: زوزە کشیدن پشت سرهم
شەمەندەفەر: قطار

نووزە: صدای زجە
زیکە: جیغ
پێچکە: کودک نوزاد
فیشکە: صدای فوران آب، نوعی صدا از حیوانی درجهد

لەپڕ: اتفاقی
ناکاو: نابهنگام
شەقە شەق: صدای بال حین پرواز

باوێشک: خمیازە
تۆزێ: ذرەای
گێژ: گیج، متحیر
وێژ: پسوندی، گیج و هالو
ئەرخەوانی: ارغوانی

ئیستگە: ایستگاە
پوورە: نسل نوین زنبور
هەنگ: عسل

داگیرسێ:مشعل شود
توتڕک: تمشک
کێلێکی: زمان ، لحظە

شانۆ: صحنە نمایش
خەڵوز:
قاژوو: زاغ
تێکەڵ: مخلوط

ئەخنکێ : غرق میشود
هێشوو: خوشە میوە
گزنگ:اولین تابش افتاب

قووڵ: ژرف
شەپول: موج
گۆڕ هەڵکەن: قبر کن
ـــــــــــــــــــــــــــــــــــ

🎀 @Sherko_bekas

7.0K views08:45