‏نشيل ما شالوا هل الطيب ونقوم
‏من فضل ربي ما رجينا الخليقه

‏فـ صدورنا ضيم وغرابيل وهموم
‏ونموت مانبدي على الناس ضيقه .

‏الرازق الله والبشر ضمن الاسباب
‏لا تعلّق أمالك على غير ربك

‏إن وفقك ربي يفتّحلك ابواب
‏ويمكن يخدمك واحدٍ ما يحبك .

‏تعبت اجامل ظروفي و الهوى جاحد
‏شوضعك الحين ولا قلبك شوضعه ؟

‏ان كان مشتاق لي ؟ ارسل رقم واحد
‏وان مافيك شوق ارسل رقم تسعه :)

‏صدتك عن بعض السوالف شجاعه
‏شيمة وعزة نفس ماهو ردا منك

‏صدتك عنها طيب نفس وقناعه
‏ترفعك بعيون العرب ما تطمنك .

‏المجلس اللي يكرم الضيف والجار
‏من ضاق صدره قال بروح صوبه

‏جعله بعد من مجلسٍ كله اغبار
‏ما يندخل ياكود نوبه ونوبه .

‏تساورك الشكوك و تفضح اسألتك
‏و في عينك كذا كلمه ونظرة خوف

‏انا من فطرتي بـ احسان عاملتك
‏اذا نيّتك لعبْ العب على المكشوف

‏تبقى الصداقه بصمةٍ للاجاويد
‏خوة على مر الزمان اتجدد

‏خوة نشاما ماتعرف المناقيد
‏تبقى ولو بعد المسافه تمدد .

‏لا تنتظر من ناقص العقل حكمه 
‏ولا تنتظر من فاقد المرجله خير

‏ولا يغرك فالردي لمعة إسمه 
‏الريش ما طيّر نعامه وهي طير .

‏يفرح إليا جوه النشاما مسايير
‏وكفه كريم ولا حسب وش وراها

‏في مجلسه تلقى الدلال المباهير
‏ونفسه خفيفه والمراجل رقاها .

‏جيت للدنيا البسيطه وانا عابر سبيل
‏وشلت منها حب اهلها وشلت اذنوبها

‏اترجا الله بالصبح ولا اطراف ليل
‏توبةٍ يصعد بها للسماء مندوبها

‏من اكبر عيوب الرجال الطفاقه
‏تفتح لك ابواب المشاريه و الشمت

‏اذا عطاك الله لسان و طلاقه
‏الله عطى غيرك من العقل و الصمت

‏على سكّـه الغاليـن رجـل الغـرام تسيـر
‏وتمسي علـى رجـم العنـا تـاره وتـاره

‏حبيبي بعد نضـرات عينـك وحالـي غيـر
‏أسج القـدم .. والنفـس بالسـوء أمّـاره

‏من فقد لذة وجود اللي يحبّه
‏والله إن يبطي وهو مكسور خاطر