بصوت. مسلم المطيري

لبو السجاد وَنِّي أبد ماخاف
وجدمي المِسرِع الخِدمِتَه ماخاف
مادام الحسين اوياي ماخاف
حنين وأحن من امِّي عليه

مدري اشكثر من عمري رحالي
شفت بس خدمة حسيني رحالي
رصيدي لو گرب موعد رحالي
الخدمه ودَمعِتِي لبن الزچيه

امن اماني اگظيتهه ابدربك لماني
او وهم كل لايم ابحبك لماني
منو غيرك يبو اليمه لمَّاني
واصبح مجلسك خيمه عليه

سيد علي الموسوي



ــــــــــــــــــــــــــــــــــــــــــــ

يا زهـرة الروح.          عفتيني مجروح
يا فاطمه وعيونچ.     ظلمه الحياة بدونچ
عفتيني مجروح
.....................

آنه علي يافاطمه لعيونچ اشتاگ
ايامنه توها حلت مو وكته لفراگ
عفتيني ليل بلا ضوه بيه النفس ضاگ
شيطيّب جروحچ بعد وجروحچ غماگ

بضلوعچ صواب.      من دفعة الباب
آه وتغيّر لونچ         ظلمه الحياة بدونچ
عفتيني مجروح
......................

يالچنتي وردة مفتّحَة ما ذبلت بيوم
ارتاح بس بشوفتچ تجليلي لهموم
لمن رحل طه النبي تعنّولچ الگَوم
عصروچ والمحسن وگع يتسايل دموم

اصبر توصّيت.            لو بيدي ردّيت
وشحدهم يظلمونچ    ظلمه الحياة بدونچ
عفتيني مجروح
.....................

لوما الوصية امن النبي مادفعو الباب
ماچان ضلعچ ينكسر هيهات ينصاب
وصّاني اصبر وصبرت للسكته اسباب
يافاطمه لحيدر بعد ماظلت احباب

ياشمعة البيت                 مثلج تأذّيت
موبيدي ويجرحونچ      ظلمه الحياة بدونچ
عفتيني مجروح
.....................

گربت منيتچ ونتهت عشرتنه شبساع
غسّلتچ بايدي وشفت مكسوره الاضلاع
بعيوني ضاگت دنيتي كل العمر ضاع
مَرّن مثل لمح البصر لحظات الوداع

عُمُر الورد ليش.          ما گدرت تعيش
باقي الاثر بجفونچ      ظلمه الحياة بدونچ
عفتيني مجروح
.....................

يافاطمه حسين وحسن يمّچ يونّون
طاحو عليچ بلا وعي يالزهره يبچون
ودعيهم وفتحي الچفن عن لا يموتون
حسين وحسن ماتو قهر چا زينب شلون

يم راسچ تنوح           تشكيلج جروح
اولادج يودعونچ      ظلمه الحياة بدونچ
عفتيني مجروح
.....................

خلّيتچ بوسط النعش ودموعي تجري
شلت النعش لكن احس مكسور ظهري
جسمچ نحل مثل الغصن يالزهري ادري
ظهري انكسر من فرگتچ يابعد عمري

لگبرچ تعنّيت.              واريتچ وجيت
والشيعه ما ينسونچ      ظلمه الحياة بدونچ
عفتيني مجروح

#سيد_زيد_الفحام

بصوت. مسلم المطيري

يازهرة الروح. عفتيني مجروح

كلمات الشاعر
سيد زيد الفحام

بصوت. مسلم المطيري

مربينه. مربينه


كلمات الشاعر
موسى البديري

بصوت. مسلم المطيري

بابحر الوفه. رقه وعاطفه

كلمات الشاعر
حسن الموالي الفاطمي

هوسات بصوت. مسلم المطيري

((  هوسات للرسول ص))

بزغ   نور النبي  الهادي  عالاكوان
بيك  استبشر     الديان   والقران
محمد رحمة الله عالأنس والجان

والكون  اتلاله  بأنواره
*****
انولد بدر  العداله  وللسنن  وصفه
انطفت نار المجوس بمولدك تطفه
ابو الزهره     محمد  كامل  العفه

والصادق  چان يلقبونه
****
تشرفنه بقدومك  منقذ الاكوان
ولادة طه   چانت  رمز  للايمان
العلي الله يحبك  طه بالوجدان

ونهني  الزهره ابميلاده
***
على الصادق فرحنه ونعلك الافراح
كل واحد  حضرنه اليوم همه انزاح
سيد المذهب اجانه وللعلم مصباح

ومغذي العالم بحروفه
**
يوسف الفتلاوي

بصوت. مسلم المطيري

بيت ابوذيه في حق الرسول الاكرم ص عليه وآله وسلم

مقامك مايـصـح واحـد وصـلاّ
اليحبك مـاگـطـع مـرّه  وصـﻻّ
اذا الله مدح  شـخـصـك وصﻻّ
عليك انه شگول ابحگ  نـبـيّـه

📝هاشم كارون البوغبيش

الوفاء الحقيقي
أن لا تخذل احدا
كان يثق بك

مسلم المطيري
السبت 21/9/2024

حبيناك من البدايه
حبيناك للانهايه
يامحمد يامحمد يامحمد
...............

أشرق النور وجماله بطلعتك
الله خالق هل بشر لمحبتك
الليله من مرت يهادي فرحتك
الدنيه والاملاك كلهه بخدمتك

ناديناك اهلا نببنه
ناديناك خيمه علينه
يامحمد يامحمد يامحمد
...............

طاحت الأصنام يالهادي الك
انته بيدك كله يندار الفلك
المايحبك من صدك ضاع وهلك
رحمة الله وللبريه نزلك

هذا اليوم خير وسعاده
هذا اليوم يوم الولاده
يامحمد يامحمد يامحمد
................

أجمل أعياد الزمن وهل الزمن
يانبي الرحمه يطه المؤتمن
بدين الإسلام انته خمدت الفتن
وطن صرت الامتك وجمل وطن

يابو الخير يابو المحنه
يابو الخير حبك جمعنه
يامحمد يامحمد يامحمد
..................

الليله جبرائيل من كد الفرح
يهتف بسابع سمه وصوته صدح
اسمك بكاع وسمه نوره وضح
كل صدر يالمصطفى الليله انشرح

نور العين انته وضواهه
نور العين يالغالي طه
يامحمد يامحمد يامحمد
..............

نزلت أملاك العرش يم المهد
الفرحه عدهم الك احله امن الشهد
احله مولود انته هليله انولد
مااجه كبلك ولا بعدك ابد

هايم بيك كلمن يشوفك
هايم بيك لامايعوفك
يامحمد يامحمد يامحمد

محمد هادي العقابي

بصوت. مسلم المطيري

حبيناك. من البدايه

كلمات الشاعر
محمد الموالي

((وصال نينوى))


لَستُ أدري روحي أم قلبي انكوى
لَستُ ادري أين ساقاني الهوى
في غياهب أم لجين
في طريق الخافقين
قلبي يرنو في وصالِ نينوى

أذا مو أنته مدري شلون تگضي
يقبلةّ گلبي يامـــن بيك فرضي
حبك بالشهد يحسين
حــــــتى بهاي متوارد
گامو من حياتي الناس
بس أنته اعله گلبي مربع وگاعد
احبك والدمع شاهد
يل بس انته يالواحد
بصفحات العشگ انته
يريعان الگلب انت
ولطميه وجرح والنار
وبمجلس حياتي هواي متواعد
وي الزهره متواعد
وي المهدي متواعد


في دياج الروح قد شاب الغسق
في صميم العمر قد بات الرمق
بات في قلبي سؤال
مامدا جُرح الحبال
في يدين العرش قد بان العلق

بچفوف الجنان أحبال شدو
وعلى اچتاف الزغار اسياط رسمو
زينب والعشگ فواح
من السوط ماملت
سر حبك سبي وجروح
وزينب عاشگه وفوگ الهزل طلعت
العشگ لازم دمع سايل
العشگ لازم متن مايل
يحبنك يبو السجاد
لذلك گابلن جلاد
اليطيح من الهزل مبخوت
تعبانين حد الموت
الدمع مثل الجرح بسكوت
مبحوح العمر والصوت ... يحبنك


ياكُرام الجُرح في قَــلبُ التيّ
وَدَعت شجعانها في الدمعتي
من على ضهر النياق
لا دمـــــــوعاً لا عناق
ثم سارتّ في ضلام الوحشتي

مشت والهزله تعثر بالمصيبه
چه تدري الهزل زينب غريبه
حرام أليّ يحب يرتاح
وزينب هيه تعبانه
تعبانه بسهر وبسوط
وعيون الشوگ لهفانه
أبد متگول عطشانه
تظل بالضيم سهرانه
ترسم خيمه بيها أخوان
وتارسها گمر عدنان
وتسمع صوت أخوها حسين
ترسم للفرج بيبان
صارت للجرح عنوان
زينب والگلب ذبلان
زينب للدموع أشجان ...

عبد زينب
محمد الابراهيمي


◇◇◇◇◇

بصوت. مسلم المطيري

لست أدري روحي أم قلبي، انكوى

كلمات الشاعر
محمد الابراهيمي

بينه لهفه وشوگ گد امحبتك
والله مشتاگين احنه الخدمتك
.......
تدري بالخدام تتنفس غلاك
حسين معشوگ الخدم ماكو سواك
وياك كل خادم ملك اصبح وياك
الف هنياله اليحصل نظرتك
........
شكثر مشتاگين للخدمه اشكثر
بكثر ايام الگظت من العمر
نحسب العاشور لحظات التمر
نريد نطلم بالصحن يم كبتك
.........
مو بيدينه الروح يأخذها الحنين
بالگلب صوره وتسمت ياحسين
شوگ يتزايد على مر السنين
شما تمر ايام تغله امعزتك
..........
هواي ضدونه لان بينه العشگ
ذوله معذورين مافهمو صدگ
شلون تعشگ صدگ لو ماتحترگ
احنه نهواك وهوانه حظرتك
......... 
عطر صحنك سيدي عطر الجنان
يختلف هذا العطر من اي مكان
حسين من حبك صبح عالي الشان
واليريد الجنه يخدم تربتك
........
صفاء حسين الكربلائي

بصوت. مسلم المطيري

بينه لهفه وشوگ گد محبتك

كلمات الشاعر
صفاء حسين الكربلائي

بصوت. مسلم المطيري

مبارك لنا ولكم ولادة نبي الرحمه
•••
#أذان_العشگ
•••
دنيه والظـــــلم ليل أعلى طول الماي
وطولك چــــان حسره أبعين جبرائيل
لهفته أبڪبر دينك هيچي شايل شوگ
ومطر دمعة أعيونه أعلى الوجن ترتيل
وأذن بس أذان العشگ مـــــــاخذ دور
ورجف بعيون باچـــــر حتى يوم الفيل
وصفن تاريخ كـسره وعطش رايد راي
ولون أمجاده چـــــانت تعمي نهر النيل
وغفت نار المجـــوس وحـلم چانت نار
لأن طبها محمد ضحـــــــك حتى اليل
•••
دنيه  والظلم مـــشتد بشرها
أبغابه أتگول متجمـع  بشرها
رب  الكون   بالهادي  بشرها
ونقذهه امنالظلم والجاهليه.
•••
خادم أهل البيت..ع..
أبوحسين السرگودي…🕊🕊🕊

اعظم كلمتين .. خادم للحسين
محلاها و اتباها خادم للحسين

■□■□■□■□■□■

يعيوني و بعيوني بس انته الضوه
ما ترهم من دونك عيشه ابلا هوه
وادروسي بهالخدمه من راعي اللوه
من غيرة عباسك كل خادم روه

و جددت القسم .. وي راعي العلم
تـفسـيره بالـغـيره خـادم للـحسيـن

■□■□■□■□■□■

مو هسه من آدم حبك أزلي
ابهالخدمه اتعلينه و بسمك نعتلي
من نوگف بالموكب آنه وكل هلي
اشمحلاها من نخدم زاير أبو علي

صاحت كربله .. يالزاير هله
و ايجدد و ايردد خادم للحسين

■□■□■□■□■□■

يالغالي ما اعظم رتبة خدمتك
يا روحي اترد روحي ابشمة تربتك
هنيالي بجفوفي شايل رايتك
يا جنه و الجنه طافت حضرتك

يا ريحة علي .. غيرك ما إلي
و اعيونك مجنونك خادم للحسين

■□■□■□■□■□■

مولاي و سلمتك أمري امن الزغر
بالخدمه اشمحلاته من يگضي العمر
ما ألزم دمعاتي أسمك من يمر
و اجفوفي الوحدهن تلطم عالصدر

معناة الطلم .. ثورة اعله الظلم
اتفاخر للمحشر خادم للحسين

■□■□■□■□■□■

بحروفك تتغنه هالگاع و السمه
يحسيني ومن مثلك جبريل خادمه
عله بابك خليني الخاطر فاطمه
من جفك رويني يا شيخ الضمه

ضامي ابكل دهر .. بس شفتك نهر
ما يضمه اليتسمه خادم للحسين

■□■□■□■□■□■

سلطان و يسجدلك كل هذا الفلك
بين ايدك يالغالي العبد وما ملك
لطامه بجايه مشايه الك
يا منقذ للعالك و العافك هلك

عهدي ابدمعتين .. لبيك يا حسين
من مهدي للمهدي خادم للحسين

علی فرهود الکربلایی

ثواب النشر هدیة الی روح امي و ابوي

#الناشر_مهدي_الكعبي

بصوت. مسلم المطيري

اعظم كلمتين. خادم للحسين

كلمات الشاعر
علي فرهود الكربلائي