ياموت  ليش اخَذْت احبابي
ياموت  هم ترد غيابي
امي اعز من الكلب
امي ضماهه الترب
ياموت
——————————————
ياموت ماخذ فاطمة...روحي تره الزجية
عني تضمها المكبره...انسه بعد كل جية
امي صباح الله تره... بلاها الشمس مخفيه
ترجع ولو ساعة ردت...اشبع دفو وحنية

ياموت  مني تاخذ امي
ياموت  توها جانت يمي
امي فركاهه صعب
امي ضماهه الترب
ياموت
————————————-
امي رحمه عله الارض ...تحتاج شُكر الرحمه
نعمة الله إمن السمه...شكد عظيمة النعمه
المثل امه فاطمة.... رايح فكدها يألمه
يسكن يظل المكبرة...الماتت يعالم أُمه

ياموت  تحرمنه من الجنة
ياموت  اوياه ريت ادفنه
دموعي عالزهره تصب
امي ضماهه الترب
ياموت
—————————————
مهظومة ماتت فاطمة..بسوطه العبد آذاهه
مخنوك بالريه النفس دخان الحطب غطاهه
اثياب فاطم تحترك...نار اللظى جواهه
تتلوه من ذاك الكسر...جرح الضلع اغشاهه

ياموت  انهشم ضلع البضعة
ياموت  بسمار منها اطلعة
امي عالخد تنضرب
امي ضماهه الترب
ياموت
—————————————-
شله بحياته ينتظر ...حجاية بخت دفنوها
تبرد سنينه وضحكته... بلحد الكبر نزلوها
تشبكني اريد الوالده... احضنها الي خلوها
امي تعبها الضلع ........... ولية زجر ولوها

ياموت تدفن راح احلامي
ياموت  إلمن اعيش ايامي
امي روحي تنحسب
امي ضماهه الترب
ياموت
————————————-
ياموت مااعيشن بعد....امي صعب فركاها
معقولة مااسمع وسف.منها الهلا شمحلاها
عافيتي راحت وانتهت... حيلي انهدم وراها
يدنيلي رايح هالاجل ... بلكي التقي وياها

ياموت  تعلم انت بحالي
ياموت هذا الك مرسالي
انفطر كلبي ينتحب
امي ضماهه الترب
ياموت
—————————————
يغازل جروحي الدهر...المن اروحن يمه
بهدومج اشتم كل مسه..بيج الحنان اشتمه
مشتاك يمه فاطمة... خيمة وجودي وحلمه
وحشة غرفتج ماتطب.. يحبيّبة صارت ظلمة

ياموت  تعمه راح عيوني
ياموت هم ترد حاجوني
امي عني تنحجب
امي ضماهه الترب
ياموت


علي موفق القزاز

بصوت. مسلم المطيري

ياموت. ليش اخذت احبابي

كلمات الشاعر
علي موفق القزاز

بصوت. مسلم المطيري

السلام عليك. باقتيل العبرات

كلمات الشاعر
محمد الجماسي

لسان حال كل خادم للزهراء عليها السلام

ما رايد مدح عالخدمه لا شُهره
بس رايد رضاتچ عني يالزهره
...........

يهنياله اليصفي النية بالخدمه
المهم گلب الموالي مو مهم اسمه
اليخلُص بالعمل يعله بعلو النجمه
ويهنياله التوفّق فاطمه تنظره
..........

اذا بيّه الغرور اتلبّس ابديني
دخليج فاطمه مولاتي نبهيني
بغروري وكبريائي لا تعوفيني
سماحچ والكريم يسامح الفقره
...........

اذا لا سامح الله وما قبلتيني
وين انطي الوجه مولاتي حاچيني
امامي المهدي يطردني ويجافيني
يضيگ بعيني هذا العالم بأسره
...........

اذا شفتيني مرّه تكبّرت بسمج
حلمج فاطمه مولاتي بس حلمج
للمجلس اجيتج أعتذر يمّج
التوبه التوبه عفوج عني هالمرّه
.............

اذا ما استحق خادم تسمّيني
خادم للخَدَم مولاتي حسبيني
اكنس بالمجالس عاد خليني
لو صفّط نعِل خدامج بعبره
.............

عله مصابج جبت عمري أون ونعه
الليالي الفاطميّة شهود والدمعه
اموت بلا مجالس والله يالبضعه
اريد ارضيج وجبر ضلعج وكسره
.............

اواسيج بمناحه ودمعه سچابه
المجلس لو اجيته اوكف ابابه
اصيح بصوت آ يحسين ومصابه
ومثل ما يقره ناعيّچ اظل اقره
.............

ادري بكل حُسيّنية ألچ لوعه
عله حسين الذبيح الكسرو ضلوعه
يهنياله التواسي ادموعج دموعه
ويوسّم باللطم يافاطمه صدره

#سيد_زيد_الفحام

بصوت. مسلم المطيري

مارايد مدح عالخدمه لا شهره
بس رايد رضاتچ عني يالزهره

كلمات الشاعر
سيد زيد الفحام

گالتلي يوجعني الظلع گلت انه هم اذاني
روحين احنه ابفد جسد واحد يحس بالثاني
اخ الظلع اخ… اخ الظلع اخ
…… .
غير انتي ظلعي ابدنيتي والبيچ كلهن بيه
يم حسن كل اليوجعچ يوجعني هم ليليه
مخنوگه من جرت النفس وانه اختنگ يوميه
جيبي الونين انقسمه نص الچ والنص ليه

صعبه اليشاهد بالنضر نص منه گام ايعاني
روحين احنه ابفد جسد واحد يحس بالثاني
اخ الظلع اخ.. اخ الظلع اخ
…… .
مو چني حيدر وانعرف اشهگ واموت بحسره
ماادري شنهي البنفس موجوعه ثاري الزهره
مو عصره وحده واكتفي باليوم مية عصره
يالزهره بمصابچ صرت امشي واطيح ابعثره

عثرني دمعچ من نزل كثر علي احزاني
روحين احنه ابفد جسد واحد يحس بالثاني
اخ الظلع اخ ……. اخ الظلع اخ
…… .
كل ونه بظلوعچ جرح توجعني واشهگ بيها
يا احله زهره ابهالعمر محزونه روحي اعليها
المشتركه وياي ابنفس ليش النفس ياذيها
تبچين نتباچه سوه وعيني الدمع يغطيها

اليدفنله نص من الگلب شيضل بعد ويتاني
روحين احنه ابفد جسد واحد يحس بالثاني
اخ الظلع اخ ……. اخ الظلع اخ
…… .
ينلچم گلبي ابشوفتچ والدمع وسط عيونچ
البچاچ بچاني اشكثر من شفت اصفر لونچ
بحساسي عشتي وبالذهن شمعه ونفخ يطفونچ
كسروا ظلوعي ابطيحتچ من گاموا ايدفعونچ

حالچ يبت المصطفى شل حالي وبچاني
روحين احنه ابفد جسد واحد يحس بالثاني
اخ الظلع اخ …… . اخ الظلع اخ
…… .
من حيلي حيلچ يستند يالبيچ اشد احزامي
يالچنتي زهره وسلوتي وكلشي حلو بيامي
بعد الرسول وغيبته يمچ رسيت الامي
اليكتلني كل هذا الوجع صار وحصل گدامي

وصلت وصيتچ للأذن من گلتي لاتنساني
روحين احنه ابفد جسد واحد يحس بالثاني
اخ الظلع اخ ……. اخ الظلع اخ
…… .
علي الحاج الصبيحاوي

بصوت. مسلم المطيري

گالتلي يوجعني الضلع
گلت انا هم أذاني

كلمات الشاعر
علي الحاج الصبيحاوي

من تسـد عينك    ترحل اسنينـك     محمـد
الأجــــل قــادم    أرحــم بفاطـــم     محمـد

1
ليلــة أوداعـــك محمـــد غـيبتـــك هـَــل ليلة
حتى عرش الله أعله فكدك سيدي أنهد حيلة
جـم ملك مكسـور جنحـه دمـع عينـه أيسيله
تنحـــب الحـــال الـزجيـــة والعلـــي والعيله

يا أبــو العتــرة    فاطمة بحسرة     محمـد
الأجــــل قــادم    أرحــم بفاطــم     محمـد

2
لا تسـد عينــك وترحــل والحــزن يلفيهــا
يامحمـد هــاي فاطــم منهــو عكبـك ليهــا
تـدري باجـر بـاب دارك يدفعـونه أعليهــا
والنــذل يلطــم وجههـا والبصــر يعميهــا

تبجــي يالوالـد     تشكي من حاقد     محمـد
الأجــــل قــادم     أرحــــم بفاطــم     محمـد
3
يافقيـد الأمـة بُعـدك بيـنـه أصبــح واضـح
خالـي هليلـة مكـانـك والله هجــرك جـارح
فاطمة أتصبّح بنورك هسه بيش اتصابـح
إحساسك أينادي الحبيبة آنـه عنـج رايـح

مـا إلك رجعــة     بعينــك الدمعــة    محمـد
الأجــــل قــادم     أرحــــم بفاطــم     محمـد

4
لليتامـة أنـت خيمــة شلــون راح أتسافــر
فـاطمــة أول يتيمـــة يــالنـويــت أتهاجــر
هـذا أمـر البـاري هـذا وأنـت قلبـك صابـر
روحتك مابيها رجعة بينـه كسـرت خاطـر

كل محب همـه     يانبــي الرحمـة     محمـد
الأجــــل قــادم     أرحــــم بفاطــم     محمـد

5
الدنيـا ماترحـم بـدونـك كلشـي بيهـا أتغيـر
فاطمة غصبوا فـدكها وحتـى طبروا حيـدر
الحسـن سمـوا جبدته أو مثـل أُمــه أتحيـر
والحسين انقطع راسـه وجسمه كله اتوذر

منقطـع رأسـه     والشمــر داسـه     محمـد
الأجــــل قــادم     أرحــــم بفاطــم     محمـد

6
بوكعت المحسن محمـد باجـر أيهضمونك
وبسبايا الطف هضيمة بقبـرك أيروعونك
لاتغـــــادر للمنيـــــة لا تغمــــض أعيونك
أرجـع وأتــرك منيتـــك هوايـة يحتاجونك

لو مشت روحك    تكثــر جـروحك    محمــد
الأجــــل قــادم     أرحــــم بفاطــم     محمــد

الشطرة
#امجـــد صاحـــب الشطــــري

بصوت. مسلم المطيري

من تسد عينك ترحل اسنينك

كلمات الشاعر
امجد صاحب الشطري

بصوت. مسلم المطيري

نعي للزهراء تخاطب  دار ابيها
السيده الزهراء اتخاطب دار المصطفى


يـادار الـوحـي وين الـوحـي صار
اوّويـن الـصـورتـه بالعـين تـذكـار
ظـلـت دمـــعــتّــي يـا دار مــدرار
راح الـچـان وجـهـه اليزهـر انـوار


فـارگـتـي الرسـول وگـرت الـعـيـن
يــا دار الـوحــي بـيـمـن تـزهـريـن
اصـدلّـچ مـوحـشـه ومكدرچ البين
عگـب راعي الرساله الـثـبـت الدين


يـالـبـابــچ گـبـل لـلـنـاس مــفــتـوح
والمحـتـاج مـنـه بـحـاجـتـه ايـروح
سـلـوتـنــه يــدار الـهـادي بـالــنــوح
وعگب المصطفى عاشـرنـه الجروح

                                        

✍ خادم الحسين ع
الشاعر رعد الجريخي

٢٨٧- بين الرضــا وجدته فاطمة
💧صلوات الله عليهم اجمعين💧


بين الرضا وبين الزچيه ٠٠ أعظم رزيه

راحت إله وشـافته
من شاهدت غربته

ذكرت غريب الغاضريه ٠٠ اعظم رزيه
ـــــــــــــــــــــــــــــــــــ
الزهره الوديعه بالحزن راحت لرض طوس
تحضر تريد مصـــاب ابنها شمس الشموس
وصلت وشــافت شيعته تلطم على الروس
تفجــــــر دمعها وهاج ونها الچان محبوس

نار اللضه تفور بچبدها ٠٠ السابع ولدها

سمو هرش چبدته
من شاهدت غربته

ذكرت غريب الغاضريه ٠٠ اعظم رزيه
ـــــــــــــــــــــــــــــــــــ
عادتها تحضـــر كل فجيعه وتلطم الراس
واليوم حضرت للرضا مخنوگه الانفـــاس
شاهدت جثــمان الغريب اتشيعه النـــاس
صاحت يويلي عالبگه بالخيل منـــــداس

چبد الرضا بالسم تورث ٠٠ مو بالـمثلث

تنعه علـــى جنازته
من شاهدت غربته

ذكرت غريب الغاضريه ٠٠ اعظم رزيه
ـــــــــــــــــــــــــــــــــــ
محتـارة بمصاب الرضا بضعة محمد
تشعـــــر الم كســر الضلع توّه تجدد
دفنـو غريب الدار وبگبــــــره توسد
ماظـــل ثلث تيــام عالغبره امــــدد

مات الرضا وبالسم تغيّب ٠٠ بس ماتسلب
ماسلبــــــــو جثته
من شاهدت غربته

ذكرت غريب الغاضريه ٠٠ اعظم رزيه
ـــــــــــــــــــــــــــــــــــ
راسك بجسمك يالرضا ماشفته مفصول
وﻻ عالرمـــــاح العاليه شاهـدته محمول
فوگ التراب معفـــــــــره ماعندك شبول
وﻻ مثل جاسم يالرضا بالحومه مچتول 

وﻻ طفل عندك ذابحينه ٠٠ واموذرينه

وتفـــــرفر رويحته
من شاهدت غربته

ذكرت غريب الغـاضريه ٠٠ اعظم رزيه
ـــــــــــــــــــــــــــــــــــ
يوليـــــــدي ما عندك رقية اتصيح بآلآم
خلف الجنازة وتلطم اعلى الصدر والهام
ويلي على الماتت كئيبة ابين ظـــــــلام
عالراس خطفتها الــــمنيه بديــرة الشام

وانطفت شمعتها المضيئه ٠٠ طفله بريئه

بعين الصبر نظرته
من شاهدت غربته

ذكرت غريب الغـــــاضريه ٠٠ اعظم رزيه
ـــــــــــــــــــــــــــــــــــ
معصومه مــــاتت بالغرب صح ياموالين
مالحگت تشوف الرضــــا وتكحل العين
ويلي على حــال الغريبه اخت الحسين
من عگب اخـــــوها يسروها بالدواوين

معصومه محد شد اديها ٠٠ بغيبة وليها

هيبتهــا من هيبته
من شاهدت غربته

ذكرت غريب الغاضريه ٠٠ اعظم رزيه
ـــــــــــــــــــــــــــــــــــ
فراس المحمداوي

بصوت. مسلم المطيري

بين الرضا وبين الزچيه. اعظم رزيه

كلمات الشاعر
فراس المحمداوي

دللول...دللول..صعب فگدك دللول
راح راح من عيني الولد
**
اجيتك حايره ودموعي بمناغاك
حاجيني زماني اشلون تعب ارباك
ذابحني زماني ابحسره من فركاك
يايمه الهجر ما ظني هيج وياك

يمحزون ...يمحزون نمت حسره يمحزون
راح راح من عيني الولد
****
اون بلا شعور وظهري محني عليك
اشربك ماي من عيني الدمع يرويك
اشوفك يبني نايم والسهم ماذيك
اسولف والدمع بالسكته لو حاجيك

عله الاه.... عله الاه خلص عمري عله الاه
راح راح من عيني الولد
****
تمد ايدك ييمه تريد مني الماي
اركض عالنهر بس كونه جاي وياي
يايمه بونيني اشيطفي نار احشاي
انشلع سباح كلبي وحسرتي بدنياي

نمت ليش... نمت ليش ..يعبدالله
نمت ليش
راح رمن عيني الولد
****
چنت حلمي وحياتي وشمعة امالي
ييمه انظر جمالك چن سمه هلالي
اهزن بالمهد شفت المهد خالي
اصدن للرمح صد راسك اكبالي

يمنحور.. يمنحور ذبل وجهك
يمنحور
راح راح من عيني الولد
****
ذبح عمري الدهر ومرادف الحسبات
فاركني حبيبي وكلبي بي لجمات
ما صدك ييمه وليدي ماظن مات
نايم عالترب متروس اثر طعنات

اناغيك.. اناغيك......نمت وبروحي اناغيك
راح راح من عيني الولد
****
خلص عمري عل نحرك ونتهه عمري
تعودت انه اشوفك نايم بصدري
اريد ارباي يبني وكل تعب سهري
مذبوحه امنياتي شخله كل دهري

بالونين بالونين........ذبحت امك بالونين
راح راح من عيني الولد
***
تمت بعون الله
خادمكم ....يوسف الفتلاوي

بصوت. مسلم المطيري

دللول. دللول.

كلمات الشاعر
يوسف الفتلاوي

قصيدة منبرية لشفاء المرضى وقضاء الحوائج بأذن الله تعالى وببركات محمد وال محمد
ببركات الحسين عليه السلام...
....................................................
المستهل

المايداويه الطبيب ....لايأيس لايخيب
خل يزور احسين ويهل دمعته
لو طريح افراش يقره ازيارته
....................................
موفقط للشيعه فاتح بابه مولانه الذبيح
مايميز بالطوائف شيعه سنه لومسيح
كلها ملتمه ابضريحه وجنه خيمه هالضريح
خيمة احسانه جبيره وهذا واقع مومديح

العاش ايامه غريب ....وجسمه عل الغبره سليب
غطه هاي الناس كلها ابطيبته
المالكه واحد يغطي جثته
........................
احسين من الباري وصفه وينك اسمع يالعليل
لاتكول اعرف ولكن صعبه اشفه ومستحيل
لاتجادل لوتأيس لاتظل تحجي وتطيل
الخالقك انطاك رحمه وماكو للرحمه بديل

شويه بس تربه تجيب..منها الهم وستجيب
راح تبره علتك من رحمته
هاي تربه اعليها صارت ذبحته
....................
احسين اكبر من وكتنه بس بسيط اويه الفقير
مايريد افلوس منك لاوساطه ولاسفير
ولو عجول انته ابطباعك حلفه بالظلع الكسير
هذا ظلع امه اشتظنه لوسمع مايستدير

هذا ظلع امه العجيب...المارضه لسه يطيب
المايفارك كل خياله ومهجته
ولو ندبته بيه تسمع ونته
...............
لاتأيس واذكر الله وابجي واكثر بالدعاء
يونس وايوب صبره ويوسف وهمه انبياء
شافو انواع البلايه وبالدعه انزال البلاء
اتوسلو لله انبيائه بالذبيح ابكربلاء

احسين للباري حبيب ..مخلص الربه ونجيب
احسين اكبر باب لله ورأفته...حتى روحه الباري اخذه ابأيته
......................
لايغروك ابحجيهم ناس وكتك بس خيال
احسين مايقبل تذبه ماي وجهك بالسؤال
مد اديك وصيح بويه احسين محتاجك تعال
واليمد ايده الامامه مايرد خالي محال

صاحب الخد التريب ...لو تناديله يجيب
منهو رده احسين ماحل شدته؟
والمن اتعذر عجز عن علته؟

سيد حيدر العزام

بصوت. مسلم المطيري

الما يداويه الطبيب


كلمات الشاعر
سيد حيدر العزام

(استشهاد الامام الرضا)

بالسم صــــــــوبو چبده
زماني وي الرضا شعنده
بالغــــــربه اندفن وحده
مثل جده ٠٠ مثل جده
ــــــــــــــــــــــــــــــــــــــ
آنه ام اهدعش معصوم ٠٠ واحضر كل مصارعهم
مابــــيـن القتل والسـم ٠٠ دهــــر الغــــدر وزعهم
رغم ضلعي والم كسري ٠٠ اجـــي ليهم واشيعهم
وهاي الليله بخريســان ٠٠ هدني مصـاب سابعهم

ظهري اعله الرضا محني
الغريب مصابه جـارحني
وسيف الغــــربه ذابحني
مثل جده ٠٠ مثل جده
ــــــــــــــــــــــــــــــــــــــ
مصاب الضامن الليله ٠٠ ببو محمد يذكــرني
الحسن لمن نفض چبده ٠٠ هضمني وحاله حيرني
ومن شفت الرضا امدد ٠٠ لهيب مصابه وجّرني
انظره بآخــــر انفاسه ٠٠ وهو بهالحال ينظرني

الوكت مـا يرحم اسياده
وسن ظلمه علــه الساده
الرمل ماصار اله اوساده
مثل جده ٠٠ مثل جده
ــــــــــــــــــــــــــــــــــــــ
المصايب مهما تتعــاظم ٠٠ لمصاب الحسين تهون 
الرضا بطوس اندفن وآنه ٠٠ اصارخ وي اليدفنون
وماسحگت عليه الخيل ٠٠ ولاعنده صدر مطحون
الله يلعــــــــن الطاغين ٠٠ الشمر ويزيد والمأمون

خلـــــــو بالگلب هضمه
وجفوها اشبيهم النعمه
الرضا مــــاوذرو جسمه
مثل جده ٠٠ مثل جده
ــــــــــــــــــــــــــــــــــــــ
حزني اتجـــــدد الليله ٠٠ عله السجــاد والباقر
عاشو ولدي المصابين ٠٠ وشافو محنة العاشر 
وشافو زينب الحـــره ٠٠  سبيه وتكسر الخاطر
وتالي گوضـــو بالسم ٠٠ وكلمن چـــبده متناثر

وللصادق اجــــــــــر ونه
وحضرت الكاظم بسجنه
وهالليله الرضا بحـــــزنه
مثل جده ٠٠ مثل جده
ــــــــــــــــــــــــــــــــــــــ
اواسي الليله معصومه ٠٠ الغريبه العاشت بغربه 
وظلت بالگلب حسره ٠٠ ودمعها للرضا تصبه
من گصدت لخوها شلون ٠٠ ماتت بالدرب صعبه
چانت تدعي ليل انهار ٠٠ الله ايحقق  الطلبه

توصل للرضــا تشوفه
وتحبه بعينه وچفوفه
وتالي بغـــربته تعوفه
مثل جده ٠٠ مثل جده
ــــــــــــــــــــــــــــــــــــــ
الجواد بدمعة عيونه ٠٠ نزّل والده بلحده
يصد اعله الجسم سالم ٠٠ واصابع عشره لبيدّه
ماظل عالترب عاري ٠٠ سليب وراس ماعنده
ولا بجدل گطع صبعه ٠٠ ولا سهم الگطع چبده

الجواد بحسرته اينادي
الچتل ریحــانة الهادي
الرضا مابات بالوادي
مثل جده ٠٠ مثل جده
ــــــــــــــــــــــــــــــــــــــ

حيدر بشار الدراجي

بصوت. مسلم المطيري

بالسم صوبوا چبده

كلمات الشاعر
حيدر بشار الدراجي

يايوم  تظهر    يايوم 
تاخد   ابثار  المظلوم   
  يا بوصالح يا بوصالح
****
يمته     يبن   الاتقياء  

انشوفك  بطف  كربلاء 

‏ونورك  ايضوي السماء

وتكشف اصحاب  الرياء
‏ يابوصالح   يابو صالح            
****
اطالب   بحق    البتول 

المهدي  ياابن  الرسول

لازم    الظالم    يزول   

‏ابصارمك كل  الحلول                يابو صالح /يابو صالح
***
تصلي  بالكوفه  الفجر
 
ولظهورك  ،      ننتظر  
        
شايل    ابچفك.    نصر 

وبسمك. الكل     نفتخر                   يابو صالح  / يابو صالح
****
لليوم  دم  جدك   رطب

ودمعة   الحره     تصب

نار    تسعر        بالگلب
  
اوساكنه ابديرت   غرب                
يا  بو صالح   يابو صالح

ندري   ابگلبك    يغايب

شاب من كثر   المصايب

دوم     بالاحزان   ذايب  
 
وشافت الروح  العجايب            
يابوصالح    يابو صالح
***
تطلب    الثار     ابالم

وبيدك    ايرف   العلم

وتبني  كل گبر  انهدم  

اوعدك  أنصار  الخدم              
يابو صالح    يابو صالح
***
اظهر    وشوف   الوطن 
    
  ممتلي  هموم    ومحن

  ينادي وين ابن  الحسن

  ‏بكل عصر  وبكل   زمن
يابو صالح     يابو صالح       
***
خادم الحسين
سيد فاخر البطاط