بصوت. مسلم المطيري

رجعنه لبيتنه اردود

كلمات الشاعر
مؤيد الحيسناوي

وگت المغربيه
الحزن بين عليه
اباوع عل يودعون
وشم ريح المنيه
،،،،،،،،،،،،
يليل العاشر إمنسهر
أدور للگلب سلوى
بين احبابي اريد افثر
أوزع عل خيم شكوى
حزينه إبدمعتي إلنار
تچوي عشرة الخوى
أحاچي إلخيم ما أگدر
بلوى إفراگهم بلوى

مدري اشصار بيه
عمتني الغاضريه
أون إويل يونون
وشم ريح المنيه
،،،،،،،،،،،،
يليلي حان إلفراگ
واشم ريح المصايب
إشعجب ما لحگ إبساع
عله إوداع الحبايب
إومدري اشلون تاليك
إوتالي إويل نوايب
صحت صيحة حزن حيل
يدنيه إگليبي ذايب

چم مره خطيه
وگع گلبي بديه
أخافنهم يموتون
وشم ريح إلمنيه
،،،،،،،،،،،،،
يدمعي إلصب علل گاع
إونصب ماتم مناحه
يشل بجروح إلعزاز
وريده إيشل جراحه
عليه إلوگت شو دار
إو علي شايل رماحه
إو هايه إلگوم ياحيف
إنملت حقد  إوقاحه

وخاف إتهد سويه
عله أولاد الزچيه
احچي إبدمع لعيون
وشم ريح إلمنيه
،،،،،،،،،،،،،،
شعوفن حرت ياخيمه
إوياخيمه اطب ليهه
حفظت إدروبهن كلهن
إوكل وحده جرح بيهه
إشويه إهنا اريد أگعد
إوبلكي الروح ارويهه
هايه الليله بس ظلت
ويه احبابي اگضيهه

نادتني رقيه
يعمه إدني ليه
صدگ باچر يشيلون
وشم ريح المنيه
،،،،،،،،،،،،،
✍حيدر ناصر شداد
الجمعة 9/8/2024

بصوت. مسلم المطيري

وكت المغربية

كلمات الشاعر
حيدر ناصر شداد

في رد الروؤس للاجساد في العشرين من صفر (موشح )

گوم زيد النوح عشرين بصفر
               روس اهل البيت ردت للحفر
★★★★★
ردوا بهلروس.    گصدوا كربله
بالشماته الگوم اجت متجحفله
هذا راس حسين ياهو استقبله 
               ماكو من هاشم ولاواحد حظر
★★★★★
گوم ونحب  نوح علصار وجره
على الروس البلتراب امعفره
يبستها الشمس حيل امسومره
               ذبل وجه الدين  وي نور الگمر
★★★★★
جابر استقبل الروس ابلوعته
گام يتعثر  تدمت  جبهته
شاف راس حسين هاذي حالته
               أمطبر ومهشوم مرضوض بحجر
★★★★★
لطم وجهه وصاح ياحامي الحمه
هاي روس اعزازك  المتهشمه
شلون ماتنطبگ علگاع السمه
             شلون روح المصطفى أمگطع وذر
★★★★★
هاي زينب صدگ دمعتها تهل
الأبد مابين خيال الها وشكل
تنسبي وتركب على عجوف الهزل
               وين اهلها احيود عدنان  ومضر
★★★★★
لطم صدره وصاح يازين العباد
طحن روحي الهظم سواها  رماد
ابيضن اعيونك ولابيهن سواد
               گلب يعگوب على محبوبه انكسر
★★★★★
صاح جابر يابواليمه ياغريب
ياحبيب المايرد على الحبيب
جروحي حد الموت بعدك ماتطيب
              شلي بروحي بعدك ونور البصر

الشاعر حسن لعيبي الحريشاوي

بصوت. مسلم المطيري

گوم زيد النوح عشرين بصفر

كلمات الشاعر
حسن لعيبي الحريشاوي

زينب ردت من الشام .. راس حســـــــــين وياهه
===========
حال أم عون يفجع من يصـــد ليـها
من حرگوا خيـــــمها وطـــاح واليها
زينب بت علي والخـــــدر غاطـيها
الستر والعفه ما فاركَت مـمشاهه
===========
مفجوعة العقيلة من الجرة بالطف
عليها أهل الشماته وسفه تتخطف
تالي جفوفــــــــهم بالحبل تتجتف
أطفال وحرم أم عون بحمــــــاهه
===========
تبـاري ضعونـهم وتلمــــــــلم العيله
يالليـلة الوحشــــة شــلون من ليلة
علي السجاد باد من المرض حيله
شلون الدهر هاي المحنة راواهـه
===========
وگف حـادي النوگ وجــدم الهزله
نحيله بلايا هودج هــــاي مــو سهله
زينب ركبتــــــــــهم بس صدكَ ثچله
آه شگد مصاب حسين  بــــچاهه
===========
لن أخـر مطاف الشـــــــام يا علته
بطبـل ودفوف زينب وسفه شافته
بديـوان اللعين بيـــــــــــــــوم طبته
لازم خيــــــــزرانه وكف حـاچاهه
===========
وردت بالحــــــرم ولكربله بحســرة
وي راس الشهيد وتجذب العبـــرة
زينب من مصاب أخـوته منكسرة
على گبـــــره هوت ومحدب گفاهه

===========

شاعر أهل البيت
الشيخ عبد الحسين المنصوري

========

بصوت. مسلم المطيري

زينب ردت من الشام
راس حسين وياهه

كلمات الشاعر
الشيخ عبدالحسين المنصوري

بصوت. مسلم المطيري

نعي

احتاميت لبن امي واجيته
ولاشفت وجها ولا لگيته
طحت اعله گبره وعاتبيته
وذاك البچي يمه بچيته
عندي حچي بس ماحچيته
لوبيت ضل عنده اعتنيته
وكضيت بابه وگابليته

شايف الحسره الي تضل بيك
من تحاچي گبره مايحاچيك
ومايمك بنادم يواسيك
وتحچي و يلحده شلونه راعيك
عطشان للملگه يخليك
وحچي المگابر مايرويك

رديت بس شلون رده
حسبالي اشوف اهل الموده
ضهري انكسر مثل المخده
ذاك الوكت ماي وتبده

رديت ماكو بضعني رايه
وبالروس جيت الكم هدايه
توني ايست هاي النهايه
من گمت اسولف عا السبايه
حتى النهر بچيت مايه

سعد  العبودي

،
،
،

[ لسان حال مولاتي زينب يوم الاربعين ]



مجبوره عفتك وانت تدري ابحالي
بلا راس نايم حيل شاغل بالي
رده المجانه وصير خويه گبالي
منيتي اشوفك
____
تدري شكد كسر كلبي امن اذكر نحرك اموسد
حته ابنومه ما مرتاح اخيّ الشاف ضيم اشكد
حسين اول بشر ميت نحره اعله الترب مو خد
نَساني ليالي الشام راسك للجسم من رد

ماتدري هسه شلون بي فرحانه
راس الحسين وياي رد لمجانه
لو بيك حيل امن السبي اتلگانه
منيتي اشوفك
___
جبت راسك يبعد اختك بس شلون اشوفنك
عفتك عالوجه نايم بوكتها كوه اعرفنك
عفتك خويه تحت الخيل برجليهن يجلبنك
لا راس ويدلي اعليك كلي شفتهم منك

كبل السبي وكبل الدفن تيهتك
خويه وغلاتك مابقه بكلب اختك
ريت ابحلم يالغالي ومجابلتك
منيتي اشوفك
____
اذا لمك علي ابخرگه راسك ياكتر ينحط
اليحفرله لحد مسحوك اضنه ابجسمه يتورط
ينگطوله اليموت ادري وانت بياكتر نكط
گول الراس رديته الباقي شلون يتصفط

بالخيم وانه اسمع اضوعك طكت
شسوت ابجسمك خيلهم من سحكت
ماضنها شي خويه الحوافر خلت
منيتي اشوفك
_
رحت حيره وارد حيره كبرك هسه شيحفره
كل ضني امن رد للطف الكه اخواني منتضره
حسبالي امن شوف حسين اردن زينب الحره
وهسه ابراسه حرت اردود منيتي يرجع النحره

خفت اعله اراسك حته ارده الجسمك
واتفتح اعيونك وحنه نكعد يمك
ياعطر امي البيك ريت اشتمك
منيتي اشوفك
_
منيتي اتكلي يازينب ليش هناكه طولتي
واسولفلك على الشفته لحد متكلي بس يختي
واكلك عالزم طبيت واسولف مختصر قصتي
وانت اتكلي بسج عاد رمح حجيج ابخاصرتي

سوالف ابكلبي لو بقت تكتلني
اتمنه خويه اعله السبي تسألني
وعن متني تنشدني ويضهدك متني
منيتي اشوفك
_
راسك عندي مجبوره افتح كبرك وانضر
عاده اليجهب الموته ماي اعله الترب ينثر
وانه الماي الك جبته نحرك ادري متفطر
امنيتي موتتي يمك ويم لحدك لحد احفر

مابيه حيل افراك شفت هوايه
حره صرت محد يجرني ابرايه
وعيالي فوك الكبر كلها ويايه
منيتي اشوفك
__

بسام قابل الياسري

بصوت. مسلم المطيري

مجبورة عفتك وانت تدري بحالي

كلمات الشاعر
بسام قابل الياسري

ريــت أروح لكـــربله وي الأحبـــاب
ومـــا أظـــلن وحــدّي وأهلـي غيـاب
يصعــب أوداع الأهــل عنــدي مــا ظل كل أمل
وأهلــي غيـــاب
****
بالحـزن ضعن الهواشم انــوه گاصد كــربله
روحي والفرحه خذوها وي دموعي الهامله
اگصــد لعبدالله أشــوفه لــــو أودع العـــايله
يهلي فــرگتكم مماتـــي وانـه روحي معلعله
مــن أظل بغــربتي روحي تشتاگ
يا عذابي ومحنتي مــــن الفراگ
الفرگه وي علتي علل عنــدي مــا ظل كل أمل
****
انظــر حسين ودمعتـي تشــــرح بعينــي اليتم
وانه ادري أدموعي تجرح گلب أبوي وينلچم
انتظـــر منـــه يگلــي گــومي يـــا بويه بعزم
وي خواتـــچ للضعينه الكلمــه صارتلـي حلم
انظــر لضعن الولـــي حمل وشــال
محد الظــل من هلــي حتى الأطفال
بعيني دمعات الزعــــل عنــدي مــا ظل كل أمل
****
مــر ضعنهم عالنواظـــر اخذ مــن عيني الضوه
الريه شهگت من جفوني بيها احس ما ظل هوه
يـــا ضعن رد روحي اليـــه انـــه والميته ســوه
لعلتي لـــو فرگه الحبايب بعـــد مـــــا يرهم دوه
صحت والمدمع جره مــن العيون
وحـــدي أظل محيره لــو تبعدون
وشًنفع دمعـــي النــزل عنــدي مــا ظل كل أمل
****
مـــر ضعنهم والمدامــع سابگت مشي الظعن
ريت مـــن بعدوا عليــّه عيونــي للفرگه عمن
انظـــر بحسره لـــرقيه چفــوفها مـــن لوّحن
چــن حبل انظـــر بديها اه منـــك يــــا زمــن
گلبي نيران اشتعل ريض أرجاك
ريت تــرجع بالاهل وامشي وياك
صحت صوتي ما وصل عنــدي مــا ظل كل أمل
****
يبعد الضعن ودمعتي مــن دمــه تهـل سايله
ينرسـم عاشــــر محــرم تنرسمــلي المعضله
ينرسم عبدالله ضامــي أبنحره نبلة حرملـه
وينرسم عالغبره أبـويه الخيل فوگه جايلـه
اصرخ أبكل لــوعتي وارسم أفكار
بحيره تركض عمتي بالخيـم نـــار
عنها لـــو غاب الكفل عنــدي مــا ظل كل أمل
****
علتــّي وفرگـــه الحبايب بالگلــب خلــت اثر
عالدرب انطـــر واتاني مـا وصل منهم خبـر
ارجع لداري المظلمه يذبـح إعيــوني السهر
تغفه عيني واحلـم انه بخنصر وسيف ونحر
بصوتي انادي بالدمــع بويه يحسين
صدگ مـــا سالم ضلع تحلــم العين
ريت وافانــــي الأجـل عنــدي مــا ظل كل امل
****
الشاعر
موسى البديري
--------------------------------

بصوت. مسلم المطيري

ريت اروح الكربله. وي الأحباب

كلمات الشاعر
موسى البديري

راده  ام عون بحزنها الكربله
كومو ياشيعه  نتلكه العايله

كومو شوفو الصار وياهه وسده
شضال بيهه من هضم جور العده
طلعت من الشام والهم بتده

وياهظمهه شلون واحد يحمله

خل نلاكيهه بدمع گبل الطم
ومثل ما مهظومه وحنه الننهظم
نذكر الطف ونكسر بي جم عظم

والبجه وياهه حظاله بمنزله

ملكه زينب رادله نوح وعويل
رد ظعنهه بحيره مندون الكفيل
وحايره بهمهه وبعد هم العليل

وگبل هذ اليوم هيه مدلله

كومو نتلكه العقيله ام الحزن
ردت بلوعات محتاره وتون
من مشت عافت اخوها بلا دفن

وصعبه كلش حيل هاي المسئله

صعبه يوم الي مشت ويه الغرب
وطول هاي المده ودموع وتصب
فراك ابو اليمه تره كلش صعب

وحگهه من تبجي بدموع وهامله


.
ابو سلام الجابري

بصوت. مسلم المطيري

راده ام عون بحزنها الكربله

كلمات الشاعر
ابو سلام الجابري

بصوت. مسلم المطيري

ابوذيات للاربعين
لسان حال زينب ع

يدهري اللوعه احسبها – ولك عاد
سجيه من گمت تجرح --- ولك عاد
رجع ضعن اليسر للطف --- ولك عاد
شعجب مرتين اشوف الغاضريه

يعت بيه الدهر گوه --- وعتبه
والي وياه الف حسبه --- وعتبه
لا دار البقت عندي --- وعتبه
ولا حتى اهل بالغاضريه

الجره مكتوب من الله --- وعدنه
نطينه كلشي للباري --- وعدنه
الك يحسين ردينه --- وعدنه
من الشام بس عفنه رقيه

اشاگف عن ايتامي اشكثر --- رديت
ويشتموني ولا فد يوم --- رديت
الك بالاربعين شلون --- رديت
شوف امتوني ياخويه واديه

الشاعر السيد رياض الجابري
○○○○○○

اجيت من السبي محد تلكاني
بس ايتام عندي وين خواني
٠٠٠٠ ٠٠ ٠٠٠٠
اجيت من السبي يخواني شوفوني
من حر الشموس مزوركه متوني
ابكل ديرت شمات وسوك مروني
ويتفرج عليه القاصي ولداني
٠٠٠٠ ٠٠ ٠٠٠٠
جيت وحيلي يل خوان موهوه
طحتلي بناس ماكو عدهم امروه
طريج الشام بيه شسوه وشسوه
المالحك ضربني خويه شتماني
٠٠٠٠ ٠٠ ٠٠٠٠
اهل الشام كلهه عيونهه علينه
وحته طفالهم كامت ترامينه
يسمعنه حجي كلمن يمر بينه
انه ام الخدر ودهري خاناني
٠٠٠٠ ٠٠ ٠٠٠٠

كمت اركض ركض حته اسبك الناكه
والعباس للعباس  مشتاكه
ماضنيت وي اكبور نتلاكه
المن اشتكي من ضيم عدواني
٠٠٠٠ ٠٠ ٠٠٠٠
اسولف ياجرح وانه الجرح بيه
ياديره الطبهه تموتلي ابنيه
ضاعت مني خوله وضاعت رقيه
فوك امصيبتي والشمر ضرباني  

٠٠٠٠ ٠٠ ٠٠٠٠
هناه المن طحت وتعثرت ببني
اسولف عالكبر وياهو يسمعني
هناه الشمر كام ابرمحه يدفعني
يضحك من حرك بالنار صيواني

٠٠٠٠ ٠٠ ٠٠٠٠
خادم اهل البيت ع
فلاح طالب الماجدي

~~~

بصوت. مسلم المطيري

اجيت من السبي محد تلگاني

كلمات الشاعر
فلاح طالب الماجدي

بصوت. مسلم المطيري

ابيات ابوذيه إلى السيده رقيه عليها السلام


بديها احبــال بـس أزرگ     متنها
زغيـره  وعـن  بـواچيهـا     متنها
الــف    موتــه  مصايبها     متنها
وأشدهن فـــارگت روح الزچيه

الشاعر
موسى البديري

بصوت. مسلم المطيري

أبوذيات

أرد وياه كوّن الجيت وياه
بجفاكم كمت أصلي الآه وياه
گلب حسين نار الخيم وياه
لحد ما طفّة بحافر عل وطية

عطش وتفطرت منه انشفت لا
اجروح امتوني ما تدري انشفت لا
اكعد خوية وسألني انشفت لا
انشفت وعينهم ترست بيه

بين الخيل والدخان ما بان
زلم  تحرگ خيم و الخيم مابان
دريت بطول اختك بان ما بان
وشامت صاح زينب ذيج هيه

الكلب والشاطئ قصة عطش مناه
وعلي كل آه اونها أشد مناه
صحت مناه التل ولشمر مناه
عبرت وعينهم عالت عليه

شفت ميمونك بعيني سرج مال
طلعت وللغرب طلعن  سرجمال
طلع ضعن اختك بغبشة سرجمال
هزل وسنامهن حط لوعة بيه

كريم الدراجي

اللهم عجل لوليك الفرج
~~~~

حوار بين الحسين (ع) وأخته العقيلة زينب (ع)

شغيرچ لتگلي يا ضي عيني
الشام حتى حروفه احس تاذيني
________________
خويه مهظومه اجيت من اليسر
مو يسر بي شفت بس ضيم وعسر
دخلونا السوگ يبن امي العصر
والشماته عيونهم ترميني
__________________
عالتراب نبات كل ليل السبي
يالغيور وصارت غطانه العبي
چن خوارج صرنه مو آل النبي
ولا قرابه ابين طه وبيني
_______________
كل مصاب يهون يم طاري القصر
طبت الديوان خويه ام الخدر
گبالي وبراسك شفت يضرب زجر
ياصبر يگدر يهود اونيني
_______________
خويه وبنيتك المردت جبدتي
تصيح اريدن والدي يا عمتي
ماتت اعله الراس وانا بحسرتي
ريت وياها الأجل يلفيني
_______________
ادري گلبك ينجرح لبنيِّتك
بموتها يحسين واست غربتك
خويه بالشام ادفنتها رويحتك
الحالها يا دمعه التكفيني
_______________
ياحسين وهذا كل الي جره
جيت محشومه ورجعت ميسره
نار الك ما تطفى بيه موجره
والدمع يبن امي ميطفيني
______________
خادم اهل البيت (ع)
الشاعر عبد العظيم أحمد الابراهيمي