القصيده الرئيسيه اليله الاولى
.
.
.

رادونـي اخـــتار ابيــن اثنين
گالولي الجنة وگـــلت حسين
الجنة وكل ماتحويها
يـم باب القبلة الكيها
كلـمه ومابـالـغ بـيـها
گلت حسين

***

روحي حسين واحساسي ..وبس حبه الترس راسي
الهوه المامـر على قبـــته .. ماتتــــقـــبلـى انــفاسي
گلبي چـــن علگ اخضر .. انـشــد اباب ابـــو الاكبر
مـــلوحـــة ايـــــد زواره .. حنــين بـداخلــي غـــزر
الگــال اتـــبالغ بهـــــايه .. مامســـتنــــشــــق الرايه
والرايد هــــوى الـــجـنه .. خــلـي يمـــشي مـــشايه
 
والراضع غيره مــن عاشور
يشعر بحســاسي من ايزور
الجنه الـ الله المسويها
يم باب القــبلة الگيها
كلـــمه ومــابالـغ بيها
گلت حسين

***

اباب الـقبلـــه والقبلـه .. اعلــيها من اترك القبلة
للفردوس چـــن ادخل .. صحن حسين اذا طبله
بجنة حسين اكو كوثر .. يـــروي الداخـــله جمر
مكان الكوثــر بصحنه .. بـــيـــن الراس والمنحر
والهالحــــاله اتـمـــنه  .. اگـــضــي ايامي بالجنة
واذا وناتي احس خفت .. الـــسيد جاســـم اتعنه
 
ومن ينعى السيد روحي اتهيج
وتوصــل ونــاتـــي لطـــويريج
والدمعات الاجــريها
يم باب القبلة الكيها
كلمــه ومــابالغ بيها
گلت حسين

***

جـــروحي كربلائـــيه .. ودمعــــاتي حسـينـيه
المامتـــصل بالــخدمه .. خــــل لايـتصـــل بيه
يشـــهد الله مذبوحـي .. جمرة خيمـته بروحي
والالــف وتسعمـــيـــه .. اشـعر كلثـهن جروحي
كلشــي تعلــــق بكبره .. احبه وداعــة الـزهره
السدره چي عليه فيت .. احبن كلمــة السدره
 
ولدان الجــنه وحــور العين
يحلمون بشوفة گبر حسين
والاراء البــــــديـــها
يم باب القبلة الكيها
كلمه ومابــــالغ بيها
كلت حسين

***

الجنه الي يطـب الها .. مو صاحي الذي يملهه
وجنة حسين ابو اليمه .. بمكــــه مـــا ابدلــهه
حسين وكــل تفاصيله .. حلـــم مجهول تأويله
لذلك غير ابوالسجــاد .. عقلي يرفـــض يشيله
جنة المـــؤوى بالحاير .. والهــــذا السبب حاير
شنو معنــاتهه الاملاك .. كامــت تحــسد الزاير
 
معـــناها جنــــات الرحمـــن
تتجسد في صحن العطشان
ومن احتام الطاريـها
يم باب القبـلة الكيها
كلمــه ومابالغ بــيـها
گلت حسين

***

الظامي الاسمه ابو اليمه .. اعتـبره ولي النعمه
والــــهذا السبـــب انـــي .. اشعـــر راحتي يمه
العـــلوياته مــن انحـــب .. وشمـا بالبچي اتعب
فدوه اعيوني ودموعي .. الدمع ام الخدر زينب
ولو تطشـــــر اعـــيوني .. وكل ناسي يعـوفوني
يكفــــي حســـين ويايه .. الــــوادم مايهمـــوني
 
واليعمي بحـبه شنهو الناس
ياخذ بچـفوفه چــف عباس
الضاعت مني وناسيها
يم باب القبــلة الگــيها
كلمـــه ومـــابالغ بيها
گلت حسين
***
حيدر تركي الكربلائي
 

بصوت. مسلم المطيري

رادوني اختار ابين اثنين

كلمات الشاعر
حيدر تركي الكربلائي

بصوت. مسلم المطيري

ابوذيات.حسينه


كثر.  همي. يبو. الأكبر.       وسادي
افراشي النوح والحسره.    وسادي
اضل الحم حبل صبري.      وسادي
المصاب ايگطع ابتوت البديه


السبوها. ياخلگ  بتمن.      وهي، من
الظلم والجور حيرها.       وهيمن
أريدن. أنحر البيده.          وهيمن
على الجدها النبي، او تمشي سبيه


  كفيل.    الحره.      بالقرأن.  نصله
اوچم فارس، يدنج الراس.    نصله
نص  هامو على البيداء.        نصله
او گصبهم علنهر جمله او سويه

الفرح. عني. ابتعد  ودبر.      وهاجر
وعلى حالي بچت. حوى.       وهاجر
يعت بيه.  الشمر وشگف       وها اجر
الزنيم يعت بنات اهل الوصيه

علينا  اجيوشهم  للخيم.      يرت
او من راسي العبا يحسين.   يرت
يطلبونا.  الرجس ياذنب.      ياريت
ذنب حسبوه اصلاح اهل البريه


الشاعر الشيخ المرحوم عبدالامير الكعبي


ـــــــــــــــــ

للمهدي امانه خدمتي خدمتي
•••••••••••••
حب حيدر دخيله ماعندي وسيله
بس حبكم فضيله يا حامي الجار
من عيني افتحتها هالخدمه اعرفتها
كل لحظه عشتها ويه الابرار
لو تضيع اسنيني ياهو الي ايدليني
ردت خادم للهواشم سيدي خليني

بحرقتنا وبكانا
وحسرتي وحسرتي
للمهدي امانه خدمتي خدمتي
•••••••••••••
عباس ابوگفته علمنا خدمته
وصلها خدمتي لچوف عباس
علمني ابعطائه لليوم كربلائه
مهيوبه ابلوائه مگصد للناس
حلفه ابچفينه خدمه خل يطينا
ولو نظرنا انصير کلنا خدم يرضا اعليلنا

لو مر ولگانا
فرحتي فرحتي
للمهدي امانه خدمتي خدمتي
•••••••••••••
وجسام وخضابه خدام الشبابه
ودّینه اعله بابه یالمهدی اهناك
وللاكبر خدمتي يالمهدي ودمعتي
وإلزينب حرگتي بچينا ویاك
اخدم ابمأتمكم والعمر بس الكم
ردت اسأل يمته تقبل انحسب خادمكم

والله من ننصب عزانا
بدمعتي بدمعتي
للمهدي امانه خدمتي خدمتي
•••••••••••••
يالمهدي دخيلك ادعيلي واجيلك
واهوايه قليلك عبدك حيران
رايد بس رضاكم مر بيه ابعزاكم
ما ضاع اللگاكم محسوب انسان
ماي اوزع مره مره اوزع عبره
مره اطيحن من اصيحن ياعزيز الزهره

وامصابك چوانا
ابمهجتي ابمهجدتي
للمهدي امانه خدمتي خدمتي
•••••••••••••
يالمهدي ابمماتي شآخذ من حياتي
الخدمه بذكرياتي سور من النار
مستودعها يمك بجاه الزهره امك
خليني اخدمك وانته الغفار
بهالمجالس ديني حسين دمعة
هي ذخري بذاك قبري خدمه التنجيني

لو منكر اجانا
بغربتي اغربتي
للمهدي امانه خدمتي خدمتي
•••••••••••••

الخادم
كريم التميمي

بصوت. مسلم المطيري

للمهدي امانه. خدمتي خدمتي

كلمات الشاعر
كريم التميمي

جـابـر راح اخبرك بالجره اعـليه
ذبحوهه اخوتي ورديت مسبيه

                                      *---------------*---------------*

جيت بحسرتي يا جابر اسمعني
ضـيـّعـت الگـمـر والگمر ضيعني
آنه ام الـخـدر والبين فـاجـعـنـي

مو هيچي الخدر يـنـعـاف تـالـيّه

                                      *---------------*---------------*

لو عينك تصدلي تمـوت يا جـابـر
تـرميهه العمامـه وما تظل صـابـر
گـلبـي بـعـلّـتـه مـا يحمل يـكـابـر

مـشـونـي بـظـعـن شمات حـاديّـه

                                      *---------------*---------------*

يا خـيـر الصحابـه شـارك ونـينـي
خليت الـگـمـر مطروح وحـسيني
جـيـتـك بالدمع والسوط مـاذيني

ما گتلي يـعـمـي شلون هـالـجـيّـه

                                      *---------------*---------------*

حـاچـيـنـي يعـمـي ياهـو احچيله
نام اعلـه الـشـريـعـه كـافـل العيله
ردّانـه الشـمـر والـمـدمـع انـسـيلـه

ما يـخـمـد ونـيـني وجمرتي البيّـه

                                      *---------------*---------------*

انـدب يا علي والـسوط بـمـتـونـي
يا عم ما دريت الگـوم شـتـمـونـي
تـالـي مْـيـسّـره بـالـضـيـم ردّونــي

والأصـعـب مـصيبـه مـاتـت رقـيـه

                                      *---------------*---------------*

جـابـر راح اخـبـرك واخبر مـحـمـد
يـضـربـني الشمر بالسـوط يـتعـمـد
يا جرح اليطيب ويا جـرح يـضـمد

ريت اويه الكمـر هـالـعـيـن مـعمـيّه

                                     *---------------*---------------*

 
✍ خادم الحسين ع
     الشاعر رعد الجريخي

بصوت. مسلم المطيري

جابر راح اخبرك بالجره اعليه

كلمات الشاعر
رعد الچريخي

يزاير ....هاي كل خطوه سلام
يزاير ....سعيك يشكره الامام

تعتني مشايه
هلا  بالوفايه
*******************************
بعيني اشيلك يالمحب كاصد اليه
حجه  تدري ازيارتي  اعظم هويه
بيدي اوزع  الماي  ونطيك الهديه
وياكم امي بالمشي تمشي الزجيه

يزاير.......خلي دمعك من دمه
يزاير ......عيش لوعة فاطمه

لو رفعت الرايه
هلا   بالوفايه
*******************************
بالمشي  ماكو  تعب  لا والله ياناس
اني واكفلك اجيت وعندي لك ياس
لو مريض اتعنه يشفه ينادي عباس
هلا بالزاير گصدني بدمع الاحساس

يزاير........اتفضل اهنانه استراح
يزاير........ موكب الحب والنياح

رايتك عنايه
هلا  بالوفايه
*******************************
باچر ابيوم القيامة تمشي وياي
اذكر حسين ومصابه بشربة الماي
صيح ياعباس صوتك وانت مشاي
موقف  العباس خالد  والله وفاي

يزاير..........شوف يوم الاربعين
يزاير.........سلم  عليك الحسين

صورتك چن ايه
*******************************
هلا   بالزاير   وصلنه  حجه  مبرور
دمعتك بالعين تجبر ظهري مكسور
ادري بالشيعي غيور وسعيه مشكور
حلوه من تنعالي والله بطور عاشور

يزاير...........هاك بشران النجاة
يزاير..........اشفع الكم بالممات

سوه يمي اقرايه
*******************************
تدري   فضل  ازيارتي  جدا عظيمه
رحمة الله تشوف بيها هوايه خيمه
خاطر  اجبر  كل كلب عنده يتيمه
اتذكرت دمعة رقيه  اشگد هضيمه

يزاير........شوفهه بدرب السبي
يزاير........شلهه سوط الاجنبي

والدموع هوايه
*******************************
اشكر اصحاب المواكب كلها خدام
كل سنه  ويانه تتعب طول  الايام
عيني نامت بالمواكب شفته مانام
اسمائهم يم  الزجيه والله كل عام

يزاير.........حسين يقرالك دعاء
يزاير.......هاك اخذ مني الجزاء

هيه هاي الغايه
*******************************
يوسف الفتلاوي

بصوت. مسلم المطيري

يزاير... هاي كل خطوة سلام

كلمات الشاعر
يوسف الفتلاوي

کون ادري امنموت ارتاح.... چایمک متت یحسین
بس خوفي اعله البنیات.... لواموتن یروحن وین
المثلي اتموت بل  عباس.... وآنه اشتم هوا المیتین
خذت کلشي ال الک بي لون.... وعفتني اشبه العدلین

ادورک وین ادورک وانته بس راس
وعلي یصعب وحگک جر الانفاس
اموت اولا اسمع چاوین عباس
وگلهم مات وسمع تضحک الناس

حسین بس الموت الیداویني بعدک
اي وحگ طاریک ذل ام عون بُعدک
آنه ذیچ الصیحتلک کون بعدک
عدل گوم الزلم هدو علیه

_مایله الدنیا اویه زینب مایله__

بلکي الله امنموت ارتاح.... بلکي اردود نتلاگه
وحگک یاشریچ اصباي.... اهواي اهواي مشتاگه
هوا احسین مو لل خیل.... یذبح زینب افراگه
کون البیک بیه ایصیر.....ولا اصعد عله الناگه

صعدنه اومن صعدنه گوا عل نوگ
الیتچولي غربه اوچفي محروگ
وشوفن محبسک یحسین مبیوگ
ولبایگ محببسک جابه لل سوگ

خویه ولبایگ محبسک یمي شاله
گلبي المملي ابحنانک خویه شِاله
هوا المفارگ اعیونک بعد شله
ابحیاته او عیشته کلها اذیه

_مایله الدنیا اویه زینب مایله____

تعبت امنل سهر یحسین.... وحس ابگلبي یتهشم
منغمض بل حلم الگاک.... راس اوشیب یگطر دم
حتی ابحلمي اشوف النار.... وشوفن حرگ المخیم
وذکر گعدت العباس.... بعد هیهات مانلتم

مشینه اومن مشینه گوا عل روح
ویصیحولي اخیت المات مذبوح
وصوتي امنل بچي یحسین مبحوح
وطبت الشام یعني اسهام وجروح


احسين اتحمل هضم یاخوي لاوین
احبال فوگ اچفوف اخیتک خویه لاوین
گالو اتسکتین لاتبچین لاوین
احسین مات اونتي من هسه سبیه

مایله الدنیا اویه زینب مایله___

هم صارت مرا ابنص گوم.... کون اتجاوب الدیوان
هم صارت گبل یحسین.... ابمجلس تطب نسوان
انه اختک یابعد عیناي.... اکسر هیبت اعدوان
موش آنه التهبط راس.... وتبع سیرت الخوان

وحیده اختک وحیده یاضوا العین
شیرهمها زینب بل دواوین
وکلها اتصیح طبت اخت الحسین
وصیحن وین المگطعلي چفینه

روحي شبعت من بعد عیناک بس هام
من سبي النسوان بلکت بعد بس هام
صحت عطشان اوروک احسین بسهام
حسین وعیون الشماته اسهام لیه

__مایله الدنیا اویه زینب مایله_

خالد السویطي

بصوت. مسلم المطيري

مايله الدنيا اوي زينب مايله

كلمات الشاعر
خالد السويطي

بصوت. مسلم المطيري

ابوذيات

زينب (عليها السلام)

يزينـب دهـرچ اعلـه الـحـزن ... درباچ
سمعتـي حسين طاح وضاع ... درباچ
عثرتـي ومـن عثرتـي الكمـر ... درباچ
وگام وحيـله طـاح اعـلـه الـوطـيــه

زينب (عليها السلام)

وحگ الذابله مْـن العـطـش ... شفتاه
شفت هـمـوم فـوگ هـمـوم ... شفتاه
بيوم الرمـل يچْـوي حسين ... شفتاه
شـفـت كـل الـمـصـايـب لــفـت لــيـه


فاطمه العليله (عليها السلام)

من سدّر ضـعـن هـاشـم ... شفت هم
ومتروسه عطـش ويلي ... شـفـتـهـم
الـزغـار بـعـينـهـم دمـعه ... شـفـتـهـم
عــِلـيـلـه وْحـيـلـي راح ومـالـه جـيـه


#رزقهم_سلام_الله_عليهم
#خادم_فاطمه_العليله
#احمد_رزاق_الاعرجي

ـــــــــــــــــــــــــــــــ

بصوت. مسلم المطيري

اتجدد بطف كربله مصابها

كلمات الشاعر
موسى البديري

بصوت. مسلم المطيري

تروح  الاه  يبن امي   ترد الاه
دليلي   العفته    علتله  تردلاه
صحت عباس يلكافل   ترد لاه
صحت بس غيرك الجاوب عليه

-------------------------

عرفت الماي ما يبقى     يجف لان
نظر   عباس    وجروفه     يجفلان
صحت كفالي  ما يبطي يجي فلان
اخوي   الما   تعذر   يوم  اليه

#رعد #الفريجي

يازمن شتريد   سافريت بعيد
      وين اخذت ضعوني

*-----------*-----------*-----------*
                   
كلي   وين    لياكتر  وليا نويه
هاجرت بضعون بنت الفاطميه
يادهر  ماصدكت  زينب  سبيه
انت لالك غيره لاعندك حميه
                    *----------*-----------*
   كثريت جروح  بمهجة المذبوح
حسين نور عيوني

*--------------*-----------*-----------*                
سهم يكتل سهم يذبح صاب عيني
وسهم صوب كلبي من صوب حسيني
كولو لبن المرتضى ياخذ سنيني
لو   اظل بعده يموتني حنيني
           *------------*----------*
   ماتعيش الروح  بس تضل اتنوح      للحد ودوني
*-------------*--------*------------
عفيه زينب بيش تحمل هالمصايب
شلون تتلكه العده والولي غايب
اخ لمن داست عليك الكتايب
زينب بحيره بقت والكلب ذايب
              
راحو الوليان.  روسهم للزان    
راحو اليحموني
*-----------*-------------*-----------*
               
كلي خويه شلون لو ردت امشي عنك
طايح اعلى الكاع ما شبعانه منك
و الله لو ما  الناس ابد ما فاركنك
وابقه  يمك واسئلنك واسمعنك
             *-----------*----------*
يالطحت عالكاع  كون اجيك ابساع
منك املي عيوني
*-------------*---------*-----------*
               
انه  جيتك بس جسد وعروكي ميته
وكلبي يمك من طحت يحسين عفته
خويه ضعنك فرهدوه لمن تركته
علتي ضلت خفيه وونتي سكته
*--------*----------*
   
ياكلب مفطور  عذباه الجور 
بالحزن وصفوني
*--------------*--------------*-------------*

                                                
محمد دعبل النوري

بصوت. مسلم المطيري

يازمن شتريد. سافريت ابعيد

كلمات الشاعر
محمد دعبل النوري

الحن الثاني. بصوت. مسلم المطيري

يازمن شتريد

كلمات الشاعر
محمد دعبل النوري

نعي السبي



تعبانه واريدن عين والي
واريد اليكلي هناه تعالي
عكبكم تره بالظيم حالي


انه بعازت ولي اليوصل اليه
وينشد عله الي صار بيه
شيجيبكم يهلي عليه


طال الافراك وطال الغياب
ومفاركه وابجي عله الاحباب
اريد اليجي ويوكف عله الباب

اشتاك الكلب ويرد ملكه
ولو كثر ونينه الكلب حكه
ثجيله ولا يحمل الفركه

عيني الدربهم ما يعودون
ولا بل اخت نوبه ينشدون
بغيابكم ودرتو العيون

عله الله بعد ظلت عله الله


احسب ايام وجنهن اسنين
ويحن الكلب ويودر العين
احبابي وهلي للموت ماشين


مهظومه واريد الينشد اليوم
وكلبي عليكم حيل مالوم
روحي كضت بس لابسه هدوم

اتردون لو موتن وراكم


ونيت وعتابي عتبته
وكتله الولي كلبي كطعته
انه بعازت ابن أمي وكفته

يكون العتب للمات يوصل
ومن اعاتبه عله الحال يسأل
جا عاتبت للموت ما امل

يكون الحجي يوصل لهلنه
ونسولف عله البيهم محنه
احنه الولي شنريد منه
انريده يجي ويأخذ حملنه

انه اعاتبك جي امك أمي

اودي اعتابي بيد الطروش
واكله عله حالي صار موخوش
من كد البجي طيحت الرموش

يطارشي عتابي توديه
ويم النهر لو رحت خليه
وكله عله اخيته اتسلم عليه

عزيز الكفلني وانه اريده

ودي عتابي يم كفيلي
وكله كضه من عكبه حيلي
ليلي عليه ما نمته ليلي


لخادمة الزهراء العلويه ام جعفر

نعي بصوت. مسلم المطيري

كلمات الشاعرة
العلويه ام جعفر