مع الغوالي
العم الطيب ابو محمد البزوني
و سلام داود اليزوني
و جعفر داود البزوني
محرم الحرام

بصوت. مسلم المطيري

الليلة هاي اعيالي

كمات. ملا علي

صوتمن بالباب هاي الگاعده
اتصيح يامذبوح آنه الوالده
آه ييمه      آه ييمه      آه آه
ــــــــــــــــــــــــــــــــــــــ
اسمع صوت من باب الحسينيه
صوت امريه يشبه صوت لطميه
اتصيح انه الزمان الـمارحم بيه
ابني إگطعو نحره اوبنتي مسبيه

الزهره هاي ام الدموع الحاره
ورده بس ذبلانه كلش صايره
آه ييمه      آه ييمه      آه آه
ــــــــــــــــــــــــــــــــــــــ
ذيچ السيده اعله الباب گعدتهه
شفت عبد الله ملفوف بعبايتهه
وجثه امگطعه المجلسنه جابتهه
شهر عاشور بايگ منهه فرحتهه

اتگول اموت امن البچي خلوني
كون عالغالين تعمه اعيوني
آه ييمه      آه ييمه      آه آه
ــــــــــــــــــــــــــــــــــــــ
حضر صرختك يالعايش ابنعمه
بعد لحضات تدخل للعزاء امه
واتطلع قميصه الناگع ابدمه
وكل احنه عطر مذبوحنه انشمه

واليشم هذا العطر هنياله
فاطمه الزهره تريح باله
آه ييمه      آه ييمه      آه آه
ــــــــــــــــــــــــــــــــــــــ
من عشرة محرّم فاطمة اتون حيل
لان عشره اليدوسن عالحسين الخيل
الهيل ابهاون ايطحنونه بس ياويل
هم شفتو بحوافر يطحنون الهيل

والامدلل هذا ياهو الذابحه
اووين زينب عن اخوتچ رايحه
آه ييمه      آه ييمه      آه آه
ــــــــــــــــــــــــــــــــــــــ
اتباوع عالخدم واتدگ عله الهامه
منو البعيونه دم وبالوجه شامه
منو الـمحتزم الجدّه بالعمامه
وين المهدي تسألكم يلطامه

بس اشوفنه ترد عافيتي
والضلع يشفه واذب عوچيتي
آه ييمه      آه ييمه      آه آه
ــــــــــــــــــــــــــــــــــــــ
ابحضرة فاطمه انغض البصر لازم
احتراماً للضلع والدمعة القائم
الزهره اتگول شو عدكم نقص خادم
وين الچان يبچي بزفة القاسم

آنه عن كل الخدم مسألوله
الليله ازورك بالگبر گلوله
آه ييمه      آه ييمه      آه آه

محمدالجماسي

#اللهم_عجل_لوليك_الفرج

بصوت. مسلم المطيري

صوتمن بالباب هاي الكاعده

كلمات الشاعر
محمد الجماسي

هاي الناس هاي الناس **مشغولة بمهاويها
هاي الناس هاي الناس** مرضى وشيداويها
*
(1)
احنة شعب حسين احنة عدنة ميراث الشهادة
الواحد البينة بمماتة يرتئي بيه السعادة
ليا سبب بينة التفاهة تعتلي اعروش القيادة
وللفكر تنحى مناحي تعتبر حكم الابادة
تتخذ عدة محاور الاول ينول العبادة
ينتفي دور المراجع من ارادة ولا ارادة
ويكيدون ويكيدون **ع المذهب مراميها
ويكيدون ويكيدون ** مرضى وشيداويها
*
(2)
نصبت الفخ للمنابر وسارت بوجهة جديدة
وصارت تنول المشاعر وتنفذ بصف القصيدة
تحت عنوان الحداثة وقعتها بالمصيدة
والقصيدة اخر ذخيرة بيها واجهنة الحديدة
اتجهت لصف الحماية تصوب دروع العقيدة
تفند بفتوة جهادك وللحشد نصبت مكيدة
حتة تنهي كل وجودة وتقضم بسمها وعيدة
واحنة وية صفنة المقاتل عيوني بوجودة رغيدة
من هالباب من هالباب **تتصيد مهاويها
من هالباب من هالباب** مرضى وشيداويها
*
(3)
اتجهت لكل جيل واعي تشتت تريد انتباها
حتة عن كل حق تريدة تحرف اتغير اتجاها
حاربت واقع حياتة وبالحرب جلها السفاها
شاعت جيوش البلاها والسفاها والتفاها
هبطت فكرة ووجودة للارض حطت سماها
راحت افكارة السديدة والكياسة والنباها
وين تريد وين تريد** هالكونة ومهاريها
وين تريد وين تريد** مرضى وشيداويها
*
(4)
عالسراط وجنة نمشي نحاذر بهاي المسيرة
والمصيبة لو بصرنة عوض عن عين البصيرة
وكل هوى يجاذب فكرنة واصبح بلحضة اسيرة
اعرف الحق تعرف اهلة وتعرف اطياب السريرة
والعدو منطق عداوة ما ابد اصبح نصيرة
ولو تمتعت بحياتي شما تطول هي كصيرة
ملك الري ملك الري**الحارب ما قبض بيها
هاي الناس هاي الناس ** مرضى وشيداويها
*
(5)
ما ابيعن ماي وجهي واخذل بديني ومنيرة
كل عدو لاسلام طه لاتضن يخذل اميرة
الذيب اذا راد ايتصيد بليلة او وقت الظهيرة
ولو تدنة للفريسة يظهر الود والقريرة
من تامن لو تهاون يفترس تصبح نحيرة
الجهل غرنة بمحبة وافترسنة مو جريرة
من نشوف من نشوف** ننكرها ضواريها
هاي الناس هاي الناس** مرضى وشيداويها
*
((تمت))
محسن علي العتابي

بصوت. مسلم المطيري

هاي الناس. هاي الناس

مشغوله بمهاويها


كلمات الشاعر
محسن علي العتابي

شوط كربلائي
.
.
.

يا اكبر جــرح بعـــيون .. تــاريــخ الانســـانـــــيه
يستر الدنيــا والمثلـــچ .. جريمه تروح مســــبيه
 
-------------
 
انتــي اول عـــبايه اتــروح .. فــوگ النوگ مگيوده
وانتي اعظم ستر عالگــاع .. ابزمـان العفه مفگوده
وانتي اول اسيره انشوف ..على حشمتها محسوده
الحراير من يــشوفنچ
يزينب شــو يحسدنچ
كعبه اعله الهزل چنچ

ســـتار الكعبه يازينــــب .. مـــنـچ ماخـــذ اشويه
 
…………
 
على الناگه ركبتــــي اجروح .. لا واحـــد ولاعــشره
الزغير البيـــهــن اتــــصــور .. ست اشهر اظن عمره
سافرتي اعله سچت موت .. ويلي اشطولها السفره
چن شجـــره وبلا ســباح
من كل صوب عج ورياح
واخوتـــچ روسهـم برماح
صبـــر ايوب يــم صـــبرچ .. طلـــع لا شي يـعلويه

 
………… .
 
من چان السكوت بــروح .. بالديـــون صرتي السان
نطقتي من سكت كلشي ..بوكت بيه كثرة الخرسان
يحسچة حيدر ونعمــين ..البلاغه البيـــچ چن قران
السانــه الرايد ايمده
اگبالچ يجرء اشحده
تنطيه طينـته ابخده
السانچ ابشط امن السيف .. تربيتـــچ حسـيـــــــنيه

 
………… ..
 
القصرهم من دخلتـــيله .. چــانو همه منتصرين
سليتي السوالف سيف .. وسكتو سكتت الميتين
والديون راســا صـــار .. چن ساحة حرب صفين
وطب حيدر علي بسيفه
وگــام يلگــــط ابــــكيفه
يعرفوه من يـرد حـــيفه
خلستــــي ايزيد ديـوانه .. ابنبـــــره كــربلائيه

 
……………
 
زينب چان وصفچ ماي .. وصـــعبه الـماي يتوصف
اجيتي ومحد ايعرفچ ..وطلعتي امگيده امن الطف
الكل حاجه اكو تعريف .. وبــــس ســـترچ ميتعرف
الشالچ ماي بعـيونه
عليه ظعنچ يمرونه
يبو فاضــل ينادونه
الچانت بيـــك مهـــيوبه .. اديــهـــا بحبـــل مدميه

 
……… .
 
شمس واچم گمر شفتي .. فــــوگ الگـاع بعيونچ
الله يسـاعدچ يم عون .. حچي الوادم ايسمعونچ
هدل من السياط الحيل .. اشگد ماشايله امتونچ
يعيــــنچ الله يازيـــنب
النار ابداخـلــــچ تلـهب
الحملتيه لو جبل يتعب
ثگل الگيد وعيــــالچ .. مــنها صرتي محــنيه
-------
حيدر تركي الكربلائي
 
 

شوط كربلائي. بصوت. مسلم المطيري

كلمات الشاعر
حيدر تركي الكربلائي

قصيدة رئيسيه لمولاتي (ام البنين) عليها السلام

تعبـــانه من الــــون عفتوني مدري المن
ابچي اعله فركاكم لو رايحه إوياكــــم
عفتوني مدري إلمن
.................
حكي من ابچي واهلن دمعة العين
ماأشوفك يمــه ماأگــــدر يلحسين
ليش كتلي من مشيتـــو يم لبنيــن
بالمدينه يمه ظـلــي ولاتروحــــين
شفت الكبر بيــــه لــــو خايف اعليــــه
تاذيني رحلاكم لو رايحه إوياكم
عفتوني مدري إلمن
..................
الجابتك يحسين جوه التربه نامت
حيل جنت ازغير يمه وهيه راحت
لاچــن شلــون الذي ويــاك شابــت
بخدمتك خلص عمرها وحيل مالت
ومن الهجر ميته ترجعلي چا يمته
كل ليلي انعاكم لو رايحه إوياكم
عفتوني مدري إلمن
..................
الـبـاب من يندك اكومن وافرش الــدار
واركض وحسبالي طارش جايب أخبار
امنيتي اعرف شلون حالك يبن الأطهار
وأسمــع أخبــار لرقيــه وكــل لــزغـــار
ابعيني إشكثر يمه دارك صفت ظلمه
تعميني ذكراكم لو رايحه إوياكم
عفتوني مدري إلمن
...................
عيوني تسهر للصبح مو من طبعها
ليش هــاي الليلــه مابطــل دمعهــا
يمــه بــس لازينب اتغيــر وضعــها
صاحت العباس احسها وماسمعهـا
ليش الكلب يلهب بس لاسبو زينب
ماحسها بحماكم لو رايحه إوياكم
عفتوني مدري إلمن
....................
نايمــه ومــامونــه ببيــوت العوايــل
وهسه عايلتي إبخيم لــو عالمحامـل
يمه من اسمع كمــت صوت القوافــل
اركض انشد عن ضعنكم بلكي واصل
يوليــدي ماتدري اشكد انكسر ظهري
ومحنيه بجفاكم لو رايحه إوياكم
عفتوني مدري إلمن
.....................
گلــي هــم ترجعلي واتغطــه بأمانــك
البيت وحشه وخالي صاير من حنانك
حسين محــد بالكلب عــوض مكانــك
يــاحــلاها كــلمــة اليــمه إبلســانــك
چا يمتــه نتلاگه لليمــه مشتــاگه
ولذاكه ملكاكم لو رايحه إوياكم
عفتوني مدري إلمن
****ه
الشاعر الحسيني
علي رحيم الزيرجاوي

بصوت. مسلم المطيري

تعبانه من الون
عفتوني مدري المن

كلمات الشاعر
علي رحيم الزيرجاوي

بصوت. مسلم المطيري

((ابوذيات لمسلم ع))
___
زماني ما رحم بيه ........ولادار
بقيت بلا سكن وحدي.........ولادار
ادير الوجه عن شخصك.....ولادار

وصيح حسين خويه الحك عليه
***
حسافه الزمن مايرحم.........وخوان
ذبحني الشامت بعينه.........وخوان
لون عندي مثل عباس ......وخوان

يحضرون بفخر اهل الحميه
***
((جواب طوعه ))

امشي عليك حامي الجار.....ون سال
عليك الاشعث بحقده ......ون سال
معقوله الدمه من العين........ون سال

يفزع كل غيور بهالمسيه
***
يمسلم بالفخر والصيت .....هاميت
يبو طاهر دموع العين........هاميت
صدك من القصر مولاي........هاميت

على باب القصر جثتك رميه
***
يوسف الفتلاوي

#ثكيل منبريه

جابوها الهـزل يحســين .. والـحادي نوى الـكوفـه
نيـتهم سـبي يــردون .. هـاي النـيه معـروفه
======= ~~~~ ========

لا كـافل ولا رايـه لا هـودج ولا حـراس
بيـنه اليـحدي ذباحـك هـاي الـي تشـيب الراس
أحـنه الـچنه ماننـشاف تتـفرج عليـنه الـناس
متعـمد تـرى الحـادي مـر بيـنه على العـباس

طايح عالنهر شفـنا ويمه مگـطعه چفـوفـه
جابوها الهـزل يحســين والحادي نوى الكـوفه
____

يبـن أمـي دربـنه بعـيد وبهـيده أتمـشه لنوگ
والحـادي حسـب وكـته يطـب بيـنه الصبح لسوگ
من غاب الگمـر طلعـت يبـن أمـي چثيـره حلـوگ
وين المرتــضى الكــرار ويـن الـي يطلـع حگـوگ

حال مخـدراتـه شلـون وبيـا منضـر يشـوفه
جابوها الهـزل يحســين والحادي نوى الكـوفه
======== ~ =======

خاطر لا تشـت النـوگ ناگـه بنـاگـه مشدوده
ريت يرد ابو النـوماس وچفـوفـه على زنـوده
ضعني البـي حـده العـباس هسـه الشـامت يگـوده
وسفـه ويـه الضعـن بس راس رد وعينـه ممـروده

وبحـافر فـرس ياحيـف وجنـت خده مخسـوفه
جابوها الهـزل يحســين والحادي نوى الكـوفه
======== ~ =======

من الكـوفه نوى الحادي بينه يمشي لرض الشام
لا انت ولا عباس لا لأكبر ولا جسـام
رديتـو يروس الگوم روس ويـه الضعـن جدام
وانتم ياهلي تدرون بالوادم حچيها سهام

ترضون ادخل الديوان يهلي وايدي مچتوفه
جابوها الهـزل يحســين والحادي نوى الكـوفه
======= ~~ ========

يابعد العمـر والروح ياعيني ونضر عيني
محتاره واريدن راي خل راسك يحاچيني
هاي الما اجت عالبال ذباحك يباريني
ملزومه بحرم واطفال وانه متوني تاذيني

يالعفتك بلا تغسيل مجبوره على العوفه
جابوها الهـزل يحســين والحادي نوى الكـوفه
======== ~~ =======

واحد ينشد الثاني وين اخت الهواشم وين
طولي يالغيور نشاف والصوت انسمع يحسين
يبن امي متت والله لا مره ولا مرتين
جدامي اوراي الناس ومفتحه عليه العين

والشامت يبو السجاد گامت تضرب ادفوفه
جابوها الهـزل يحســين والحادي نوى الكـوفه
======== ~~ =========
علـي عگـاب الــعمري

بصوت. مسلم المطيري

جابوها الهزل يحسين
والحادي نوى الكوفه

كلمات الشاعر
علي عگبه العمري

بلا دمع ماتت على الراس رقيه
حسين  رايح  مايعود وهاي هيه
موتي مابيها هظيمه
بعده  لا تبقي  يتيمه

*-------------*------------*-------------*
يا رقيه  شفتي  ابوج   بطيفج  وكال
بويه أدريها أعلى صدري تغفى الآمال
جيتي  واحلامج  جبيره شغير  الحال
تالي ليش أصبح مناحه حلم  الأطفال
           
بيا ذنب  ذبحو امانيها  الطفوله
واسم ابوها ليش مالحكت تكوله
                
موتي هالموته الاليمه
بعده  لا  تبقي  يتيمه
*------------*---------------*-------------*
يا جريمه اللي جنتها  وعذبوها
طفله جانت رايده شوفة ابوها
لأن  من ريحت  محمد روعوها
رأس ابوها منكطع بيه عاقبوها
                   
موتي فوكه هذا الحسين التدوريه
أرحم من ايد  الظلم هذا  التريديه
                
موتي يم راسه كريمه
بعده  لا  تبقي   يتيمه
*-------------*--------------*-------------*
العنده مثل حسين ابو شله بحياته
من  يفكده  و عنه  تتسائل  بناته
يا رقيه  هذا   ابوج   بكل   صفاته
روحي وياه  يا اعز واغلى امنياته
                
طفله ذابت حسره حسره وعذبوها
توقعت  تلكه  ابوها  برأسه  اجوها
                
راس ابوج بيا ظليمه
بعده  لا تبقي  يتيمه
*-------------*------------*--------------*
حقج تموتين من شفتي ثناياه
و هوه جم حسين عندج يارقياه
العنده رحمه بلاحدود و يرحم اعداه
حقها روحج يارقيه تروح وياه
              
هذا ابوج الكله غيره وكله إحساس
روحي واشكيله المصيبه وظلم هالناس
          
روحي وياه يالعظيمه
بعده لاتبقي يتيمه
*--------------*-------------*-------------*
ياكلب  عندك يظالم  دينك منين
تقتل بابشع جريمه زهور السنين
طفله  وتدور ابوها و تهمل العين
انت مجرم تبعثلها رأس الحسين
                
يا  يزيد  بيا ذنب  تقتلها  باهات
رقيه تحلم صدر أبوها يظمها وتبات
            
موتتك ابشع جريمه
بعده  لاتبقي يتيمه
*-------------*------------*------------*

محمد دعبل النوري


           

بصوت. مسلم المطيري

بلا دمع ماتت على الراس رقيه

كلمات الشاعر
محمد دعبل النوري

بالظعون   طوّح الحادي وسره
والمتون    بيها  ناري إموجره
يعباس يعباس ترضه اروح ميسره
.........................................................
يالعشت عمر الطفوله  ابّين اديه
چنت أحيا بشوفتك  صبح ومسيه
بيك روحي تعلگت يبن الوفيه
وهالسبب خلاني اجي للغاظريه
  ينوماس ..... وأنت گايد ناگتي
  والانفاس... كلها من عطر اخوتي
يالطياب يالطياب  بيكم انه مخدره
يعباس يعباس ترضه اروح ميسره
.........................................................
خويه بعدك گلّـي ياهو الاشتكيله
مابگت غيرك  يبو فاضل وسيله
من بعد خدر اختك المامش مثيله
صفت ما بين الغرب ذيج العقيله
    هالاشرار .عني زاحو  كل ستر
    يشب نار خويه بخيامي الشمر
بالايتام بالايتام   ضلت اختك حايره
يعباس يعباس ترضه اروح ميسره
........................................................
ناده اخوچ اعلا الثره وبلايه چفين
من بعد عين  الگمر بيمن  تشيخين
ريته اخذ عمري وحياتي خلافك البين
ولا اعيش بدينا ما بيها.... انتَ وحسين
   ولا اروح     خويه مابين العده
   بلا  روح     تمشي گوه الفاجده
والعيون والعيون تجري من دم عالثره
يعباس يعباس   ترضه اروح ميسره
........................................................
يل چنت انت النفس يالبّت احشاي
شلون انسه وداعك ولوعة يِتــاماي
واللّٰه مو بيدي يخويه اعذرني من هاي
من نخيتك اعتني لسكينه بالماي
    يظنواي  جتني وتنادي الضمه
چِوَه حشاي  چبدي  يابت فاطمه
ردت ماي ردت ماي   والشفاه  مفطره
يعباس يعباس ترضه اروح ميسره
...........................................
من رحت للعلگمي وناديت ابشري
النفس مثل الجبل صار  اعلا صدري
ردلي ابو اليمه اعلا خده دموعه تجري
ناده راح  ال چنت أحسبه  حزام ظهري
   
فگدناه ........ يختي شيال العلم  صحت لاه....... گلبي مايحمل الم
يبو الجود  يبو الجود  ظهر أخيك كاسره
يعباس يعباس ترضه اروح ميسره
..................................... .................
هسه حاچيني برحيلي ورايك شلون
عالهزل زينب صفت ياظي العيون
هذي إخْـت الخارجي گامو ينادون
شصبر وسوط الشمر يلعب بالمتون
بلا خوف....... ناده حشمي كافلچ
بلا شوف........وينه خل يفزع الچ
بالحبال بالحبال  گيد إيد اختك  تره
يعباس يعباس ترضه اروح ميسره
••••••••••••••••••••••••••••••••••••••••••••••••
كلمات خادم الحسين

           (#حسن_الجحيشي)

بصوت. مسلم المطيري

بالظعون. طوح الحادي وسره

كلمات الشاعر
حسن الجحيشي

لخاطر شيباتي _ عوفو ابنياتي _ ردوهه الخيل
ليش متعبيهن _ يعثرن بعبيهن _ مابيهن حيل

////////////////////////////
موش عشر اخيول جيبو _ خل يسحكن بيه ميه
اظلوع اوزع للحوافر _ ولا تلوح اخيامي اذيه
يالخذيتو الخنصر اقبل _ من تكطعوهن اديه
وانته يالماخذ قميصي _ عوف ترجيت رقيه

يمك هذا اني _ اترك نسواني _ ارجع لتروح
واسحك بالحافر _ من هسه لباجر _ وياك اخذ الروح
///////////////////////////
لاني ميت لاني واكف _ شلون مدري ارجع الهن
زلمه ما شافن بناتي _ وترسن الهيمه بركضهن
الليله ادري ما ينامن _ ونايم الشوج بجدمهن
كل عفاف الدنيه بيهن _ بالخيم بين خجلهن

اوكف مااكدر _ نص صدري مطشر _ ازحف ظليت
هنه يشوفني _ بس شيوصلني _ حيل احتاريت
////////////////////////////
شمس ماشافن بناتي _ شلون تردوهن يطلعن
عوفو علوياتي كافي _ ما معودهن يركضن
التهوو بيه تعالو _ وللخيم ماشين المن
خمسه فوك الخيل اصعدو _ بصدري خلوهن يسحكن

ماعدكم غيره _ تشوفوني بحيره _ بااخر لحظات خيامي تحركوهن _ ليش توازوهن _ مو علويات
////////////////////////////
امن الضمه مبوح صوتي _ خانك انفاسي التراب
شايله عبدالله تركض _ ذيجه مو جنهه الرباب
طلع شامت من خيامي _ بيده مدري شنهو جاب
ياحسافه كبال عيني _ هذا طالع ذاكه طاب

كاروك وليدي _ السويته بأايدي _ شامت شالااه
عطره اشتميته _ بحظني تمنيته _ يوليدي احاه
////////////////////////////
اخذو كلشي بيه غالي _ اخذو حته انفاسي مني
وبشرط عوفو بناتي _ جاي يبجن تعبني
لاني اكدر اوصل الهن _ وهنه لا كدرن يجني
ارماح خشنه بالخواصر _ هواي كمت وطييحني

راضي تذبحوني _ بس توعدوني _ تنطوهن ماي
عطشن اعرفهن _ جاي اسمع ونهن _ الركضن حفاي
////////////////////////////
شيبي عدكم ماله خاطر _ وما لزمكم مستحاكم
اطفالي سحكتهه الحوافر _ رحمه ماعدكم شجاكم
عالرمل وشلتو دمي _ وللخيم ازحف وراكم
والله ماعدكم حميه _ وبس ابو فاضل دواكم

السوط محظرينه _ وين مودينه _ شراح تظربون
انهض مابيه _ ماتن رجليه _ عوفوهه ام عون

////////////////////////////
تمت ____ علاء الزيدي

بصوت. مسلم المطيري

الخاطر شيباتي. عوفوا بنياتي

كلمات الشاعر
علاء، الزيدي