الزهراء في استقبال شهر الاحزان


هل شهر عاشور الله ايعينيها
فاطمة نشرت قميص احسينها
__
الزهرة من مجلس لمجلس رايحة
وين ما تسمع اصريخ ونايحة
تطب علعباس تقرة الفاتحة
وتلطم اوية اهل اللطم بيدينها
فاطمة نشرت قميص احسينها
هل شهر عاشور الله ايعينها
____
كاعده اباب المجالس كاعدة
هيجي من تفكد ابنها الوالدة
ايعينها الله اشكثر بلطف فاكدة 
والدمع ناصبلة خيمة بعينها
فاطمة نشرت قميص احسينها
هل شهر عاشور الله ايعينها
____
اوليدها واتحبة غير اوليدها
حگها من اتدك وجهة بأيدها
الدنيا عكب احسين لا مترديها
اتريد تبجي وما تبطل اونينها
فاطمة نشرت قميص احسينها
هل شهر عاشور الله ايعينها
____
اگبالة من ركضو اخيته اشلونة
بردنة ضل يمسح ادموع اعيونة
شوفو اثر دمعاتة حد امتونة
ابهلقميص اجروح ما ناسينها
فاطمة نشرت قميص احسينها
هل شهر عاشور الله ايعينها
____
تگضي كل الليل بس تفتر ترة
وين ما مجلس الزهرة حاضرة
تبجي علعطشان واتدك هلمرة
اعلى المتون الجانت امهشمينها
فاطمة نشرت قميص احسينها
هل شهر عاشور الله ايعينها
___
اتكول كون اعلية ينسد الهوى
اشلون اعيشن وابني لسة مرتوى
على الصاير صدرة وي ظهرة سوة
كون تطلع روحي وي اسنينها
فاطمه نشرت قميص احسينها
هل شهر عاشور الله ايعينها
_
تبجي علعطشان دمعتها دمة
وتبقة من مجلس لمجلس هايمة
هاكثر تعبانة امك فاطمة
وبعد لطمتهن الك خدينها
فاطمة نشرت قميص احسينها
هل شهر عاشور الله ايعينها


علي العبادي

بصوت. مسلم المطيري

هل شهر عاشور الله يعينها

كلمات الشاعر
علي، العبادي

شسويتي بيه كربله   ويلي وويلاه
مني اخذتي العايله   ويلي وويلاه
تدريني جنت امدلله   ويلي وويلاه
واليوم عيني هامله    ويلي وويلاه

واشلون لو صار الصبح   ويلي وويلاه
حاجيني شيداوي الجرح   ويلي وويلاه
وحسين راسه اعله الرمح   ويلي وويلاه
والماي بالعاشر يشح   ويلي وويلاه

يا كربله كلبي نكسر    ويلي وويلاه
وعباس طايح عالنهر   ويلي وويلاه
ما يرجع احزام الضهر   ويلي وويلاه
شيريد من عندي الدهر   ويلي وويلاه

واشلون تنشف دمعتي   ويلي وويلاه
ياهو الينوخ ناكتي   ويلي وويلاه
فوك الترب عفت اخوتي    ويلي وويلاه
هليه حيره حيرتي    ويلي وويلاه








جا وين شيال العلم   ويلي وويلاه
ناديت حركوها الخيم   ويلي وويلاه
امن النار ما واحد سلم    ويلي وويلاه
ويا كربله حيلي نهدم    ويلي وويلاه


يا حيف مجتوفه بحبل   ويلي وويلاه
ويضربني بالصوط النذل   ويلي وويلاه
وكل ساع اضيعلي طفل    ويلي وويلاه
كل الاهل خلصو جتل    ويلي وويلاه

ما لايك اعلينه السبي    ويلي وويلاه
ويحدي بضعنه الاجنبي   ويلي وويلاه
ايذري التراب اعله العبي   ويلي وويلاه
ليش نسلب خدر النبي   ويلي وويلاه


ما ننسه ضيمج نينوه   ويلي وويلاه
اتجتفنه كل احنه سوه    ويلي وويلاه
علينه نكطع حته الهوه   ويلي وويلاه
ويا كربله طاح اللوه   ويلي وويلاه
*
تمت
تحسين الخفاجي

بصوت. مسلم المطيري

ويلي واويلاه


كلمات الشاعر
تحسين الخفاجي

*قصيده مواسات الزهراء*

يامن تونون    يا من تونون 
  ووليدي حزو منحره.  يامن تونون
انضر بالعيون    انضر بالعيون
وين اليعازيني بحزن   انضر بالعيون

*. *.***.

وبكل مجالس والعزه    وياكم انه
وبعيني اشوفنه اليجي ويحضر عزانه
انه الزجيه ام الذي    ضل ابجانه
لاغسلوه ولا جفن   هوه واخوانه
ابجثته ويسحكون بجثته ويسحكون
جابو خيول حسين اله بجثته ويسحكون

* .*.***.

كسرو ظلوعه ابلارحم    واخته الحزينه
ظلت تصيح ام الخدر.    تلحك علينه
وينك يبو الحمله علي.    بويه انولينه
بين الغرب واهلي كضو    محد يجينه
والما يرحمون والما يرحمون
ضربو سكينه لو بجت والمايرحمون

*.*.***.

واذكر بعد جف الكفل.    وتهل دمعتي
وانعه واريد اليقره الي.    وتلهب جمرتي
انصب عزيه عله النهر       وانه بحسرتي
يستاهل عيوني الولد.    والكفل بتي
ولطاها المتون ولطاها المتون
يستاهل ابجيله بحزن ولطاها المتون

*.*.***.

احضر وعازي واليجي.    بعيني نضرته
وكل الهلا يامرحبا.    اتعازيني كتله
ناصب عزيه عله الولد.   ويهل دمعته
ماجور اكله وتنذخر.    باجر عبرته
ويه اليعازون ويه اليعازون
واكعد واون عله الولد ويه اليعازون

*.*.***.

اكعد بصفه ودمعتي.     لحسين واجرها
والطم واصيح بحسرتي     اه يا كسرها
ظلوعك ييمه اتهشمن     وبكلبي اثرها
ونحرك المذبوح بسهم     امك هضمها
ومغيره الون ومغيره الون
مابيه يوجعني الظلع ومغير الون

*.*.***.
بقلم دموع الحزن
الناشره ريحانة المصطفى
نسئلكم الدعاء 🙏

بصوت. مسلم المطيري

يامن تونون. يامن تونون

كلمات دموع الحزن

جمر العطش ضل يجويك
محد يفزع لك يحميك
يا غربتك - يا غربتك 
يا ابا عبد الله 
ــــــــــــــــــــــــــــــ
شيسوي جدك سيدي  لو شافك            
طايح غريب امفطرات اشفافك
متغيره من كثر النزيف اوصافك         
واثار طعنات الرمح بجتافك
يا سهم اكثر ماذيك
محد يفزع لك يحميك
يا غربتك    يا غربتك  
ــــــــــــــــــــــــــــــ
عطشان وامبين العطش بعيونك      
يكدرون وانته مصوب يذبحونك
يردون اولاد الزنى ايعذبونك          
تسمعهم امن ابعيد وايشتمونك
يضرب الحجر متوليك      
محد يفزع لك يحميك
يا غربتك - يا غربتك 
يا ابا عبد الله 
ــــــــــــــــــــــــــــــ
يا بس السانك على الماي اكبالهم         
محد سكاك اميه ذول اشمالهم
ابليس بلسان الشمر يقرالهم               
ذبح الرسول وعترته يحلالهم
بالماي محد  يسكيك       
محد يفزع لك يحميك
يا غربتك - يا غربتك 
يا ابا عبد الله 
ــــــــــــــــــــــــــــــ
لمن ولوك وما حضر عباسك             
فاطمه يمك من خفت انفاسك
واتعاين اعلى الشمر من حز راسك     
من منحرك شافت محمد باسك
جدك اجه يشتم بيك     
محد يفزع لك يحميك
يا غربتك - يا غربتك 
يا ابا عبد الله 
ــــــــــــــــــــــــــــــ
نايم على التربان مو من شانك         
وتلوج من كثر العطش بلسانك
ذبحوك محد فزع من خوانك          
ومحد يطفي النار من صيوانك
طايح تون مدري اشبيك     
محد يفزع لك يحميك
يا غربتك - يا غربتك 
يا ابا عبد الله 
ــــــــــــــــــــــــــــــ
فرهود صاحو فرهدوها اخيامك       
مرعوبه شردت بالصحاري ايتامك
مذبوح ما شفت الوضع كدامك         
اومكسره امن الدوس كلها اعظامك
بخيولهم سحكو بيك       
محد يفزع لك يحميك
يا غربتك - يا غربتك 
يا ابا عبد الله 
ــــــــــــــــــــــــــــــ
اتمنى كلشي البيك صاير بيه          
وانه الجبهتي امن الحجر مدمية
يا ريت جثتي البشمس مرمية         
واتمنى اختي بكربلا المسبية
وابروحي يحسين افديك      
محد يفزع لك يحميك
يا غربتك - يا غربتك 
يا ابا عبد الله 
ــــــــــــــــــــــــــــــ
نعيم ابو باقر الساعدي

بصوت. مسلم المطيري

جمر العطش، ظل يچويك

كلمات الشاعر
نعيم ابو باقر الساعدي

انصار الهواشم

القصيدة : ياجنود الحقِ قومو
محرم الحرام 1446 هــ

▫️▪️▫️▪️▫️▪️

ياجنود الحـقِ قومو
الصلاة الحـبِ اقيمو
فرض من العشك واجــب علينه
علىٰ درب الصدك لاوسع سفينه .. ياحسين
ــــــــــــــــــــــــــــــــــــــــــــــــــــــــــــــــ
خاطب اجنوده ابن ضاهر
كون نوكــــع كبل عاشــــر
حسين فرض الحب الاول
واجـــب انصلي المناحـــر

انشوفـــه كعبه وقبلة الله
الكون صوب اخيامه صله
حسين راضي بعطش كلبه
بالعطـــش يامحلــه فضله

اتوضو بدموع العشك يهل المنايه
وانطو لدروب النصر نحــر الهدايه
بأسم الحسين وعترته رفعو رايــه
انبايع حسين وعياله وهــاي ادينه
علىٰ درب الصدك لاوســــع سفينه
ــــــــــــــــــــــــــــــــــــــــــــــــــــــــــــــــ
العشك بالطـــف نفســره
وهــــذا موقـــف مانعبره
فاطمه اتسجل الغيــــاره
اتسجل المنطيها نحــــره

جودو ياخوتي النشامــه
بغيره وخلاص وكرامـــه
انتــم انصــــــــار العقيله
بفعالكـم تبنى الشهامــــه

بخطبة الحب لابن ضاهر عالغياره
بلهفه ملتمـــه على ايمينه ويساره
ماكو ساكن طبوا ابلهفـــه وشراره
كل شخص بيهم تشوفه من يقينه
علىٰ درب الصـــدك لاوسـع سفينه
ــــــــــــــــــــــــــــــــــــــــــــــــــــــــــــــــ
رايـــــة الكافــــل تلمنــــه
احرار بس واحد فعلنــــه
للحقيقــــه حسين دربـــه
من نمـــوت ايلم شملنــــه

عابس وجــــون وبــريـــرٌ
وجابـــــــــــــر وابنَ بشيرٌ
انصــــار من لب الشجاعه
ورايــــة العسكــــر زهيــرٌ

انصار من لب الحرب يعني الشجاعه
حسين يامر واليحبه ايموت طاعـــه
الموقف العدنـــه ابي وهاي القناعـــه
ارواحكــــم كلها فــــده واكبـال عينه
علىٰ درب الصـــدك لاوســــع سفينه
ــــــــــــــــــــــــــــــــــــــــــــــــــــــــــــــــ
الجيش كلــــه ايهد علينه
مايهز شعــــره اهـوه بينه
شيعه وانصار الهواشــــم
وكلنه من فاضــــل الطينه

بالحسين انهـــي كلامـي
سيد الجنـــــــه امامــــي
روحي فــدوه تروح لجله
بدمي اوقع عن ختامـــي

خطط الميدان سيفه وكلشي دارس
وطلعو ابثوب العشك كلهم عوابس
اليريد النصــــر بالدم خــــل ينافس
عابس وعـــرج العشك طك ابجبينه
علىٰ درب الصـــدك لاوســــع سفينه
ــــــــــــــــــــــــــــــــــــــــــــــــــــــــــــــــ

الشاعـر : فيصل عاشــور المنصوري

بصوت. مسلم المطيري

ياجنود الحق قوموا

كلمات الشاعر
فيصل عاشور المنصوري

https://www.tg-me.com/aliQ0Q

يا كفيلي وداعت الله
جرحك بدلالي صــلّه


حملي من بعدك يميل
وادري بغيابك طـويل

وداعت الله وداعت الله
ــــــــــــــــــــــــــــــــــــــــــــــــــ
منك اشبع شوف اريدن يالاعز منّ الهوه
هايه اخر لحضه اشوفك بعد ما نلتم سوه
روحي ما شبعت بعدها وگلبي منك ماروه
تدري بفراگك يخويه ايفارگ اعيوني الضوه

دنيتي دونك ضلام
ينذبح بيها الــسلام

ولوكت بيه يعــــــيل
حملي من بعدك يميل
ــــــــــــــــــــــــــــــــــــــــــــــــــ
شلون اودعك يا بو فاظل ونته عزّي وهيبتي
لو رحت من بين اديه شتسوه بعدك دنيتي
من يسليني بغيابك من ينشف دمعتي
ما يبطّل ساعه نوحي ولا تبطّل ونّتي

سلوتي اتصير النياح
والگلب ما يستراح

ولحزن يصبح ثجيل
حملي من بعدك يميل
ــــــــــــــــــــــــــــــــــــــــــــــــــ
حان الموادع يخويه وبدت ساعات البلاء
واعله حال ام المصائب دم بجت حتى السماء
اْبتدت قصة عذابي من دخلت الكربلاء
هيّجت همي او ونيني وما شفت غير العناء

شيّبت گلبي الطــــفوف
بس مصايب بيها اشوف

حسره واهات وعويل
حملي من بعدك يميل
ــــــــــــــــــــــــــــــــــــــــــــــــــ
لو طحت يم الشريعه وعيني صوبك ناظره
وانظر جفوفك گطيعه وعالوطيه مطشّره
بالسهم مصيوبه عينك جثه نايم عالثره
گلّي يا راعي المحنه اشلون اضلن صابره

يا صبر هذا اليفيد
وانته محزوز الوريد

عالترب ضامي وقتيل
حملي من بعدك يميل
ــــــــــــــــــــــــــــــــــــــــــــــــــ
نار المفارگ مسعره والجروح موجره
ولحزن خيّم عليه ودمع الموادع جره
دون عينك يا بوفاظل راح اضل امحيره
من بعد عزّي ودلالي باجر امشي اميسره

ويه جِتــــــالك اروح
امشي بس ابلايا روح

روحي يمك يالكـفيل
حملي من بعدك يميل
ــــــــــــــــــــــــــــــــــــــــــــــــــ

✍️ علي كاظم المنصوري

بصوت. مسلم المطيري

ياكفيلي وداعت الله

كلمات الشاعر
علي كاظم المنصوري

حسيناً واحسيناه
عشك بالدم لكيناه
عرفنه حسين معناه
كتبنه اسمه وقريناه
نعيش نموت وياه
حيسناً واحسيناه
..........
الله بحبك خلقنه
وبسمك نلهج نطقنه
بعالم ذرنه وعشكنه
ولجلك نخدم خدمنه
من ام وابوه ورثناه
حسيناً واحسناه
........
جفك معناته الرحمه
يالقدرة الله واسمه
يالغالي وجودك نعمه
عطرك هذا النشمه
يمك وتعم الكلمه
دين المنك خذيناه
حسيناً واحسيناه
...........
ما الكه غيرك يشفع
اصل الامامه ومنبع
الارض بحضرتك تخشع
صحنك ملائك يجمع
اسمك شماسمعناه
حسيناً واحسيناه
..........
يابن نبينه الهادي
بسمك عمرنه بادي
باجر ولائك زادي
افديك حته اولادي
وبسمك انه انادي
اجمل اسم ذكرناه
حسيناً واحسيناه
............
يبن البتول الزهره
حبك مداد وفطره
يا غالي والكل فقره
كسر البينه جبره
انظرلي منك نظره
يا اغله حب عرفناه
حسيناً واحسناه
...........
الشاعر
اياد الفرح المهدوي

بصوت. مسلم المطيري

حسينا. واحسيناه

كلمات الشاعر
اياد الفرح المهدوي

بصوت. مسلم المطيري

الشمس من سلهمت بعيون الغروب ...و إنهار البلد كف اعله ليله
تجن  قامت  الناس و تغلق البوب ...و روّح كل خليل اعله  خليله
ظلام  الليل  قطع  كل  الدروب  ...و  هم الليل يا قلب  اليشيله
بين   الدور   ظلت   روحها   اتلوب  ...و  المدلوله  ونتها   ثجيله
تجلب  الليل  كله ابلوعة أيوب ...و من عظم المرض صارت  نحيله
تحن  روحه  اليفارق  فرد  محبوب ...اشحال الفارقت قوم و  قبيله
ونتها   تفسر   صم  القلوب  ...و  تدير  الوجه  لله  و   تشتكيله
يالرديت   يوسف   على   يعقوب  ...رد  حسين  يا  رب   للعليله
لن  تسمع منادي بصوت منيوب ...ينادي الضعن راجع من  رحيله
طلعت  فاطمه  و  اتعثر  بالثوب  ...تشوف  النوق تعبانه و  هزيله
بس  نسوان  ضعن  الراح  مهيوب  ...لا راجع حسين و لا  جفيله

ابو علي الركابي:
يهل المجالس  (ميمر)

يهل المجالس والنوح     بدمعه وحزن عينوني
آنه الزجيه ام حسين       وام العـــزى تدروني
***

يهل المواكب واللطـــــم والخدمه
حضرو المجالس هاي اكبر نعمه
آني الأعوضه وآنــي اكتب اسمه
بدكت اصدور اللطمات  بونتكم اتواسوني
***
كلمن يخدمه حســـين وبحبه ايذوب
بلطمت اجفوف الخادم وكل محبوب
من عنده اقسم  توكع اتطيح اذنوب
ينجبر ضلعي المكسور   بخدمتكم اتريحوني
***
ودمعاتي عالعطشــــــان لا ما ملهه
وروحــــــــي المآتم والعزى تندلهه
احضر المجلس والمواكــــــب كلهه
امشي واشارك كل نوح    واتهل دموع اعيوني
***
احضر الناعـــــــي واستمع جلماته
من كلبه تطلـــــــع منجـــرح آهاته
لظل ذبيح اعلــــــه التـرب لطاماته
محنيه واكعد عالكاع   كون المسه اتشوفوني
***
ما انظر اشــــــكال اوجوه التخدم
الجان متأخـــــــــــــــر ولا متقدم
آنه اعرفه الكلبـــــــــــه ظل متألم
وامصفي نيته اوي حسين   امخليته بين اجفوني
***
والله الخدامه بيهه رحمه  وخيرات
ايشور الخادم عنده تصبح شارات
انه الاكفله واســــــمه حي ومامات
بس كون يخلص وياي    يهل العزى اتعرفوني
***
ميموت اسمه ويرتفــــع كل شانه
ويوم القيامـــــــــــه ينحشر ويانه
حمزه وطن ياســــين ظل نيشانه
بالكبر كل الخـــــــدام    اندهــم ايسمعوني
***

ابو علي الركابي

ميمر بصوت. مسلم المطيري

اهل المجالس والنوح

كلمات الشاعر
ابو علي الركابي

(هالله هالله حسين وينه بالســـــيوف امكطعينه)
مطرت الدنــــــيا دمه صاحت وتبجي السمه
واحسيناه واحسيناه
***

زينب انه وبيــــــــــه نفس للساعه امشـي و عدله
خافني ميته ابلا وعـــــــي والصـــــار مامش مثله
ما ادري بالعاشر نبـــــــي المذبوح وي كـــل اهله
مدري ســـمه الله اتفطرت بالفاجــــعه المو سهله
ذبحو اطفاله ورضيعه ياكبر هــــاي الفجيعه
والعيـــــــــــال اميتمه صاحت وتبجي السمه
واحسيناه واحسيناه
***

ما ادري شوفي ما عمه والنظــــر ظل ابعيني
لاطال عمـــري ولابكه وما تلفـي ليـه اسنيني
من شفت طايح عالرمل مكلوب وجه احسيني
ناداني خويـــــه مومتت لحكــــي علي داويني
بالدمه انصبغت لحيته باخــــر انفاسه لكيته
شفت يمــــــــه فاطمه صاحت وتبجي السمه
واحسيناه واحسيناه
***
عطشان مات ومــاروى طم التراب اعيونه
من كثر ضيمه لحيتــه شــيبت وي اجفونه
هواي الجروح الباكلب كلســـاعه ويلجمونه
دارو عليه سبعين الف يجـرونه ويرفسونه
الجيش فوك حسين داير وسحكت بصدره الحوافر
والجروح املجــــــمه صاحت وتبجي السمه
واحسيناه واحسيناه
***
الحافر ثجــــيل ولو سحك يخسف الكــــاع الحدره
ولوداس الحسين وصعد يمرد اعضامه و صدره
يوصل الكلبــــــه ايوذره ويطلـــــع امكابل ظهره
يتكلب ايظـــل عالارض والرمــــل يترس نحره
سلبو اهدومـــه وثيابه الله وكبــــر يامصابه
والضلوع امهشـــــمه صاحت وتبجي السمه
واحسيناه واحسيناه
***
خمسين عمري ادوهنــت واشكثر ضـــيم آلامي
من طاح اخوي وايســـت طاحــت وراه اخيامي
بجفوفي اطفــــــي بالجمر وتسحك النار اجدامي
اركض واطيحن وانتهض كل بالـــــي يم ايتامي
امن الضرب ورمن متوني وظلمت الدنيه بعيوني
امن الهظـــــم متألمه صاحت وتبجي السمه
واحسيناه واحسيناه
**




ابو علي الركابي

بصوت. مسلم المطيري

مطرت الدنيا دمه

كلمات الشاعر
ابو علي الركابي

زنجيل

ياشهر الحزن لاجيت اهلالك هيّج احزاني
المن جاي وانه البيك منـي راحوا اخواني
===================================
عمه اعيوني الدمع والنوح ومامرت عَلَي فرحه
گلبي فگد خمس اخوان اشمالك تلچم ابجرحه
كـــــون العاشر ابكل عـــام عليّه ما يطر صبحه

ابكثر مـا غيّريــت الحال
مو زينب مشيت اخيال
حادي اضعـوني الچتال

من ايـده شربت الماي من العطش خلاني
المن جاي وانه البيك مني راحوا اخواني
===================================
من طف گربله ولليوم اتسابگ دمعـت اعيوني
حرگ الخيم ما انساه مــن بـــالــسوط طفوني
الما شافوا خيالي اشلون من ارکض يشوفوني

تهل ياريــــــت لاهليت
بعد عد زينب اشخليت
جسم احسين مـا لـمّيت

ابكثر مافوگه داست خيل هيچي اهلالك اذاني
المن جاي وانــــــــه البيك مني راحـوا اخـواني
===================================
المثلي عايشــه ضلّت عجيبــــه وهــــالألم بيه
مثل القوس من الضيم ابحبل اچفوفي محنيه
أنَـــه الغيروا اسمي الشام مــــن علويه مسبيه

ايامــــــــــك حيـل اذتني
مثل الســـــــوط البمتني
الهضيمه الشامت ايعتني

طحت اگبال راس احسين بهذا الوضع شافاني
المن جاي وانــــــــه البيك مني راحــو اخواني
===================================
أنَه الخسرانه كلشي وياك يل عايفلي بس وني
يحالي الما وصلّه انسان يـــالمـــدري شنو چني
اتغير كلشي بيـه وصار خــــــــواتي مايعرفني


شيب گلبي گبـل الــراس
ما ينحمل حچيي الـناس
مـــن صاحوا وگع عباس

حچيهم جمر ما يطفه سمعته وحيل چواني
المن جاي وانه البيك منـي راحــوا اخواني
===================================
اذكر سيف ابـن جوشن اهلاك مــن اشوفنه
بيك الرگضن اعله احسين ماخلن ضلع منه
طير ومــــنذبح يهلال الحــوافر هيچ خلنه

وي كل سحگه ضلع ايطيح
وسمع شمــــر گـــام يصيح
انثروا جسمه ويـــه الـريح

بعده حسين ما مدفون وبيـه الشمر سباني
المن جاي وانـــه البيك مني راحوا اخواني
===================================
حيدر الشغانبي