بصوت. مسلم المطيري

لسان حال فاطمة العليلة

هلي راحوا وخلوني عليله
وعلى الدلال فرگتهم ثجيله
الربي من ثگل همي اشتكيله
من گد الصبر مابقت حيله
احسب يوم يوم وليله ليله
همي جبل شوفتهم تزيله
غيبتهم  تره صارت طويلة

الشاعر حسن لعيبي الحريشاوي

(زنجيل)
بحزن عاشور  بگلب مكسور
يبو السجاد اريد انعاك
ـــــــــــ
ربيت ويه الحزن من شبت اسنيني
وعيت اعلى المصيبه ودمعتي بعيني
بدليلي اشچم جرح يدي ويچويني
شفت جرحك مصيبه وضل يبچيني
اجيت اليوم - بجرح ملچوم
يبو السجاد اريد انعاك
ــــــــــــــ
كبر بيه الحزن واشباحه تبرالي
واذا يغفى الجفن جرحي ايتراوالي
واجت صورة الم والنايبه اگبالي
تذكرت السـبوها ابعـازة الوالي
ابچي الايتام - المشت للشام
يبو السجاد اريد انعاك
ــــــــــــــ
اريد ابچي وأون واتعنه  للحضره
ويفز من گد ونيني الميت ابگبره
واريد انعى الحبيبي وغربته ونحره
وبعد ذبحه الحوافر داست ابصدره
بجفن مجروح -بمصيبه ونوح
يبو السجاد اريد  انعاك
ــــــــــــــ
اشتهت روحي المناحه ابابه ملهوفه
ودمع عيني من اسيله ايكحل احروفه
اگصدت شاطي المصيبه اتعاتب جروفه
شفت جربة كفيل ورايه واچفوفه
صحت يا حسين -بدموع العين
يبو السجاد اريد انعاك
ــــــــــــــ
اعتنيت اليله بمصابي لبواليمه
اجيت اشكي المصايب والهظم يمه
گلت بكلت اواسي بدمعتي امه
رحت بيه الجروح ابكل جرح لچمه
بجبل من هم-اجيت الطم
يبو السجاد اريد انعاك
ــــــــــــــ
اجيت وكل جرح ينزف هظم وآلآم
على امصابك يغالي اجروحي ما تلتام
دمع طفه الشمع ليله عرس جسام
مثل فزت رقيه الروح الك تحتام
واصيح بصوت- لحد الموت
يبو السجاد اريد انعاك
ــــــــــــــ
احس جمرة مصابك بالگلب تسعر
واشوفنك وحيد وعيني ما تصبر
مرد چبدك مصاب اوليدك الاكبر
شبيه المصطفى وفوك الثره امطبر
اسيل ادموع-بگلب مفجوع
يبو السجاد اريد انعاك
ـــــــــــــــــ
ارد لاول مصيبها لبيها ابدي وياك
واذا ينشف دمع عيني اظل انعاك
شفت زينب على التل بالهظم تنخاك
يبواليمه ابحزن صوت الخدرناداك
بحزن واهموم-اظل للدوم
يبو السجاد اريد انعاك
ـــــــــــــــــــــــــــــــــ
نعيم ابو باقر الساعدي

بصوت. مسلم المطيري

بحزن عاشور. بگلب مكسور

كلمات الشاعر
نعيم ابو باقر الساعدي

يامولاتي العليله

القصيدة : ناديتك بويه حسين
محرم الحرام 1446 هــ

▫️▪️▫️▪️▫️▪️

ناديتك ناديتك بويه حسين
تانيتك تانيتك بويه حسين
ــــــــــــــــــــــــــــــــــــــــــــــــــــــــــــــــ
نــاديتك بويه انه كاتلني الهجر
من تبعد اسهــرلك حد خيط الفجر
بونينــي وتعبانـــه ياريـــح العمر
جوتنــي نيرانــــك يانــــار الصبر

سميتك سميتك ضوه العين
ناديتك ناديتك بويه حسين
ــــــــــــــــــــــــــــــــــــــــــــــــــــــــــــــــ
من علتي وانه ادري تتركني ابدمع
فاطمتـك سهرانــــه من حال الشمع
ماينبــض بفـــراكك الــ جوه الضلع
من دونك وياكــــم يابويه انفجع

شميتك شميتك روح الوتين
ناديتك ناديتك بويه حسين
ــــــــــــــــــــــــــــــــــــــــــــــــــــــــــــــــ
اتنادينــي وانه اسمع فرحــــت الضوه
انه اركض ملهوفــه وحضرت الدوه
كـــل بالي راح امشي يابويه ســـوه
تاليـــهـــا اتفاركنــي ويطفيني الهوه

حاجيتك حاجيتك كلي حنين
ناديتك ناديتك بويه حسين
ــــــــــــــــــــــــــــــــــــــــــــــــــــــــــــــــ
َوعيونــــي الشافتك من راح الضعن
ضل واكف كدامــــي مايمشي الزمن
ومكسـوره جنحانــي ومن مثلي احن
اتغربنــــي بديــــارك يا اجمل وطن

ونيتك ونيتك عمري ونين
ناديتك ناديتك بويه حسين
ــــــــــــــــــــــــــــــــــــــــــــــــــــــــــــــــ
من روحي ماخوذه ايــــات الحمد
امراضــي واهاتـي دمعات البعد
كل داري من دونك تمردني مرد
فاطمتك تتركهـــا ياعطر الورد

اوميتلك اوميتلك بالجفين
ناديتك ناديتك بويه حسين
ــــــــــــــــــــــــــــــــــــــــــــــــــــــــــــــــ

الشاعـر : فيصل عاشــور المنصوري

بصوت. مسلم المطيري

ناديتك ناديتك. بويه حسين

كلمات الشاعر
فيصل عاشور المنصوري

نزال

روه كاس الموت كل شجعانها
عثرت الخيل وجمع فرسانها
ــــــــــــــــــ
هاية خيبر هالحرب لو كربلاء
نزل أمر الحرب من وحي السماء
صوت كل الجيش يتعالى النداء
هذا منهو الطب حرگ ميدانها
ــــــــــــــــــ
هذا منهو الشاب اليوكع السيوف
وبلثام الموزمة تلگة الالوف
واليزامط ينعجب خل ويشوف
نزل واجفوفة العكفها اردنها
ــــــــــــــــــ
كل قبائلهم تحرت بالسؤال
هذا معقولة الرجع وسط النزال
حيدر الكرار لو غيرة احتمال
رجعت الدنيا بعمر سكانها
ــــــــــــــــــ
عاد صولا الحرب بدر وحنين
من برز وحدة لقتال الظالمين
يرتجر بالحومة اني ابن الحسين
ال هاشم اني من شبانها
ــــــــــــــــــ
فرها مثل الرحلة لمن طبها صار
حتى نسمات الهوه مشتعله نار
على الاكبر بيدة شايل ذو الفقار
مايثني الضربة بيدة امجانها
ــــــــــــــــــ
طبها منجل على السنابل بالحصاد
وشردو شلون الهوه وهب على الرماد
سيفة بنحور الظلم واهل العناد
حده سيفة اعله الرگاب ودانها
ــــــــــــــــــ
على الاكبر بالحرب سيفة انتقام
هوه شمس الله وشرق وسط الظلام
خرس الجيش وكطع حتى الكلام
ورجفت الطف من جميع اركانها
ــــــــــــــــــ

الشاعر زين العابدين الشمري

بصوت. مسلم المطيري

روه كاس، الموت كل شجعانها

كلمات الشاعر
زين العابدين الشمري

ياعلي الاكبر #نزلة
القصيدة : يبني سل سيفك
محرم الحرام

▫️▪️▫️▪️▫️▪️

يبني سل سيفك سل سيفك هــاي الموزمه
يبني سل سيفك سل سيفك خل يكطر دمه
ــــــــــــــــــــــــــــــــــــــــــــــــــــــــــــــــ
طلع من لب المراجــل علي الاكبر للحرب
زلزل الحومــه ارتجـــازه يعني يكلبها كلب
للحــرب يفــرح دليله أســد ماشايل قلب
يطبك اليمنه على يسره خل يتيهون الدرب

تسلم ايمينك ايمينك يالجنك علي
تسلم ايمينك ايمينك وهمي ينجلي
ــــــــــــــــــــــــــــــــــــــــــــــــــــــــــــــــ
شبل من حسين طالع دخل ميدان العده
وحير الجيش ابوكفته قبل ليطــب شرده
خلق بالطف المخاوف خوف من عدهم بده
ملك مـــوت جفوفه ذني ياحـــلاة معانده

بحيره خليها خليها واصكرهم صكر
بحيره خليها خليها وماواحد يمـــر
ــــــــــــــــــــــــــــــــــــــــــــــــــــــــــــــــ
من نـــزل الاكبر يبارز سيفه خط الافته
صرح وصاح انه الاكبر علي وجدي الا فتى
يشبه العباس غاضـب يـــوم رفرف رايته
ينضح الغيره نسلهم والحرب من راحته

طفح من غيضه من غيضه بركان الحرب
طفح من غيضه من غيضه فنه الي يطب
ــــــــــــــــــــــــــــــــــــــــــــــــــــــــــــــــ
من دخل الاكبر عليهم صارت امرادم زلم
مثل جدهم عمر صارو كلها ذبته الهدم
عاد صفين ويه خيبر عاد حيدر والنعم
علي الاكبر بيده سيفه ايطشر بكيفه ويلم

بسطرت جفوفه وجفوفه تشهد كربله
بسطرت جفوفه وجفوفه هل ملعب حله
ــــــــــــــــــــــــــــــــــــــــــــــــــــــــــــــــ
الخيل فوك الخيل صعدت والترابه تعتلي
الغيم تكوينه العجاجه هاي مصدرها علي
شرباها المـــوت سيفه يامعـــاره اتزلزلي
وحـــده ماثنه ضربته غير من نسل الولي

علي من جده من جده صيته والعلم
علي من جده من جده ترجف هل زلم
ــــــــــــــــــــــــــــــــــــــــــــــــــــــــــــــــ

الشاعـر : فيصل عاشــور المنصوري

بصوت. مسلم المطيري

يبني سل سيفك

كلمات الشاعر
فيصل عاشور المنصوري

فصيح ((  #من_هذا_الفتى ))  للقاسم ع

…………………………………………………………

صاحَت الفرسانُ مَن هذا الفتى
هل مِنَ الفردوسِ للارضِ أَتى
قالَ للجيشِ اعلموا •• أنا الشبلُ القاسمُ

……………………………………………………………


صارَ كُلُ الجيشِ مَسحورَ النظر
في النهارِ كيفَ قد بانَ القمر
هل مِنَ العرشِ ملاكٌ قَد حضر
هذا حتماً ليسَ من صِنفِ البشر

مِنَ الشَمسِ الضوءُ أم من وَجهِهِ
خٌلُقَ الوردُ لنا مِن حُسنِهِ
يوسفٌ ذا قادمُ •• أنا الشبلٌ القاسمُ

……………………………………………………………


نازلٌ في الطفِ ليثٌ يزأرُ
حَتى قالَ القومُ هذا حيدرُ
وغدا الخوفُ قلوبناً يعصرٌ
سيفُ كالحَبِ رؤوساً ينثرُ

لم يَهُم بالجيشِ لا في جمعِهِ
لا يُبالي يَخصِفُ في نعلِهِ
بثباتٍ حازِمُ •• انا الشبلُ القاسمُ

……………………………………………………………


انا ابنُ المُجتبى السبطِ الحسن
هُوَ للدِينِ حفيظُ مُإِتَمن
هُوَ للجودِ رئيسُ و وَطن
نكِراتٌ أَنتمُ اولادُ لِمن

انا حرٌ فَقط للباري عَبد
يا عبيدٌ للسفيهِ إبنِ هند
اسمعي يافاطمُ •• انا الشبلُ القاسمُ

……………………………………………………………


يا حسينٌ عَمي يا باقِي الأهل
دونكَ الموتُ اراهُ كالعَسل
عَني يا أُماهُ لو شابٌ سأل
قولي إِبني في حِما الدينِ إِنقتل

الدينُ يا أُماهُ قد صَار ضَمي
فأنا مضّيافٌ أرويهُ دمي
بحسينٍ هائمُ •• أنا الشبلُ القاسمُ

……………………………………………………………


أُمي لا تبكينَ للعُرسِ أبد
فالحسينُ أغلى مِن كلِ وَلد
ذا غريبٌ ليسَ يُفديِهُ أحد
أُمي ثوبُ العرسِ عَن جِسمي أبتعد

و على الحنّاءِ أُم لا تحزني
في يَدي الرملُ و لا مِن كفنِ
ومكانٌ مظلمُ •• انا الشبلُ القاسمُ

……………………………………………………………


كَدُخولِ الذئبِ وَسطَ الغنمِ
هكذا صالَ الغُلامُ الهاشمي
قادةٌ ما بينَ خَيلٍ تَحتمي
تحتَ رجلَيّهِ رؤوسٌ تَرتمي

عطِشَ السيفُ رِقاباً يشربُ
وعلى الفرسانِ ضاقَ المَهربُ
في يديِهِ الصارمُ •• أنا الشبلُ القاسمُ

……………………………………………………………


أيُّها الشابُ فخُذْ منهُ الدرس
حامي عنِ الدينِ كاللَيثِ الشرس
كُن شُجاعاً كُن عزيزاً بالنفس
قاسمٌ و أشترى موتاً بالعرس

لا تُجامِلْ احداً في المُعتقد
ليسَ نعّامةٌ كُن أنتَ الاسد
للحسينِ خادمُ •• أنا الشبلُ القاسمُ

…………………………………………………
✍️ ( سيد خضر الزاملي  )

بصوت. مسلم المطيري

صاحت الفرسان من هذا الفتى

كلمات الشاعر
سيد خضر االزاملي

#اللهم_بمولانا_الرضا_بلغنا_محرم
#محرم_١٤٤٦

قال مولانا الرِّضا...ظامِئا جدِّي قضى
فابكِ الغريبْ...يا بنَ شبيبْ

١/سيِّدي ما للأَسى كالليلِ خيَّمْ
قَالَ يَا ريّانُ ذا شهْرُ المُحرَّمْ
كانَ حِلّا فيهِ أَنْ نؤذى ونُظْلَمْ
وَمِنَ الماءِ بِجنبِ الماءِ نُحْرمْ

فيهِ جدِّي قُتلا...عافِراً في كربلا
مُلْقًى سليبْ...يَا بنَ شبيبْ

٢/لِحُسينٍ في عُلاهُ أيُّ نَقْشِ
إسْمُهُ يَسْطَعُ نوراً فَوقَ عَرْشِ
كانَ فرداً وهُمُ داروا كَوَحْشِ
دونَ رفْقٍ ذبحوهُ ذَبْحَ كبْشِ

في العرا وجهُ الجلالْ...ظلَّ تكويهِ الرِّمالْ
أضحى تريبْ...يا بنَ شبيبْ

٣/إلبسِ الأسودَ يَا ريّانُ وانحبْ
وبِلطمِ الصدرِ خفِّفْ وجْدَ زيْنَبْ
كُلَّما ناحتْ بحبلِ السبيِ تُسحبْ
وإذا نادتْ "أخي" بالرمحِ تُضْربْ

زينبٌ بنتُ العَبا...آهِ سارتْ في السِّبا!
رُزءٌ عجيبْ...يَا بنَ شبيبْ

٤/وَمِنَ القاتِلِ فابْرأْ في حياتِكْ
أَصْلِهِ نَارَ الـلَّـظى في لعَنَاتِكْ
ضاعِفِ اللَّعْنَ وضاعِفْ حَسَناتِكْ
يرفَعِ اللهُ بِعَدْنٍ درجاتِكْ

مَعَ خيرِ المرسلينْ...وأميرِ المُؤمنينْ
قُرْبَ الحَبِيبْ...يَا بنَ شبيبْ

٥/للَّذي بَاتَ عَلَى الغَبْرا عفيرا
إِذرِفِ العَينَ غداً تُحشَرْ قريرا
يغفرِ اللهُ لَكَ الذنبَ الكبيرا
أقليلاً كانَ أمْ كانَ كثيرا!

دمْعُ عينيكَ الأملْ...لِغدٍ خَيرُ العَمَلْ
يُطْفِي اللهيبْ...يَا بنَ شبيبْ

٦/زُرْ حُسيناً سيِّدَ الصبْرِ العجيبِ
مَنْ وقَى شَيعَتَهُ حرَّ اللَّهيبِ
كيْ تُلاقِي اللهَ في اليَومِ العَصيبِ
دونَ ذنْبٍ طاهِراً ..يَا بنَ شبيبِ

قُلْ وأرسِلْ أدْمُعَكْ..."ليتَني كُنتُ مَعَكْ"
دُمْ في نحيبْ...يَا بنَ شبيبْ

٧/وكأني بالرَّضا ينْعَى حزينا
يذكُرُ العباسَ كمْ كانَ مُعينا
قائلاً لو كنتُ إذ خرَّ طعينا
كنتُ قبَّلْتُ يساراً ويمينا

فلَهُ قَلْبي انفطَرْ...وَلَـــهُ ظهري انكسرْ
أمَّنْ يُجيبْ...يَا بنَ شبيبْ

٨/بعْدَهُ أبكي يتامى الفاطمية
أصبحتْ تركضُ بَيْنَ الأعوجيهْ
والتي لمْ تقضِ بالخيلِ ضحيهْ
آه ماتت مثلَما ماتت "رقيّه"

"يَا أبي" نادتْ "تعالْ"...فأتى كلُّ الجمالْ
رأساً خضيبْ...يَا بنَ شبيبْ

الشاعر علي عسيلي العاملي

بصوت. مسلم المطيري

قال مولانا الرضا

كلمات الشاعر
علي عسيلي العاملي

بصوت. مسلم المطيري

يالمهدي هل اهلال عاشور

كلمات الشاعر
فاخر علي الشبيبي

بصوت. مسلم المطيري

ياحسين
(رسالة اعتذار)


اشـوف الـخَـدم مـتـحـضـره
                   ايـام اويــهــل عــاشــور

وأجـيـتـك حـامـل اذنـوبـي
                 مــولاي بـگـلـب مـكـسـور

ادري اهــواي أذّيــتــك
                وانـتـه اتفوّت الـمـسـتـور

فــاتــح بـابـك وگـلـبـك
              رغـم الـمـثلـي ما مـعـذور

اجـيـك وتـقـبـل اعـذاري
                  وآنـه ابدنيتي مـغـرور

اروح لـغـيــرك وأنـسـاك
              احـتـاجـك ورد مـجـبـور

احـيّـر بظلمت اسـنـيـنـي
              وأشـوفـن بالمجالس نـور

عـلـيّـه اهـواي مـتـفـضـل
                 من يمك الـف مـشكـور

                                *---------------*---------------*

خادم الحسين (ع)
✍الشاعر رعد الجريخي

نزال للمام العباس ع

شاف ضعنه عطشان
شاف ضعنه عطشان
   سرفن الها الذرعان
سرفن الها الذرعان:
ابو فاضل  ابو فاضل:
…………..
تعنت الاطفال ركضه كاصدين الخيمته:
وين عمنه هل عطشنه وجايين الشيمته:
عرگت ونشفت شهامه ابو فاضل گصته:
لزم السيف بيمينه وعل متن حط جربته:

صاح ابشرو يااطفال:
صاح ابشرو يااطفال:
انه عمكم كفال:
انه عمكم ‏كفال:
ابو فاضل ابو فضل:
………1……
هلهلت زينب لخوها وابوفاضل يبتسم:
يكلها مااهتم جمعهم كالت ادري والنعم:
ياكفيلي ادريك بالطف تسحگ اخشوم الزلم:
ماتخيب ظن اخيتك انه عندي كل علم:

توصل الشاطي الماي:
توصل الشاطي الماي:
خويه اعرفك وفاي:
خويه اعرفك وفاي:
ابو فاضل ابوفاضل:
……..2……
هوس ابهوسه ابدويه والسمع جلده نگشط:
كل قوافيه مراجل بعد عباس وزمط:
ترخص حسين بقفلها هيج رباطه ربط:
كال ترخصني ياخويه ارد اجيبن لختي شط:

ليش عطشانه ام عون:
ليش عطشانه ام عون:
وانه حادي الاظعون:
وانه حادي الاطعون:
ابو فاضل ابو فاضل:
…….3…….
لزم بتاره وتنخه سيفه جنه زلزله:
يصيح وين القاده بيكم ياهلا وميت هله:
گام يتخير ابكيفه وكض جمعهم بسله:
من گصد صوب الشريعه ميت اليگرب اله:

اخذ بيهم  الحيف:
اخذ بيهم  الحيف:
بالرگب حد السيف:
بالرگب حد السيف:

ابو فاضل ابو فاضل:
………4………
ثنه بالشاطي عله كيفه ظل يروي بجربته:
بالنخل الجيم لاذت خايفة من هيبته:
واحد يحذر الثاني يكله تكتل سطرته:
هذا العباس هذا الگناطر شافته:

الگاع من عنده اتخاف:
الگاع من عنده اتخاف:
يچتف الجيش چتاف:
يچتف الجيش چتاف:
ابو فاضل ابو فاضل
………..5…….
ماشرب من العذيبي وعطش چبده جن جمر:
استنكف ورد للعساجر صارن اعيونه حمر:
الما يلوحه السيف جفه كام يشمرله شمر:
لا ابن جوشن يرده ولا حصين ولاعمر:

صال بالحومه صال:
صال بالحومه صال:
مالكه بيها ارجال:
مالكه بيها ارجال:
ابو فاضل ابو فاضل:
……..6…….
مجيد الصالحي

بصوت. مسلم المطيري

شاف ضعنه عطشان

كلمات الشاعر
مجيد الصالحي

بصوت. مسلم المطيري

[ نعي الليلة الأولى من محرم ]
ــــــــــــــــــــ
هالليله قمـيص حســين مرفوع
كون ويه الزچيه إنكسْــر إلضْلوع
على المسحوگ صدره أشويّه لدموع
كون الليلــه واحد نحــره مگطوع
ــــــــــــــــــــ
كون ويه الرضـا . من يِهِل عاشور
بس اعله الحسين ادموعنه إتفور
يحاچي إبنَ شَبِيْب وگلبه مكسور
الما يبچي إعله جدي ماهو معذور
ــــــــــــــــــــ
هالليله إمـامَك ينحــب إدمــوم
على الميّت ومنّ الماي محــروم
وحيد وياهو عنه إيشيل الهموم
وعلى گبر الحسين إيطيح ويگوم
ــــــــــــــــــــ
مهدي التقي

ما نسينه....  يوم أبو اليمه ومصابا

ما نسينه..... والسهم عبد الله صابا

ما نسينه........ زينب اتبات ابخرابا

ما نسينه
======================
اشلون ننسه الصار بالطف من فجيعه

وبيه ابو الأحرار من ضحه .ابرضيعه

والبطل عباس طايح على ...الشريعه

والعذر صاح العذر يختي...... الوديعه



صاح زينب. خويه اعذريني ابمصابي

صاح زينب .. منكم اردسمع.. جوابي

صاح زينب.. من يردكم........ للمدينه

مانسينه
======================
أبد ما ننسه الجره وننسه المصيبه

على نهر عباس من ودع....... حبيبه

واذكر السجاد ومصابه......... ولهيبه

وعمته زينب على هزل راحت غريبه



بيد اميه.... صارت الحره اسيره

بيد اميه..... عكب ما جانت اميره

بيد اميه.... الشرع صاير..... رهينه

ما نسينه
======================
أشكثر رادو منه نترك هل قضيه

وصاحو علينه خوارج... رافضيه

اشلون اعوف حسين ومشي ويال اميه

وهذا ابن سيد الخلك سيد البريه



حاربونه.... خسر كلمن هوه ضدنه

حاربونه.... عزم من حيدرنه عدنه

حاربونه.... وصفحه للعايل هدينه

ما نسينه
======================
حاربونه اسنين ضحينه وصمدنه

غير حب الآل ماكو سلاح.. عدنه

خسر كلمن حاربانه وصار.. ضدنه

وبعد بينه الزود من حيدر.. بعدنه



نبقا شيعا..... شوكه بعيون الاعدادي

نبقا شيعا.... ابثار ابو اليمه... ننادي

نبقا شيعا... وما نعوف احنه السفينه

ما نسينه
======================
من وحي عاشور عدنه احنه القياده

والعزم بينه يظل بينه.......... الأراده

ما يموت النال مرتبت........ الشهاده

الله بالقران ذاكرة................ للعباده



ظل لوانه...  بسم سبع.... الغاضريه

ظل لوانه...  أسم عباس..... الهويه

ظل لوانه...  ويه زينب تربي عينه

ما نسينه
======================
يظل بينه حسين عنوان..... العقيده

ولجل هذا الدين ضحه ابدم وريده

ما رضى ويظالم يحط ..أيده  بيده

هذا ابن حيدر علينه ابن .. الصميده



ما يساوم..... ما حسب ربح وخساره 

ما يساوم.... لو قمر صار ....ابيساره 

ما يساوم.... لو شمس صار.. ابيمينه

مانسينه
======================
وصلينه أدروس للعالم........... رساله

من ضريح حسين من وحي  الجلاله

نبقا نحمل هل قضيه ابكل .... بساله

ونهج واضح عكس نهج اهل الضلاله


هذا خطنه... خط علي حامي الحميه

هذا خطنه..... أسيوف ضد الناصبيه

هذا خطنه... بالشدايد ..... ما ثنينه

ما نسينه
======================
كلمات
حسن الجحيشي