ضاعو طفلین یامسلم ضاعوا طفلین
واتعذر جیت یامسلم ضاعوا طفلین
والها الطفلین دم تجری العین
ضاعوا طفلین یامسلم ضاعوا طفلین

اجیت اشرحلک الحاله او کثر همی
واریدن منک اتعذر یبن عمی
مشدوها صرت من حرگوا اخیمی
او ذبحوا کل هلی او محد بگه یمی
مشدوها البال یامسلم مشدوها البال
دمعی الهمال یامسلم دمعی الهمال
حیرنی البین دم تجری العین
ضاعوا طفلین یامسلم ضاعوا

ذبحوا کل هلی او ماضل بعد والی
اولا کافل یمسلم عندی یبرالی
بایتام او حرم متکفله تالی
وهاذه الی جره والی سده ابحالی
احرس ایتام یا مسلم احرس ایتام
او خدر تنظام یامسلم خدر تنظام
مابین او بین دم تجری العین
ضاعوا طفلین یامسلم ضاعوا

من هجمت علینه الخیل والفرسان
حرگوا کل خیمنه او ما بگه صیوان
هجت بلظلامه اطفال والنسوان
او تتفرج علینه تالی العدوان
او هجت بلیل یامسلم هجت بلیل
او داستها الخیل یامسلم داستها الخیل
او هجت لاوین دم تجری العین
ضاعوا طفلین یامسلم ضاعوا طفلین

یا صبری ابهذاک الیوم یاصبری
طلعت امن الخدر وتحیرت بمری
علایتام ادور والدمع یجری
جمعت الیتامه او لاذو ابکتری
خدر واطفال یامسلم خدر واطفال
وبهاذه الحال یامسلم وبهاذه الحال
هل مرعوبین دم تجری العین
ضاعوا طفلین یامسلم ضاعوا طفلین

او جمعت الیتامه او گلبی اتفطر
لئن ما شوف طفلینک یلمشکر
طلعنه ابلیل مظلم عنهم اندور
لاچن مالگیناهم وسیع البر
وتعذر جیت یا مسلم وتعذر جیت
والهم ونیت یا مسلم والهم ونیت
راحوا لاوین دم تجری العین
ضاعوا طفلین یامسلم ضاعوا طفلین

اعذرچ یلعقیله والگلب محتار
الصار اعلیچ بلطف مثله لاماصار
ریت ابکربله حاضر واصیح الثار
وافدی اسنینی الچ یابضعة الكرار
بلطف ياريت يازينب بلطف ياريت
لجلچ ضحیت یا زینب لجلچ ضحیت
یا اخت احسین دم تجری العین
ضاعوا طفلین یامسلم ضاعوا طفلین

تتتتتتتمممممممتتتتتت
الشاعر عبدالحسن الرویمی

بصوت. مسلم المطيري

ضاعوا طفلين يامسلم ضاعوا طفلين

كلمات الشاعر
عبدالحسن الرويمي

صاح  الحـسين ابألــم
من فگد راعي الشيم

هسه قلّت حيــــلتي
ظلمه صارت دنيــتي
ــــــــــــــــــــــــــــــــــــــــــــــــــ
احسين طب للخيمه يحبي وطيّح ابجفه العمد
گلها  اخبرج يالعقيله ضل اخوج ابلا سند
طاح اخوي احزام ضهري وبيمن اتحزم بعد
شفته نايم عالوطيه وحيلي يا زينب ركد

عفته يم المشرعه/ والجفوف مگطّعه

طاح اخوي وهيبتي
ظلمه صارت دنيتي
ــــــــــــــــــــــــــــــــــــــــــــــــــ
ونّت الحره اعله اخوها وحشمت يا كافلي
اختك انه الدللتني لو رحت وليه انولي
ياهو ليحامي العقيله وياهو يحرس محملي
تنهضم روحي ابغايبك ويتشمت عاذلي

ترضه زينب تنهضم/ وحدي اضل بين الزلم

ياهو يحضر شــدتي
ضلمه صارت دنيتي
ــــــــــــــــــــــــــــــــــــــــــــــــــ
احسين گابل زينب اخته وگلها طاحت خيمتي
راح ابو فاظل يخويه وضلمه صارت دنيتي
ودعيته اعله الشريعه وداعه فتت مهجتي
گلي سلمني اعله اخيتي والها وصل كلمتي

گلها منج يعتذر/ كافلج يم الخدر

فدوه لجلج هامتي
ضلمه صارت دنيتي
ــــــــــــــــــــــــــــــــــــــــــــــــــ
شبجِت العشره العقيله ودمع المعاتب نزل
نادت ابصوت المواجع ولحزن بان وثگل
ترضه يا عباس اضلن لا كفيل ولا اهل
ونته مقياس الاخوّه وينضرب بيك المثل

انهض ورد للخيم / يله يا راعي العلم

خويه ورحم حالتي
ضلمه صارت دنيتي
ــــــــــــــــــــــــــــــــــــــــــــــــــ
احسين ناده ابصوت توّه ضهري حدب ونكسر
ما شفت يا خويه دربي من لگيتك عالنهر
روحي ذابت يا عضيدي وگلبي احسنّه انفطر
حيره حيرني زماني وخيّب اضنوني الدهر

راحت ايام السعد/ودري ما شوفك بعد

حيره بعدك حيرتي
ضلمه صارت دنيتي

ــــــــــــــــــــــــــــــــــــــــــــــــــ
طلعت الحره وتدور عن اخوها ومصـرعه
وصلت و شافت گمرها اموسد اعله المشرعه
بالسهم مصيوبه عينه والزنود مگطّعه
موذّره ومطّشره جثته وعالرمال اموزعه


اتمدّدت يم جثّـته / يا كفيلي اتنخّته

اگعد احرس خيمتي
ضلمه صارت دنيتي


✍️ علي كاظم المنصوري

بصوت. مسلم المطيري

صاح الحسين بألم
من فگد راعي، الشيم

كلمات الشاعر
علي كاظم المنصوري

امر من رب البرايا
لحيدره تلوگ الولايه
مدد..ياحيدر...مدد ياحيدر
...............................................................................

ايه نزلت للولايه......... بسوره اسمها المائده
علي والي يريده الله ....... خلي تقراها العده
علي نخوة كبرياء ...........و اسمه كلها تردده
نذر لاجلك كل وجودي.. وعمري لحروفك فده

گالها الله من البدايه
لحيدره تلوگ الولايه
مدد يا حيدر...مدد يا حيدر
................................................................................

علي علة هالوجود......... ونور من ربٍ رحيم
علي وارث هيبة الله ........علي جنات النعيم
علي بِسْم الله اسمه....... والسراط المستقيم
علي سولف ويه الله.. من قبل موسى الكليم

الله راده يصير آيه
لحيدره تلوگ الولايه
مدد يا حيدر...مدد يا حيدر
...........................................................................

علي سر حنيّة الله.......... وكل صفات الله وجماله
علي لو خلص صلاته........... عالثرى يصلي خياله
الدنيه لو مابيها كعبه.......... علي ماصار استحاله
الكعبه صارت مهد حيدر... والله يعرف كل خصاله

علي إيمان البرايه
لحيدر تلوگ الولايه
مدد يا حيدر...مدد يا حيدر
...................................................................................

شنهي كون بلايه حيدر ...شنهي دين بلا وجوده
لو سجد بس الله يدري... شنهي كل لله بسجوده
مو اثر شايل جبينه .........علي شايل كعبه سوده
علي ياهيبة محمد.............. وبمحمد سر خلوده

من رسول الله الروايه
لحيدر تلوگ الولايه
مدد يا حيدر...مدد يا حيدر
..............................................................................

لا وجود بلا وجوده .........علي للوادم هوى
علي سر الماي اسمه... الماي من حيدر روى
علي ويه الله يسولف.... علي من الله ارتوى
نفس طه والله راده ........علي وي طه سوه

فارس بسوح المنايا
لحيدر تلوگ الولايه
مدد يا حيدر...مدد يا حيدر


علي طعمه البطاط

بصوت. مسلم المطيري

امر من رب البرايه
لحيدر تلوگ الولايه

كلمات الشاعر
علي طعمه البطاط

عايش بغربه      وحالتي صعبه
من اسمع بعمتي انسبت تكتلني حركَه
الزم امتوني وتصير امتوني زركَه
**
عايش بصحره وأون كل مغربيه
وابجي دم الزينب الراحت سبيه
جن تكلي متوني توجعني واديه
ويا ابوصالح حركو الخيمه عليه

عمه يالمهدي       خيمه ماعندي
أركض وجمر الخيم كلساع اسحكَه
الزم امتوني وتصير امتوني زركَه
***
حيل متغيره وذبل زينب جفنها
غيرتها كربله ومو هيه جنها
من اجاها الشمر محد حامه عنها
زينب الصوط انطبع حيل ابمتنها

زينب شتلكَه     بخيمه محتركَه
غير بس ارماد وجم ذكره تلكَه
الزم امتوني وتصير امتوني زركَه
***
ليلة الوحشه رقيه اشتد بجيها 
تكلي اذاني وكامت تراويني بيها
وهاي سكنه اكبالي محتركات اديها
والرباب أتريد ابنها ودر ثديها

تلولي عالغالي     والحضن خالي
عكب عبدالله تصيح الدنيه خنكَه
الزم امتوني وتصير امتوني زركَه
**
عذبوج وحركو عليج الصواوين
وين عنكم راح خال أبني تصيحين
انتي نجمه محجبه وبالخدر تزهين
انتي زينب بت علي ومو للدواوين

انتي ستر الله     والوحي صلى
حته عرش الله اجه الخدرج يشبكَه
الزم امتوني وتصير امتوني زركَه
****
يله صاحو بالسره صعدوهم النوك
وصحت وين الرجب اخته بصوت مخنوك
يا ابو صالح من اسولف كَلبي محروك
عمه يفترون كامو بينه بالسوك

ناري حراكَه     وصعدت الناكَه
عليه صعبه وريت ميته شهكَه شهكَه
الزم امتوني وتصير امتوني زركَه
**
يا ابو صالح والله دوهني زماني
اسبايه درب الشام ياعمه سباني
وتدري ياهو الكام منهم شتماني
لا تكلي زينب المسبيه آني

الباوع عليه     هيه مو هيه
شسوه بيه السبي المايعرفني حكَه
الزم امتوني وتصير امتوني زركَه
*
تمت
ميثم العمري

بصوت. مسلم المطيري

عايش، بغربه

كلمات الشاعر
ميثم العمري

بصوت. مسلم المطيري

#نعي
السيدة العليلة ﴿ صلوات الله عليه ﴾


بـهروش گـلـبي تـمدد فراگ
هاذا الدهر چتال لو ضاگ
بنتك يبويه هواي تشتاگ
موش ولامنا أدريه لفراگ

يمر العصر يشتاگ چفي
كلش كبر يبعيد لهفي
گبل الذبح ياريت تلفي
من الدمع يحسين نزفي

أنعاك بين جروحي ولحال
يحز بلعظم لفراگ چتال
ردتك الك ماريد مرسال
يعذب الگلب لفراگ لو طال

چل الحزن و الحيل مو زين
ترجع أليه أنخاك يحسين
تنشف صدك بچفاك يا عين
دچ الگلب لفراگ سچين

الشاب علي حسين الخفاجي

كصرت مسافات العمر  والكبر يدنه الكبر
وهالدنيه تخدع بيه  تذبني بذنب يوميه
للموت شمحضر عذر
٠٠٠٠ ٠٠ ٠٠٠٠
النفس لمن ينكطع ياهل خلك ماينشد
كلمن يسافرله بنعش للموت رايح مارد
بس الخدم لبن السبط وي السبط يتخلد
عبره النويني منه أخذ وياسين ظل يتجدد

يربي حسن الخاتمه حسين حبه الغانمه
الدنيه سفره وتنگضي وين النبي وين الوصي

هالروح لابد تنعصر
للموت شمحضر عذر
٠٠٠٠ ٠٠ ٠٠٠٠
شَمايكضي يوم من العمر معناها موتي ادنه
جلبت بحسين وصحت لوهدني ماهدنه
بطاري مصابه هالعمر محلاه لو خلصنه
للنار مارايد اطب ياربي اريد الجنه

حسين التجاره الرابحه يل حبه فطره وناجحه
مامثله غالي عله الگلب نتذكره المدمع يصب

لمن رجع خالي المهر
للموت شمحضر عذر
٠٠٠٠ ٠٠ ٠٠٠٠
لابد نهايه الكل درب وهنياله الندل دربه
التيهه حسين َوزلف كل عمره يبقه بغربه
گبل الملابس  والجسم بنادم يطهر گلبه
الصعبه وحشة مكبره بالدنيه هينه الصعبه

ياوحشته ذاك اللحد شعندك عمل من تنشد
شنهي الجواب تحضره والعمل زاد الاخره

ويحسين حافر لوصدر
اللموت شمحضر عذر
٠٠٠٠ ٠٠ ٠٠٠٠
مثل الزرع هذا العمر لابد يطيح ابيومه
هنياله المحضر عمل و هيل كون علومه
الدنيه لو ضحكت اله تلدغ لدغ مسمومه
حصت ابنادم بس جفن ينزعونه حته اهدومه


بهل دنيا لايتباها يرجع مثل ماجاها
بقماش ابيض ينلف ومنها يروح مجتف

لامال ياخذ لاقصر
للموت شمحضر عذر
٠٠٠٠ ٠٠ ٠٠٠٠
ياربي هايه امنيتي بالخدمه كون اگضيها
عيشها روحي بكربله بجمر الخيم جويها
صبح ومسه بطاري السبي عيني تصب خليها
أعمالي المن تنعرض المهدي يفرح بيها

مارايد الجم گلبه  الكاضي حياته بغربه
ياضيم شايل ياأجرح من السبي وذاك الرمح

مخلص حياته من كسر
للموت شمحضر عذر
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي

بصوت. مسلم المطيري


گصرت مسافات العمر

كلمات الشاعر
فلاح طالب الماجدي

بصوت. مسلم المطيري

وين ابو فاضل اخوي اشكيله

كلمات الشاعر
مرتضى مكطوف الموالي

توها غمضت عيني لن صدى ايصحيني
حميده اگعدي اجيناج ///// گعدنه سويه وذكرناج
*******
تعبانه من درب السبي وصوط الشمر اذاني
زغيره وجتفني بالحبل وابجي شكثر خلاني
توني غفيت من التعب وصحاني صوت اخواني
تفارگنه من حرك الخيم ومشتاگه الهم آني

افراگهم هد حيلي ودمعه يخلص ليلي
حميده تعبنه بلياج //// گعدنه سويه وذكرناج
*****
فارگت اخوتي بكربله وما تنحمل فرگتهم
حسبالي ماتو بالحرك ونار الخيم حرگتهم
حسبالي راحو بالسحك وخيل العده سحگتهم
ما ادري بخواني اشجره ما ردت بس شوفتهم

بدمعتي واحزاني صحت وين اخواني
اسمعتهم حميده فگدناج /// گعدنه سويه وذكرناج
*******
گلولي مشتاگين الج وآنه صحت جنتو وين
اشگد عليكم دورت الحد ما تعب شوف العين
فرينه من حرگ الخيم ومن انذبح شفنه حسين
ضعنه بصحاري نينوى ومانندل الدرب منين

الليل صار وهيمه لا اهل لا خيمه
يخويه سبيه لگيناج /// گعدنه سويه وذكرناج
*****
انسولف كعدنه للصبح وذكرنه ذيج الخوه
وحنينه للخوه الصدك وللعشره ذيج الحلوه
ياخويه فارگناج امس وفرگاج بينه شسوه
محليتها هالدنيه الاخت وبلا اخت ماتسوه

ياحميده شلونج صدك زرگه امتونج
اخوتج نگلج علي وياج /// گعدنه سويه وذكرناج
******
افراگكم كلش صعب وياخويه مو بالحسبان
تدرون اليفارك اخو الجلمة اخو ايظل عطشان
اثنين انه فارگت وبگلبي تسعر نيران
ياخويه بديار الغرب عازتها عازه الخوان

واليضيع اخوانه تگصي بي عدوانه
دمعنه وحزنه ترجاج /// گعدنه سويه وذكرناج
******
السجان حن النه وبجه من اولاد مسلم صحنه
طلعنه واجت لينه مره وياها بدمعنه رحنه
الحارث سمع بينه واجه تشابگنه خويه وطحنه
الظالم اخذنه عله النهر وبيا ذنب ذبحنه

صحت من طيحني گبل اخوي اذبحني
يخويه بذبحنه قهرناج /// گعدنه سويه وذكرناج
*****
تمت
ميثم العمري

بصوت. مسلم المطيري

توهه غمضت عيني

كلمات الشاعر
ميثم العمري

القصيدة للعليلة عليها السلام



الظعن راح بدوني
            وأنا تجري عيوني
خوفي لو يرحلون
                باجر ولايجوني

اه ياعلة دليلي وسط الظنون
ها يجون اكبال عيني ويتلاشون
الراحو من ايدي تراهم مايعودون
هيج قلبي كال من شاف اليرحلون

اومي اضل بديه
         اهلي ابعدو عليه
اهلي يحادي الظعون
         باجر ولا يجوني


مشو عني وفاركوني وحيروني
ادري بعد الفركه هايه مايجوني
عالدرب انطرهم بنظرة عيوني
اهلي راحو للمنايا وودعوني

بلا حيله لا وسيله
         بس الدمع اسيله
كثرة عليه الظنون
         باجر ولا يجوني


دمعه دمعه اجري ليهم والقلب ذاب
فاركو روحي ودليلي اغلى الأحباب
اليفارك اهله يبقى يناطر الباب
بلكي يسمع خبر منهم وي هوى الهاب

لاخبر لا ذكروني
        اهلي الواعدوني
أنا ادري لو يغيبون
        باجر ولا يجوني


للمنايا اتعنو ولدروب الأخطار
خلو الحسره بدليلي وتسعر النار
الجانو افراحي وسلوتي ليل ونهار
مشو من الدنيا جانو بيها خطار

راحو وانا اسيره
  من حيره اطيح بحيره
محتاره باليروحون
         باجر ولا يجوني


اخ ياجرح المفارك يذبح الروح
والقلب يبقى بهجرهم دومه مذبوح
صافنه ودمعي اعله خدي معاشره النوح
هم عليله ومني راحو دمعي مسفوح

راحو هلي واحبابي
والحزن لازم بابي
خوفي يدمع العيون
باجر ولا يجوني


محمد النوري
٢٠٢٤/٦/٢٠
١٤ ذو الحجة ١٤٤٥ هـ

بصوت. مسلم المطيري

الظعن راح بدوني

كلمات الشاعر
محمد النوري

الهلال(نعي)

يـهـــلال الـحــــزن هلّـيت بالعـبره
            بيك اشتد حزنها فاطـمـه الزهـره

يهــلال الدمــع بالعتره وشخليت
           حزن ام الولد ماخلص والحـسره

بيك اشكم جرح بالفـركه والألام
         بيك حسين طايح ينسحگ صدره

بيك الرمح عالي والدمع هاطــول
          وشفافـــه تســولف معظلة أمــره

دللـــول الـــولـد يـبـنــي دللـــــول
        بيك أم الــولـــد ناغـت يـعبـداللـه

آه يم الحزن زينب شوصف الحال
       حزنچ مايوصـفـه الشاعــر بشعـره

كل ما وصل لينه أخبار عن عاشور
       مايوفي الوصف من البـحـر گطره
..................................................
ابوذيه
لسان حال السيده فاطمه الزهراء عليها السلام تگول

يهـلال الحـزن لا هــل   هلالك
لا مـرحــباً بــيــك ولا   هلا لك
أسألك ثار وي أبـنـي   هل ألك
وصل واطشره خيل الاعوجيه

محرم 1445هـ
✍️عباس مالك العفريت

نعي بصوت. مسلم المطيري

يهلال الحزن هليت بالعبره

كلمات الشاعر
عباس مالك العفريت

( لمسلم وِلد )


الـمـسـلـم وِلــد  **   مــثـــل الـورد
يــــوم الاجــت  **  خـيــل الـحقـد

فرّوا لـچـن ما يدرون ويـن الـوجـه ينطونـه

                                   *---------------*---------------*

يـوم الاجـتـهـم لـلـخـيـم خـيّـالـه
ركـضـوا سـويـه والـدمـع يـتـلالـه
ايشيّب دلـيـلـه الـصـوراهـه ابـالـه

خـوف ورعـب   نــار وحــرب
هــذا الـمــفــر    كـلـش صعب

حالتهم بهذا الحال وبس الدمع يجرونه

                                   *---------------*---------------*

انعدمت ابگلب الاعـادي الشيـمـه
رعـبوهـم وطـلـعـو لـعـد الـهيـمـه
ألـهـم دمـعـنـه والـعـزاء انـقـيـمـه

الـدگ الـصـدر   مـاكـو عـذر
ألــهــم نـضــل   نـحـّي الامـر

الماعدهم ابگدنه اجروح اعله البچي ايلومونه

                                   *---------------*---------------*

اتـخـيـل اشلون الـغـرب والـصـوره
جــار الـزمـان ويـفــتــر ابـنـاعـوره
خـلـه الـيـتـامـه بـالـفـلـه مـذعـوره

مـــن الـــزمــن   شـافـوا مـحـن
اخـيـول الـعـده   لــمــن اجـــن

اشحال الطفل بالميدان ايخاف العده ايدوسونه

                                   *---------------*---------------*

اتـحـمـلـوا خـوف وظـلام الـغـربــه
حـالـتـهـم اتأذي الـغـيـور وصـعـبـه
مالـومـن لـلـيسـعـر عـلـيـهـم گـلـبـه

كـلــهـــم ألــم    ابـحـرگ الـخـيـم
ركضـوا ركـض   حـافـي الــجــدم

الهجمت عَليه الصوبين المن يدير اعيونه

                                  *---------------*---------------*

قصتهم اتـخلـي الـمـحـب بـهـمـومـه
بالـحـومـه ما بيـن الـعـده بالحـومـه
ابذيچ الضهيره القاسيّـه الـميشومـه

ابسـيـل الـدمـع    اصـعـب وضـع
مـاضــل امـــل    طــش الـجـمـع

نبقه ابحزنهم للموت ابدگ الصدر خلونه

                                   *---------------*---------------*

يـاهـو اليردهـم والـمـديـنـه ابـعـيـده
ومسراهـم ابـدرب الخـطـر والـبـيـده
غـربـه ويـتـامـه هالجـرح شـيـفـيـده

دمــع الـحــزن     فـوگ الـجـفـن
صـار الـزمـن      مـثـل الـسـجـن

ابگلب اليتامه المجروح نار الغرب مكنونه

                                   *---------------*---------------*

✍خادم اولاد مسلم (ع)
الشاعر رعد الجريخي