بصوت. مسلم المطيري

زينب گامت تحشم وليها

كلمات الشاعر
فالح العامري

 نزلة الليله الاولى
.
.
.

 
مادگ بــاب غيـــرك وانـته تــدريها
ابابــك حاجــتي يحسيــن ابديــها

***

مــادگ بــاب غيرك سيدي واســئل
أخــاف اتفشــل وماتــقبـل اتفــشل
اليدگ بالبوب هذا الوكت ينذل ذل
مـــاسويتــــها ولانــــاوي اســـويها

***

ماســـويــتها بـزودك يـــراعي الخير
اليعوفك ياحسين اشيلگه عند الغير
يالبخـــيرك شبــع مولاي حتى الطير
اسولف بيـــك ياهــي وياهي اخليها

***

يالــتارس شـليلي وخــيـرك اتطــشر
يالمتروس مـــن جسـمك شـليل البر
الينــطي هواي يزغر وانـته شو تكبر
أيـــدك بالعــــلو مــحــــد يـــساويها

***

يباب الله الوسيع المانســد ابــيوم
يالتشتري ماي الوجه قبــل الـسوم
اليوم وياي هيــچ وباچــر وللـدوم
احمـولي اعله الصحن كلـما اتچيها

***

اهمومي اثكال وتعنيـتلك مايوس
وتخلــبصت بيه وضيعيت الروس
الفارغ مارحتله جيــت للمــتروس
هـــيه الخابطـه أنتــه التـــصفيها

***

تصــفيها وتگلـــي بيــهـا لاتهـــتم
وانته المشـــكلاتي دومـك محزم
تدري باليـجول بخاطــري وتعـلم
گبل مايــمك احچــي تفـتهم بيها

***

گبل مايمك احچي تگلي مگضيه
بشر مامــرني هيـــج ولايمــر بيه
يـــبو رقيه عـــليك ابـداعة ارقيه
جــمرتك بيـــه اريــدن ماتطـفيها

***

كلـــمة انطيــتك ومــا اخلف الكلمة
اي شي دنيـوي ما اطلبه بس خدمه
اريد عـيوني كون مـن البچــي تعمه
عليـك بـــداعة الســـلبو تــراچـــيها
***
حيدر تركي الكربلائي

بصوت. مسلم المطيري

مادگ باب غيرك وانت تدريها

كلمات الشاعر
حيدر تركي الكربلائي

#محرم

 ليلة العليله

وي ما ضعنهم گام يمشي
حسيت رأساً شاب رمشي
اويــلاه .. هــلي راحــو .. اويــلاه

***

عليله بس ابين الهم صحيحه وكلشي مابيه
الحقــيقه واگـــفه انـي بالـگوه اعــله رجليه
گلت بلكت يصيحولي اويانه امـشي يعلويه
اهديــماتي بدياتـي بــس مــحد نـــده لـــيه
 
بساعتها چن انگطع هرشي
حسـيت رأسا شاب رمـشي
اويــلاه .. هـــلي راحو .. اويـــلاه

***

بعد ماودعونــي وصار نيتـهـــم يخــلوني
وي ماشالت الناگه رجلها طاحن اعيــوني
هلي وحنان ادريهم هلـي مومال ينسـوني
وراهم حافيه اركض بلكــت لن يشوفوني
 
من مالتـــفتــو راح كلـشي
حسيت رأسا شـاب رمشي
اويــلاه .. هلـــي راحــــو .. اويــلاه

***

بــده يبــعد ظـعن اهلي وشـوفي بعد ميلوحه
وافرفح گمت من راحو چـني طويره مذبوحه
الروحه رايــحه العاشــور شله مچــلب بروحه
اليلوحه الــف وتسعميه شيطــيبهن اجــروحه
 
بدلالي نـابت رمح وحشي
حسيت رأسا شاب رمشي
اويــلاه .. هلـــي راحو .. اويــلاه

***

شـــلت ايدي اودعهـــم وچــن انشــــال تــابوتي
مــدري اشــمات بيه وگام مايطلــع بعـــد صوتي
مــن ماصدو اعلـيــه حيــلي استـــشهد وقــوتي
طحت عالكاع چن جثه وصحت توه بتده موتي
 
عالكاع اهيس طاح نعشي
حسيت رأسا شـاب رمشي
اويــلاه .. هلي راحـــو .. اويــلاه

***

العـوده شــوكت ماگالو يوم ثنين عــشر أيام
حتى اعــرف اتانيهم واتـجرع غصـص والام
وين الله ويردولي نـحور وماكــو بيها اسهام
وين الله ويــردولي وعليــهم ماتـوج لــخيام
 
بروحتهم نهد صرح عرشي
حســيت رأسا شـاب رمشي
هلي راحو اويلاه
***
حيدر تركي الكربلائي

بصوت. مسلم المطيري

وي ماضعنهم كام يمشي

كلمات الشاعر
حيدر تركي الكربلائي

أَحَاچِيكِ بْدَمِعْ جَارِي يَجَاسِمْ مَا  تِحَاچِينِي
يَمَايِ الْعِينْ سُولِفْلِي شْگِطَعْ مَا بِينَكِ وْبِينِي
-----------------------
شْحَلَاتَكْ  بِينْ  خُوَّانَكْ  جَمَالِ   الْمُجْتَبَى   گْبَالِي
چِنِتْ   أَتْنَطَّرِ   لْعِرْسَكْ   وَازِفَّكْ   بِيدِي   يَالْغَالِي
شِجَانِي وْمَا حِسَبْتِ حْسَابْ أَشُوفَكْ عَالثَّرَى تَالِي
وْعِوَضْ حِنَّةْ عِرِسْ  جَسَّامْ  أَحَنِّي  بْدَمَّه  چَفِّينِي
-----------------------
يَجَاسِمْ يَا ثَمَرْ گَلْبِي يَخِيمَه  وْبِيهَه  أَتْفَيَّه
عِفِتْنِي بْيَا وَضِعْ يَبْنِي عَلَى فَرْگَاكْ مَا  بِيَّه
صِدِگْ مَا تِرْجَعِ لْرَمْلَه حَبِيبِي لُو بَعَدْ  جَيَّه
وَاخَافَنْ وَدَّعِتْنِي بْهَايْ گِلِتْلِي يُمَّه ذِكْرِينِي
-----------------------
يَيُمَّه شْلُونْ رَاحَ انْسَاكْ يَنَشْغَةْ رُوحِي وَآلَامِي
لَگَضِّي بِالْحِزِنْ لِيلِي وَانُوحَكْ حَتَّى  بَاحْلَامِي
تَرَانِي عَايَنِتْ جِسْمَكْ خَضِيبِ مْتَرَّبِ  وْدَامِي
تِعِيشِ وْيَايْ هَالْمِحْنَه لَحَدْ مَا تِخْلَصِ  سْنِينِي
-----------------------
يَظَامِي وْلُو شُرَبْتِ الْمَايْ لِذِيذِ الْمَايْ يِلْچِمْنِي
دِلِيلِي شْلُونْ يِتْرَوَّه  أَوِيلِي  وْمَا  شُرَبْ  إِبْنِي
حَرَامِ الْعِيشْ مِنْ بَعْدَكْ  هَضِيمَه  تِبْتِعِدْ  عَنِّي
نِذِرْ أَنْفَاسِي لِمْصَابَكْ  هَضُمْ  مَمْشَاكْ  مَاذِينِي
-----------------------
أَخِيرِ   وْدَاعْ   يَوْلِيدِي   وَاتَانِي   سَاعَةِ   الْمَلْگَه
غَصُبْ مُو بِيدِي مَجْبُورَه عَلَى التِّرْحَالْ وِالْفَرْگَه
لَچَنْ يَا ضَنْوَةِ الْمُخْتَارْ أَرُوحِ  وْرُوحِي  مِخْتَنْگَه
وْتِظَلْ آهَاتِي  وِالْحَسْرَه  جَمُرْ  بِحْشَايْ  تِدْرِينِي
-----------------------

الشاعر حسن خنافر العاملي

بصوت. مسلم المطيري

احاجيك بدمع جاري،

كلمات الشاعر
حسن خنافر العاملي

لمولاي الامام الباقر صلوات الله عليه


الله أجّل موتتي ومامتت
لاعله الناگه ولا بالطشت
وي ابوي العليل.... باگ عمري الرحيل
ــــــــــــــــــــــــــــ
ياليلي... أشهد عله إدموعي الجريه
ياليلي... لــسه الحـبل يجــرح بـديه
ياليلي... مـــشتاگه أزور الــغاضــريه
ياليلي... وأتــلاگه بـلكــت وي رقــيه

بالبقيع اهناك اظل قسمتي
إبعيد عن إحبابي بادنيتي
ما أرد مستحيل...  باگ عمري الرحيل
ــــــــــــــــــــــــــــ
أتذكّر... مو مشهد أتذكر مشاهد
أتذكّر...  يم عمتي زينب آنه گاعد
أتذكّر... السجاد أبويه چان ساجد
أتذكّر...  وطب للمخيّم فرس شارد

والدماء إتسيل من حافره
يعني جدي إحسين فوگ الثره
هذا أكبر دليل...  باگ عمري الرحيل
ــــــــــــــــــــــــــــ
يادنيه... إبسابع سنه وشفت المصايب
يادنيه... إزغيرون وأبچي إبدمع شايب
يادنيه...  وزعي حياتي عالمواكب
يادنيه... عمّـاتي نامن بالخرايب

ذني مخلوقات بس للخدر
تالي ما تالي يدورن ستر
يازمن لا تعيل... باگ عمري الرحيل
ــــــــــــــــــــــــــــ
أشهدلي... ماناسي عاشوراء يدهري
أشهدلي... حتى إمن أنام إدموعي تجري
أشهدلي... بس باللطم يرتاح صدري
أشهدلي... طول الزمن ماطاب كسري

نزلوني إبحفرتي وإشقرو
أيُها الباقر هلك ما أجو
وين أهل السبيل... باگ عمري الرحيل
ــــــــــــــــــــــــــــ
إقرالي... يالتصعد المنبر قصيده
إقرالي... وكل بيت اگلك آني عيده
إقرالي... عن كربله فكره جديده
إقرالي... عن حرمه مسبيه إو وحيده

أنسه چبدي وأذكر البالسبي
اللّٰه يستر كاتبه إعله العبي
يابو صالح دخيل...  باگ عمري الرحيل
ــــــــــــــــــــــــــــ
ياشيعه... سلطة هشام العذّبتني
ياشيعه... سم ونوايب جرّعتني
ياشيعه...  أم زينب الزهره أجتني
ياشيعه...  عالمغتسل نايم لگتني

واحتراماً آنه لأم الحسن
ميّت وبيدي رفعت الجفن
والمدامع تسيل...  باگ عمري الرحيل.


محمد الجماسي...

بصوت. مسلم المطيري

الله اجل موتتي، ومامتت

كلمات الشاعر
محمد الجماسي

بمناسبة استشهاد الامام
محمد الباقر عليه السلام

چم محنه شفت ياسيدي الباقر
على بلوه زمانك  والقدر.  صابر
يقيت بدمع ساچب
على فراگ الحبايب
على بلوه زمانك والقدر  صابر
★★★★★
شسولف علمصايب من اعددهن
عليك بكربله   من  اتوالمن    كلهن
سهام الماخطه جدك  سهم منهن
لفن بالموت غير الموت ماعدهن
اخذ عمرك كدرها
يهد أجبال اثرها
على بلوه زمانك  والقدر صابر
★★★★★
سودأيام مرت مامثلها ايام
من اهل الضلاله  ولوعة ألحكام
لگيت سيوف شرهم تذبح الاسلام
ولگيت اعياد من طف كربله للشام
شفت اهلك ضحايه
وشفت ضعن السبايه
على بلوه زمانك والقدر صابر
★★★★★
سلامي عليك يانور وضوه الگمره
يافخر الهواشم باقر العتره
حبنه عن علوم ومبدء  وفطره
بمكان السيف علمك علظلم ثوره
اوضاع الماردتها
ابعلمك    غيرتها
على بلوه زمانك والقدر صابر
★★★★★
سلامي أعليك امام الخير والتقوه
ياحجه على اهل الدنيا ياصفوه
بلغت النصح  وأصبرت علبلوه
فهمت  البشر   هلدنيه ماتسوه
بدون الله وكتابه
واهل بيت النجابه
على بلوه زمانك والقدر صابر
★★★★★
الله للامامة     اختارك   وخلاك
يلي نطيت ربك ميزك ونطاك
دنياهم مثلها تصوروا دنياك
وياهم مارحت همه الاجو وياك
صرت قطب الهدايه
وتحديت الرزايا
على بلوه زمانك والقدر صابر

الشاعر حسن لعيبي الحريشاوي

بصوت. مسلم المطيري

چم محنه شفت ياسيدي الباقر

كلمات الشاعر
حسن لعيبي الحريشاوي

(ميمر)


.     دگ الــــصـــــــــدر     بــــــي نــفــتــخــر
      مــــــرت ســــنــــه     ٱبـــفـــارغ صـــبـــر

يــرجــع مــحــرم يـحـسـيـن خـدامـك ٱمـتـانـيـنـه

                                *---------------*---------------*

        أنـتـه الـجـبـتـنـه  الخدمتـك والـمـنـبـر
        نـحــچــي الصراحـه سيدي ونـتـشـكـر
        مـــا نـگـدر أنـعـوف الـعـزه مــــا نـگـدر

       هـــذا الـــعـــهـــد     بـــاقـــي أبــــــــد
       يـــابــــو عـــلـــي     وأكـــثـــر بـــعـــد

ثــابــت عــهــدنــه ولـلــمـوت وفّــايــه ألك تلگينه

                                *---------------*---------------*

        نـــدعــي المـحـرم واللطـم مـايـخـلص
        وكـون الـحــيــات الخدمتـك تتخصص
        مـتـوهـــم الـگـال الــعــزمـكـم يـنـقـص

      نـــــار الألــــــــــم     تــحــيــي الــذمـم
      مــــــن يــنــذكـــر     حــرگ الــخـــيـــم

هــنــيــالــه لـدمـوعـه أتزيد وترخص مدامع عينه

                                *---------------*---------------*

        أنـوسـم صـدرنــه بـالـلــطـم ونـعـاهـد
        مـايـشــعــر بلـوعـت عـشـگـنـه الـبـارد
        أتـــنـــافـــسـوا حـتـى الـوَلـد والـوألــد

     مــن يــنــكـــتـــب     أســـم الــمـــحــب
     وي الـــخــــــــــدم      هـــذا الـــكـــســب

يــخــلــص دمــع وقــرايــات كــون العمر وسنينه

                                *---------------*---------------*

        أكـبـر تـجـاره بـــدفـــتـــرك نـتـسـجـل
        بـس الــتــخــدمـك سيـدي ماتـخـجـل
        وأرفـع مقـام بــمــجـلـسـك يـتـحـصـل

      الــعـــنــدك عـبــد     عــــاش بــمــجــد
      الـعــافـــك تـــــره     خـــايـــب يــــــرد

يجمعنه حُــبــك مـــــولاي ودرب الــعــدل يهدينه

                                *---------------*---------------*

        مــانــنـزع أهـدوم الــحـــزن والأسـود
        وبـكـل مـحـرم هــالــعـــهـــد يـتـجـدد
        هـاي المجــالــس والــجــوامـع تـشهـد

      يــجـري الـــدمـــع     مــثــل الـــشــمـــع
      وكــــل الــبـــشـــر     خــــل تــســتــمــع

شـكـرا أبـا عبد الله فـضــلـك چـبـيــر اعــلــيــنــه

                                *---------------*---------------*

        يارحـمـة الـلـه مــو سهـل تــتــوصــف
        نـتـشــرف انـــقــيـم الـعـــزه نـتشـرف
        دومـك عــلــيــنــه برحمتـك تـتعـطـف

      كـــلــك فــــضـــل     حــبـل الــــوصــل
      يــالـــغـــالــي ألـك     دايـــــــــــم يـظـل

طــفــك يــروّي الــوجــدان وحزانه عـاشــت بينه

                                *---------------*---------------*

✍خـادم الحسيـن  (ع)
الشاعر رعد الجريخي
نسألكم الدعاء

ميمر بصوت. مسلم المطيري


كلمات الشاعر
رعد الچريخي

نزله (الخدام الحسين ع)
 2محرم  الحرام جديد 

دعـــوه أوجه للعـدم 
 لاتمـس ثـوب الخدم                        
___
دعوه أوجـه للــيعادي للــيذم أهــل العـزاء 
راح أكله لا تــحاول وأرفــع بوجــه الــنداء 
راح أظل أنصب عزيه  ويـرتفع بيــنه البكاء 
بكل زمن تبقى المجالس عل وعد وع الوفاء 

يــخطا رمـيك بالسهم 
لاتــمس ثــوب الـخدم 

يخطى رميك من تسـدد عل هدف والـثايه 
اصـنت وأســمع كلامي يل تضــدني بهـايه
هل مجالس بيـها روحي وعندي هيه الغايه 
لا تــذم أهــل الخــدامه ما تــطيــح الــرايه 

خاسـر وفكرك وهـم 
لاتمس ثـوب الخدم 

لا تـُحاول لا تـــجــادل والله ماتمـحـيــني 
بالمجالس روحي أنه وانه عـشكي حسيني 
والله أموت بلايه ذكـره ومااريـد اســنيني 
عشكي مذبوح وهويته الجله أفـدي بعيني 

بكلبي معشوكي نرسم 
لاتمــس ثـوب الـخـدم 

بالـكـلب صـار وتوســط ونرســم بامـالي 
بكل صباح وكل مسيه حسين شاغل بالي 
عندي غالي حسين.انه وغله من كل غـالي 
بلايــه خــدمه والله إنــه ماتـسر أحــوالي 

وقــسم براعـي العــلم 
لاتمــس ثـوب الـخـدم 

نقسـم براعي الكـفاله هـل عشـك لامايزول
خله يحجي الي يضدنه مايهمنه شمايكول
والخدامـه والشــعائر حيــرت كل العـقـول 
لانملـها ولا تعـبنه أعله الزمن وشما يـطول 

لماخـدم حصــره وندم 
لاتمــس ثـوب الـخـدم 

كلمات الشاعر الحسيني  
 مرتضى مكطوف الموالي  

بصوت. مسلم المطيري

دعوة اوجه للخدم

كلمات الشاعر
مرتضى مكطوف الموالي

بصوت. مسلم المطيري

كلشي ما اسوالي


كلمات الشاعر
مرتضى مكطوف الموالي

تشهد الكوفه اعليه   مسلم وصولاته
                    ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من سمع طوعه تحشمه ليه اجت محتاره
گام شد احزامه مسلم وانتخه اببتاره
وحده ما واحد يعينه وما بقت انصاره
مثل حيدر شد عليها وملگه لاگه الغاره
سيفه ظل يمطر نار   .. مثل حماي الجار
مثل حماي الجار    عمه وحملاته
ـــــــــــــــــِـِـِِِِـــــــــــــــــــــــــــــــــــ
مثل حملات الصميده او وگفته وأيامه
گطع نفس الكوفه مسلم لمن شد الثامه
اسد ضاري وطب عليها يحكم بصمصامه
اتحزم احزام الها مسلم غيرة الله احزامه
شافوا بسيفه الويل  ..   وردمت خيل بخيل
الظل عدل يمه ايموت   والشرد ما فاته
ــــــــــــــــــــــــــــــــــــــــــــــــــــــــــــ
نار ما واحد گربله ومحد ادناله
مسلم ومن صاح بيها فرت الخياله
زعل وغتاض وتراعد والزعل يحلاله
اليلوحه السيف ميت والشرد هنياله
درعم وبيهم صاح   ..   وسيفه خطاف ارواح
وحتى نسمات الكون    رددن چلماته
ــــــــــــــــــــــــــــــــــــــــــــــــــــِـــِـــــ
هاشمي وظل يغلي دمه وفنهم يلاگونه
تحيروا كلهم بمسلم رادو يعرفونه
قسم گالوا هذا حيدر من يدير امتونه
وقسم گالوا گمر هاشم لو خزر بعيونه
ظلت تصيح الناس  ..   لو علي لو عباس
تحيروا مسلم هاذ     لو علي او وگفاته
ــــــــــــــــــــــــــــــــــــــــــــــــــــــــــــ
هاشمي ومعروف طبعه وصولته معروفه
ومسلم بصولاته بيه كسر ظهر الكوفه
ولذلك بيه غدروا والخطط مكشوفه
وادم الحاربت مسلم بالغدر موصوفه
طاح مسلم مغدور   ..  والغدر ما معذور
الكربله الحال حسين   من جرت دمعاته
ـــــــــــــــــــــــــــــــــــــــــــــــــــــــــــــــــــ
     حسين كاظم الطائي

بصوت. مسلم المطيري

تشهد الكوفه اعليه. مسلم وصولاته

كلمات الشاعر
حسين كاظم الطائي

لا تروح بويه وتخليني
لا تروح فركتك تاذيني
سفرتك جنها طويله // ارحم بهاي العليله
**
رحتو ودموعي وراكم تجري
حرت ارشن ماي لو رش عمري
بويه مثل اهلال حدب ضهري
وانه راح اشلون اعيشن مدري

راح اموت بويه اخذني وياكم
راح اموت من كثر فركاكم
هالهجر ما بيه حيله // ارحم بهاي العليله
**
ليش بويه اتريد عني اتسافر
والله عكبك اكسر انه الخاطر
البيت تدري اخلافك اضلم صاير
وجفني طول الليل ضل امساهر

من مشيت الفركه هدت حيلي
من مشيت صار موحش ليلي
حزني ابد ماكو مثيله // ارحم بهاي العليله
****





انضر الدمعة رقيه اتلالي
وحته كلتلي اصعدي ابدالي
بويه كلتلي مكانج خالي
وانه تدري اشكد تعذب حالي

بحركه اصيح يختي ما صاحوني
بحركه اصيح وحدي شو خلوني
هاي ليله اشلون ليله // ارحم بهاي العليله
***
ما ردت يابويه منك ناكه
بس حنانك رايح انه اشتاكه
بويه عبد الله كتلني افراكه
دمعه وي دمعي اعله خدي اتلاكه

بحضني جان اينام ويناغيني
بحضني جان اوجها تارس عيني
جان يبجي وانه اشيله // ارحم بهاي العليله
*









بويه اريد اسكينه تكعد يمي
وحلوه من اسمعها تنده بسمي
ما تشيله اجبال عكبك همي
بويه جا يمته يجيني عمي

كلي ليش عمي ما مر بيه
كلي ليش عاف هيج ابنيه
كلبي ما يبرد غليله // ارحم بهاي العليله
*
تسعر بنص كلبي ضلت نارك
ليش ما وصلتني بويه اخبارك
كل وكت تنشدني عنك دارك
بويه عاد بحلم مرني امبارك

كلبي ذاب والقهر شل حالي
كلبي ذاب بغيبتك يالغالي
امن المرض تدري نحيله // ارحم بهاي العليله
**
تمت
تحسين الخفاجي