نعي بصوت. مسلم المطيري

نعي عن السيدة زينب عليها السلام عندما رجعت للدار
=====================  

أباب الدار ياخوية وكفنة 
نصيح بصوت  ردينة  يهلنة  
نأيس يخوتي ونكَطع الظنة 
لو نترجة هم يلتم شملنة
_ 
ايسنة يخوية ماتردون 
محتارة اطبن دارك شلون 
ايتامك يخوية من يسألون
شگلهم راح ابوكم لا تنشدون
===== =============
حتى الدار خوية عليك تنشد
اتاني احبابها من غيابها ترد
يا دار احزني ولبسي اسود
عزيز الروح شال وحيل مبعد
------------------------
بس ارسومكم ظلت يطيبين
المثلك يخوية يحصل منين
اشتم بالهدوم وريحت حسين
ما ابطل ونيني طول السنين
===============
سدنة باب الدار خية 
حتى ما تطب لينة اجنبية
يا ام البنين تعاي لية
خل نلطم على خواني سوية


أسالكم الدعاء رائد الاسدي

بصوت. مسلم المطيري

#ابوذيات

ردت يومي گبل يومك ..ولا حان ..
اسهام الضيم صابني ... ولا حن
سبوني واجنبي الحادي ..ولاحن
يخويه أهواي بجاها رقية
ــــــــــــــــــــــــــــــــــــــ
الحده ظعني اعله هيدة .. مايه بينه (ماجه بينه)
الهظم غيرك دليلي ... ما يبينه
يخويه الشام كله ....ما يبينه
ثلث تيام انه ابابه سبية
ــــــــــــــــــــــــــــــــــــــ
ابخرابة اشلون اسد عيني ..وانامن
من هظمي اِنشدت بت من ..وانا من
بناتك عالرمل باتن ... ونامن
ويلجمها الرمل وتفز رقية

قاسم المالكي

#اللهم_عجل_لوليك_الفرج

حسين حدر الخيل ابد ماصايره
وانه زينب بالمخيـــــــــم حايره
* * *
وين طاح حسين سولف يالمهر

گتلـــــــه دليني بعجل وبيا كتر

كال بين اسهام وسيوف وخطر

والخيول اعليه ترگـــــظ غايره
* * *
ابعباتي من الشمـــــــــس فيتله

وماي ماصــح بيدي جا وديتله

اســــهام بضلوعه شكثر عديتله

والعساكــــــــر عل مخيم دايره
* * *
حسين ماتنعد رماح امتــــــونه

وال اميه عمــــــــــــدآ يطعنونه

عگب زلمـــــــي كمت ادور عونه

والــــــدماء اعله الارض هالفايره
* * *
انه زينب عــــــــــــــذبنها ايامهه

وحيل مابيــــــــــها وتهيج الامهه

من تصد وتشــــوف ميته ازلامهه

ونار شبت بالخيــــــــم هل سايره
* * *
اليلــــــــه صعبه كلش شيگضيهه

وي رقيه حســـــــــــين مارد ليهه

وراس ابوهه اعله الرمــح شطيهه

حتى تسكت والمــــــــدامع طايره
الشاعر هيثم شهد
ليلة العاشر
144. احله قصيده لحن ثكيل

بصوت. مسلم المطيري

حسين حدر الخيل ابد ماصايره

كلمات الشاعر
هيثم شهد

يا محرم من تهل بيك أخيي ينجتل

بيك اشوف امصيبتي من يذبحون اخوتي

وانه امشي عالهزل
_____
يامحرم ياشهر نوحي وعذابي
بيك اشوفن من تهل جمرة مصابي
من تناشد ليش اوجهلك عتابي
أستمعلي يا شهر وسمع جوابي

بيك أشاهد ياشهر حسين محزوز النحر

من بعد ما ينذبح راسه ينشال برمح

وانه امشي عالهزل
_____
يامحرم من تهل تبدي المصيبة
وانه زينب بت علي اصبح غريبة
منهو مثلي بهالشهر يترك حبيبة
بغير راس وجثته بالطف سليبة

بعيني اشوف امصيبته الخيل تسحك جثته

ومن بعد راعي الشيم تحترك كل الخيم

وانه امشي عالهزل
_____
يامحرم ليلة العاشر حزينه
بيهه كلمن يكعد أيودع بنينه
كمر يمي الليلة والحارس علينه
شلون باجر لو وكع حامي الضعينة

هناك يم شاطي النهر أشلون لو طاح الكمر

يا شهر وبعيني اشوف تهوه عالكاع الجفوف

وانه امشي عالهزل
_____
بيك توكع يا محرم كل زلمنه
وبيك اشوفن ياشهر يوكع علمنه
من يطفي النار لو حركوا خيمنه
وياهو يفزع لينه لو واحد شتمنه

وحدي اظل بالفاجعة باليتامة املوعة

كلبي يحمل يا مصاب حسين اعوفه عالتراب

وانه امشي عالهزل
____
يامحرم ومشي عالهزل سبيه
وترك أخواني جثث بالغاضرية
آنه زينب تعرف أسمي الهاشمية
أشلون اصيرن يا محرم خارجية

ودخل الدار الغرب أبسوط كلساع أنضرب

كلبي بالهم مبتلي والشماته اتصد ألي

وانه امشي عالهزل
_____
حيدر ناصر الشميساوي

بصوت. مسلم المطيري

يامحرم من تهل

كلمات الشاعر
حيدر ناصر الشميساوي

زينب والكفيل
(نصاري)

زينب گامت اتحشم ولــــیـــهـا
حين  الهجمت الـعسـکر عـليها

************************
یا عباس  گصــدت زينب اتــصيح
الحرایرکم الحــگوا  یل المـذابيـح
احشمنك وبس اسمع صدى الريح
یخوتي اعيالكم  مـمتـحنـه بـيـهـا

************************
شاطي العلگمي ابنوحي اعتنيته
مـــنــدل الـــدرب لاچــن مشيـته
علی اثــار اجـــدامـــك لـگــیــتـه
اجـيـتك اختك اواسمع حـچـیـها

************************
اجيت ابلوعتي الشاطي وصـــلته
مـــــن ابـعـيـد عــالــوالي نشــدته
يــخويـه اشـلون حالك من نظرته
اجـــدامــي بعد ماتعرف مشــيها

************************
يخويه اسمعت صوتي حشمت بيك
تـــعــنــيــت الـنـهر بدموعي اناديك
يــبــو الـغـيـره الـحرم ظلت تتانيك
خــويــه گــربت ســـاعة ســبــيـهــا

************************
علی شاطي النهر مريت اشوفك
عمت عيني ولاشوفن اچفوفك
ولا شفت السهم امطفي شوفك
يــخــويــه كـربله اشلون اجيهه

************************
اروح اشلون خويه اوما ادفنك
صدگ اگطع رجه والامل مـنك
شـگل للـناس من تنشدني عنك
شـگـلـهـم فـاجـده زينب ولـيها

************************
حاطـتـنـي يخــويه ناس الأشــرار
بـعـدك بالخـيـم مـتـوجـره الــنـار
صـحـت ابصوت وينه علي الـكرار
اعـیـاله امـحـيـره ريـتـه يـجـيـهـا

************************
تمت
الشاعر فالح العامري

غیر مبري الذمه کل من یتلاعب في القصیده او یغیر اسم الشاعر

بصوت. مسلم المطيري

زينب گامت تحشم وليها

كلمات الشاعر
فالح العامري

 نزلة الليله الاولى
.
.
.

 
مادگ بــاب غيـــرك وانـته تــدريها
ابابــك حاجــتي يحسيــن ابديــها

***

مــادگ بــاب غيرك سيدي واســئل
أخــاف اتفشــل وماتــقبـل اتفــشل
اليدگ بالبوب هذا الوكت ينذل ذل
مـــاسويتــــها ولانــــاوي اســـويها

***

ماســـويــتها بـزودك يـــراعي الخير
اليعوفك ياحسين اشيلگه عند الغير
يالبخـــيرك شبــع مولاي حتى الطير
اسولف بيـــك ياهــي وياهي اخليها

***

يالــتارس شـليلي وخــيـرك اتطــشر
يالمتروس مـــن جسـمك شـليل البر
الينــطي هواي يزغر وانـته شو تكبر
أيـــدك بالعــــلو مــحــــد يـــساويها

***

يباب الله الوسيع المانســد ابــيوم
يالتشتري ماي الوجه قبــل الـسوم
اليوم وياي هيــچ وباچــر وللـدوم
احمـولي اعله الصحن كلـما اتچيها

***

اهمومي اثكال وتعنيـتلك مايوس
وتخلــبصت بيه وضيعيت الروس
الفارغ مارحتله جيــت للمــتروس
هـــيه الخابطـه أنتــه التـــصفيها

***

تصــفيها وتگلـــي بيــهـا لاتهـــتم
وانته المشـــكلاتي دومـك محزم
تدري باليـجول بخاطــري وتعـلم
گبل مايــمك احچــي تفـتهم بيها

***

گبل مايمك احچي تگلي مگضيه
بشر مامــرني هيـــج ولايمــر بيه
يـــبو رقيه عـــليك ابـداعة ارقيه
جــمرتك بيـــه اريــدن ماتطـفيها

***

كلـــمة انطيــتك ومــا اخلف الكلمة
اي شي دنيـوي ما اطلبه بس خدمه
اريد عـيوني كون مـن البچــي تعمه
عليـك بـــداعة الســـلبو تــراچـــيها
***
حيدر تركي الكربلائي

بصوت. مسلم المطيري

مادگ باب غيرك وانت تدريها

كلمات الشاعر
حيدر تركي الكربلائي

#محرم

 ليلة العليله

وي ما ضعنهم گام يمشي
حسيت رأساً شاب رمشي
اويــلاه .. هــلي راحــو .. اويــلاه

***

عليله بس ابين الهم صحيحه وكلشي مابيه
الحقــيقه واگـــفه انـي بالـگوه اعــله رجليه
گلت بلكت يصيحولي اويانه امـشي يعلويه
اهديــماتي بدياتـي بــس مــحد نـــده لـــيه
 
بساعتها چن انگطع هرشي
حسـيت رأسا شاب رمـشي
اويــلاه .. هـــلي راحو .. اويـــلاه

***

بعد ماودعونــي وصار نيتـهـــم يخــلوني
وي ماشالت الناگه رجلها طاحن اعيــوني
هلي وحنان ادريهم هلـي مومال ينسـوني
وراهم حافيه اركض بلكــت لن يشوفوني
 
من مالتـــفتــو راح كلـشي
حسيت رأسا شـاب رمشي
اويــلاه .. هلـــي راحــــو .. اويــلاه

***

بــده يبــعد ظـعن اهلي وشـوفي بعد ميلوحه
وافرفح گمت من راحو چـني طويره مذبوحه
الروحه رايــحه العاشــور شله مچــلب بروحه
اليلوحه الــف وتسعميه شيطــيبهن اجــروحه
 
بدلالي نـابت رمح وحشي
حسيت رأسا شاب رمشي
اويــلاه .. هلـــي راحو .. اويــلاه

***

شـــلت ايدي اودعهـــم وچــن انشــــال تــابوتي
مــدري اشــمات بيه وگام مايطلــع بعـــد صوتي
مــن ماصدو اعلـيــه حيــلي استـــشهد وقــوتي
طحت عالكاع چن جثه وصحت توه بتده موتي
 
عالكاع اهيس طاح نعشي
حسيت رأسا شـاب رمشي
اويــلاه .. هلي راحـــو .. اويــلاه

***

العـوده شــوكت ماگالو يوم ثنين عــشر أيام
حتى اعــرف اتانيهم واتـجرع غصـص والام
وين الله ويردولي نـحور وماكــو بيها اسهام
وين الله ويــردولي وعليــهم ماتـوج لــخيام
 
بروحتهم نهد صرح عرشي
حســيت رأسا شـاب رمشي
هلي راحو اويلاه
***
حيدر تركي الكربلائي

بصوت. مسلم المطيري

وي ماضعنهم كام يمشي

كلمات الشاعر
حيدر تركي الكربلائي

أَحَاچِيكِ بْدَمِعْ جَارِي يَجَاسِمْ مَا  تِحَاچِينِي
يَمَايِ الْعِينْ سُولِفْلِي شْگِطَعْ مَا بِينَكِ وْبِينِي
-----------------------
شْحَلَاتَكْ  بِينْ  خُوَّانَكْ  جَمَالِ   الْمُجْتَبَى   گْبَالِي
چِنِتْ   أَتْنَطَّرِ   لْعِرْسَكْ   وَازِفَّكْ   بِيدِي   يَالْغَالِي
شِجَانِي وْمَا حِسَبْتِ حْسَابْ أَشُوفَكْ عَالثَّرَى تَالِي
وْعِوَضْ حِنَّةْ عِرِسْ  جَسَّامْ  أَحَنِّي  بْدَمَّه  چَفِّينِي
-----------------------
يَجَاسِمْ يَا ثَمَرْ گَلْبِي يَخِيمَه  وْبِيهَه  أَتْفَيَّه
عِفِتْنِي بْيَا وَضِعْ يَبْنِي عَلَى فَرْگَاكْ مَا  بِيَّه
صِدِگْ مَا تِرْجَعِ لْرَمْلَه حَبِيبِي لُو بَعَدْ  جَيَّه
وَاخَافَنْ وَدَّعِتْنِي بْهَايْ گِلِتْلِي يُمَّه ذِكْرِينِي
-----------------------
يَيُمَّه شْلُونْ رَاحَ انْسَاكْ يَنَشْغَةْ رُوحِي وَآلَامِي
لَگَضِّي بِالْحِزِنْ لِيلِي وَانُوحَكْ حَتَّى  بَاحْلَامِي
تَرَانِي عَايَنِتْ جِسْمَكْ خَضِيبِ مْتَرَّبِ  وْدَامِي
تِعِيشِ وْيَايْ هَالْمِحْنَه لَحَدْ مَا تِخْلَصِ  سْنِينِي
-----------------------
يَظَامِي وْلُو شُرَبْتِ الْمَايْ لِذِيذِ الْمَايْ يِلْچِمْنِي
دِلِيلِي شْلُونْ يِتْرَوَّه  أَوِيلِي  وْمَا  شُرَبْ  إِبْنِي
حَرَامِ الْعِيشْ مِنْ بَعْدَكْ  هَضِيمَه  تِبْتِعِدْ  عَنِّي
نِذِرْ أَنْفَاسِي لِمْصَابَكْ  هَضُمْ  مَمْشَاكْ  مَاذِينِي
-----------------------
أَخِيرِ   وْدَاعْ   يَوْلِيدِي   وَاتَانِي   سَاعَةِ   الْمَلْگَه
غَصُبْ مُو بِيدِي مَجْبُورَه عَلَى التِّرْحَالْ وِالْفَرْگَه
لَچَنْ يَا ضَنْوَةِ الْمُخْتَارْ أَرُوحِ  وْرُوحِي  مِخْتَنْگَه
وْتِظَلْ آهَاتِي  وِالْحَسْرَه  جَمُرْ  بِحْشَايْ  تِدْرِينِي
-----------------------

الشاعر حسن خنافر العاملي

بصوت. مسلم المطيري

احاجيك بدمع جاري،

كلمات الشاعر
حسن خنافر العاملي

لمولاي الامام الباقر صلوات الله عليه


الله أجّل موتتي ومامتت
لاعله الناگه ولا بالطشت
وي ابوي العليل.... باگ عمري الرحيل
ــــــــــــــــــــــــــــ
ياليلي... أشهد عله إدموعي الجريه
ياليلي... لــسه الحـبل يجــرح بـديه
ياليلي... مـــشتاگه أزور الــغاضــريه
ياليلي... وأتــلاگه بـلكــت وي رقــيه

بالبقيع اهناك اظل قسمتي
إبعيد عن إحبابي بادنيتي
ما أرد مستحيل...  باگ عمري الرحيل
ــــــــــــــــــــــــــــ
أتذكّر... مو مشهد أتذكر مشاهد
أتذكّر...  يم عمتي زينب آنه گاعد
أتذكّر... السجاد أبويه چان ساجد
أتذكّر...  وطب للمخيّم فرس شارد

والدماء إتسيل من حافره
يعني جدي إحسين فوگ الثره
هذا أكبر دليل...  باگ عمري الرحيل
ــــــــــــــــــــــــــــ
يادنيه... إبسابع سنه وشفت المصايب
يادنيه... إزغيرون وأبچي إبدمع شايب
يادنيه...  وزعي حياتي عالمواكب
يادنيه... عمّـاتي نامن بالخرايب

ذني مخلوقات بس للخدر
تالي ما تالي يدورن ستر
يازمن لا تعيل... باگ عمري الرحيل
ــــــــــــــــــــــــــــ
أشهدلي... ماناسي عاشوراء يدهري
أشهدلي... حتى إمن أنام إدموعي تجري
أشهدلي... بس باللطم يرتاح صدري
أشهدلي... طول الزمن ماطاب كسري

نزلوني إبحفرتي وإشقرو
أيُها الباقر هلك ما أجو
وين أهل السبيل... باگ عمري الرحيل
ــــــــــــــــــــــــــــ
إقرالي... يالتصعد المنبر قصيده
إقرالي... وكل بيت اگلك آني عيده
إقرالي... عن كربله فكره جديده
إقرالي... عن حرمه مسبيه إو وحيده

أنسه چبدي وأذكر البالسبي
اللّٰه يستر كاتبه إعله العبي
يابو صالح دخيل...  باگ عمري الرحيل
ــــــــــــــــــــــــــــ
ياشيعه... سلطة هشام العذّبتني
ياشيعه... سم ونوايب جرّعتني
ياشيعه...  أم زينب الزهره أجتني
ياشيعه...  عالمغتسل نايم لگتني

واحتراماً آنه لأم الحسن
ميّت وبيدي رفعت الجفن
والمدامع تسيل...  باگ عمري الرحيل.


محمد الجماسي...

بصوت. مسلم المطيري

الله اجل موتتي، ومامتت

كلمات الشاعر
محمد الجماسي

بمناسبة استشهاد الامام
محمد الباقر عليه السلام

چم محنه شفت ياسيدي الباقر
على بلوه زمانك  والقدر.  صابر
يقيت بدمع ساچب
على فراگ الحبايب
على بلوه زمانك والقدر  صابر
★★★★★
شسولف علمصايب من اعددهن
عليك بكربله   من  اتوالمن    كلهن
سهام الماخطه جدك  سهم منهن
لفن بالموت غير الموت ماعدهن
اخذ عمرك كدرها
يهد أجبال اثرها
على بلوه زمانك  والقدر صابر
★★★★★
سودأيام مرت مامثلها ايام
من اهل الضلاله  ولوعة ألحكام
لگيت سيوف شرهم تذبح الاسلام
ولگيت اعياد من طف كربله للشام
شفت اهلك ضحايه
وشفت ضعن السبايه
على بلوه زمانك والقدر صابر
★★★★★
سلامي عليك يانور وضوه الگمره
يافخر الهواشم باقر العتره
حبنه عن علوم ومبدء  وفطره
بمكان السيف علمك علظلم ثوره
اوضاع الماردتها
ابعلمك    غيرتها
على بلوه زمانك والقدر صابر
★★★★★
سلامي أعليك امام الخير والتقوه
ياحجه على اهل الدنيا ياصفوه
بلغت النصح  وأصبرت علبلوه
فهمت  البشر   هلدنيه ماتسوه
بدون الله وكتابه
واهل بيت النجابه
على بلوه زمانك والقدر صابر
★★★★★
الله للامامة     اختارك   وخلاك
يلي نطيت ربك ميزك ونطاك
دنياهم مثلها تصوروا دنياك
وياهم مارحت همه الاجو وياك
صرت قطب الهدايه
وتحديت الرزايا
على بلوه زمانك والقدر صابر

الشاعر حسن لعيبي الحريشاوي

بصوت. مسلم المطيري

چم محنه شفت ياسيدي الباقر

كلمات الشاعر
حسن لعيبي الحريشاوي

(ميمر)


.     دگ الــــصـــــــــدر     بــــــي نــفــتــخــر
      مــــــرت ســــنــــه     ٱبـــفـــارغ صـــبـــر

يــرجــع مــحــرم يـحـسـيـن خـدامـك ٱمـتـانـيـنـه

                                *---------------*---------------*

        أنـتـه الـجـبـتـنـه  الخدمتـك والـمـنـبـر
        نـحــچــي الصراحـه سيدي ونـتـشـكـر
        مـــا نـگـدر أنـعـوف الـعـزه مــــا نـگـدر

       هـــذا الـــعـــهـــد     بـــاقـــي أبــــــــد
       يـــابــــو عـــلـــي     وأكـــثـــر بـــعـــد

ثــابــت عــهــدنــه ولـلــمـوت وفّــايــه ألك تلگينه

                                *---------------*---------------*

        نـــدعــي المـحـرم واللطـم مـايـخـلص
        وكـون الـحــيــات الخدمتـك تتخصص
        مـتـوهـــم الـگـال الــعــزمـكـم يـنـقـص

      نـــــار الألــــــــــم     تــحــيــي الــذمـم
      مــــــن يــنــذكـــر     حــرگ الــخـــيـــم

هــنــيــالــه لـدمـوعـه أتزيد وترخص مدامع عينه

                                *---------------*---------------*

        أنـوسـم صـدرنــه بـالـلــطـم ونـعـاهـد
        مـايـشــعــر بلـوعـت عـشـگـنـه الـبـارد
        أتـــنـــافـــسـوا حـتـى الـوَلـد والـوألــد

     مــن يــنــكـــتـــب     أســـم الــمـــحــب
     وي الـــخــــــــــدم      هـــذا الـــكـــســب

يــخــلــص دمــع وقــرايــات كــون العمر وسنينه

                                *---------------*---------------*

        أكـبـر تـجـاره بـــدفـــتـــرك نـتـسـجـل
        بـس الــتــخــدمـك سيـدي ماتـخـجـل
        وأرفـع مقـام بــمــجـلـسـك يـتـحـصـل

      الــعـــنــدك عـبــد     عــــاش بــمــجــد
      الـعــافـــك تـــــره     خـــايـــب يــــــرد

يجمعنه حُــبــك مـــــولاي ودرب الــعــدل يهدينه

                                *---------------*---------------*

        مــانــنـزع أهـدوم الــحـــزن والأسـود
        وبـكـل مـحـرم هــالــعـــهـــد يـتـجـدد
        هـاي المجــالــس والــجــوامـع تـشهـد

      يــجـري الـــدمـــع     مــثــل الـــشــمـــع
      وكــــل الــبـــشـــر     خــــل تــســتــمــع

شـكـرا أبـا عبد الله فـضــلـك چـبـيــر اعــلــيــنــه

                                *---------------*---------------*

        يارحـمـة الـلـه مــو سهـل تــتــوصــف
        نـتـشــرف انـــقــيـم الـعـــزه نـتشـرف
        دومـك عــلــيــنــه برحمتـك تـتعـطـف

      كـــلــك فــــضـــل     حــبـل الــــوصــل
      يــالـــغـــالــي ألـك     دايـــــــــــم يـظـل

طــفــك يــروّي الــوجــدان وحزانه عـاشــت بينه

                                *---------------*---------------*

✍خـادم الحسيـن  (ع)
الشاعر رعد الجريخي
نسألكم الدعاء

ميمر بصوت. مسلم المطيري


كلمات الشاعر
رعد الچريخي