بصوت. مسلم المطيري

طال الغياب

كلمات الشاعر
وسام عبدالجليل الركابي

عظم   الله  أجرك  المشهد  فظيع
زوّد  جروحك  جرح  هدم  البقيع

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

عظم الله أجرك    بهذا    المصاب
گليبك المحزون  بي زاد    العذاب
گبور   اجدادك   تساوت   بالتراب
يعينك الله  سيدي الحادث مريع

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

عظم الله أجرك  و  كثره  الجراح
الحسن خلص    حياته   مستراح
حتى في گبره وضريحه مستباح
ما سلم من صاحب العقل الوضيع

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

عظم  الله      أجرك  بزين  العباد
هو و اولاده    مصابيح  ‌   البلاد
الگبب ذيچ اصبحت  مثل  الرماد
ويه  كبر  أم   الذي   چفه  گطيع


☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

عظم   الله  أجرك   هوايه  الجروح
بعض مو كلها   هدم  ذيچ  الصروح
يمها ‌ مدري  بكربلاء    تگعد   تنوح
وتبچي يم الضل على الغبره صريع

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

عظم الله أجرك  شأحچي  و شگول
لسه  ما   طيب   أثر  جرح   البتول
كثرت    الثارات     يوليد    الرسول
الله  ليعينك  على      ثار    الجميع

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

عظم  الله  أجرك    المهدي  الحبيب
ندعي   الله  بالفرج  يصبح    قريب
هيچي  و   نسمع    يثارات  الغريب
مو بعيد على المجيب وعلى السميع

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

🙏عظم الله لك الاجر مولاي يافرج الله🙏
    🙏وفرج عنك بحق أئمة البقيع🙏

            ٠٠ جهاد ألبصَيراوي ٠٠

بصوت. مسلم المطيري

عظم الله اجرك المشهد فظيع

كلمات الشاعر
جهاد البصيراوي

بصوت. مسلم المطيري

نعي   السيده زينب سلام الله عليها تخاطب الامام  الحسين عليه السلام

شيطفي الدمع متوجره الگلوب
                     نيران على نار  الدمع سچاب
ينور العين ليش الليل غطاه
                    يهلال السمه الطايح  بالتراب
ابچي على الجسم مرضوض بالخيل
                    وشيباته الدمه صارلهن خضاب
ابچي  الراس فوك الرمح مرفوع
                     من حر الشمس لون الوجه ذاب
ابو الرحمه وعطف محد رحم بيه
                    بچف ذباح طاح  وبيد   سلاّب
يبو اليمه عليك تنوح العيال 
                   شحال اعيال عنهم   والد وغاب
زينب حالها بعدك صفه شلون
                  شسولفلك   اظن   ماتحمل اعتاب
شوف الخيم وجت خويه بالنار
                  وخواتك شامت الهن  وگف بالباب
مذعورات ظلن دون  حمّاي
                  يخافن علستر خويه     والحجاب
مرعوبه  اليتامه   تصيح يحسين
                   ماظلوا  اهل   لاظلوا     احباب
شخبرك يلي عشنه العمر بحماك 
                 سبايا  نروح تالي    وي الاجناب


الشاعر حسن لعيبي الحريشاوي

شيبت ابمصابكم
والحزن  بعتابكم 
وابقيعا.......وابقيعا
*******
انه  ابنكم    عمري  دمعه  والحزن  ماليني
بالمصايب   من  اواسي فاطمه تواسيني
والجرح ماخذ  عذابي ونايباتي  اسنيني
من  البقيع  وحسره بيه  شوفته اتبچيني

بس اشم اترابكم
واالحزن بعتابكم
*********
الحزن   ماخلالي  راحه   والقبب مهجوره
شلون اعاينكم عجيبه توضحتلي الصوره
حسرتي وكل  المشاعر  يا هلي  مكسوره
ليش   ما زاير   يجيكم  بالحزن منشوره

والدمع بهدابكم
والحزن بعتابكم
*********
ان  شاء الله تعود البقيع وكلمتي احچيها
يدور   دايرها   الذهب  الحضره  من   ابنيها
ابالي    اسويهه   مواكب  تعزيه  نمر بيها
حضرت   ام الكمر  باچر   بالسمه  انعليها

يا حلات اطيابكم
والحزن   بعتابكم
*********
باچر   الغرقد   اشوفه  جنة  الله اديارها
واليمر   بيها    يضاهي   للخلك  اسوارها
باچر    اتموت  النواصب  بالحقد وبنارها
نسمع  الشيعي   ينادي  ياعلي  شخبارها

لو تطوف احبابكم
والحزن ...بعتابكم
*******
ينهتي عرش الظلاله  من البقيع  احچايه
من العراق  يصير ممشه كلها اجت عنايه
يعود  نور الله  وقببهه  من تجي الوفايه
واني  ويه  الشيعه كاصد  معتني  مشايه

ترتجي اصحابكم
والحزن  بعتابكم
*********
معزب  الخطار عدنه الحسن شوف ادلاله
باچر اتصير   المواكب  شمس  بي  تتلاله 
هناك حي  الله  اليزوره    لو يشد  ترحاله
جنة الله  الحسن باچر    والعشك يحلاله

انشر انه اكتابكم
والحزن بعتابكم
*********
#تمت بعون الله تعالى
خادمكم....يوسف الفتلاوي

بصوت. مسلم المطيري

شيبت بمصابكم. والحزن بعتابكم

كلمات الشاعر
يوسف الفتلاوي

هدم قبور البقيع

     يابقيع اهل الُـعـله
     صاحت الـها كربـله
اليا وكت وحشه قبور الطاهرين
عندي الهم ساحه بين الحرمين
     ++++++++++
      بذكرى تهديم القبور
     وحشه مايمچ حضور
وانتي گاعچ تحتويها اربع ايمّه
    الواجه اسيوف وجراح
     يمكن ابگبره استراح
لكن الميت صعب جرحه تلچمه
      الينهدم گبره عليه
    يعني جسمه مرضرضيه
اليختلف بس مندفن راسه اعله جسمه
    الگبه فوگاه من تطيح
    مييت وگلبه جريح
نار هظمه ابروحه مو بس ابخيمّه

وضعج اهواي اختلف
عني لو عن النجف
حته مشهد غربه چانت هسه وين
عندي الهم ساحه بين الحرمين
      ++++++++++
    فتره مرت مو قليل
    والحسن ذاك الاصيل
گبره صعبه ينلفظ اسم الخرابه
      ابكربله ابنه وعضيد
     وعن شريفه مو بعيد
شمله يلتم لو ترك ذيچ الترابه
      گاعي اله استر مكان
     جْورة الكافل امان
ابحنّة القاسم نجيله انحنّي بابه
     اهواي يسمع صلوات
     الما سمعها السنوات
تنحني زواره ملهوفه ابعتابه

كلمن بگلبه حچي
الماشبع گبره بچي
هواي عطشانه المشيته الزائرين
عندي الهم ساحه بين الحرمين
     ++++++++++
     وصلي صوتي للعيل
     منه خجلانه انه حيل
خل يجيني هسه مو جيّة اساره
     افتح اذراعاتي كون
     مو اسير وعالضعون
ابهيئة العوچيه ابنيله مناره
     اسجد اگباله اعتذار
     مني اذا لاحته نار
من ذهب مو من رواگ ابني الستاره
    عندي اله موضع مريح
    يسكن بنفس الضريح
بين الاحسين وعلي الاكبر مزاره

هنا ابد ما ينهدم
الگبره اختار الاسم
هذا قبر الدمعه ماجفتله عين
عندي الهم ساحه بين الحرمين
      +++++++++
      الباقر وآنه ادري بيه
    مو غريبه ارضي عليه
لسه موجوده برملها ذكرياته
    هذا من ضمن الزغار
    اليركض وبذياله نار
گاعي يندلاها راكضها اعله زغره
      لا لهب نار وعناء
    الخيمگه صارت بناء
بيها گبه تكسر افياي اعله گبره
     جده اذا مشتاك اجاه
     الخيل ماتركض وراه
اگباله باب القبله ماكو ابدربه عثره

ماكو شوك اولا لهب
ابوجه يتلگا ذهب
ماكو غربه كلهم اهله حاضرين
عندي الهم ساحه بين الحرمين
     +++++++++
     وحشه كاعج يالبقيع
    مثلي هم جرحج وسيع
نار بيته الصادق الرسمتله صوره
    عن ركض ذيچ الحريم
     ياجرح عمته العظيم
ذكرياته امنين ما وجهه يدوره
      الصادق واهله يجون
      عالشريعه ويلتقون
وين چان اينادي عباس ويزوره
     شگد يحب الهم يلوع
   خل يجي ويشبع دموع
هوه مثل الزهره بالدمعه سروره

ناسه خدام اشكثر
يمه كل موكب يمر
امحزم ابنصهم يدگ اعله الحسين
عندي الهم ساحه بين الحرمين
     +++++++++
      الماتت امن الانتظار
      ليش تبقى ابلا مزار
بفاتحه چم حاجه خلصت لو قروها
      خل تجي ام البنين
      بين ابنها والحسين
ابكد دمعها الحره راح ايدللوها
      تنسه كل ذاك الجراح
      ويّه كل طرة صباح
من مراقدهم يجوها ايقبلوها
     من ذهب مو من تراب
    حضره يبنوها الشباب
ويخدم الزوار عباس اليجوها

تلزم الوادم سره
يم ضريح الطاهره
وبمحرم تشبع انواعي وانين
عندي الهم ساحه بين الحرمين

    ثائر الربيعي

بصوت. مسلم المطيري

يابقيع اهل العله

كلمات الشاعر
ثائر الربيعي

لذكرى تهديم قبور البقيع( ملمع )

(بأَيَّ ذَنْبٍ هُدَّمَتْ     قبور آل المصطفى)
★★★★★
شكوه توجع وتجرح  ضل ينطق لسان الحال
گبور آل النبي ضلت  من بعد المعالي أرمال
جريمه هزت الدنيا  بثامن من شهر  شوال
من فتوه وهابيه   مشاهد  للفخز تنزال

(ويلاه ماهذاالخبر  إلى متى هذا الجفا؟)
(بأَيَّ ذَنْبٍ هُدَّمَتْ    قبور آل المصطفى ؟ )
★★★★★
تبرير الهدم من چان  عن فتوى وهابيه
تطبيق الشرع والدين لواحقاد بدريه
ماخافي القصد معروف نزعة شر عدائيه
عن غيره وحسد معلوم  عن حقد وكراهيه

(اما كفى مافعلوا   كم اجرموا  اما كفى ؟)
(بأَيَّ ذَنْبٍ هُدَّمَتْ   قبور آل المصطفى ؟ )
★★★★★
گالوا من تعنه ايزور  اشرك والحصيله النار
الزيارة  للگبر  بدعه   منعوا أي  گبر ينزار
نيَّه امبَطَّنَه بالشر وبيها من الحقد إعصار
المقصد نبتعد رادوا   عن آل النبي المختار

(لوكان هذا حاصلاً   آه على الدنيا العفا)
(بأَيَّ ذَنْبٍ هُدَّمَتْ   قبور آل المصطفى )
★★★★★
جدد حزنك بهليوم  ونوح على الجره وأنحب
مناير هدموها اتعود  للهادي النبي وللرب
رادوا فرصه تخدمهم بهلفعله أو وكت أنسب
لأن ابهاذي فعلتهم  لبليس أصبحوا أقرب

(لم يحفظوا عهد النبي   اين العهود والوفا ؟)
(بأي ذنب هدمت   قبور آل المصطفى )
★★★★★
زمره لا أدب واخلاق  من يامِلَّه معدنها
معدنها خيانه وشر  وكل جور الخلگ منها
مو إلها الوفه والطيب  بس طبع الغدر إلها
آخرها  بفعل  غدار     يتمثل  بأولها

(دين الهدى من جهلهم  أمسى ينادي الأسفا)
(بأي ذنب هدمت    قبور آل المصطفى )

الشاعر حسن لعيبي الحريشاوي

بصوت. مسلم المطيري

بأي ذنب هدمت قبو آل المصطفى

كلمات الشاعر
حسن لعيبي، الحريشاوي

وين ماروح… الگه خيمة وبيها نار
وين ماروح… الگه صرخات الزغار
سهم ذابحله طفل ..
طفكم ايوگف العقل
وين ماروح .. وين ماروح
__
كون اروحن والگه ضحكة بيها منثورة الهله
وصوت قران ابخيمهم مو رنين السنسله
ليش اشوفن ركض زينب عله طولچ كربله
وليش اشوفن طفل يبچي وسهم لازم حرملة

والله مليت… حتى بالتمثيل اشوف
والله مليت… گمر بس عوزة چفوف
ليش مو نفس الشكل .. طفكم ايوگف العقل
وين ماروح .. وين ماروح
=============
حسين يا حار الله انته تاهت الدنيه برد
موش بالصحرة المتربة كون مگعادك ورد
ليش روحك والمحنه بالحوافر تنمرد
ليش خيل ونار گامت عالمخيم تستعد

هدت الخيل… مردن اضلوع الچبير
هدت الخيل… و مو قوي ركض الزغير
برجله وبأيدة الحبل .. طفكم ايوگف العقل
وين ماروح .. وين ماروح
============
والله مليت اسمع الطف شايخ عليه الشمر
ووين ما تركض ازغارك تلگه عاگول وجمر
حسين سالفتك چبيرة كاسرة دموعي كسر
غاد من درب الحوافر كون باعدلك متر

بصدرك شلون .. سنبك الحافر ينام
بصدرك شلون .. كسرة ضلوع وسهام
ماشفت موقف سهل .. طفكم ايوگف العقل
وين ماروح .. وين ماروح
=============
كون اشوف الخيمة عدله وبالبيارغ تنحرس
وبالخضار حسين اشوفه موش حارگته الشمس
وكون كل حچيي الفواطم بالهدووووء وبالهمس
وتطفة خيمة سكنه حتى يشتعل شمع العرس

يقرة الحسين .. وهو يضحك مو حزين
يقرة الحسين .. الفاتحة لأم البنين
كون زفة ومو چتل .. طفكم ايوگف العقل
وين ماروح .. وين ماروح
==============
وجوه موش وجوه اهلكم والحده الناگه اجنبي
شنهي نسوان الدلال ايطرن ادروب السبي
وينكم ياعرفة الله ماكو واحد طالبي
وگفوها بسوگ غربه وتستحي وجوه العبي

الكوفة والشام .. ما تعوفك تستراح
الكوفة والشام .. بالحجر ترمي الرماح
وبالضعن واحد رجل .. طفكم ايوگف العقل
وين ماروح .. وين ماروح
=================
سالفتكم كلها هايه والمصايب والسلب
علمودي وما استاهل عطش ساعه امن العذب
حسين ضحالي بعزيزة وعاف خيماته تشب
و انه يوميه اعله طيشي احرگ اخيّمة بذنب

انتم اكبار .. وانه ذرة وحدر طين
انتم كبار .. شجابني الكبر الحسين
دنگت ما ينحمل .. طفكم ايوگف العقل
وين ماروح .. وين ماروح
===============
#علي #هادي #الخزعلي

بصوت. مسلم المطيري

وين ماروح
ألگة خيمة وبيها نار

كلمات الشاعر
علي، هادي الخزعلي

بصوت. مسلم المطيري

نعي
شكوى للأمام المهدي  (عج)
ذكرى تهديم قبور البقيع


يـمـتـه ابــن الـحـسـن يـظـهــر عـلامـه
وتشوفه الـعيـن بـيـده ايـجـر حـسامـه
ويـشـيّـد اگـبـور اهـل بـيتـه وعـمـامـه
وعـن وجـه الـحـقــد يـكـشــف لـثـامـه

*-----------------------*------------------*

راعـي الـثـار بـيـده ايـحـل قـضـيـتـه
طــال الـثــار حــيــل ومــا خــذيـتــه
يـبـن حـيــدر عـلـي أوارث حـمـيـتــه
هــدم اگــبــورهــم خـو مـا نـسـيـتــه

*-----------------------*-------------------*

نـتـانـي الـيـوم كـلـنـه الـبـي تـجـيـنـه
يــرف ألـواك يــمـتــه وتـحـدي بـيـنـه
مــن طـف كــربـلــه الأرض الـمـديـنـه
مـشــي نـگـصــد يـبـو صـالـح ولـيـنـه

*---------------------*-------------------*

✍خـادم اهل البيت ع
الشاعر رعد الجريخي

بصوت. مسلم المطيري

نعي مفجع


          ادري الـكـفـلـنـي عـيـب يـرضـه
          صــار الـخــدر لـلـنـاس عِـرضـه
          لـمــن دخـلـت الــشـــام وٱرضـه
          حـزنـي العَـلـي يـاهـو الـيـفـضـه


          تچوي الـگـلـب چـلـمـت غـريـبـه
          وراعـي المحَنـه امـنـيـن اجـيـبـه
          چــانـت مـشـيـتـي ويــاه هَـيـبـه
          هـسـه ابـيـسـر عـگبـه وسـلـيـبـه


          آنـــه الــمـــره الـــراح الـكـفـلـهـه
          وآنـــه الـغـريـبـه ومـحـد أهـلـهـه
          شـلـهـه بـعـمــرهــه بـعـد شـلـهـه
          يـاهـو الـتـفــزعــه ويـفـزع الـهـه

                               *---------------*---------------*

✍خـادم زيـنـب (ع)
الشاعر رعد الجريخي

((ياموتي گلي أشمنتِظر))


أستعجل ابساع     يـاموتي گـلـي اشمنتِظـر
أستعجل ابساع     تـدرينـي مـاريـد الـعـمـر

       روحـي عـذبـهـه الـزمــن
       وشـتـاگـت الجـنـة عـدن

استعجل ابساع         استعجل ابساع

                                    *---------------*---------------*

عـذاب  سـراب   صـارت احــلامي تـره
حـنـيـن انـيـن    مـثلـي حـمـلـة يـامـره
اشوف واعوف  اهـلي كـلـهـه أمـجـزّره
غـريب  سليب  احسيني گطعوا مـنحره

أحسبلك احساب    ولّحظه احسنهه بشهر
أحسبلك احساب    أتنطـر ومحني الظهـر

استعجل ابساع         استعجل ابساع

                                    *---------------*---------------*

ظـلام  خـيـام    ذكــره ضـلـت كــربـلــه
جـروح انـوح    الـدمـعـة بالـخـد هـامله
اعـيـد  اريـد    ابـموتي تـنـهي الـمسـألـه
تـعـال خـيـال  عـمـري مـالـحـظـه حـلـه

أتئخرت حيل   والروحي اقريت الحمد
اتئخرت حيل   ليامي ولـجـيـتـك اعـد

استعجل ابساع       استعجل ابساع

                                    *---------------*---------------*

چـبـير زغـيـر    عـيني شـافـت ذبـّحـتـه
شگول خيول   الـغـالي عَـشـره الداستـه
كـفيـل تـسيل   ادمـوم عـينـه وهـامـتـه
جميـع رضيـع   ابـالـي ضـلـت صـورتــه

ارحمني ياموت    ما احمل افراگ وغرب
ارحمني ياموت    الـفـارگ احبابه صعب

استعجل ابساع         استعجل ابساع

                                    *---------------*---------------*

وراي  حـمـاي   عـفـتـه وآنــه أمـسـلـبـه
ألوع  دمـوع   الخامس اصحاب الـعـبـه
خـذاه  دمـاه   والـحـجـر صـك حـاجـبه
رمـاح جـراح    احـسيـن گـلـبـي عـذبـه

ابموته يرتاح    العايش بحسره ودمع
ابموته يرتاح    التشبه اسنينه الشمع

استعجل ابساع      استعجل ابساع

                                    *---------------*---------------*

يـعـود  يـزود   حـزنـي لـو لـيـلـي بــده
أهيـم  وأقيـم   نـوحي للــضـل وحـدّه
نعيت  بچيت   سـاعـت الـحـادي حـده
ذبيح اصيح   اشبيدي وانـه امـگـيـده

شتفيد الدموع     للشايـل بـگلـبه جرح
شتفيد الدموع    ابليلي يجرن للصبح

استعجل ابساع         استعجل ابساع

                                    *---------------*---------------*

شـعـور  يـدور    خــلــه دمـعـاتـي دمـه
احـوم  واگـوم   انـعــه سلـوت فـاطـمـه
يــدار   مــرار    ليش اشـوفـچ مـظلـمه
ابــوي  اخـوي   چانـو انـجـوم الـسـمـه

بالغربه حسيت      ياموتي والدنيه عدم
بالغربه حسيت     ابساعت العفت الخيم

استعجل ابساع       استعجل ابساع

                                    *---------------*---------------*

✍خادم زينب ((ع))
الشاعر رعد الجريخي

بصوت. مسلم المطيري

استعجل بساع

كلمات الشاعر
رعد الچريخي

بصوت. مسلم المطيري

ابوذيه

يــخــويـــه اشــمــصــعــب ايــامــي.. يمرهن
وخــيــمــكــم يــســعـــر بـگـــلـبـــي.. يمرهن
الـحـرم يـحــســيــن لـــو شـــامـــت.. يمرهن

ســبـــيـــه اتـــلـــوذ يـبـن امـــي ابــســبــيــه

                                      *---------------*---------------*

✍خادم الحسين ع
الشاعر رعد الجريخي

بصوت. مسلم المطيري

#نعي

ضلمه الگبور ابلايه اهلها
بالغربه ضلت محد الها
من ازمان ما واحد وصلها
مو گبه صخره اتصير ضلها

جنها البقه بلا ثوب بالحر
مهدومه جن جسم ابو الاكبر
تشبه خيم محروگ بالبر
ولا زاير اعله اعتابهم مر

ولاجن أئمه بهذا المجان
تشبه جثث ما الها دفان
مطروحه ومغطيتها تربان
كربله بس ما بيها عريان

الماله گبر مجهول قدره
الماله اهل يكضيها حسره
ضلمه الگبره ابوسط صحره
تشبه خرابه بيها اسره

بسام قابل الياسري

#اللهم_عجل_لوليك_الفرج

بصوت. مسلم المطيري

يافرج الله العجل. يافرج الله

كلمات الشاعر
عزيز المياحي