من تدفن حبيبك بين الكبور ،، من وجهك تبين انته مكسور
             محدب تمشي بسكوت ،، بغربه وتشتهي الموت

1-
اكبر من اجروحي موتك يالعفتني
بروحتك يغله الحبايــب فاجئتني
سالفة الـدنيا بغيابك سـولـفـتـنـي
الــمــغــربـيـه والـمـكـابـر تعبتنـي

ما تلكه التحبه وتكعد وياه ،، الدافن كلبه بالله شلون ينساه
              اذا ما يوصل الصوت ،، بغربه وتشتهي الموت
2-
راح اسد بابي وقفله وابجي سكته
الفاكد احبابه شتضن تنشف دمعته
الغلى مــــن عمري انه بيدي دفنته
المثلـــي حكه وتاكل بكلبه حسرته

صح كلشي انتها وما يرجع الراح ،، مليت وعلي من كض الصفاح
جنازه بليه تابوت ،، بغربه وتشتهي الموت

3-
ليش أتاني احبابي واعرف ما يجوني
خــاف امـوت ومحد يغمض عـيـوني
راحـــو اهــلــي وللمصايب سلموني
نتهت عندي الدنيا من يوم الجفوني

كل دكة كلب تكسر الي اضلوع ،،  زينب بس صرت للخنكه موضوع
روحي تريد زاتوت ،، بغربه وتشتهي الموت

4-

بعيني وحشه الدنيا ودموعي اتجاره
مشتعل كـلـبــي يــضـــل للدوام ناره
موتك بـعـمــري صـــدك اكبر خساره
كـلــبــي ينحب يــا علي ليله ونهاره

صفت زينب علي بس للمناحه ،، يجي الليل وصعب يطلع صباحه
تدري اليبجي بسكوت ،، بغربه وتشتهي الموت

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حسين عبد الجليل المالكي

بصوت. مسلم المطيري

من تدفن حبيبك بين الگبور

كلمات الشاعر
حسين عبدالجليل المالكي

العيد اجاني وعيني علباب
والأودهم جوه التراب
عاتبت وشفاد العتاب
يبويه.  يبويه


باجر عيد والوادم تعيد اتريد
اعيد اشولون كلولي وابوي ابعيد
اعزاز نامو بلمكابر. وروحي حنت للئودهم
اردكلهم عن عذابي سنيني ضاعت من بعدهم
كافي خلص كلبي لجمات
والدمع ميرجع المات
الدنيه بعدتنه حرامات
يبويه. يبويه

هنيال الأبوها عايش وياها
الماعدها ابو مهضومه تلكاها
بويه وينك اردشوفك يلحنانك فاركيته
البيت وحشه وضلمه عكبك وانه وجهك مانسيته
ياوسف حلوين الطباع
راحو وطمتهم الكاع
يحرك الخدين الوداع
يبويه. يبويه


امن يروح الأبو تتيتم اعياله
علي بويه بغيابك حالتي حاله
اني زينب يلعفتني  الموت ارحم من حياتي
عايشه المن كلي بويه ومني راحت امنياتي
الشوفتك تدريني حنيت
الفركتك ماينطب البيت
الحزني المجانك تعنيت
يبويه. يبويه


كبل نفطر سوه برمضان كليله
الماعنده ابو محد يتجيله
بهاذا رمضان افتقتك ونتضرتك يمته ترجع
السفره امدها والمدامع فوك خدي جمره تطلع
بويه جان اشمحله رمضان
بشهر يلتمون الأاخوان
هل سنه مضيعين الحنان
يبويه. يبويه

خوان اريد لحن الهاي القصيده ومتولزي
اخوتي اهل الغيره يلله

بصوت. مسلم المطيري

العيد اجاني وعيني علباب

لسان السيده ام البنين (ع)
في ذكرى استشهاد الامام علي (ع)


يالمصحف لسانك / يالماكو بحنانك
كون الموت ياخذني بمجانك

يا مصدر يقيني / ترخصلك سنيني
فدوه انروحلك انه وبنيني
ــــــــــــــــــــــــــــــــــــــــــــــــــ
يموت اتوســــلك تتــــخـيّر ابولدي
ولا تاخذ مهجتي وهيبتي وسندي
غير المرتضى بالـدنيا ما عــــــندي
ما اريد المصايب من وكــت تبدي

مو وكت المصايب / تاخذ بالحبايب

واعليهم تضل سجابه عيني
فدوه انروحلك انه وبنيني
ــــــــــــــــــــــــــــــــــــــــــــــــــ
احلفنك يموت بدمعتي وموحي
اذا جاي اعله روحه وياك اخذ روحي
اذا وياه اموتن ينخفت نوحي
واذا فارگته ما يلتمن اجروحي

تحله الموته ويّاه/ مرّه العيشه بجفاه
بغيابك فلا يبطل ونــــيني
فدوه انروحلك انه وبـــنيني
ــــــــــــــــــــــــــــــــــــــــــــــــــ
تمنيت الجرح لبهامك ابهـــــــامي
وگبل يومك يحيدر تخلص ايامي
ولا انظر واشوفن راسك الـدامي
عگب عينك بعد شيّــسكن الامي

يالما اگدر انساك / شيّصبرني بجفاك

يا شوگي ونبض گلبي وحنيني
فدوه انروحـــلك انه وبنيني
ــــــــــــــــــــــــــــــــــــــــــــــــــ
انه ام البنين وعمري نـــاذرته
لبن عم الرسول وگلبي سلّمته
اعرف حيدره واعرفها منزلته
دعيت الباري اضلن دوم خادمته

اگضي اسنيني وياك / افز واغفه اعله طرواك

لو رحت امن ادي يشتد انيني
فدوه انـــــروحلك انه وبنيني
ــــــــــــــــــــــــــــــــــــــــــــــــــ
انته البالشـدايد عــازتك عازه
تگضي المعظلات بيوم الموازه
لو مالت الدنيا اتصير عــــكازه
مثلك يبو حسين شلون يتجازه

بيش اگدر اجازيك / واتعبلك ووفِيك

احس امقصره يا ضي جبيني
فـــدوه انروحلك انه وبنيني
ــــــــــــــــــــــــــــــــــــــــــــــــــ
يا نسمة هوه يالبـــــيها عافيتي
اذا ما شم نسيمك تختنگ ريتي
عليَّ يصعب غيابك يا عمد بيتي
گبل موتك اموتن اخرِ اميــنتي


وبجفك يبو تراب / عليه اتهيل التراب

انام ابگبري وانتظرك تجيني
فدوه انروحــــلك انه وبنيني


✍️ علي كاظم المنصوري

بصوت. مسلم المطيري

يالمصحف لسانك

كلمات الشاعر
علي كاظم المنصوري

حن وبجه محرابه كلبه أنكسر بمصابه
هالليله مالوم هالليله مالوم

*

أهل الحقد شر البشــــــر كوم الرجس في هالشهر
حنوا للأصنـــــــام
برمضان وبوكت السحر في ليلة التاسع عشــــــر
طبروه الاســــــلام
القرآن في راسه أنطبـــر وتنزف بكت كل السور
وي علي الضرغام
مفخرة الاسلام أنغـــــدر دمه جرى فارس مضر
جرحــــــوه الظلام
مسجد الكوفه تصدع وّن وبجه هل مدمع
هالليله مالوم هالليله مالوم

*





الهندس تجاسر عالكمر وسيف الظلم عالحق جسر
صوّب الايمان
هالفعل منهم من بــــدر ودم راس ابوالحمله أنهمر
ناحت الاكوان
هالفاجعه تصدع الحجر وبكل كلب تركت أثـــــــر
للهم والاحزان
دمع النبي وآلــه الغــــرر سال وجرى وبالخد حفــر
بطبـرة القرآن
بيت الله ينزف دمه وكل نبي يبجي يمه
هالليله مالوم هالليله مالوم

*

فعلوهــا عبّاد الوثــن وضربوا حبيب المؤتمــــن
حيدره الكرار
جبريل دمعاتــه جرن بصوته صرخ يا أبا الحسن
يا أخا المختار
ياعلــي ياعالــي يمن طوع أمرك نعرفه الزمـــن
ياحامي الجار
من غدرتك أهل الفتن يالمرتضى الكون أنرجـــن
بيه العزه صار
الحسره بأثرها حسره وكل عبره تسبك عبره
هالليله مالوم هالليله مالوم

*

المحراب بالضربه أنفجع وبسيف المرادي أنصدع
ويحسه طبراه
من شاف سلطان الــورع مطبـــور يتنازف وكـــع
ناده وآويـــلآه
من سال دم راسه دمـــــع أتعلــــه ونينـــه وأنسمـع
ياعلــــي ناداه
يبجي غده وصوته ارتفـع لاماصبـــــر لاماهجــــع
آه بأثـــــــر آه
يشتم غده بدم راسه ويتبرك بأنفاســــــــه
هالليله مالوم هالليله مالوم
*

ويلاه من فعـــل العـــــده أهل الظلاله أهل الرده
فجعوا الكونين
كل الرســــل متجســـــده بمسجد الكوفــه موسده
وتندب يبو حسين
بسابع سمه صوت وصده أملاك السمـــاء تردده
آه ياضوه العين
أمن نهدمت أركان الهـده مفجوع كل شيعي غده
شل مهجته البين
شمس العدل حجبوها وظلمه الارض خلوها
هالليله مالوم هالليله مالوم
*
سلام المشعل

بصوت. مسلم المطيري

حن وبچه محرابه

كلمات الشاعر
سلام المشعل

حامي الحميه بحجر المنيه
طاح وتصوب بالدم تخضب

* * *

سور الديانه بسيف الخيانه
طبروه يوسفه وحلت رزيه

رمز الهدايه وتاج الولايه
بمحرابه أمسه طايح رميه

فخر البطوله وصرح الرجوله
حجبوا حسافه بالكوفه ضيه

ليث الكتيبه تصوب عجيبه
ودمه تنازف هاي المسيه

نهج العداله حامي الرساله
بالكوفه غابت شمسه الزهيه

حامي دخيله المامن مثيله
بمصابه حلت محنه وبليه


سيد النبوه كلبه تلوه
تهمل دمعته بضربة وصيه

ينحب نبينه بضربة ولينه
وياه توسد سيد البريه

اليوم الشريعه أمست فجيعه
والمسلم يون ونه شجيه

الدين وكتابه اليوم بمصابه
يجري بوداعه دمعه خفيه

أبيت العباده نال الشهاده
وهالدنيه بعده وحشه وخليه

الكوفه وأهلها من طاح أملها
ضلت تنادي بفكد الشفيه

أرض وسماها فكدت ضياها
جان ألها حيدر نجم الثريه

* * *
سلام المشعل

بصوت. مسلم المطيري

حامي الحميه

كلمات الشاعر
سلام المشعل

سيدي يالمرتضى سيدي يالمرتضى
*
يالزرع عند اليتامه البسمـــه والحب والامل
جالمطر دمع اليتامه الليلـــــه بمصابك همل
يانهـج نهــج الحنان شلــــــون يخفيك الاجل
ياعلي أصبـــح حنانك ينضــرب بيـــه المثل
ومارضه أسم الحنان بغير شخصك مارضه
سيدي يالمرتضى سيدي يالمرتضى
*
ذبلت أوجــوه اليتامــه سيدي ذبلت ورد
ماتت البسمه الوحيده البيها جانت تنسعد
العايش بنعمة حنانك من تودعــه وتنفكد
لحظه مايهنه بحياتـــه لنه مثلك مايجـــد
مايجف دمــع اليفكدك والجفن ميغمضه
سيدي يالمرتضى سيدي يالمرتضى
*
وين من بعـــدك يحيـــدر يتجــــه وين اليتيم
ما ألـــه بس رحمــة الله والنعـــم بالله الرحيم
حالتــــه صعبـــه يحيدر وأنته في حاله عليم
تاره يبجي وتاره يلطم في هالامصاب الاليم
ونتـــه بفكدك صداها الليلــــه واصل للفضه
سيدي يالمرتضى سيدي يالمرتضى
*
يالولي بكل الخليقــــه مافـــرد مثلك صبر
منوجـــد مظلـــوم مثلك ياعلي بكل البشر
كل بني آدم صبرهـــا سيدي نقطـــه أبحر
وجالبحر صبرك يحيدر أنته عجبت الدهر
والزمن سهمه بدليلك عمل عملاته ومضه
سيدي يالمرتضى سيدي يالمرتضى
*
أبهالمصيبه يبو الحملـــه يساعد الله عيلتك
شحال كلب الحره زينب ياعلي من شافتك
شايلينك وأنتــــه دامي سابـــح بدم طبرتك
وحين جابوك العقيلـه أبلايـــه روح تعنتك
تصيـــح شيعوض حنانك ياعلي شيعوضه
سيدي يالمرتضى سيدي يالمرتضى
*
سلام المشعل

بصوت. مسلم المطيري

سيدي يالمرتضى

كلمات الشاعر
سلام المشعل

قصيده الى أمير المومنين ع

                 بسمه تعالى 
المستهل 👇

النظر في وجهك عباده
وهايه صارت عندي عاده
شلون اعوفك يا علي/ بويه أريدك ياعلي
***
الكون اشوفنه بضحكتك شلون اشوفك منطبر
بويه اكعد صلي فرظك من قبل شمس الظهر
بعد ما بي حيل افارك بيه لجمات شكثر
فاگده  وظليت  اعاني  وانا  مليت الصبر

جرحك الما بيه اروفه
انلجم  كل  ما اشوفه

بالحزن راح ابتلي
شلون اعوفك يا علي/ بويه أريدك ياعلي

**

بويه كتبيت  الوصيه واضن ناوي اعله السفر
ولو رحت يابو الحمية بيه شيسوي الدهر
راحت امي وراح  ابويه وبجي محنية  الظهر 
خاطري وكلبي على فكدك كسرت الجامه انكسر
حايره عيوني على شوفك
يا النظر ما بيه   اعوفك

بويه اموتن لو تجي
شلون اعوفك يا علي بويه أريدك ياعلي

***

تحزمت روحي بحزنها ولدمع شك الجفن
وباجر عيوني تشوفك يا علي من تندفن

جدامي تمشي ويا اليشيعك والحزن يتبع حزن
ومن  كثر هجر الليالي  زينبك  ظلت تون

ادري رايح ما تجيني
ياحياتي  ويا حنين
ما يصح مثلك ولي
شلون اعوفك يا علي بويه أريدك ياعلي

****

بويه لجمتني اليالي وجرحي حالي  معلعله
بفركت الزهراء الزجيه وفركتك كلبي بتله
ياعلي  يابو الشدايد  فكدك  اكبر مشكله
وانا  ما ظل  حيل  بيه  شراح  اظم لكربله
راح اظل بس العبايه
وكربله  باجر  ورايه
وياهو يبره المحملي
شلون اعوفك يا علي بويه أريدك ياعلي

****
شكثر ما احجي واسولف همومي كثره وما كظن
ومن كثر دمعي البجيته راحن عيوني وعمن
بويه يا حيدر يغالي جنت احس حظنك وطن
صبر ما ظل بيه واصبر والوطن شفته اندفن

قاسيه   هواي  الليالي
هيج ما جان على بالي
اتيتم  انا  وكافلي
شلون اعوفك يا علي بويه أريدك ياعلي

*
ابو هاجر المجراوي

بصوت. مسلم المطيري

النظر في، وجهك عباده

كلمات الشاعر
ابو هاجر المجراوي

بصوت. مسلم المطيري
نعي

بالله اعليك جاوبنه يجراح

بشّرنه ابّشاره حتى نرتاح

ابونه الحيد يشفه لو بعد راح

گلهم فات امره و كثروا اِلِنْياح

زينب سمعت الجراح و اشصاح

لطمت عالوجه ما بين الأصياح

گام حسين لاكن عالوجه طاح

فدوه انروحلك بويه الحسن ناح

هجرك چن سهم وسط الگلب لاح

وسفه اتغيب عن عيني يَجحجاح 

باچر لو طفت عينك يمصباح

نور الدنيه من هالكون ينزاح

بعدك بويه راح اتموت الأفراح

راس حسين يصبح فوگ الأرماح

كلمات الأقل
ناصر البوعبيد

اشلون اعيد بويه   وباجر يجي العيد
****
ألعيد باجر لا يجي   بويه صحت ماريده
هوه المضيعله ابوه   اتصير المكابر عيده
حن كلبي واشتاكيت الك   تتركني ليش وحيده
دمعي عليك بكل وكت   من يجري صحت اشبيده

انه تدري غيرك   يابويه ماريد
**
مالومه دمعي لو جره   اعله الراح ابد مالومه
الما شاف ابوه وشتاك اله   يركض يشم اهدومه
من دون خلك الله اون   واعله البجي مفطومه
خليت زينب من رحت   يابه الحسن مهظومه

واعله فكدك تدري   كمت اصفك الايد
***
محتاجه روحي الشوفتك   مثلك صحت وين الكه
سهرانه عيني ودنيتي   صارت بدونك خنكه
المو حار بالملكه صحت   تبرد بساع الشبكه
والشيب تدري بفركتك   برموشي يطلع حكه

اشما عفتني ناري   بوداعك تزيد
**




برمضان اذكر كل وكت   تفطر جنت ويانه
كمنه نصيح بفركتك     ليش الابو خلانه
باجر صحت عيد وشفت   كل الخلك فرحانه
يابويه كل ابنيه اصد    عدها ابو بس انه

بوجهي عكبك بويه   شوف التجاعيد
****
باجر يبويه بكربله   اشرايح تشوف عيوني
بيدي اشكف وصوط العده   يتلاعب اعله امتوني
للشام راح امشي غصب   لو بالحبل جتفوني
ويابويه من بعد اخوتي   اشكد رايح ايشتموني

بكربله يالغالي   عندي مواعيد
***
تمت
تحسين الخفاجي

بصوت. مسلم المطيري

شلون اعيد بويه وباچر يجي العيد

كلمات الشاعر
تحسين الخفاجي

بصوت. مسلم المطيري

ابو ذيات
مفجعه
لسان حال العقيله زينب



صفتلي اعله الحزن والنوح  ..  عادات
ولـيـالـي الـفـرح بـس وياي  ..  عادات
مصيبت فـاطـمـه بهل يوم   ..   عادات

ابـطـبـر راسـك يـحـمـاي الـحـمـيـه

*-------------------------*--------------------*

عـگـب ضـلـك ألـوذن بـيـه  ..  ضلمن
عـليـه ايـام دهـري ابـسـاع  ..  ضلمن
حـاچيـني يـداحـي الـبـاب  .. ضل مَن

ابـحنـانـك وبـحنـان امـي الـزچـيـه

*--------------------------*--------------------*

مـثـل هـامـك دلـيـلي انـجـرح  ..  ونصاب
وعلى امصـابك رخصت الدمع  .. ونصاب
ابـمـنـاحـه راح اسـلـي الـروح   ..  ونصاب

عَـزه الـحـد يـوم مـا تـلـفـي الـمـنيـه

*------------------------*---------------------*

✍خادم امير المؤمنين ع
الشاعر رعد الجريخي

الساتر الله شلون باجر بينه
الموت من ياخذ علي والينه
ــــــــــــــ
الساتر الله شلون هاي الليله
ينطبر بالسيف حامي ادخيله
الينطي حيل شلون يفكَد حيله
يريد تچوه وسفه اليتچّينه
ــــــــــــــ
الليله بالمحراب راسه ينطبر
راسه ينزف مدري لو راس القدر
الدنيه تظلم بيه هذا اول فجر
اليفكَد اغلى الناس الله يعينه
ــــــــــــــــ
والله لو ما علي الربّه  منقطع
ابن ملجم سيفه ما طفّه الشمع
صوت من سابع سمه ضل مرتفع
انهدمت اركان الرسول ودينه
ــــــــــــــــــ
التسجد املاك السمه يم حضرته
وزغب جبرائيل تارس غرفته
شلون تالي الدم صبغها اعمامته
وسالت ابمحرابه كل اسنينه
ــــــــــــــــ
آه واويلاه اذا دار الزمن
اليسكَي كوثر تالي يردوله لبن
انت جرح المابره يابالحسن
لآخر الدنيه الجرح ياذينه
ـــــــــــــــــــــ
شلون حال  اولاده وبهذا المسى
محنة مصابه ابد ماتنّسه
الطبر راسه الوالي بجهنم عسى
اخ خلّه حسين تدمع عينه
ــــــــــــــــــ
الشاعر محمد حسن ضيغم

بصوت. مسلم المطيري

الساتر الله شلون باچر بينه

كلمات الشاعر
محمد حسن ضيغم