بصوت. مسلم المطيري

چن ابو صالح ابن فارس، مظر

كلمات الشاعر
حيدر بشار، الدراجي

بصوت. مسلم المطيري

بويه بعصرة الباب

كلمات الشاعر
ابو سجاد الجعفري

بصوت. مسلم المطيري

(اه يادمعة رقيه) نشر قصائد+ تلحين:
تقول زينب ع بعد استشهاد امها الزهراء ع
(ابوذيه)
عـگـبج مـاحـلت عـيشـه.  ولاذات
السـطرهـا غـيره ماعنده.  ولاذات
رادت مـــنـــه تـتـســـتــر.  ولاذات
عـصـرهــا ومـارحـم حـرمـة نـبـيـه

✏ عقيل حسين الگـرعاوي

ابوذيه    *-----------------*------------------*

الــدمعه بطيحت الچفين.. حالات
يمن بينك وبيني أقــدار .. حالات
عَلي مـرت يخويه اشلون.. حالات

المـــوت أهـــون ولا اطلع  سبيـــه

             *-------------------*------------------*

✍بقلم خادم الحسين ع
    الشاعر رعد الجريخي

بصوت. مسلم المطيري

رب اسرت الخدم علي، حامي الحمه

كلمات الشاعر
رعد الچربخي

بصوت. مسلم المطيري
آمر على عبده وضربني
ومن ضربته للكاع ذبني
_
للكاع ذبني ودمي يجري
ومعيوب من العصره صدري
اوجر عليي من شاف كسري
لنكسر كلبه ولا رحمني
___
لنكسر كلبه ولا تردد
بالسوط اجاني وجاوز الحد
ومحد فزع ساعتها محد
وماجنهم يسمعون وني
____
كوه النفس والخطوه كوه
والسوط بمتوني ايتلوه
توه النبي من مات توه
وبنته انه مسطوره اعله جفني
____
اتعنيت كوه بنار جبدي
اوكع واوكوم ودمعي يدي
ومن شافني اتوجه اعله ولدي
ابعد حسن وحسين عني
__
مابيهم الراعه الوصيه
بالسوط اجاني ويدري بيه
جان الرسول ايبوس اديه
وكال انه منها وهيه مني
__
زادوا عليه بهاي حزني
امن اخذوا علي مكيود مني
اتعينت ارده وياي لني
رديت واسود صار متني
____
ردينه انه اوياه سويه
للدار بس مو ذيجه هيه
داري القبل جانت زهيه
عتبتها صارت مهد لبني
_

بصوت. مسلم المطيري

أبوذيات الى أمير المؤمنين ( ع)


   نـنـوح وخـل حـچـي اللايم.. يلمنه
   اويضل جـرح الوصي دومه.. يلمنه
   راح الـچــان چــن خـيــمــه.. يلمنه

   وبـعـد شـيـعـود حـمـاي الـحـمـيـــه

                                         *---------------*---------------*

   ولـــيّ الله وتـــره الـمـعـبــود.. خله
   أنـطبـر والكون بـيـه اصبحت.. خله
   يـشــايـل نعش ابـو الحسنين.. خله

   نـريـد انـودّعـه ونـنـصـب عــزيـــــه

                                         *---------------*---------------*

   لـهـب فـگـدك يـبـو الحـملـه.. وجانه
   ويـنــوح الـعـالــم بـإنــســه.. وجانه
   الـعــيــد اتْــدنّــت ايـــامـــه.. وجانه

   وانـتـه امـوسـد احـضــان الـمـنـيــه

                                         *---------------*---------------*

✍ بقلم خادم الحسين ع
     الشاعر رعد الچريخي

بصوت. مسلم المطيري

ابوذيه بحق مولاتنا العليله ع



ريجي من مشوا حطوا يمربيه
و دليلي مسطره بكتره يمربيه
الترك بيته يكون ايرد يمربيه
واشوفنه وترد عافيتي اليه



عن  هم الكلب محد سلاني
عليله  فراكهم  يكتل سلاني
اضنه ابوي من شالوا سلاني
وانه  انطر  دربهم كل مسيه


حيلي من  مشوا لليوم  منحل
لقضيت افراكهم ملكيت منحل
يحزام    الاهل    بيام    منحل
وصفينه  بكل  كتر  وبكل نويه




بقلم الشاعرة أم كرار الساعدي
غير مبري الذمه من يحذف اسم الشاعر

بصوت. مسلم المطيري

يسكنه العتب للعباس وجهاي
وگـليـلـه تـراهُ انـشاف وجهاي
يعمي الشمر بيده النار وجهاي
الـخـيـمـه الچانت اتفيي عـليـه


السيد محمد البعاج

طبهه عباس الكمر
طبهه خلاس   نهر 
حي ابو فاضل.      حي ابو فاضل

هاذه لمشلع رحيه الخيل من جراهه
هاذه لمنشف شطوط الماي من شالاهه
هاذه ليحب المكاون والحرب محلاهه 
هاذه لمسوي لعجايب بس علي سواهه

حيل توجعه طكته
بيمنته لو يسرته
حي ابو فاضل.    حي ابو فاضل
هاذه داسهه وخسفهه الكاع تحت جدامه
هاذه سرفنه يمنته وبيده شد لعمامه
هاذه من جدحت عيونه حترك حتى الثامه
هاذه  ليخزره يكتله بظهرهه لو كدامه

شاف طوله يرتعد
مدري يتقدم يرد
حي ابو فاضل.    حي ابو فاضل

هاذه من يزعل يكاون ماتهمه طلابه
هاذه من يشد عليه  يشك حلكه الغابه
هاذه من كد مايكاون سيفه ذب كرابه
هاذه لمن كال اجيب نهر يسحل جابه
باب زينب وشله
لمو اله غصبن اله
حي ابو فاضل.    حي ابو فاضل

هاذه ماكدرت   عليه الاف من لاكاهه
هاذه هوس بيه هوسه وزلم ساكهه
هاذه ماصعب عليه المشرعه وطكاهه
هاذه كد ماغرف بيه الكاع لف لفاهه


ونسه عده كل حرب
جنه حيدر من يطب
حي ابو فاضل.    حي ابو فاضل

هاذه طباهه وشركه لحومه فحطه لكمر
هاذه من كالو اجاهم جيشهم كله  نكسر
هاذه ليلاكي ميت ولبقه بخوفه عثر
هاذه من راد شريعه اشر  وجاله  نهر

كلشي صاحاله هلا
وهوستله كربله
حي ابو فاضل.    حي ابو فاضل

وسام المياحي .

بصوت. مسلم المطيري

طبهه عباس الگمر

كلمات الشاعر
وسام المياحي

ظلمة البيت عگب الفارگونه
لا أُمنه الحِنينه ولا أبونه
إلتمينه وذكرناهم    حلوة السالفة وياهم
لا أُمنه الحِنينه ولا أبونه
.....
راحت ذيچه لمتنه وشملنه
من يگعد علي ويسولف إلنه
ونحس ادّير فوگانه المحنّه
أُمنه الزهره من اتباوع إلنه
الله على ذيچ أيامنه الله
نگعد يم علي ونسولف وياه
ابداً ما نسيناهم     حلوة السالفة وياهم
لا أُمنه الحِنينه ولا أبونه
.....
چان البيت يضحك من تطبله
ويتلگاك وجه الما تمله
من  يروح الچبير تصير خِلّه
تحس ماخذ وياه البيت كله
كل الناس ما تترس مكانه
الحنان العدنه ما يشبه حنانه
ما نرهم بلياهم      حلوة السالفة وياهم
لا أُمنه الحِنينه ولا أبونه
.......
شيعوّض الام شيعوّض الاب
ما تلگه البگده عليك يتعب
وعلى مودك ذبل والراس شيّب
ومتعذب وما گلك تعذب
علي فضله علينه وعاليتامه
وچانت فاطمة خير وسلامة
من چانوا اشمحلاهم  حلوة السالفة وياهم
لا أُمنه الحِنينه ولا أبونه
.......

نحس ضيگة صدر والبيت خنگه
لان ماهوه حضن أُمنه النشبگه
وباب البيت المشبّعنه حرگه
نذكر علي من واحد يدگه
تدگ گلوبنه بسرعة ويه دگته
ونصرخ يا علي حسبالنه انته
معذورين نهواهم   حلوة السالفة وياهم
لا أُمنه الحِنينه ولا أبونه
......
ما ننطر العيد ولا نريده
المثلنه العيد ابداً ما يفيده
نعايدمن بعد ونبوّس ايده
وياهو إنگله ايامك سعيدة
عيد الناس بوجود اليحبوه
مو وحّدنه ونباوع بلوجوه
هلال العيد ملگاهم    حلوة السالفة وياهم
لا أُمنه الحِنينه ولا أبونه
.....
نسألكم الدعاء
لي وللوالدين

الشاعر سماح الجنابي

بصوت. مسلم المطيري

ظلمة البيت عگب الفارگونه

كلمات الشاعر
سماح الجنابي

بصوت. مسلم المطيري

نعي لمظلومية الزهراء عليها السلام  (نصاري)

ذبيّت القلم وتركت الاوراق
وبدلّت الكلام ابدمعت العين
النهار من المصايب شوغده ليل
على حال اليفارگ ناس غالين
شوصف هلفجيعه وماجره وصار
لا كلمة التكَفَّي   و الف  و الفين
وچلماتي القليله احزانها اهواي
شكتب عن مصاب ام حسن وحسين
وين الگه الوصف والگه  العبارات
منين ابدي كلامي وينتهي وين
ابطرفة عين ياحيف العمر ضاع
اشافت من عمرها غير الونين
يادين اليطلبون    النبي  بيه
واجوا هليوم منها ورادوا الدين
وياذنب الي سوّاه حيدر بيوم
وردوله  العصابه  الوحده بثنين
مهشوم الطفل طايح على الگاع
وضلع مكسور مدري انكسر ضلعين
خلوها حزينه الفاگده   اعزاز
وحمل  صاروا عليها وعانوا البين
بوجه شامت اجوا تالي يگولون
شكثر علراح يازهره تنوحين
بيت الفرح اصبح بيت الاحزان
والجاهل يناشد ظيمها  منين
مارحموا كسرها وعصرة الباب
الماعدهم ظمير ولاإسم دين
ضحيت ارهابهم أم الحسن حيف
وعمرهاالماكمل لاوصل عشرين

الشاعر حسن لعيبي الحريشاوي

بصوت. مسلم المطيري

استشهاد أمير المؤمنين علي بن ابي طالب عليه السلام

( نعي )


راح الابو اليفكد اعياله
وكل واحد يسئله أعلى حاله
خان الدهر وياه اشماله
حيدر علي الما حاطته اظنون

حيدر البدد كل الأوهام
بالحرب لو طب أسد ضرغام
ياحيف أبونا انصاب بالهام
صوبو هامت نور العيون


يا جف محمد عالي الشأن
يمطيح الأصنام ويه الأوثان
كل يوم إلك ياعلي عدوان
شما هجمو لصوبك يخسرون

سيف المرادي شسوى بينا
صوب علي وتيتمينا
راح وبعد ما مر علينا
والي الأيتام اللي ينطرون

صوبنا سيف الظلم بصواب
فكد الولي وسنين الغياب
منصاب قلب المحب منصاب
من بعد حماي اليلوذون



محمد دعبل النوري

يابو صالح
يابو صالح
—————————-

تدري خلف الباب امك طاحت وندبت يمهدي
كوم يبني ابليس إجاني اجاسر وزورگلي
خدي
هشَّم  وي  الباب ضلعي وسوطه دنبل
فوگ زندي
وجرح  ابني الما  فزعلي كل وكت يايمه يِدِّي

قَدْ قَالَ لّي — وَيْلٌ لَكِ
لا تفرحي  — لن  يَأْتِكِ
يا بو صالح
—————————-

هذا  عمك  يابو   صالح  وبالكرم
معجونه ذاته
ويه حِسنَه شنهي يوسف والصبر
اعظم صفاته
تخلص المحنه و تسلمه و بالمحن خلص حياته
وانته جلماته الاخيرة الردد بساعة
مماته

إظهرْ   لنا  — جارَ   الزمن
في غربتي —  أَنْتَ الوطن
يابو صالح
—————————-

بكربله عندي عقيدة انته جنت هناك حاضر
بنور  كلبك  شفت  جدك  اشلعبت
ابصدره الحوافر
وحتما الراية شلتها لان بيش تصول باجر
وادري زينب هم شفتها حايره ابين
العساكر

صاحت بِكَّ  — أمَّا  ترى
راسُ الهدى — فوقَ الثرى
يابو صالح
—————————-

حال عبد الله ولسانه جاظهورك يمته  يبدي
إتْعَرفْ العالم قضيتي وترفع بجفيك
مَهْدِّي
بياذنب ذبحوني ظامي وياذنب ثبتوه  ضدي
وتدري حيل ايذي وضعي بصدر ابوي انحفر لحدي

انظرْ دمي — غيثاً  هَمّر
هل يقبلوا — سَلِّ البشر
يابو صالح
—————————-

جم وصي يبن الوديعة بليلة يدعي وابنهاره
يرتقب ساعة  ظهورك بس ظهورك
يطفي ناره
عاشت  العترة غريبة  ودمها لليوم
ايتجاره
وثار   كلهه   تريد   منك  و ياوصي
اليتناسى ثاره

من أجلكَ —.  دمّاً  بَكتْ
تشكوا لكَ  —  قتلاً قضت
يابو صالح
—————————-

صادقٌ مِْن بعدِ صادق  ماترك لحظة
ندبتك
غافي بين عيونه  حلمه يبلغ  العالم
دولتك
وتقره بعيون اللي ماتوا أَلم يحجي
عن طلعتك
أُمنية شائق  تِمَنَّه  مره  يوصل  يم حضرتك

قَدْ هامَ فِّي — دنيا الهوى
اين  استقر — بكَّ  النوى — يابو صالح



ابو علي
عبد الحسن القريشي

بصوت. مسلم المطيري

يابو صالح. يابو صالح

كلمات الشاعر
عبدالحسن القريشي

يتراب أوصيك ابوصيه
بالك تمس ضلع الزجيه

مكسور ويألمها يتراب لا تلجمها
عينك عليها عينك عليها
ــــــــــــــــــــــــــــــــــــــــــــــــــ
يتراب هذا انــــــــه علي الحاجيتك ابآهاتي
ماراح ارش مــــاي الورد فوگك ارش دمعاتي
يتراب بيك انه ادفنت العاشت عمرهه ابذاتي
كلبي ايتعثر بالنبض ضـــــل من مشت مولاتي

كلبي بجراحه عله الكبر طاف
وكام الوجع برسومي ينشاف

يتراب هاي ام بيتي وياها خذت عافيتي
عينك عليها عينك عليها
ــــــــــــــــــــــــــــــــــــــــــــــــــ
وكت الــــــدفن ماتت ادي كوه التراب اتهيله
البي حيل يشــلع خيبره شو هسه ميت حيله
يتراب متعـــــــــجب لأن عيني دمعها اتسيله
هوه اليــــــــــفارك فاطمه يخلص نوايح ليله

اتمنيت كون اثنينه انموت
وننشال كــــون ابفرد تابوت

شلي بعد بيامي وبيدي دفنت أحلامي
عينك عليها عينك عليها
ــــــــــــــــــــــــــــــــــــــــــــــــــ
باليل شيـــعت الضوه وغبشت ابروحي الضلمه
واهدومي احس ثكلت علي وكلبي ثكل بي دمه
الشايل عله امتونه السمه مــــابيه ينكل جدمه
لمبجي شجــــــــعان الحرب بالدمع ناگع هدمه

حالي بغياب الزهرة موزين
وكل جرح بيه ابكد الحسين

يتراب حته اخيالي ضل يبجي دم الحالي
عينك عليها عينك عليها
ــــــــــــــــــــــــــــــــــــــــــــــــــ
من الكبر كـــــــــمت ورحت بس كلبي ضل امچلب
ايدي عله خاصرتي ارجعت محني الضهر ومحدب
شما گــــــــرّب الـــــداري كمت الموت ليه يگرب
بس باوعت بــــابي طحت طيحت شمس بالمغرب


ومن شفت دم عل باب مطبوع
طاحن اعيوني كبل الدموع

وهدّمت صدري الحسره من اذكرتها العشره
عينك عليها عينك عليها
ــــــــــــــــــــــــــــــــــــــــــــــــــ
للبيت مــــــــــن طبيت انا وبوجهي اثر للكسره
لاكتني زينب بالبـــــــجي جاوين امي ابحسره
ماجاوبتها ودنكــــــــــت خنكت عيوني العبره
شحجــــليها وتوني ارجعت من دفن امها الزهرة


هيهات ترجــــع امها هيهات
وعمره البجي ميرجع المات

لو تبجي من دم عيني ماترجع ام حسيني
عينك عليها عينك عليها
ــــــــــــــــــــــــــــــــــــــــــــــــــ

حسين عبد الزهرة الدراجي

بصوت. مسلم المطيري

يتراب اوصيك بوصية

كلمات الشاعر
حسين عبدالزهره الدراجي