لاستشهاد فاطمة الزهراء عليها السلام ( وزن الفايزي)

يالوعة الدار   بيها الوكت دار
بياحال تشكي للنبي  وتخبره بالصار
★★★★★
بياحال دار المصطفى  الما إلها كل لون
تشكي هظيمة فاطمه  وضربات المتون
وتگول ياخير البشر.  ياسلوة الكون
هانت العشره على الصحابه المايرحمون

عنها الفرح غاب   يادار الاحباب
وظلوع بت خير البشر   صَوَبَّها بسمار
★★★★★
ونتها ماتخلص بعد  يادار الأحباب
من بعد ونت فاطمة   عنها الابو غاب
قران صارت للحزن والبسمله الباب
ظلت عليله الطاهره   من ذاك المصاب

جور على عدوان   جازوه الاحسان
حد جنة الله الواسعة  من وصلت النار
★★★★★
من راح مايدري النبي   لويدري من راح
تنهظم بعده فاطمة    ولاساعه   ترتاح
مابين مجرم طاغيه  ومابين  سفاح
علدار گوم أتوجهت   بسيوف ورماح

كل مگصد الگوم    ماخافي معلوم
من بيت ال المصطفى  أيطفَّون الانوار
★★★★★
مضروبه بسياط المتن  مكسوره الظلوع
يشهد ونين الماگضه   وجمرات الدموع
وباب انطبگ فوگ الظلع  بالحقد مدفوع
رادوا يظل بيت النبي   كل وكته مفجوع

دمعتها بالعين        تنظر لبوحسين
لوشهر سيفه ماتظل     للباطل اثار
★★★★★
يلماتَعدَّاها الهظم    سورة الإنسان
آياتها صارن دمع   تترتل  احزان
لدين الله هي القاعده فاطمه واركان
شجرة اصول ومعرفه  معروفه الاغصان

يا ام الاطياب   ظلموها الاصحاب
للظالم بيوم الحشر   ماتنفع اعذار

الشاعر حسن لعيبي الحريشاوي

بصوت. مسلم المطيري

يالوعة الدار

كلمات الشاعر
حسن لعيبي الحريشاوي

بصوت. مسلم المطيري

ابوذيات

رُوحِي چم خَبَر محْزِن وَرَدهَا
مِنْ دُونِ الْوَرْد ذابِل . وَرَدهَا
الچلمه للحلگ تَوَصَل وَرَدهَا
اخافن تسْمَع الشمَّات بيه

خَفيَّات الْوَكْت ظيمي وَرَاهنّ
أَجْزْم رَاحَه  مابيهن . وَرَاهنْ
الْمَنَايَا اتخاطفن يمي وَرَاهُنّ
الخَذَنْ أَهْلِي شوَكْت يلَّفَن عَلَيْه

الشاعر حسن لعيبي الحريشاوي

صبرك يمحبوب    متخطي ايوب
يالجرحك بگد عمرك   يالغالي هسه اشكبرك
متخطي ايوب
-------------------------------
يامهدي اكيد ابغربتك  مختنگه النفاس
كل يوم تطلع سيدي  جم شيبه بالراس
لا أهل عندك لاسند  لا رحمت الناس
لاعندك الأكبر بقه   ولا باقي عباس

لاعندك اخيام    لاعينك اتنام
الله اليساعد صبرك   يالغالي هسه اشكبرك
متخطي ايوب
-------------------------------
حته الهوه يا سيدي  ابونك خنگته
وليل صوته منسمع  يالتبجي سكته
ابدمعاتك التنزل جمر  جفك حرگته
وحسين جم مره بدمه مگطع شبگته

يالكلك اهموم     يالماشفت نوم
لاكسره تشبه كسرك   يالغالي هسه اشكبرك
متخطي ايوب
-------------------------------
كل ساعه نشعر سيدي  تلطم  عله  العين
بلصوت والصوره تشاهد  سحك الحسين
وفوگ العقيله احترگت  ابنار الصواوين
كل اليله بيك اتمر قهر   وتموت  مرتين

دخيلك يملجوم   ماتگدر ادگوم
مكسور بالهم ضهرك   يالغالي هسه اشكبرك
متخطي ايوب
------------------------------
ابياديره هسه انته   يبوهموم الجبيره
جم مره من يمك مشت  زينب اسيره
يالاحتك جمرت عبي  ابحر الضهيره
ياهو اليشيلك لوطحت  هم بالحصيره

جن شيلت احسين   ماتكفي اليدين
هم سحگ حافرصدرك   يالغالي هسه اشكبرك
متخطي ايوب
-----------------------------
خلصت حياتك بالضمه  ونوح ومصايب
حته الگلب يابو الوفه  من الضيم شايب
بوساده نايم لو نمت    فوگ الترايب
الله اليعينك فاكد انته  اشكد حبايب

مامثلك انسان     كل عمره حزنان
بالغربه ياهو يحضرك   يالغالي هسه اسكبرك
متخطي ايوب
-------------------------------
يستغربك حيل الفرح  اي والله حگه
يالخلصت عمرك بجي  وسنين فرگه
وي الحزن عشرة عمر  وأيام خنگه
البركان من حر دمعتك  والله تحرگه

ماضاحك ابيوم    ومشيب اهموم
والشيب تارس شعرك    يالغالي هسه اشكبرك
متخطي ايوب
ابوفايز الرافضي

بصوت. مسلم المطيري

صبرك يمحبوب. متخطي ايوب

كلمات الشاعر
ابو فايز الرافضي

بصوت. مسلم المطيري

الزهره عل ارض طاحت  وناحت
وضلعهه انهشم وتكسر  وناحت
بدفع الباب ماسمحت  وناحت
عصروهه وشافت ابثگله المنيه

سلام البهادلي
▪︎▪︎▪︎

بصوت. مسلم المطيري

مالك عذر، يوم الحشر واحسابك يطول

كلمات الشاعر
محمد دعبل النوري