اللحن الثاني بصوت. مسلم المطيري

ماعندي خوف من الموت
بس خوفي من اعمالي

كلمات الشاعر
احمد البصراوي العبادي

#نعي لمولاتي الزهراء روحي فداها

جذوع الباب خلتنا بحسرة چلمة اليمه
المن ضلته ابنادم العايش وامه مو يمه
المسطوره امه جدامه يموت ومايفك همه
ـــــــــــــــــــــــــــــــــــــ
شسوي الگلبي من يريد وسط الليل شوفتها
واهي ماضل رسم منها بس دمها وعبايتها
ومن عصروها خلف الباب لسه ابذني صرختها
ــــــــــــــــــــــــــــــــــــــ
انه بالعصره شفت امي طلعت روحها وردت
وكل ماتصرخت العصرات والضربات اشتدت
متستاهل حنينه امي يناس اشجنت وشسوت
ــــــــــــــــــــــــــــــــــــ
ومحنيه ابمشيها اتميل كسرو طولها الوادم
وكل ارسومها الحلوه ماضل منها شي سالم
رسمها اتغير من الصار وفاطم چنها مو فاطم
ــــــــــــــــــــــــــــــــــــــ
يفطر الگلب مبچاهه مهضومه ودمعها ايكت
تجيب الصبح بالونه الكسر يجبرها ماتسكت
تخلص يومها اتعلعل وتفرفح لو نفس شمت

امير علي الساعدي

#اللهم_عجل_لوليك_الفرج

نعي بصوت. مسلم المطيري

جذوع الباب خلتنا بحسرة چلمة اليمه

كلمات الشاعر
امير علي الساعدي

بصوت. مسلم المطيري

ابوذيات
لسان حال زينب ع

يدهري اللوعه احسبها – ولك عاد
سجيه من گمت تجرح --- ولك عاد
رجع ضعن اليسر للطف --- ولك عاد
شعجب مرتين اشوف الغاضريه

يعت بيه الدهر گوه --- وعتبه
والي وياه الف حسبه --- وعتبه
لا دار ابقت عندي --- وعتبه
ولا حتى اهل بالغاضريه

الجره مكتوب من الله --- وعدنه
نطينه كلشي للباري --- وعدنه
الك يحسين ردينه --- وعدنه
من الشام بس عفنه رقيه

اشاگف عن ايتامي اشكثر --- رديت
ويشتموني ولا فد يوم --- رديت
الك بالاربعين شلون --- رديت
شوف امتوني ياخويه واديه


الشاعر السيد رياض الرسل الجابري


ــــــــــــــــــــــــــــــــــــــــــــــــــــــــــ

بصوت. مسلم المطيري

هلي ملفه الغريب الجاي وجار
بيوم المشوا گلبي نار وجار
كتلني الشوگ بين الدفع وجار
هلي من دونهم ناري سريه

هلي ماتنفع الدنيا بعدهم
يدنيا خلافهم زيدي بعدهم
أبهلي جار الوكت عني بعدهم
عليهم لون كل صبح ومسيه

الشاعر حسن لعيبي الحريشاوي




تولتني حيل الشدد   بيها صرت مبتلي
الصاحب جفاني ورحل والنوب راحوا هلي
وبالدم مشت واصبحت حسباتي ماتنجلي
حاير شسوي صرت   ماعافني عاذلي
وضدي لگيته الگبل محسوب مني وإلي
كل مره أگلها الصبر  ياروحي وأتحملي
من نايبات الدهر دخيلك صحت ياعلي

الشاعر حسن لعيبي الحريشاوي

يروى عن يوسف الزهرة
بكربله وأيده اعله صدرة
لان بيها خيول عشرة
يا كربلاء  يا كربلاء
،،،،،،،،،
راحن عيوني و نعمن وحتى الدمع خلصته
وحسين بعده لهل وكت ما خلصت سالفته
يومية بالطف ينذبح و الخيمة تحرگ اخته
اتسحگه الخيول و ترد و تگول ما ساحگته

صاح صاح
مگطوع نفسه و ما صاح
يم الخيم كام و طاح

مات مات
ياخيل كافي مو مات
ونترس جسمة صوابات
مات مات


الخيل بيه اتبوگ بوگه
وما ادري جم حافر الفوگه
امن العطش يبست اعروگه
يا كربلاء  يا كربلاء
،،،،،،،،،،،،
الف وتسعمية جرح فوگ الجروح العنده
والناس ركضت عالخيم و حسين دمعة بخده
عطشان  بعده  بكربله  محد البرد چبده
امن العاشر لهذا الوكت باقي الحسين بوحده

جان جان
عدهم خيم للنسوان
صارن ارماد و دخان

ليش ليش
يناگ راسك چاليش
وزينب تضل وسط الجيش
ليش ليش


المكسور ضهرة اعله الشريعة
الناس للحافر  تبيعه
وتعاين اعليه الوديعة
ياكربلاء  يا كربلاء
،،،،،،،،،،
طال انتظاري و ما شفت وين الفرج يا جمعة
عاشور هّل و اهل الخيم تنتظر منكم فزعة
باعت الزهرة اجم ضلع بس كون سالم ضلعة
دين البشر لاهل البشر و دين الخدامة الدمعة

صار صار
دين الخدم جدر ونار
وتثوب اعله الزوار

كون كون
اهل المجالس يعمون
يستاهل حسين عيون
كون كون


حامي المجالس بخت عباس
او دين هاي الناس للناس
ديني لنفسي لاخر انفاس
ياكربلاء يا كربلاء
،،،،،،،،،،،،
حسين رايد بس گلب معجون بيه الفطرة
للفقرة مخلوق الدمع ما منخلق للشهرة
اهواي وادم عبرته و ما شافها ابن الزهرة
بيهم الشايلة رمح و بيهم اليكسر صدرة

عين عين
بعيوني شفت اني اثنين
كعدو يذبحون حسين

ناس ناس
ما ادري ياهو امن الناس
يكطع جفوف العباس
ناس ناس


بيهم امن الوادم يزوره
و بگلبه ما شايل حرورة
الفطرة بس دين الجدورة
يا كربلاء يا كربلاء
،،،،،،،،،،،،
مذبوح الحسين وگلت عايش بصيت الخدمة
والنعمة واجب تنشكر  تنداس ليش النعمة
بين الخدم بس خادمك ينحسب بيهم زلمة
لو ما العباس انذبح ما طلعت الكم حرمة

راح راح
ضعن الحرم لمن راح
متروس رؤوس اعله ارماح

نوك نوك
جم متن منهن مطكوك
والهضمة طبن للسوك
نوك نوك


للشام و الرحلة طويله
وزينب تسولف عالهزيلة
نزليني جسمي باد حيلة
يا كربلاء يا كربلاء
،،،،،،،،،،،،،
كريم الدراجي

،،،،،،،،،،،،،،،،،،،،،،،،،،،،،،،،،

بصوت. مسلم المطيري

يروى عن يوسف الزهره

كلمات الشاعر
كريم الدراجي

بصوت. مسلم المطيري

نعي وابوذيه  للحباب

اريد ابݘي عليهم حيل ونهار
وغرك بالبواݘي شطوط ونهار
ونوحن من يجيني اليل ونهار
على احبابي الصفوحدرالوطيه
*
خلص ڰلبي على الي راح ماعاد
خذاه ا لموت غفله و بعد ماعاد
زماني ويه الااودهم ليش ماعاد
   جفو ني وخلو النير ان بيه
****
   روحي گضت والحيل نحلان
   ويسوه البݘي عليكم يلحنان
   شعاجلكم على نومت التربان
   ***
    شعاجلكم على نوم الوطيه
    كتلني الهضم  و شلون بيه
    وبعد شيعو د طبتكم عليه
     ***
    
      ليش النودهم فارگونه
     وشالو اهلنه وطشرونه
     وبالگبر نامو مايجونه
     *
    با لگبرعد نه شكثر غا لين
   يهل المحنه ولحجي الزين
   شمالݘ يروحي بس تلوجين
  ***
  بقلم الملايه هاله الامين

بصوت. مسلم المطيري
*نــعی لسان حال زینب علی اهلها واخوتها*

*گالت*

خاف اشتکی وخافن یزعلون
لیش ابأخــتهــم مایــمرون

تــربـیلهم کلیوم الـعــیـون


☑️☑️☑️☑️☑️☑️☑️
جـینه و وصلنه للـمـدیــنه

ودیـوان اخـوی امسددینه

وخالی  مـچان امی الحنینه
☑️☑️☑️☑️☑️☑️☑️
تــردین ملـگاهم یــروحی
لـلغربـو کـلیـوم نــوحــی
والکربله زینــب د روحی
☑️☑️☑️☑️☑️☑️☑️☑️
چــا یـمته ملگاکم یـاهلنه

گلبی علیکم زاد ونـــه

دموع المفارگ یلچمنه

☑️☑️☑️☑️☑️☑️☑️☑️
چـا لـیش رحتو ابغیر جیه

ابـعید الدرب و ٱومی بدیـَّه

چـن لـلـبـُعـِد  تردون حــیـه
☑️☑️☑️☑️☑️☑️☑️☑️

شحچی و سالفتی طویله

راح  الـحنین الاشــتکیلـه

لـلموت ابن امی ابـچیله
☑️☑️☑️☑️☑️☑️☑️☑️
اتمنه اشـوفک صدفه بالبیت

یحسین اگلک خویــه ردیـت

یبن امـی چـنک علیه حنیت
☑️☑️☑️☑️☑️☑️☑️☑️

الفرگه تکتل ثاری یاناس

اهـنا یخویه اهـنا یعباس

خنجر افراگک بالگلب جاس

وین اهل المحنه

*ام محمدالکعبی*

؛ الوداع يا فاطمة

زهراءُ، قد طال النوى
والصبرُ هدَّ عزيمتي
ويلاهُ من نار الجوى
دمعي يخضبُ شيبتي

نامي أنيسةَ خاطري تحت الترابْ
أتراهُ من فَعَلَ الجريمةَ؟ غدرُ بابْ؟
البئرُ قال:  رمى بها حقدُ الذئابْ

///////////////
يا من يلوم تفجّعي
لو كنت تعلمُ ما جرى
ما الحزن قل لي ما البكا؟
جمرٌ بقلبي قد سرى

كانت أميرةَ خافقي. روح الودادْ
والعاشق الهيمان يقتله البعادْ
عودي لبيتي زهرتي... فالكل عادْ

//////////////

عاث الخريف بزهرتي
واصفرَّ عود شبابها
مسمارُ بابٍ، خائفٌ
من ظلمهم أودى بها

خطبٌ عسيرٌ فالعدى، حرقوا المكانْ
سرقت عبير مودتي كفُ الدخانْ
الموتُ حقٌ، كيف يُحتملُ الهوان

/////////////////

شتان بين البارحه
واليوم يازهرَ الفؤاد
أتُرى اعيشُ وفاطمه
في الترب قيدها الرقاد

رباه عفواً فالردى،  سلب الوصالْ
قتلوا الأمومةَ والمحبةَ والدلالْ
تحت الثرى ويلاه قد نام الجمالْ

////////////////
سرق الجرادُ بيادري
والكفر هلّلَ واعتلى
والكل يعرف من أنا
فأنا الوصي على الملا

سيان موتي والبقا،  بعد الفراق
من بعد فاطمتي حياتي لا تطاق
وانا المُتيّمُ كيف لي بالاشتياق
علي طعمه البطاط
الفاطميه/١٤٤٢

بصوت. مسلم المطيري

الوداع يافاطمة

كلمات الشاعر
علي طعمه البطاط

رقيه

بويه بويه      وينه صدرك وين اديك
بويه بويه       انه اجيت انشد عليك
   انه الك مشتاكه      ياوكت نتلاكه    
$$$
انه من عنك رحت     هوايه ضليت التفت
بويه كلي شلون اعوفنك وسافر
ماتضمني على الصدر    طفله مااحمل هجر
لوصدر ماظلك بدوس الحوافر
لوتعاين غربتي    جابجيت لحالتي
انه مااكدر اوصفهه المشاعر
مره عاين عمتي      ومره اصدن لخوتي
هذا حالي اليوم واصعب منه باجر
وينه وينه    بويه اسأل هل السؤال
وينه وينه   راح وياك الدلال
ابجي فوك الناكه    ياوكت نتلاكه
*
تدري بفراكك صعب    امشي والمدمع يصب
انه يابويه اعز ناسك رقيه
هاي جم ليله الجزت     وانه عيني ماغفت
يلي جنت تكلي نامي فوك اديه
عيني مانشفت ابد     بروحي جن هزت مهد
وينه عبدالله انشدك جيبه اليه
انه اريدن شوفته    موتتني فركته
جنت اشبكنه ويرد يشبك عليه
مهده مهده     خالي وامه عليه تدور
مهده مهده     تلولي يمه بلاشعور  
جمرته حراكه   ياوكت نتلاكه
*
وي مشيهه القافله    الدمعه ضلت سايله
حتى مااكد انشفهه المدامع
ايدي مجتوفه واون    شلون امسحنه الجفن
وكلبي يابويه انجوه بكثر المواجع
مدري لاوين الكصد    الحادي ياريته يرد
هيجي ويكلي لبوج حسين راجع
لكن انه ايست     وعنك بعيده صرت
  تنسه موتك بويه كون بحالي سامع
كلبي كلبي    ماكطع منك رجاه
كلبي كلبي    صفت كل دكاته اه
لوتشوف اشواكه   ياوكت نتلاكه
 
  انشد وكلي الم    وينه شيال العلم
وينه ابوالحملات خواض المنايه
من يروح ويخبره   يكله زينب حايره
رايتك جانت سترالهه وعبايه
ادري طاحت يمنتك    بس ترفرف رايتك
انته عمرك يبتدي من النهايه
اسمك اشكد انذكر     ماوصل ليك الخبر
اشعدهه غير اسمك بعد هاي السبايه
عمي عمي    بكل مواقفنه نصيح
عمي عمي    لوطفل منه يطيح
  دمعتي سباكه      ياوكت نتلاكه
**
من يمروكت العصر      تنعصر روحي عصر
ذكرياتك تنجمع كلهه على بالي
والله ذابحني البعد     بويه انشدك  هم ترد        
حتى طير البلسمه يبجي على حالي
انه بعدك من وكت      طفله لكن شيبت
من غيابك لا تناشد عاالجرالي
انته يابو العاطفه      شكلي ماضن تعرفه
مادريت اشسوت بحالي اليالي
روحي روحي   شيبت بعد الرحيل
روحي روحي   لون ماتت هم قليل
عذباني فراكه   ياوكت نتلاكه




سعد العبودي

بصوت. مسلم المطيري

ماابري نفسي الذمه

كلمات الشاعر
حسين عبدالزهره الدراجي

نزله
.
.
.


مــدمــع العيــن .. يالحسين .. وقف خليته
وفرض الاحزان .. يعطشان .. الـك صــليته

--------------------------------------------------

اذّنــت دمــعاتي ونــزلــت امـــن النـاظر
وگمت احس كل دمعه چنها دوسة حافر
مايغيب امصابك بذهنـــي اشــعر حاضر
سيــدي وكل لحظه آنـــي اعيـش العاشر

بگــلبي عاشور .. يمغدور .. جمر حسّيته
وفرض الاحزان .. يعطشان .. الك صليته

--------------------------------------------------

مشتـــعل دلالــــي وانــته تعــلــم بـــيه
وچـــنه يوم العاشر وصــــارت الظهريه
ركضة اطــويريجك بيــها احس يوميه
الخيمه البنص روحي چن تطـيح اعليه

يومك اجــروح .. يمذبـــوح .. فــلا مليته
وفرض الاحزان .. يعـطشان .. الك صليته

-------------------------------------------------

الشايله ابنص عيني ما بچيـته الواحد
ماكو داعي احلفلك انـته والله الشاهد
حـــزنــك ابــدلالي اتــگرّم وضل گاعد
اوداعة اعويناتي بگلبي جـرحك خالد

جرحك بروحي .. ياروحـي .. ماشـديــته
وفرض الاحزان .. يعطشان .. الك صليته

--------------------------------------------------

بگــلبي يابــو اليـمه جمــرتك خــليها
ارد اعيش امصــابك فـدوه لاتطفيها
اندعي بكل لحظه چـبدتي اتچــويها
حته احس ابزينب الواجـّات ايــديها

ابچبدي نــيران .. يضميان .. لَمن وجّيته
وفرض الاحزان .. يعطشان .. الك صليته

--------------------------------------------------

جرحـك ابنص عيـني سـيدي مادامه
گمت احس ابراحه چي احس بآلامه
حرگه چن بالهــامه وماتطـفي الهامه
ســيدي وعيونك غــير بــس الــقامه

راســـي منــذور .. يمنحور .. فدائك ريته
وفرض الاحزان .. يعطشان .. الك صليته

--------------------------------------------------

المقتل ايرن بذني وبـيه لوعه وحسره
ولسه احـس براسي يـقره عـبد الزهره
ولو وصل يم صدرك والخـيول العشره
اني احس دلالي يــبو اليـمه ايطــشره

حزنك ادموم .. يمظـلوم .. لمـــن هليته
فرض الاحزان .. يعطشان .. الك صليته

--------------------------------------------------

ادعي دوم وابچـي انته چيف اتهمني
منــك ومـن حزنـــك الله لايحــرمـني
عالبچــي قويـــني وللـ لطــم حـزّمني
اجـزع اعله امصـابك ســـيـدي علمني

جرح الطفوف .. و السيوف .. الي اتمنيته
وفرض الاحزان .. يعطـشان .. الك صليته
--------------------------------------------------
خادم الحسين ع
حيدر تركي الكربلائي

بصوت. مسلم المطيري

مدمع العين. يالحسين

كلمات الشاعر
حيدر تركي الكربلائي

قصيدة ليلة العباس س
.
.
.

مو غريبات .. اچفوف من عالگاع ذني .. موغريبات
موغريبات .. چـنهـن اچـفوف الكـفلني .. موغريبات
صحت يابالفضل
اذا بـعــدك عـدل
حاچيـني يعباس
____

الشــمس مــنـي امــراد اخــذت حالــها حـال البقيه
ســـَلمـت بـس ســـلمـتـني جـــثه بــــيد المـــغــربيه
اويه الظلام الشوگ اخذني وچان يسحب حيـل بيه
صحــت وينــك يبــو فاضــل ساكــت ومـــارد عـليه

زينب ايصيح..ردت بس احچايه منه.. زينب ايصيح
زينب ايصيح..ويـسمــع الــون الأونه.. زينب ايصيح
شفت گتله الحبل
اذا بـعـــدك عـدل
حاچيني يعـباس

____

اچفوف وانه امشي شفـتهن گلت ذني للضحايه
امــن اعبـرتهـن هايـزينب لنــهن ايـصيحن ورايه
اليمــنه لا مامــيزتـها يابسـه اعـــليــها الـــدمايه
دقــقت باليــسره زيــن وشفــت بيهـا اثـار رايه

دمعتي اتگول..يللـه زينـب قبليهن.. دمعتي اتگول
دمعتي اتگول..ريحة العباس بيهن.. دمعتي اتگول
شگول امن انسئل
اذا بـعـــدك عــدل
حاچــيني يعـباس

____

گاعده اويه اچفوفه اسولف بلكي يرجعلي اتاني
اشــكثر مانــاديـت بســمه لارجعلــي اولا اجـاني
بلــكي يـگـعد خلـي اگـلـه الشـمر ياخـويه سباني
ماحــچه كلشـي يوسـفــه كافــلي بــس لانـساني

هايعباس .. ارد اگله وخاف يشهگ .. هايعباس
هايعباس .. متني من السوط ازرگ .. هايعباس
اعله حالي تنذهل
اذا بـعـــدك عــدل
حاچيـني يعـباس

____

واگفـه بالحـومه وحـدي حايره ومشغول فكري
اچفوف ابو فاضل كفيلي حاطتهن على صدري
شيبــتني الوگــفه هــاي وصار يمكن ميه عمري
عــدل لوميــت دگلــي يامــن اتكفــلت خـــدري

يسكت اشلون .. كلـشي سولف اله انته .. يسكت اشلون
يسكت اشلون .. خويه والمسلوبه اخته .. يسكت اشلون
تره اثگيل الحمل
اذا بـعــدك عـدل
حاچيني يعـباس

____

مـن رحت للمــاي گـتله الجيش يــم خيمـتي عـسكر
شـــويه والدخــان اشــوف يابــو فاضــل يمــي گــَبر
اعليه كلشي ستقوه خويه امن الشمر ضل يمي يفتر
گــال لــي العــباس اخــوچ اعـله النهــر هـسه تگنطر

گلي موجود..حتى اگلهم عندي كافل.. گلي موجود
گلي موجود..خويه فدوه  يبـوفاضل.. كلي موجود
الشماته اشتنحمل
اذا بــعــــدك عـدل
حاچيـني يعــباس

____

انــه يابو الغـيره اگله انچانك بالحچي تقبل
تــره هــسه شــاهــدتهم للسبي حـظرو هزل
يرضه گلبك ياكفيلي باچر اويه الشمر ارحل
گــوم يامـن دللتنـي تــره عگــبك راح انــذل

مايصيحون .. عگب عينك هاشميه .. مايصيحون
مايصيحون .. غيـر بـس هايالسبيه .. مايصيحون
يخـويه مـوسهل
اذا بـعــدك عـدل
حاچيـني يعباس
____
تمت والحمد لله
حيدر تركي الكربلائي

بصوت. مسلم المطيري

مو غريبات

كلمات الشاعر
حيدر تركي الكربلائي

،،،،،،،،،،،،،،،،،،،،،
          لو سافرت أخذ النظر
           أخذ الملامح والصور
          لو رحت عني بهالسفر
           چاشلي بعيوني بعد
             ـــــــــــــــــــــــــ             
    بويه العمر كله الك وطيني ساعة
    ملگه
   ماتسوه دنيه بلا ابو وتكتل يبويه
    الفرگه
   يخنگني كل لحظه الجفه واتمنه
   لحظة شهگه
   گلبي يبويه بسفرتك نار الوداع
    تحرگه
          غَمُضَتْ عيني ورسمتك
          حاولت اشبگ صورتك
          ما شفت بسمة شفتك
          چا شلي بعيوني بعد
            ــــــــــــــــــــــــــــ
  من صار الموادع گلت لعيوني سدي
  جفونچ
  باچر ضواچ يودعچ ويَّ الذي
   يودعونچ
  ليلچ يجيچ بلا أهل كل اهلچ
  يخلونچ
ما علموچ عله الجفه تعمين من
  يجفونچ
          محتاره اديرچ عالاهل
            لا ظنه عندچ لا أمل
             لو والدي عنچ رحل
           چا شلي بعيوني بعد
             ــــــــــــــــــــــــــــ
   بعيوني اصد لوالدي وبعينه گمت
   اتامل
    للاكبر يگله بعجل ركب اختك
   بهالمحمل
   هو سكت وانه سكتت وبالسكته
   كلش طول
   خايف عليَّ من السفر يدريني ما
    اتحمل
          بعيوني أگل لوالدي
          صعبه اظل لوحدي
       وسمع صده الحادي يحدي
           چا شلي بعيوني بعد
            ــــــــــــــــــــــــــــ
   من طوح الحادي وحده وعيوني
   تربي عليهم
  صارو بعيدين وشفت ذاري الترب
   غاطيهم 
    ياگلبي منهم ايست جيه بعد ما
    بيهم.                                
   ترسمهم عيوني صور برموشهه
   تخليهم
           لعبدالله صوره مصوره
           ذبلة شفافه ومنحره
             لوراح عبدالله تره
           چا شلي بعيوني بعد
                ،،،،،،،،،،،،،،،،،،،
كل ذكرياتي ويً الأهل صارن بين
عيوني
والعايشه وياهم عمر شو لنهم
يودعوني
تمنيت اگل لوالدي وياكم يبويه
اخذوني
خلوني اموتن بالسفر بالغربه
  لتخلوني
          بويه من اظل بغربتي
          شلي بعيوني وظلتي
         خلوني اموت بسفرتي
          چا شلي بعيوني بعد
            ،،،،،،،،،،،،،،،،،،،،،،
   خادم الحسين ابو اسحاق الفحام

بصوت. مسلم المطيري

لو سافرت اخذ النظر

كلمات الشاعر
ابو اسحاق الفحام

حبيبي   بدمي تمشي محبتّك
حبيبي   كل حياتي ابخدمتك
ــــــــــــــــــــــــــــــــــــــــــــــــــ
والله يحسين ابخدمتك ناذر انه اسنيني
يا حياتي وسر وجودي فضلك مغطيني
واجبه اعليه محبتك بيها يكمل ديني
باجر ابيوم القيامه خدمتك تنجيني

يمحبوب    لايذ انه ابصايتك
حبيبي      كل حياتي ابخدمتك
ــــــــــــــــــــــــــــــــــــــــــــــــــ
وآلدي علمني اخدِمك من صغر وصاني
عالمجالس والماتم والطم رباني
وامي حبك رضعتني وتمميت ايماني
ورتفع يحسين شاني ومنبرك علاني

خدمتك      بيها اشمن ريحتك
حبيبي     كل حياتي ابخدمتك
ــــــــــــــــــــــــــــــــــــــــــــــــــ
افتخر لبن الزجيه خادم يسموني
كلمه  هايه جگد عظميه وبيها جن اجنوني
ما امل من الخدامه خلهم يلوموني
شما حجو يحسين عني والله ميهموني

احبك      غصبن اعله الـعادتك
حبيبي     كل حياتي ابخدمتك
ــــــــــــــــــــــــــــــــــــــــــــــــــ
خدمتك يحسين نعمه ادعي ربي ايدومها
روحي من اطب عزائك تنسى كل همومها
ثورتك منها انتعلم ناخذ امن اعلومها
اعظم ادروس ومواقف خلّدت بدمومها

مواعض    نتّخذ من ثـــــورتك
حبيبي      كل حياتي ابخدمتك ــــــــــــــــــــــــــــــــــــــــــــــــــ
الخدمة عند الله اشكبرها يا عظم معناها
والله هنياله ليخلّص كل حياته وياها
فايز ابيوم القيامه كل شخص نالاها
حگنه يحسين بخدمتك نفخر ونتباها

تلمنه          بالقـــيامه ابرايتك
حبيبي      كل حياتي ابخدمتك
ــــــــــــــــــــــــــــــــــــــــــــــــــ
لو متت يحضرني باجر ودري ما ينساني
يخفف اذنوب العليه وينطق اعله الساني
خادم الزهره الزجيه ينعرف عنواني
بعالم الثاني امن اشوفه انسى كل احزاني

اشوفك        واملي عيني بنظرتك
حبيبي     كل حياتي ابخدمتك
ــــــــــــــــــــــــــــــــــــــــــــــــــ
علي كاظم المنصوري