بصوت. مسلم المطيري

من گالوا ضعنكم بالدرب جاي

كلمات الشاعر
مصطفى اللامي

حـــرم  عـــنـــدي  .... وحـــق جـــدي
ســـواد الـــلـــيـــل إمــهــلــونــي

طـلـع مـن خـيـمـتـه الـمظلوم.... طلع للحومه ينظرها
مـثـل  مـوج  الـبـحـر هاجت .... جحافلها و عساكرها
وادم  لا شـرف لا ديـن.... بـاعـت كـل ضـمـايـرها
طـلـع  رايـد أمـر تـوديـع.... مـن عـدهـا و يذكرها
وكَـف غـاضـب .... بـده يـخاطب.... يمن للبيعة جبتوني

وكَـف بـيـن الـجـمـع يـخطب.... إجت إلمن جحافلكم
يـا شـيـعـة بـنـي سـفـيان.... أريد أحجي و أسايلكم
انـتـو الـلـي بـعـثـتـوا لـي.... طـلـبتوني برسايلكم
شـنـهـو الـغـيـر الأوضـاع .... شـنهو الجره اشبدلكم
الـكـتـب تـشـهد .... صفت مسند.... تقول انتو طلبتوني

نـاده  يـا إبـن ربـعـي .... و يـا حـجـار ابـن أبـجر
و يـا قـيـس ابـن الأشـعث هاي.... رسايلكم و هاك انظر
كـتـبـتـوا  انـبـايـعـك  يحسين.... و اطلب يا أمر تامر
و لـو مـا تـحـضـر بـهـالحال .... من بعدك يمسنه الضر
الـعـهـد ويـنـه .... و مـضامينه .... خصم تالي جعلتوني

يـا  شـيـعـة بـنـي سـفـيـان .... ليش مجرده الأشفار
جـدي الـمـصـطـفـه و أمـي .... الزهره ووالدي الكرار
مـاريـد بـسـبـب دمـي.... تـدخـلـون بـسعير النار
إذا  مـا جـان عـدكـم ديـن .... عـيـشوا بالدهر أحرار
إجـيـت أعـزل .... أريـد أسـأل.... طلب عدكم تطلبوني

كَـالـوا نـعـلـم بـجـدك.... الـهـادي و فـاطمه أمك
لـجـن بـغـضـاً لـبـوك انـريد.... نسفك بالحرب دمك
و انـخـيـرك بـيـن اثـنـيـن .... لـو تـخضع لبن عمك
لـو تـنـزل الـمـيـدانـك.... و تـعرض للحتف جسمك
شـجـاوبـكـم  ....  شـعـاتبكم .... عرفتوني و خدلتوني

ادفـعـوا  نـقـمـة الـديـان.... و اجـتـنبوا ذنب جَتلي
انـطـونـي مـن الأرض مـأمـن.... أروح بـظعني و بأهلي
لـو أرجـع لـرض يـثـرب .... و عـنـكـم ينتقل رحلي
هـالـسـبـعـيـن  ألـف مـاريد.... تدخل سقر من أجلي
خـذلـتـونـي .... و تـركـتـوني.... أعود الطيبه بظعوني

إذا مـا حـصـلـت الـرخـصـة .... مـنكم يا بني سفيان
إمـهـلـونـي  سـواد الـلـيل.... أودع الأهل و الرضعان
و  بـاجـر كـل كـتـايـبـكـم.... خـل تجتمع بالميدان
و  مـطـلاع الـفـجـر فـاصـل.... بـين الكفر و الإيمان
سـفـك  لـون دمـي

الشاعر الأديب
الحاج جابر الكاظمي

بصوت. مسلم المطيري

حرم عندي. وحق جدي
سواد الليل أمهلوني

كلمات الشاعر الأديب
الحاج جابر الكاظمي

بصوت. مسلم المطيري

نعي
        ـــــــــــــــــــــــــ
     ينشدونه چا وين اهلكم
     اشو للوطن رد خالي ضعنكم
    وينه الگمر عباس عنكم
    مهو من الوطن هو الاخذكم
   وواعدكم يرد ليه ويردكم
   وبالدار ضلت تنتظركم
   بتكم تهد الحيل بتكم
    أبداً ولا ايست منكم
    لمن اجيتو وشاهدتكم
   يتامه ولا وليان عدكم
       ـــــــــــــــــــــــــــ
 
    الشاعر ابو اسحاق الفحام

شور
_____________________________________________
_ انعم الله عليج _

انعم الله عليج يزهره علمتيني علخدمة
لو ما انتي يا يمه درب حسين ما فهمة

انعم الله عليج يم ضلع التكسر
گلبي الچان يابس هسه خضر 
انعم الله عليج يا أمنه الحنينه
سويتيني بيدج خوش طينه
جبتيني…للمجلس…گتيلي أبجي عله وليدي
أبچي هواي..تدري الماي..مطفيلي شمعة بيتي

يلمخليتني بلطافج هذه المجلس التزمة
لو ما انتي يا يمه درب حسين ما فهمة

العـجيبة بطفولة ولابس أسود
وعلگ گلبي عله باب التكية منشد
الطفل كل اهتمامه شلون يلعب
وانه چان اهتمامي شلون اتعب
ماعرفه…علفطرة…محزم وتراب هدومي
بيوم الي..هّم مابي..چنت اشعر ناقص يومي

ربيتني من صغري عله الحرگه وعله الهمة
لو ما انتي يا يمه درب حسين ما فهمة

منهد ما چان عودي ستوه ناشب
المواكب حابهة بگد المواكب
بقطعهم الگه أسم وتسائل منين
اتهجى ولفضه يطلع حسين
حبيته…حسيته…گلبي من سنين يعرفه
بي چم آه..وآويـلاه..حرف الحاء بين نزفه

منعدهة ونضج عقلي وسواني الاسم زلمة
لو ما انتي يا يمه درب حسين ما فهمة

وكبر عمري واحس ويعمري تكبر
بـعـيني كربله والدنيا تصغر
بعباتج فاطمة حسيت عايش
لو ما انتي جا هسه اني طايش
مشكورة…طيتيني…نعمة يسموهة الدمعة
يّاام حسين..صوت حسين..كل مغرب گلبي يسمعة

ينادي وينتخي وحده ويسولف لوعته بدمة
لو ما انتي يا يمه درب حسين ما فهمة

منهد ما عرف گلبي قصة أم عون
صار اسمي مكانه ويليلطمون
منهد ماعرف گلبي ياهو الحسين
أثر خمشه عله وجهي هوايه تلگين
اسمعهم…بلعاشر…واحد لثاني يسولف
هسه يرد..جايب ماي..الكافل بلكافل حالف

تالي مارجع ليهم اخوهم ألمه سهمة
لو ما انتي يا يمه درب حسين ما فهمة

المُقصر في حق مولاه : صادق الزبيدي

بصوت. مسلم المطيري

انعمله عليچ يزهره علمتيني علخدمه

كلمات الشاعر
صادق الزبيدي

بصوت. مسلم المطيري

خلوهه ترتاح.. موكافي الارماح

كلمات الشاعر
رعد الفريجي

قال رسول الله ص/لا يعذب الله هذا الخلق الا بذنوب العلماء الذين يكتمون الحق من فضل علي وعترته الا وانه لم يمش فوق الارض بعد النبيين والمرسلين افضل من شيعة علي ومحبيه الذين يظهرون امره وينشرون فضله اولئك تغشاهم الرحمه وتستغفر لهم الملائكه والويل كل الويل لمن يكتم فضائله ويكتم امره فما اصبرهم علئ النار
/////////////////////////////////
الرد عليه ايرد علئ الله الرد عليه
%%%%%%%%%%%%%%%%%%%
انه تممت النبوه*وانه مجري انهارهه
انه المحاسبهه كلهه***وما تفيد اعذارهه
انه من علمت موسئ***وعبريته ابحارهه
انه ما مقتول قطعا****انه سر اسرارهه
ما اموت ولا متت انه المنيه
%%%%%%%%%%%%%%%%%%
انه لوح الله الكريم*وبيدي رافع رايته
انه كلماته العظيمه***العبرت عن رحمته
انه قارعته بكتابه****ونزل اسمي ابايته
انه وجه الله وجماله***وعيني كونك ظوته
اقوات كل هاي الخلايق من اديه
%%%%%%%%%%%%%%%%%%%
انه جبريل بعظمته**يگود بيده ناكتي
انه همت الله الچبيره***وياهو يوصل همتي
انه داحيهه ومحمد**گاعه كلهه بيمنتي
بالحشر كلهه اتهاوه**الا اهل اولايتي
احساب كل هاي الخلايق رده اليه
%%%%%%%%%%%%%%%%%%%
احچو بفظاليي يا شيعه**ونبهو كل الغافلين
انه المزلزل جمعهه****انه امير المؤمنين
انه سر الله ابلاده*انه حبل الله المتين
انه من ناده المنادي***انه غوث الصادقين
بيدي كاشف للندبني اشچم رزيه
%%%%%%%%%%%%%%%%%%
انه رمضان وصيامه***وانه ظاعن عن قريب
انه للناده ابمحنته*وشاء ربك نستجيب
صرت ليوب ابلائه****انه مسعف والطبيب
انه رازق زكريا*من بعد ذاك المشيب
من دعه ربه بسجوده بكل مسيه
%%%%%%%%%%%%%%%%%%


الشاعرالحسيني المرحوم

فاضل الغريباوي

بصوت. مسلم المطيري

الرد عليه يرد على الله الرد عليه

كلمات الشاعر
فاضل الغريباوي

بصوت. مسلم المطيري

#أبوذية
لمولاتي العليلة روحي فداها
وهي تنتظر رجوع ضعن الأحبة

وحشت داركم روحي   سلتها
ودمـوع فـراگكم يهلي   سلتها
ونشدو الـدار چـم مـره   سلتها

شوكت ضعن المشه يرجع عليه

الشيخ زمان الحسناوي

بصوت. مسلم المطيري

أبا صالح يامدرك الثأر

كلمات الشاعر المرحوم
الشيخ محمد تقي آل صاحب الجواهر

بصوت. مسلم المطيري
نعي لمولاي العسكري ع

گـالـولــي الحوائـج يــمـه منـهـية
بـس گـلـة علـيـك امـك الـعـلويـة
وذكـرة بـالمـشت لـلشام مسـبـيـة
احسب من بعيد الحاجة مگضية

يـالگاصـد المجلـسـه وعـلتك چـبـيـرة أمـد
ويـل معتني بحاجـتـك والغيره مالك أحـد
ويالصابر اعله العسر وبشخصه راسم سند
ويـل سـار بيك الدهـر وعليك جـوره حشد
أدخـل عـلـيه بـالـتي دارت عـلـيـهـه الشدد
حـلفه بـعزيـزه الحسـن والهادي گـلـه مـدد
سـامـره شـهدت تـره بجوده وشهدله بـلـد

رغم عسري وضريحك   ماشفيته
يـمـا  گـلـب أعـتـنـالـك   ماشفّيته
مــا مـــرّه الـگـصـدلـك   ماشفيته
يباب الحاجـه شـافي الـروح اليه

شلون حـالـك من شفت مطروح ابوك
هـم تـذكــرت ابــطــرحـتـه حـسـيـنـك
ويــن ادورك ســـيـدي والــگــاك ويــن
حـــرت يـامــولاي بـــيــنـي وبــيــنــك
أرد اعـــزيــك بـــفــگــــد ذاك الـهـمـام
يـبـو الـنـفـس الـكـامـلـة الله ايـعـيـنك
صرت ادورك حتى بالطيف ارد اجيك
ويـــن دلــيــنــي بـمـكـانـــك ويـــنــك
من صدگ مبخوت لو من فيض اديك
حــصــلــت لـمـسـات مـــن چـفـيـنــك



#الشاعر_الميرزا_محمد_الساعدي

#نعي
مولاتي زينب على أخيها الحسين (ع)


يا يوم خويه مثل يومك
عطشان ومسلبة اهدومك..
گبلك گضوا يحسين گومك
واستوحدوك الما يرحمون ......

ظليت طايح عالوطية
وداير يخويه العين ليه
حن گلبك الشوفة رقية
ما ودعتها ..امغمضه العيون

ونيت خويه ويا ونينك
فت گلبي بي صاير حنينك
ايعز اعله زينب تصد عينك
فوگ الترايب طايح اشلون  ..

ما انسه خويه الشفته بالعين
شفتك تلوج بعيني يحسين
رايد تگوم وحيل ما بيك..
سهم المثلث ما يخيلك
هميت اجيك وخاف أأذيك
نوم الوطية اعليك مو زين ...

من صاروا عليك الگوم لمة...
بعد ما شفت حالك يبو اليمة
واحد رفع رمحه ابهمه
صابك وهذا اليدج جدمه ..
ونيت خويه وصحت يُمه
گومي ييمه وعايني احسين


تعالي يالزجية وشوفي حاله
عزيز الروح محد بجه اگباله
لو بيدي اموت انا أبدله
ولا شوفه ايتگللب يمه بالعين


من شفتك عله التربان ...ون صار
ابخيامي ..ابگيت لا خوان ..وانصار
صحت عباس.. عن احسين  ...وين صار
الما يسوه يسلب ثوب أخيه

ما همني خويه الصار بيه
بس الهمني نومك عالوطية
مسلوب وانا امشي سبية
لو بيدي أظل يا نور عيني ..

لو بيدي أظل يحسين يمك
ابجي وانوح ابكتر جسمك
حدما اموت الذاك همك
ويكتلني لجروحك ونيني ...

انا موتي ..من سمعتك ..يالأخو اتون ..عالوطية
هنانه زينب ...موتتها ... ابونتك يابو رقية...

اشلون خويه اتموت وانا
ابقى يحسين اعله حيلي ..
ريت ما وياي عيلة ..
والله اموتن يا دليلي ..
ما مفارگتك ثواني ..
.وتالي جدامي اتسلّب
كلشي ما ردت ابحياتي...
.بس اموتن يا خليلي ..



قاسم المالكي

بصوت. مسلم المطيري

يايوم خويه مثل يومك


كلمات الشاعر
قاسم المالكي

ودوني لخوتي بساع ودوني
اريد اعله الجفوني اعميهن عيوني

انه ام الخدر ما تخلص احزاني
اجيت الكربله ومضيعه اخواني
شو محد فتح كبره وتلكاني
تدرون المصايب غيرت لوني

اسيره وعالوجن تهمل دموع العين
وكلها اتكلي زينب وين وجهج وين
وصيح بحيرتي ودوني يم حسين
من الناكه ارمي بنفسي خلوني
*
اجيت اعله الهزل والناكه بيه تميل
ودرب الشام يخواني يهد الحيل
انه حرمه وغريبه اشلون انام الليل
امشي وروسكم بيها تحرسوني
*
اشلون الماي اضوكه وراح طعم الماي
درب الشام اخذ يحسين مني اهواي
رقيه ما جبتها الكربله وياي
بالشام ادفنتها وخابت ضنوني
*
افتر بالمكابر والدمع يجري
وفراك الحنين اشكد كسر ضهري
ما ادري اروحن وين ما ادري
بكبر ابن امي اصيح بعبره دلوني
"
تمت
تحسين الخفاجي

بصوت. مسلم المطيري

ودوني لخوتي بساع ودوني

كلمات الشاعر
تحسين الخفاجي

بصوت. مسلم المطيري

اسف منك مولاوي اسف

كلمات الشاعر
قاسم الغزالي