بصوت. مسلم المطيري

مايطيب العلي خاطر

كلمات الشاعر
عبدالجليل المالكي

طفه ضيهه المدينه .. عله مصابك حزينه
صعب فگدك علينه .. يوالدنه او نبينه
☆☆☆☆☆
عساهه تنفني الدنيا ولنشوف
جسمك بالچفن يالهادي ملفوف
ومن شيّعو نعشك فوگ الچتوف
صفگنه بغيبتك راحات الچفوف
رِسَم يالهادي فگدك .. ضياع الامّه بعدك
بحزن نحنه وبچينه .. يوالدنه ونبينه
☆☆☆☆☆
مثل مجرى النهر تتماوج العين
عگبك يامحمد نلتجأ وين
غصّو فاطمه وحيدر بالاونين
وزينب والحسن يبچون وحسين
بألم صاحو دخيلك .. تيتَمنه برحيلك
وسف نصفج بدينه .. يوالدنه ونبينه
☆☆☆☆☆☆
ملائكة العرش نصبت عزائات
الكره الارضيّه حزنت والسماوات
من سمعن محمد ياوسف مات
انرسمن عالنعش يالهادي مآسات
بغيابك چم مصيبه .. على العتره النجيبه
تظل للهم رهينه .. يوالدنه ونبينه
☆☆☆☆☆☆
الزچيه بضعتك دمعتها طوفان
وحيدر شيّدلها بيت الأحزان
لمصابك تون ياسيد الأكوان
محنيّه اعله فگدك حنو الاغصان
گلبها بجمره ذايب .. الك تشكي المصايب
وظلم اهل الضغينه .. يوالدنه ونبينه
☆☆☆☆☆☆
عله گبرك تهل فاطم دمعها
تشكيلك الم كسرة ضلعها
ويا ظالم عله خدها صفعها
يضربوها وطبع ورده طبعها
الدار وحرگت الباب .. وهَجْمَت ذيچ الاصحاب
اللعين شسوه بينه .. يوالدنه او نبينه
☆☆☆☆☆☆
كسر ضلع الزچيه الهدّم الحيل
صار أصل الحزن والآه والويل
باچر بالطفوف اتعاود الخيل
يطحنن صدر ابنها طحنة الهيل
وعلى ذاري الترايب .. يذبحون الحبايب
ابو اليمه وبنينه .. يوالدنه ونبينه
☆☆☆☆☆☆
حيدر بشار الدراجي

بصوت. مسلم المطيري

طفه ضيهه المدينه

كلمات الشاعر
حيدر بشار الدراجي

بصوت. مسلم المطيري

#أبوذيات

على فراكك ندور العون - عيناي
الكلب من الضلوع يجيك - عناي
وعد مني لوشل ماي - عيني
لحد ما موت لو تلحك عليه

على الباب الدهر لوحات - لــون
المصايب  حيل  للإضلاع - لـــون
بيوم الراح  ابوي وصحت - لاوين
عگبك يحترگ بيتي عليه
__
🖊#_الشيخ_حيدر_الحميداوي

#اللهم_عجل_لوليك_الفرج

فاطمة الزهراء تناشد و ترثي أباها رسول الله صلى الله عليه واله وسلم



لانرحل يا ابي لاترحل
لاترحل يا ابي لاترحل



ياشمس دنياي يمضوي حياتي
لو مشيت استعجلت بعدك مماتي
ادري بويه احلامي انت وامنياتي
اعلنت في روحتك ساعة وفاتي

لاتذبل وردتي لاتذبل
لانرحل يا ابي لاترحل
*--------------*------------*---------------*
كتبت الدنيا علينا الفركه كتبت
المصابب وحده وحده اعلينا حسبت
يامحمد فاطمه بفيك نربت
باجر انياب الخيانه بجفها تنبت

تتبدل حالتي تتبدل
لاترحل يا ابي لاترحل
*-------------*------------*---------------*
لانخليني وراك ويبدي الغياب
الدنيا ماتسوى يبويه بدون الأحباب
أنا ادري الدنيا وحشه وبيها طلاب
بس تغيب وراح يطلع يلزم الباب

يتمرجل عالنسا  يتمرجل
لاترحل يا ابي لاترحل
*-------------*--------------*----------------*

انت تدري لو رحت يتغير الحال
تدري بنتك فاطمه يظلموها الانذال
لا وصيه ولا ارث نكروها الرجال
بالقرابه وصيتك لا اجر لامال

مايندل سنتك مايندل
لاترحل يا ابي لاترحل
*---------------*-------------*-------------*
تاملت ماترحل وابقى بدلالك
وابقى اعيشن بالمحنه وبجمالك
تالمت من الصحابي بناره جالك
فاطمه يروعها ويروع عيالك

اتامل غربتي اتامل
لاترحل يا ابي لاترحل
*---------------*---------------*--------------*


محمد دعبل النوري

بصوت. مسلم المطيري

لاترحل يا أبي لا ترحل

كلمات الشاعر
محمد دعبل النوري

باچـر بـيوم القيامـه كلشي يشهد
شـلـون أذوك الـعـصـابــه يامحمد

        )()()()()()()()()()(

بـاچـر بـيـوم قـيامـه مـحـكـمه
وتنكشف كـل الوجـوه الضالمه
والحقيقه تنعلن بأرض والسمه
وتـسمع الناس لشهادة فـاطمه

ماكو مهرب والدسايس كلها تنعد
شـلـون أذوك الـعـصـابــه يامحمد

        )()()()()()()()()()(

يـعـتـرف باچـر عـليهم كـل زقـاق
بي حچوا بي خططوا أهل النفاق
عادي عدهـم حتى لو دمك يـراق
الـمـهـم كــرس الـحـكـم بالأتـفـاق

ينكشف بالحشر كلمن گلبه أسـود
شـلـون أذوك الـعـصـابــه يامحمد

        )()()()()()()()()()(

ياحبيب الباري ياسيد الرسل
بالحشر بس حكم ربك ينقبل
كلمـن مأذيـك بالسانـه وفـعل
يوگف أگبال الخلايـق ينسأل

باچر يشـوف العذاب وبيه يشتد
شـلـون أذوك الـعـصـابــه يامحمد

        )()()()()()()()()()(

تـعترف باچـر چـفـوف الـرافگوك
إلـي أذوك اشـكـثـر والــعـذبـــوك
الغايـه شنهو تنعرف مـن سمموك
ومارضوا تكتب وصيه وخالفوك

الغايـه ويـاهـا الأدلـه باچـر أشگد
شـلـون أذوك الـعـصـابــه يامحمد

        )()()()()()()()()()(

الجرح أحـساس فــاطمـة الـبتـول
والسلب حـقها وترس حلگه يگول
أنتي مالچ ورثه من ورث الرسول
أكبال ربـك وگـفـتـه باچـر تـطـول

وبالحكم گلب الزچيـه بلكي يبرد
شـلـون أذوك الـعـصـابــه يامحمد

        )()()()()()()()()()(

والأجــه الــدار الـزچـيـه والـغـلط
والعصرهـا أبابـها ومـحسـن سقط
باچـر چفوفـه إلي تشهد بالـوسط
بدمها بنتك عالحروف تحط نقط

يشهد الباب وضلعها ودمعـة الخد
شـلـون أذوك الـعـصـابــه يامحمد

        )()()()()()()()()()(

للشاعر الحسيني علي القريشي

بصوت. مسلم المطيري

باچر بيوم القيامه كلشي يشهد

كلمات الشاعر
علي القريشي

… نعي للنبي محمد (ص) عن الزهراء عليها السلام …


يابوية الحزن صوب دليلي..
واحلف ما انام عليك ليلي..
عزيز وفركتك هدمت حيلي..
صعب فركاك يابوية علية
=================
شيصبر الكلب لو راح خلة..
يخلف بالدليل اعليه علة..
والوالد ترة هيات مثلة..
لنوح وخل تلوم الناس بية
===============
يبو كلب الحنين وحلو الاطباع..
فاركنة الدهر يالغالي بساع..
يبو  طول الحلو طمت الكاع..
خذاك الموت يابوية من ادية
=================
اريد انحب و اون ليلي ونهاري..
وخليه الدمع كالماي جاري..
يالهادي مظلمة عليك داري..
انة الزهرة العزيزة تعال لية
================
بتك يامحمد وصي بيها..
تجور الناس من تمشي عليها..
ياهو الها المشة عنها وليها..
وابو الحسنين مجتوف بوصية


------------------------------------------------
ايتامك نظــــــل يا ابو المــــحنة
ولو عنة رحــــــت چا ياهو النة
تفاركني بعجل يا تالي اهلنة
لا ام اصبــــــــحت لا ابو الوياي
------------------------------------------------
اسمعني يبوية وديرلي العــين
اولادك اجوك الحسن وحــسين
كَظيتوا بساع ياهلنة الحنينين
من غرب ظعنكم ظلمة دنياي
------------------------------------------
شلون الدار ليها انفوت بعدك
مظلمة انشوفها من يوم فكَدك
يالعنها رحــــت لتــراب لحــــدك
لنوح وما ابطل نوحي وبچاي
------------------------------------------
ابن عمك ينوح بصوت عالي
رحت عنا وعلينا البيت خالي
يحزام الظهر يالاخــــو الغالي
حيدر عالمصاب اينوح وياي
------------------------------------------

أسالكم الدعاء رائد الاسدي

نعي بصوت. مسلم المطيري

كلمات الشاعر
رائد الأسدي

بصوت. مسلم المطيري

لسان حال الزهراء عليها السلام لاستشهاد ابيها

جيوش الهم على الدلال غارت
ومن عدها ا النوايب بعد غارت
يبويه من البواچي العين غارت
شماابچي تلوم الخلگ بيه
★★★★★
اشد ونه الك بويه لونها
اديه اچفوف هلدنيا لونها
علي صبت مصايبها لونها
تنصب علنهار يزول ضيه

الشاعر حسن لعيبي الحريشاوي

بصوت. مسلم المطيري

نعي  للسيده ام البنين ع

>>>>>>>>>>>>>>>>>>>>>>>>>
خذاني الليل وانه امعاتبه الاحباب
وتاني  ابيا  جرح  بس دگة  الباب

آلي اعزاز   عندي  وراحو  الأعزاز
تلوج   الروح   ما  ترهم  بالغياب

ذبحوني الاحبهم بالهجر  ياحيف
تظل اعيوني تذرف دمع  سچاب

يجيني الليل ابجروحي اشتكيله
***
اريد احسين  وانه الگلب ولهان
كتبت من الهجر  ابيات الأحزان

يريت حسين لو يرجع بالضعون
تضوي الدار كلها اگبالي الاحنان

ياوسفه  الدهر   خلاني  لچمات
وعيش انه الغرب بأهات الاوطان

انه   ام  البنين  اجروح  بجروح
يحسين  انذرتهم   فدوه  قربان

الگلب  مكسور  بأهاته  ودليله
*
نويت وكون اطب انه .....بلادين
اواسي زينب ابدمعي........بلادين
وصل  عباس لخيامه........بلادين

يوصل ماي لسكينه ورقيه

***
تمت بعون الله تعالى الشاعر_يوسف_الفتلاوي

بصوت. مسلم المطيري

نعي بحق النبي محمد صلى الله عليه واله وسلم عن الزهراء عليها السلام


علية البيت موحش يالعفتني
اجر حسرات والونة اتركتني
وحگك بالگلب بوية صبتني
رحت عني يبوية وما خذتني
==================
اچلب بالنعش بثنين ادية
عزيز وفرگتك تصعب علية
اضل ارجاك كل صبح ومسية
بگبر واحد يكون انطب سوية
===================
مدري شلون عمري ايصير بجفاك
وانة كلساع گلبي ايريد ملگاك
اخذني للگبر يا بوية وياك
عزيز وبالگلب يچويني فرگاك
=====================
ليل انهار انوح عليك وانحب
يبو القاسم ترة گلبي تصوب
يبو طول الحلو گلبي تعذب
احس موتي بعد شخصك تگرب
=====================
أسألكم الدعاء رائد الاسدي

بصوت. مسلم المطيري

شهيد الحب محمد

كلمات الشاعر
محمد الموالي

زينب:
قصيده للرسول صلى الله عليه وآله وسلم مواساة الى قلب البتول صلوات الله عليها


فاطمــــــــه يافاطـــــــمه يافاطمه
لحالتج تبجي الارض وي السمه
ـــــــــــــــــــــــــــــــــــــــــــــــــــــ

كون هاي الليله مايمشي الزمن
وكل مــــدارات الفلك يتوقفن
مصايب  ولوعات واهاتج بدن
تودعـــين النبي ودمعاتچ دمه
ـــــــــــــــــــــــــــــــــــــــــــــــــــــ

دمعتج صبـــــــــت وناتج علت
وروحج بروح الرسول تعلگت
لحالتج حتى السمه ليله بچت
الليله من دون ليالي مضـلمه
ـــــــــــــــــــــــــــــــــــــــــــــــــــــ

ويلي يام الحسن گلـــــــبج يون
تارس عيونچ يمولاتي الحزن
يعينج الله من يجي وگت الدفن
كسر گلبج يــــبس رياج الضمه
ـــــــــــــــــــــــــــــــــــــــــــــــــــــ

كسر گــــــــــــــــلبج بعد بيمن ينجبر
وعگب أبوج المصطفى شيحمل صبر
وصدرچ الطــــــــاهر خلافه ينعـصر
وتاكل النــيران باب العالـــــــــــــمه
ـــــــــــــــــــــــــــــــــــــــــــــــــــــ

يعينج الله عكب عينه بيا وضع
باب دارج عـــــــلى صدرج يندفع
ويلي والمسمار ينـــــــبت بالضلع
السطر خدچ ريـــــت بعيونه العمه

ـــــــــــــــــــــــــــــــــــــــــــــــــــــ
🖇تـمــت بتـــوفيــــق الله

🖊بـٲنامــل شاعرة ٲهـــل البيت عليهم السلام
زهـــراء الحــــربي

بصوت. مسلم المطيري

فاطمه يافاطمه يافاطمه


كلمات الشاعرة
زهراء الحربي

بصوت. مسلم المطيري

حسين ميريد المظاهر والشكل
يريد من يعمل لهالأمة بعقل
يريد منها الوعي وتثبيت العدل
يريد تتعاون بيوم اخطارها

حسين شاركها بألمها لأمته
داوه ذاك الألم من دم رگبته
شترى العز الها بأرواح اخوته
ولسعادتها بذل اعمارها

حسين لو چان ليزيد مبايعه
بقت هالأمة على ظهر الواسعة
يزيد حته الاسم راد يضيعه
وراد يمحي من الاوطان اثارها

عبدالحسين ابو شبع

اليوم حزنان الفلك وي الزجيه
والظهر مكسور من حامي الحميه
&&&
اليوم ابو الحسنين محني هالظهر
والكلب مفجوع بس حيل انعصر
يصيح يازهراء من عندي انكسر
العمود الطاح خيمه اعل البريه 
&&&
العمود الطاح خيمة اعل البشر
الرسول الجان بيه عبره وعبر
نزلت ادموع الفحل مزنت مطر
اهتزت اركان ارض هاي المسيه
&&&
اهتزت اركان الارض من هالمصاب
البجه املاك السمه وكل الشباب
راح شافع امته بيوم الحساب
والشهاد بااسمه معقود اليه
&&&
الشهاده بيه من نشهد نكوم
بعد رب العزه الحي القيوم
الصلاة اعليه واجب من تصوم
لو اذكرته تصلي انت اعل البقيه
&&&
لوذكرته تصلي انته بكل مكان
تصيح بااعلى الصوت حي عالاذان
يارسول الله يالبيك الامان
يارسول الله الك تاتي المنيه
&&&
يارسول الله اشكثر جارو عليك
ومنهم الاهوال كثره من تجيك
اليوم يم الفحل احنه نعتنيك
نقيم مأتمنه الك وي العزيه
&&&
خادم اهل البيت
الحاج ابو علي السعيدي

بصوت. مسلم المطيري

اليوم حزنان الفلك وي الزچيه

كلمات الشاعر
الحاج ابو علي السعيدي