كتابه القصيده

شيردج بعد ياذيج الأيام.

وياهم يوسفه الوكت مادام

عيني شلون تغفه وما اشوفنهم

غالين على كلبي وما اعوفنهم

متروسین غیره شلون اوصفهم

وياهم ياحسافه الوكت مادام

شیریدها بعد ياذيج الايام .

هواي همومي الدلال ياذنه

اريد ابجي وأون ولايكه الونه

على احباب الكلب نص حيلي اهدنه

وصوبني الزمان اسهام واسهام .

شيردج بعد ياذيج الأيام..

شلون تعوف عمتك من يجي الليل

وتدريها غريبه ايا العليل

وانه وداعتك مانام باليل

وياهم حسافه الوكت مادام

شيردج بعد ياذيج الأيام

بصوت. مسلم المطيري

شيردچ بعد ياذيچ الايام

* كالولي هم تهوى وتحب
هم تعشگ بأحساس

كلتلهم اللي مايحب
اعمه الگلب ياناس


بصوت /
الملا مسلم المطيري


كلمات الشاعر/
كريم الحاج فليح

الشاعر حسن لعيبي الحريشاوي


عايف الزهره      بلوعه وبحسره    
بعد انوارك     موحشه دارك
          يا ابو الزهره


ياضوه الدنيا وگمرها والجمال البيها
امغرگ الوادم بخيرك وانته المساويها
تايهه الناس بضياع بنورك ادليها
عترتك مظلومه ترضه سيدي مخليها
الزهره مظلومه      بقت مهظومه   
بعد انوارك    موحشه دارك       
            يا ابو الزهره
 
شگد شفت منهم ماسي اليدعون اصحابك
سارعوا لموا حطبهم    يوم حرگوا بابك
لايهم تسخط عليهم  لوتزيد اعتابك
ياهو اشد منك بليه     يلغميج اصوابك
يانبي  قبلك        مبتلي مثلك       
بعد انوارك     موحشه دارك
          يا ابو الزهره
* 
يانبي مظلوم دومك وين واحد مثلك
يانبي شايف الشفته. ماكوا واحد قبلك
بالغدر ماقابلتهم    ياما نكروا فضلك
مغرگ الوادم جميلك  محتمين بعدلك
يلي من يومك      مبتلي دومك     
بعد انوارك     موحشه دارك     
         يا ابو الزهره


الشاعر حسن لعيبي الحريشاوي

بصوت. مسلم المطيري

عايف الزهره. بلوعه وبحسره

كلمات الشاعر
حسن لعيبي الحريشاوي

خل احضنك. وانثر ادموعي عليك

كلمات الشاعر
ابو احمد الطائي

بصوت. (؛ مسلم المطيري)

قصيدة.  وداع الامام علي ع لرسول الله ص واله


خل احضنك.    ونثر ادموعي عليك
خل احضنك.  . بلكي روحي ادير بيك
يتمتني الله يشهد. .        انه حيدر يامحمد
            يامحمد  يامحمد


علي بعدك تهدم حيله وتيتم
ومن كل صوب احس بروحي تتألم
الكلب طافح واحسنه اختنگ بالدم
ولو تعمه عليك اعيوني مااندم

خويه اموتاً    لونعى ناعي ونعاك
خويه اموتاً    وشلي بالدنيه بجفاك
.راسي يم راسك توسد .  انه حيدر يامحمد
               يامحمد  يامحمد

احس حيطان بيتي تنوح وي نوحي
واحس جن وانس تنعى اعلى مذبوحي
شجاه الموت گبلك مااخذ روحي
وبعدك مــــاكو طيبه اطيب اجروحي

وين موتي    خل يجي اوياك ارد اروح
وين موتي.   بعـــدك ابقى بلايه روح
.لاتضن من بعدك أسعد .  انه حيدر يامحمد
               يامحمد  يامحمد

ألي وياك عشرة وصعبه انســـاهه
ومثل خــوتنه وين وعدماً الگاهه
يوسف عنده كثره وضاع طرواهه
واحنه اثنين بس الدنيه شلناهه

احزام ظهري.   وانه جنت احزام ظهرك
احزام ظهري.   شلون تتركني واعذرك
مالي غيرك خويه احد.   انه حيدر يامحمد
               يامحمد  يامحمد


اليضل اوحيد تدري اعدائه يولونه
وانه اخوك وعفتني وي اليگرهونه
السمت طه حيدر مايرحمونه
ومحمد خويه داري بنار مرهونه

ولو عفتني.    كلبي لاظن يستراح
ولوعفتني    من جراح امشي الجراح
والظلام بعيني  يحتد     انه حيدر يامحمد
               يامحمد  يامحمد

اخذني اوياك دهري عليه متحزم
وريحة نـــايبات ابيتي كمت اشتم
ماريداً اشوفاً ضلع المهشم
وصعبه فاطمه بغير اسمي اتحشم

اتصيح فضه.    واني مجتوف الدين
اتصيح فضه. . وماتصدلي الزهره عين
والجفوف اعليهه تمتد    انه حيدر يامحمد
               يامحمد  يامحمد


خادم الزهراء ع ابو احمد الطائي

اليوم ياشيعه رحيل المصطفى
نادت الزهره على الدنيا العفا

كلمات الشاعر
حسن لعيبي الحريشاوي

بصوت.( مسلم المطيري)

ماضل اهنا يادنيه ماضل اهنا
ارد امشي وياه خليني ارد امشي وياه

كلمات الشاعر /ابو احمد الطائي

بصوت. ( مسلم المطيري)

مسلم المطيري

مسلم المطيري


مسلم المطيري

يا ضواها الدنيه ضلمه بلا ضوه
يا نفسها الزهره مختنكه بهوه
:::::-----:::::
يارسول الله الصحابه ماحصل منهم نفع
خانو الصحبه الجليله اتفقو بكسر الضلع
الما رعو بيت الرساله كون نافيهم شلع
كون من عينك تذبهم مثل ماتبجي الدمع
صدك لو كالو عصابه قاتله
من تفكرها جبيره المسأله
بغضه كلبك يارسول الله نجوه
:::::-----:::::
يا رسول الله بغيابك فاطمه ضلت توون
على فكدك يبو القاسم ماطبك الها جفن
ذبل من بعدك عمرها ماتت بليل الحزن
جان خيمه يضلل الها العافها بهم الزمن
انته بيدك رسم خطيت السلام
ما نسيتك الله شاهد مو كلام
ياطبيب الجرح يا احسن دوه
:::::-----:::::
يا علم دين الله يا راعي الرساله الطاهره
الله خصك بالرساله ودين طييب مضهره
بغيبتك خليني اخبرك بالطفوف الي جره
من غبت سيد الرساله حسين كطعو منحره
ليش نكروها الوصيه وخالفوك
فدك رادوها بغيابك مارعوك
دفع باب وكطعت للخنصر سوه
:::::-----::::::
بحزن املاك اعله فكدك وفاطمه ماتت الم
بجت بس فضه عليها حيدره حيله انهدم
تبجي لمصابك يبوها و ذبلت بكثر الندم
ضاكت الدنيا عليها وتحلم بشوفك حلم
تنوح لمصابك البضعه طاهره
الحال يا حاله علينا حيدره
بالمصايب كلب حيدرنه ارتوه
:::::-----::::::
الليل لوجاها بهمومه الزهره ماتطبك جفن
انطوه ياضهر الزجيه و عمت عين ام الحسن
ناحت اعليك وجفنها ماغمض ساعه وسكن
تبجي والزهره ضلعها انكسر يم باب الفتن
ياذخرها يبو القاسم فكدتك
انته ضلها وللشدايد رادتك
كلب بتك بس مصايب بي حوه
:::::-----:::::

حسن صالح العيساوي

بصوت. مسلم المطيري

ياضواها الدنيا ضلمه بلا صوه

كلمات الشاعر
حسن صالح العيساوي

نزله... للرسول محمد صلى الله عليه وآله

بويه بغيابك. ما عودتني
ابچي لمصابك يالدللتني
...................

بويه البنية سندها الوالـد اليرعاها
بالدلال تعيش بويه من يعيش وياها
تموت لو فارگها ساعه من حزن بلواها
شلون لو چان الأبو. يالغالي شخصك طه

اتمنّه موتي. من فارگتني
ابچي لمصابك يالدللتني
...................

چنت اشوف الدنيه حلوه. منّ شوفك يمي
بوجهك اليسطع جماله. ينجلي كل همي
كون اموت وياك بويه هذا اصبح حلمي
ولا اظل بجروح گلبي وبشماتة خصمي

آلامي زادت. من ودعتني
ابچي لمصابك يالدللتني
...................

ماكو مثلك بالخليقه شايل انسانيّه
تمطر عله الناس رحمه والدي وحنيّه
انت بس انت يبويه. تدري بيه شبيّه
يالچنت تنشد عليه وماتمل يوميّه

مفجوعه بعدك. ريتك شفتني
ابچي لمصابك. يالدللتني
...................

ياحبيب الله مُحمّد جرحك يأذّيني
فاطمه الزهراء اني. انحب مخلّيني
بويه تدري بالمصايب لو غبت تلفيني
تهجم عليه الصحابه بعدك تعاديني

مهضومه وبچي. المن عفتني
ابچي لمصابك يالدللتني
...................

نكرو الكرار بويه يالرسول اصحابك
بس علي ويّاك باقي. منشغل بمصابك
غسّلك بيده يبويه وچفّنك بثيابك
بالگبر واراك بويه ظل يشم اترابك

يالهادي ويّاك. ريتك خذتني
ابچي لمصابك يالدللتني

سيد زيد الفحام
___

بصوت. مسلم المطيري

بويه بغيابك. ماعودتني

كلمات الشاعر
سيد زيد الفحام

بعد هجوم العسكر على المخيم.. توجهت زينب عليها السلام الى التل لتنادي اخاها…
///////

يا ما صحت يا ما صحت . عالتل وانادي المظلوم يا ما صحت
يا ما صحت يا ما صحت . هجموا على خيامي الگوم يا ما صحت
///////
من ساعة اغياب الولي .. تأذينة
شفنه العذاب بلحظة السد عينه
احتارينا والدنيا دارت بينه
ما عدنا والي والعده تولينا
من بعد عباس الگمر والينا
بيده الشمر ياخذنا ويودينه
وتوجهت وتوجهت .. للتل واصيحن يحسين ، وتوجهت
تهت وحرت ، تهت وحرت .. انطي الوجه خويه لوين.. تهت وحرت
///////////////

وينك يبو اليمة صحت سلبونا
وبكل عذاب الما سده عَذْبونا
وادم بلا ذمة وشرف حاطونا
واحنه بلا حامي وحرم يدرونا
يا خوية الحگ هالكفر شتمونا
وبلا رحم من كل كتر ضربونا
عفت الخيم عفت الخيم .. حرگوها يا خويه بنار.. عفت الخيم
شفت الحرم شفت الحرم.. هجت واطفال زغار .. شفت الحرم
/////////////////

ردت اوصل لجسمك لچن بعدوني
سبوني وبسوط الظلم ضربوني
من ناشدت ليش وشنو تطلبوني
بغضاً يگلولي بعلي وشتموني
ومن البچي ومن النحب منعوني
مثل امي واكثر هم بعد ظلموني
حيدر علي .. حيدر علي، يطلبونا يا خوية بثار حيدر علي
ياهو الالي ياهو الالي.. مني الگلب ظل محتار ، ياهو الالي
////////////////
درت الوجه لارض الغري وناديته
وبگلب موجر للأبو حاچيته
ابنك يبويه الكافل الوصيته
عالمشرعة مگطع وصل تاليته
وحسينك المثلك الي حسيته
مثل الكبش بوية انذبح خليته
وين اتجه وين اتجه.. بويه علي بهذا الحال وين اتجه
وانطي الوجه وانطي الوجه.. وانه بوسط جيش ارجال وانطي الوجه
//////////////////////

التل تركته ونزلت من صوبه
آنه الأميرة واصبحت مسلوبة
دنيايه صارت بالعكس مگلوية
چنت اطلب وهسه اصبحت مطلوبة
حرت احرس اخيام وحرم منهوبة
لو اجمع ايتام اركضت مرعوبة
مثل الرحى ،مثل الرحى ، دارت علينا الايام مثل الرحى
هذا الضحى ، هذا الضحى.. حسيته چن مية عام هذا الضحى

الشاعر الاستاذ ميثم الزاهد
///////////////////////

بصوت. مسلم المطيري

ياما صحت. ياما صحت
عالتل وانادي المظلوم ياما صحت

كلمات الشاعر
ميثم الزاهد

بصوت. مسلم المطيري

ابوذيه
لاستشهاد النبي



الدهر چم هم عليّه اليوم يابه
ظلمني وصحت من الضيم يابه
وحيده وصعبه عنّي تروح يابه
واعرفك تعرف اليجره عليّه
…… .

مَنْ ايضيف من ضيمه على من
دهري ومن عله يعرف على من
صحت من شم تراب احمد على من
يشم طول الزمن مثل الزچيه
… .

الشاعر محمد حسن ضيغم

من قال هجر   واللهِ كفر 
..
بعده اخضر اتراب النبي
واتأزم  اخلافه الوضع 
بس غمض عيونه ومشه 
بانت معادنها الربع 
هلّو تره بكرسي الحكم 
ماهلو اعليه الدمع 
الشاهد تره بكلمة " وإن "
والشاهد  بكسر الضلع

للضلعِ كَسَر    والله كفر
....
الصاحب الكلبه وصخ
مايطهر ابأكبر بحر 
والي اجاك ابمصلحه 
مايلزم اخلافك ظهر 
اشلون اذا حاقد اجه 
شيسوي لو فرصه اتحظر
منهو الجمع بيده الحطب
ومنهو الي عن حكه صبر 

من كان اشر   والله كفر 
....
تكول الكُتب مابينو 
اصحاب النبي بجنازته 
ذِكرت علي وبس جم شخص
النزلوه بحفرته 
هل بالسيقفه اتجمعو 
مأتم قروه لمصيبته !
ام الخلافه إلي اهم 
عدهم اهم من دفنته 

من مِنهم آصر   والله كفر
.....
خلونه نتكاشف حجي
والي ذكرناه ابسند
والمارضه والماقنع 
يوم الحشر عدنه وعد 
باجر نباوع للنبي 
ومنهو على ايمينه كعد 
وباجر يبان البي دغش 
والي كضه عمره حسد 

لامنها مفر    والله كفر
....
يل حاير ابهل مسأله   
مو عاطفه واتبع عقل 
تريد اتعرف منهو الاصح  
دور صحيحينك عدل
تلكه الاحاديث وبعد 
تلكه الحجي الماينعقل 
ادري صعب تقنع لجن
انت اسأل وكتبك تحل 

نادته سقر    والله كفر
....
يامن خنت دين النبي 
يوم الحشر اين المفر
ماينطقُ عن الهوى 
كال الله وتكله هجر 
اترد على الله احجايته 
والرد على ربه كفر
احمد وصل للمنتهى 
وانت الي توصل يم سقر 

من فيه غدر    والله كفر
.....
يامن صحت يهذي النبي 
بدين النبي يعني اكفرت 
والكل ضمير اترِك حُكم
ها يالصحابي اشبينت 
مصلحجي جنت ابصحبتك  
بكرسي الخلافه استطمعت 
شقيت الاسلام بعصى 
مو موسى وبهاي افلحت 

والخافي أَمَر   والله كفر 
...زهير الابراهيمي

بصوت. مسلم المطيري

من قال هجر. والله كفر

كلمات الشاعر
زهير الأبراهيمي

لاستشهاد النبي محمد صلى الله عليه واله وسلم (وزن الهجري)

يبو الزهره يلرحت  
گلوب طاحت من طحت
ويه املاك السمه    عليك تنحب فاطمه
★★★★★
شغيَّب انوارك علينه        
موالك هذا الغياب
ياجمال الدنيا  نورك  
كل طعم من عدها ذاب
يارسول الله وحبيبه    
گلوبنه   اهموم وعتاب
يلي اديت الرساله      
وفسرّت معنى الكتاب

چانت الدنيا هوان     صارت بنورك امان
بعد نورك مظلمه     عليك تنحب فاطمه
★★★★★
يلي صحيّت البريه 
من جهلها والمنام
كل هوان ارفعت عنهم 
وادفعت سيل الظلام
شلت روح البغض
منهم  علمتهم علسلام
علمتهم علكرامه   
وعلحلال وعلحرام

وسفه انوارك تغيب   ودارك احزان ونحيب
ويه حمّاي الحمة      عليك تنحب فاطمه
★★★★★
ياحزنها الزهره بعدك   
مايمر بيها السرور
والكتب تنعاك  صارت 
والصحف وي الزبور
كتب من اجلك رسمها  
وابسمه حبك تدور
بلايه نورك يبو  الزهره 
مايشع بالدنيا  نور

فاطمه ظلت وراك     شلون تتحمل جفاك
من الجره متالمه     عليك تنحب فاطمه
★★★★★
يارحيلك كل مصيبه  
اگبالها حتما  تهون
تزلزل الكون برحيلك 
ونتفض حته السكون
اهتزت اجبال الخليقه    
ومابقه للدنيا لون
رحل شخصك يامحبه 
وگلب علوادم حنون

راح فيض العاطفه    من رحت يلمصطفى
دموعها تنزل دمه      عليك تنحب فاطمه
★★★★★
يلي ودّعت التحبهم    
جرح بيهم مايطيب
بعدك الزهره حزينه 
المرتضى عايش غريب
الحسن تچوي دمعته
حسين ظل گلبه ابنحيب
المصايب بعد عينك   
جاورتهم  ماتغيب

رحت عنهم ياكفيل   تكتل ايام الرحيل
احوالها متازمه     عليك تنحب فاطمه

الشاعر حسن لعيبي الحريشاوي


ــــــــــــــــــــــــــــــــــــ