اليوم اجينه أمن الشام
لكبور اهلنه
وين اخونه العباس
خل يفزعلنه
....
اليوم من درب اليسر ردينه
يم مكابرهم سوه التمينه
صحنه وين الكطعو جفينه
للوطن عباس يرجع بينه

من ابونه الكرار
هوه الكفلنه
وين اخونه العباس
خل يفزعلنه
....
لويكول السهم طفه اعيوني
آنه زينب ورمولي امتوني
لويكول ابهامتي طبروني
آنه اكلله بحبل جروني

أمن السفر تعبانين
يهل المحنه
وين اخونه العباس
خل يفزعلنه
...
عادة اليرجع يلاكي اخوانه
واحنه شو ماواحد اتلكانه
مامش امعزب فرش ديوانه
وين ابوالغيره اليكف اردانه
نكعد اعله التربان
لو يفرشلنه
وين اخونه العباس
خل يفزعلنه
....
خل يكوم وكبره يفتح بابه
لو اغرك بالدموع اترابه
ليش ماحاسب اخوي احسابه
حتى ماباني خيم لحبابه

بالخيم لسه النار
توجع كلبنه
وين اخونه العباس
خل يفزعلنه
....
انه اخته وهوه اخوي الغالي
وارد اسولفله اعله شلت حالي
هند مهيوبه بقصرهه العالي
وآنه كل السوك شاف اخيالي

دنيه من غير اخوان
مابيهه معنه
وين اخونه العباس
خل يفزعلنه
...
اليوم اسوي اعله الفرات اقرايه
وانه اصيرن عالكمر ملايه
الشام خنكتني واريد الرايه
اشم بيهه ذكريات اهوايه

رايتك يالكفال
جانت تلمنه
وين اخونه العباس
خل يفزعلنه
.....
اللهم عجل لوليك الفرج
محمد الجماسي

بصوت. مسلم المطيري

اليوم اجينه من الشام
لگبور اهلنه

كلمات الشاعر
محمد الجماسي

«ضيوف كربلاء»
«مجرشه»
~~~~
یحسین انهض حــــي اضیـــوفك
متعنيــــــه امن الشـّـــا م اتشوفك
وي حسرتها   اتهل دمعتـــــها

▪︎▪︎▪︎
يبن المضـــــايف والكرم    گوم انهض الخطّـارك
حيّيـــــــها جتّك من بعد    واستقبــــل   الزوّارك
تعبانــــه من طول الدرب    ترتاح اجتــي ابدارك
اطفال واتعبـــــــها اليسر    نشرت الك افكــــارك

خطـــّارك گـــــوم اتلگّاها
وشوف اشجابتلك ويّاها
اعتاب العدها     اتهل دمعتـــــها


اضيوفك يبواليمــّـه اجت   طـف كربلـــــــه بالآلام
من شهرعا شــــــوروصفر   راوتـها ضيم الايــّـــــام
شافت غصص ماتنوصف   عاشت محن مــــاتنظام
راحت ابلوعتـــــها اولفت   زينب اوياها الأيتــــــام

راحت من عندك بــالحســـــره
ورد تـلك يحسيـن  ابعبـــــــره
من لـوعتها   اتهل دمعتـــــها


ابيا حاله خطـّـــــارك لفت   سولفلـــــي انته الحاله
عالراس تلطــــــم والصدر   اودمــــــع النظر همّالـه
هالركب طبّ الكربلـــــــــه   البيـهادفن آمالـــــــــــه
السجّــاد يحدي ابها لضعن   يسعــــر جمردلّالـــــــه

هالنــّـــــــارامصـــــــابك وجرها
اوبگلـــوب اعيــــــالك سجــرها
کل عصبتها   اتهل دمعتها


ناشد اضیــــوفك ياسبب   يمّك تجرحســــــــرتـها
ابهاليل گصدت کربلــــــه   شمضیَّعـــــــــه ابتربتها
هالسفربالشـــــــــام انتهه   ماعادت الدیرتــــــــــها
عالگبرطاحت بت علـــــي   والتربتك شمّتــــــــــها

المتکلفه ابهالعیلــــــــــــــه انشدها
ردّت با لطف گلـّــــــــــــي اشعدها
اتزوراخوتها   اتهل دمعتــــــها


ضجّت اعیالك بالبچــــــي   الدارك لمن طبّتـــــــها
واصياح لعنان السمــــــــه   وتلطــــــم عله هامتها
كل واحداتعنــّــــــــه الگبر   یسچب علیه د معتـها
ليله للأكبر گصدتـــــــــــــه   لاذت ربـاب ابســـدها

وزینب یم گبرك من طـــــــاحت
والحـــــــالتها اعيـــــالك  ناحت
من شافتها   اتهل دمعتــــــها


اعيالك تطوف ابکربلــــه    کل ساعه توگف بمچان
تتذکـّــــــــر ابهاي الأرض   بالخیــــــــم شبّت نیران
ابهالارض یحسین انولت   وغارت علیــــها العدوان
واتذكّـــــــرت من عافتك   عاري الجســـم عالتربان

واعیـــــالك گــــامت تتصــــــوّر
بــالطــــــف نهب وسلب الخــدّر
من حرگتها   اتهل دمعتــــــها


وذکرت اشدکل نایبــــه    واعلیها للیوم اتنــــــــوح
ابهالأرض جسمك عافته   مسلوب بالحـــــرمطروح
وسهم المثلّث ذكرتــــــه   ابجسمك اشدكلّ اجـروح
هالسهم من ظهرك طلــع   للحــــــــــرم فتِّلها الروح

مشدوده مرعــوبــــه اعيــالك
من داسوبا لخيل اوصــــــالك
من ذكرتها   اتهل معتها


من يــــــــوم عـاشرعيلتك   هالحرگـــــه ظلّت بیها
جمرة مصــــــــابك بالچبد   تسعـــــــــــر شیطفّـیها
وآذتها ايــّــــــــــــام اليسر   هالحـــــــــــرم ياواليها
ردّت تــــــــــــزور التربتك   بالمدمــــــــــــع اتروّيها

بس جابر بيك ايعـزّيــــــــــها
اتلاگو بالدمعه ایواسیــــــــها
اعیون العدها   اتهل دمعتــــها

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

بصوت. مسلم المطيري

يحسين انهض حيي اضيوفك

كلمات الشاعر
فالح العامري

زيارة المحبوب
تجليبه
~~~~
گصت الكعبتك والشوگ يحدینـــــــي
واخلــــــــي اتراب زوارك كحل عيني
🔳🔳🔳
گلبي من گبل جسمـــــــي وصل يمك
على طـــــــــول الدرب ايردد اباسمك
على اعتابك لگیتـــــــه ساجد ايشمك
يصيح احسين هذا زهرة اسنينـــــــي


انا اوياه دخلنـــــــــــه زحف للحضره
انه اجذب ونينــــــي اوهوه بالحسره
وبدينــــــــــه للعتب اونسچب العبره
ويگله يادليلي بالله تانينــــــــــــــــي


يگلي اشلون اتاني وبيــــه تسري النار
اريد ادخل واطوفن كعبــــــــة الأحرار
اريد اليوم يكتبــنـــــــــــــي مع الزوار
خلیني اطب ابشوگي خلينــــــــــــــي


دخل گبلي واحمل وياها چمه اهموم
يعتني الشـوگ الك يحسين يامظلوم
يمن فرگاك حرمنـــــــــــي لذيذ النوم
وياه البعد ناره تچوينـــــــــــــــــــــي


وصلنــــــــه اشلون حاله يم ابو اليمه
واحدنه يصيـــــــح وينتحب يمــــــه
من عنده طلبنــــــــــــه يقبل الخدمه
لين هاي الخدامه هيـــــــــــه تنجیني


هل خدمه الشريفـــــــــه هيه تنجينه
اوماهمنــــــه الحچت والشككت بينه
نظل نخدم ابو السجاد والينــــــــــــه
لين حبه اوخدمته من اصل دينــــــي
🔳🔳🔳🔳🔳🔳🔳🔳
تمت
*✍️الشاعر فالح العامري*

بصوت. مسلم المطيري

كصت الكعبتك والشوك يحديني

كلمات الشاعر
فالح العامري

بصوت. مسلم المطيري

مقطوعه شعريه موشح
~~~
منهو يمشــــــي اوياي يالله الكربله

خلــــــــــــــي نتلگه السبايه العايله

راح ترجع بت علــــــــــي عقد الوله

هاي جانت ويـــــــــه اخوهه امدلله

الطفـــــــــــــه ردت والمدامع هامله

اه من الشـــــــــام ردت ناحلـــــــــه

اجت للعباس اخيـــــــــــه تسالــــه

اتگله تدري حده بينــــــــــه حرمله

جيت الك شكبان هــم امحملـــــــه

اوظيمـــــــــي ياعباس محد شايله

العمــــــر بعدك يخويـــــــــه ماحله

رحت لأرض الشام ايديه امكبلـــــه

وال اميه خويه قدري تجهلــــــــــه

*✍️الشاعر فالح العامري..

من الارشيف قصيدة ،( محرم واربعينه)

محرم  واربعينه  شيحمل  افراگه      
وانه لعطر المواكب روحي مشتاگه
احننْ للمجــالس            بِيّهَ أجنون عابس
وانه لعطر المواكب روحي مشتاگه

****

مجنـــون أبمحــــرم انـــه وأيامـــه
للـــرادود  والله  وبچـــي اللطامـــه
احنْ للزايـــر اليمشي علـى اجدامه
احنْ لكلشي بيه وشـــوفت إعـلامه

يذكرنــي العلـم بالكافــــل وجــوده
ظل مـرفوع والله ابطيحت ازنوده
حيّــرهـــا المــدارس     بِيّهَ أجنون عابس

****
على المشتاگ عــام أيطول اهوايه
تحنْ يوميــه روحي أتـريد القرايـه
عطشان ومحـــرم يا عـــذب مايــه
ويريت انـه من أنـام أتوسد الرايه

دللولي ابزغر ودمـــوعي سچابـه        
أمي اتلولي اه يحسين ومصابــه
بزغر وبگلبي واهس      بِيّهَ أجنون عابس

****
اذا افارگ محـــرم دمعتـــي أتلالــي
مثــل أم وتفـــارگ شوفـــت الغالي
أذا يخلص محــــرم حسبه تبــرالي
اسمـي أبدفتــر الخدمه يظل خــالي

أذا مــن دفتر الخدمــه يمسحوني
أسبلهن دموع أبحضرته أعيوني
وأظل أبابــه جالــس    بِيّهَ أجنون عابس

****

ذله الخدمه لـــو خــادم يخلـــوني
بس لحسين افخــر مـن يسمونـي
عبــد اقبـــل لبـواليمـه يلقبـــوني
وخــادم بالمواكـب فخر يـردوني

من اخدم بالمواكب يرتفـع راسي
والــدخان والله يعطــر أنفاســـي
وأحب سود الملابس     بِيّهَ أجنون عابس

****

تِمّر بيــه اربعينه وروحـي ملهوفـه
إذا مشـاي اجيت أبدمعـه مذروفـه
من اصدن للمناره وعيني أتشوفـه
تروح الروح مني وتگصد اتطوفـه

اظلن بــس جسد يتناگــل ابجدمـه
ورحــي امعلگــه ابشبــاچ ابواليمه
وأحسه أعليها حارس     بِيّهَ أجنون عابس

****

أبنفـس أوداع زينـب يــوم مسبيـه
أحـــس روحــي تَـَــودع الاربـعينيه
الهوى البيه المجالس ينعش الريـه
يربي اشلون لـو طـوّل سنـه أعليه

افارگها المجالس ربي مــا اگـــدر
أحس نيران گلبي أبكل وكت تسعر
أموت أبلا مجالس        بِيّهَ أجنون عابس

****
الشاعر
موسى البديري
▪︎▪︎▪︎

بصوت. مسلم المطيري

محرم واربعينه شيحمل افراگة

كلمات الشاعر
موسى البديري

بعد الأربعين

خلصت اربعين احسين يازينب
يمهظومه
ردي وحدج اوخلي الزلم نومه
ـــــــــــــــــــــــ❀••❀ــــــــــــــــــــــــ

عوفي احسين اخييج نايم بگبره
ردي للمدينه ابلوعه يالحره
مكسور الگلب والكسر شيجبره
تضلين العمر لحسين مالومه

✍🏻الشاعره ام زين العابدين لمحمداويه
ـــــــــــــــــــــــ❀••❀ــــــــــــــــــــــــ
ياويلي عليج بساعة الفركه
تعوفين اخوتج وماظن بعد ملكه
تردي للغرب والدار محتركه
ومن بعد اخوتج ضليتي محرومه

✍🏻الشاعره ام محمد الحسناوي
ـــــــــــــــــــــــ❀••❀ــــــــــــــــــــــــ
عفتي احسين اخيج خذتي ايتامه
وظلت بالبراري تلهب اخيامه
وماتنسين ابو السجاد وييامه
ونصيح اوياج اه يحسينه و يؤمه

✍🏻الشاعره ام رحمه
ـــــــــــــــــــــــ❀••❀ــــــــــــــــــــــــ
ردی الوحدچ يازينب ابلوعه
لاتنسين اخوج الدارسواضلوعه
واخذيها الحرم وياج مفجوعه
اجروح الحرم للفرگه ملچومه

الشاعره✍🏻 #زهراء_غالب_الثامری
ـــــــــــــــــــــــ❀••❀ــــــــــــــــــــــــ

لين العمرمحزونه بين الناس
بعد ماظن يرد حسينج وعباس
من عندج وسافه راحو الحراس
كفيلج بالتراب ضاعت ارسومه

✍🏻الشاعره ام البنين
ـــــــــــــــــــــــ❀••❀ــــــــــــــــــــــــ
ردت بت علي محنيه وحدها
بحسرات الگلب والونه تشهدها
عمايل كربله یا ناس. ذاذتها
بقت تلهب جرحها مصيبه الحومه

✍🏻الشاعره ام سجاد الشهيد
ـــــــــــــــــــــــ❀••❀ــــــــــــــــــــــــ

بصوت. مسلم المطيري

خلصت اربعين حسين يازينب يمهظومة

كلمات الشاعرة
ام زين العابدين لمحمداويه
الشاعرة ام محمد الحسناوي
الشاعرة ام رحمه
الشاعرة زهراء غالب الثامري
الشاعرة ام البنين
الشاعرة. ام سجاد الشهيد

يروحي النوح يحلالج
عله الي راح خلالج
جرح  ومصاب   فكد احباب
يروحي النوح يحلالج

انا اخت الحسين الطاح وعاشر جانت اطفوفه
اخوي الي نحره اهناك تلكه الجيش وسيوفه
شسولف عن ابو السجاد اوصف شلون معروفه
عزيز امي يماي العين بعدك امشي مجتوفه
يروحي الراح تدرينه
عزيز وحطني ابعينه
اون بعتاب  فكد احباب

وانه اخت الكمر عباس كفيلي الناس يدرونه
دگ صدره ومشيت اوياه ارد شلون من دونه
اشوف حسين بعيوني وكفيلي الكاه بعيونه
يخواني المنيه اصواب وانا اصوابي تعرفونه
ولد واخوان علغبره
وشماته اعيونهم جسره
غدرهم خاب  فكد احباب

انا اختك يبو السجاد تعال وشوف ضيم اجفاك
شفتك من طحت مصيوب  سهم البين احس صاباك
شفت الخيل داست حيف  ريت الموت خويه اوياك
ولا يكبر جرح روحي  ولا اشوف الجره من اعداك
يهون الموت ياخويه
ولا اسمع بجي ابنيه
يطيح احجاب  فكد احباب

عليه الدنيه من جارت مشتني ابدرب للشام
امشي وبس شماته اوياي ارامل تنحب وايتام
ويو كتي وشبعد عندك اليه وهم اليه اشضام
مشيت وي النحر مرفوع واليحدرن شبهه زلام
سمعت الصوت من نحره
يزينب صبرج اشكبره
يضل ينهاب  فكد احباب

لويتي ابصبرج الطاغي وصدح صوتج يكله اهناك
زغير اشما كبر شانك هضيمه المثلي تحجي اوياك
اشما تجمع علينه اجيوش مثل الموت نتلكاك
شحلات الموت لخواني وعار انت الحوت يمناك
تضن بالموت تمحينه
غشيم الموت يحيينه
اهل اسباب  فكد احباب

يروحي بيا صبر تمشين وحيل امنين للممشه
صفيتي ابلا اهل واخوان طير انتي احترك عشه
ابكل دگت گلب جم اخ ودمع بالعين كل رمشه ضلام ابوكتي لفراكه الحزن يلفيني من غبشه
اون بليلي ونهاري
ويضل دمع الحزن جاري
زماني اشجاب  فكداحباب
اسالكم الدعاء
حسين محمد الزهيري
وزن الطويل

بصوت. مسلم المطيري

يروحي النوح يحلالچ

كلمات الشاعر
حسين محمد الزهيري

(((ابو ذيات)))))))
فكدت الراي ياعباس والحيل
دبيج الخيل هز الكاع والحيل
بقيت ابلا خيم عباس والحل
لون اتكوم هسه انطيك اديه
...........
ثكيله اجروح البكلبي وخيمات
اليه اطفال محتركه وخي مات
فكدت اولادي يادنيه واخي مات
عليهم دمعي يجري بكل مسيه
..............
انوله العباس زينب وليت امه
نقص بمخيمج باقي وليتمه
الحسين اصيح ياظهري واليتامه واليتمه
تنادي يابوفاظل مامش اميه
..........
اصب الدمع كل مصباح..وليياي
جفو عني شجاهم ليش ..وليياي
بعد شتاامل من الراح والياي
وانه جرحي الجبير الغاظريه
.............
تفز اجروحي عالخوان والماي
ثوب الحزن صار اكدار والماي
كرهت المشرعه والشام والماي
منهد طيحت جفيلي اعله الثريه
.............
كبرت وكمت ازامط بيك يرباي
رحت للنهر شوفي عليك يرباي
الشمر وسفه بحبل عباس يرباي
وترس اذني يكلي ياسبيه
.............
علاء ا لزيدي

بصوت. مسلم المطيري

الشاعر علاء، الزيدي

من عكب هظم وسبي عدوانها  
رجعت الليلــة تــزور اخوانهــا

رجعت بيا حال من عكب اليسر
ياجرح تشكي وتسولف ياكسر
حال زينب عكب اهلها ما يسر
يعجز شيحجي شيكول ألسانها

غصبا اعليها الضعن للكوفه راح
روس اهلها امعلكَه بروس الرماح
و العدو جابابهم بســب وصيـاح
التفـــــزع الهم نايمه ابتربانهـــا

على كـبر احسيـن ذبـت روحها
بياجرح تبدي وجثيرة اجروحها
بكربــلا تـطـلـع تـمـنـت روحهـــا
شلهــــا بالدنيــــه عكَب وليانها

يم كَبـــر عباس راحت بالعتاب
نادته خلافك دليلي خويه شاب
اتهنه بالنومه خلص درب العذاب
روحتــك محــــد يسد امجانها

تصيح طر كَبرك يخويه وصد ألي
عالهزل ركبوني وانه بت علي
انته يالبيدك جبتني من هلي
لحالي ناحـت كربلا و وديانها

توجهت لكبور هاشــم  معوله
ياهلي رد ضعني ياهو استقبله
جيت هاليــوم و جبتها العايله
شلون هاشٕــم تنسبي نسوانها

تعاتب الحرمة اهلها عدها حكَ
جفني طول الدرب صاحت ماطبكَ
احنه اهل البيت صاحت ياخلكَ
احنه خيرة هاشم و عدنانها

للقصر من طبت ابمجلس رجال
حالها يبجي الحجر وشلون حال
راس اخوها شافته ومدمعها سال
شافته و زادت عليها احزانها

من خلص درب السبي الماله مثيل
خيروها اختارت بسرعه الرحيل
صوب كبر حسين وعضيده الكفيل
اتجـــدد بوادي الطفوف اشجانها
========================
حسن بشير السوداني

بصوت. مسلم المطيري

من عگب هظم وسبي عدوانها

كلمات الشاعر
حسن بشير السوداني

بصوت. مسلم المطيري

اجر الجرت عينه دمع

كلمات الشاعر
ابو ماجد الشغانبي