آني خادم للحسين 

شماتمر بيه السنين  آني خادم للحسين
شماتمر بيه السنين
★★★★★
إلي يناشدني على يانهج أسير
ومنهو سالب مهجتي بحبه أسير
وياهو شاغل فكري ساكن بلظمير
دوم تبقه امنياتي وكون أصير
آني خادم للحسين
شماتمر بيه السنين
★★★★★
جروح گلبي لاتهيد ولاتطيب
للغريب وللخضيب وللسليب
لجله دمعي والمواجع والنحيب
خلي يدري القاصي عني والقريب
آني خادم للحسين
شماتمر بيه السنين
★★★★★
يلفرض حبك يضل امرك مطاع
احفظت روحي من الضلاله والضياع
للهوان  وللفشل گلت الوداع
عن قناعه صرت أگولن واقتناع
آني خادم للحسين
شماتمر بيه السنين
★★★★★
عبر حبي العشگ كله والجنون
بدون ابوالسجاد يعني ما أكون
عشگه جنه صاحب الگلب الحنون
مهما حاربني الدهر بيه يخون
آني خادم للحسين
شماتمر بيه السنين
★★★★★
قدمالي الخير والقول الصريح
وقدمالي ألف خطوه للصحيح
التچوته الحگ للمنيه مايطيح
بين هاي الناس اتباهه واصيح
آني خادم للحسين
شماتمر بيه السنين
★★★★★
هذا نهجي ودوم عنه ما أحيد
لوأضل بين الخلگ امشي وحيد
انته نهجي للمنيه  ياشهيد
وبشعاري ارفع الصوت وأعيد
آني خادم للحسين
شماتمر بيه السنين

الشاعر حسن لعيبي الحريشاوي

بصوت. مسلم المطيري

شما تمر بيه السنين

كلمات الشاعر
حسن لعيبي الحريشاوي

بعد انتهاء زيارة الاربعين وعودة كل خدمة وزوار الحسين الى ديارهم كأني رأيت الحوراء زينب وهي تخاطبنا جميعا فتقول :
......................................................

ها رجعتو من الزياره ؟    
كلمن يروح اعله داره !!
انه بله ويـــــــن اروح ؟     
بيتي خالي بلايــا روح

     انه زيــنب  انه زيـــنب
____

طيحو كل المواكب والدرب وحشه انملى
وردو الخدام ردو كلمن يـــــــــروح لهله
چانت تواسيني دمعه وچلمـــة تفضل هلا
بالطريق وياي چانو والدمــــــوع مسبـله

   بالمجالس والعـزاء      
من وصلنا لكربـــلاء 
    وانا ويــــاهم انوح    
  بيتي خالي بلايا روح
    انه زينب : انه زينب







رجعو الزوار وانا ياهو اليــــــردني لهلي
راح اهز شباچ گبره بلكي يـــــگعد كافلي
گوم يلكلك محنه گوم وديـــــــــــني لعــلي
ارد اگله شلون زينب تبقى بويه بــلا ولي

مو وكت عينك تنام  
ولو مصيوبه بسهــام
خويه چتاله الجروح  
بيتي خالي بلايا روح
انه زينب : انه زينب









  شرد اجاوب علشماته السألو  يــــــعود الاخو ؟
والله وسفه وطلع صوته الچان لا گدهه وكفو
دنيا خلت بيتي خالي لا كفيــــــــــــــل ولا ابو
الفگدت الخوان بله هم تــــــــــــسولف علدفو

شرد اجاوب لو حچــيت     
يا علي وسفه بچيــت 
وين ابو الوجه الصبوح    
بيتي خالي بلايـا روح
انه زينب :: انه زينب









حظني خويه بلا رقيه وعيني والله بلا ضــــوى
حسين من بنتك جبتلك صوغة دموع وهـــــوى
خويه تعرف هالعبايه السوط من عـــدها ارتوى
اي نعم مالت رقيــــــــــــــه خلهه لجروحك دوه

   غطي نحرك بالعبـــات     
  بلكي ترجع للحيـــــاة
   بيهه عطر الما يـروح     
  بيتي خالي بلايا روح
   انه زينب :: انه زينب







گلبي ما ينطيني اودعك واذكــر وداع الحــــــرب
بالطفوف الموت يخنگ والنفس كــلش صــــــعب
چان حتى الماي خاين شال سيفه وي الغـــــــرب
لمة الخوان راحـت راح عبــــــــــــــاس العـــــذب

طاح گلبي ويــــــا اللوى   
متنه يــــــــلكافل سوى 
راح ابو الگلب السموح   
بيتي خالي بلايـا روح
   انه زينب :: انه زينب








ودعتكم وامشي وحدي وانا كــل خطوه الـــتفت
ما يتركوني النشامى وما يعوفون الاخــــــــــت
والمسافه تطول وابچي والله يـــــــــــلكافل متت
گبل ممسويهه خويه ليش مو بسمك صـــحت ؟

شنهي ميــــت يلكفيـــل    
  اقتنـــــع الا بدليــــــــل 
صعبه اعيش بلا طموح    
  بيتي خالي بلايا اروح
    انه  زينب :: انه زينب

كلمـــات خادم الحسين / رعـد الفريجي

بصوت. مسلم المطيري

ها رجعتوا من الزيارة

كلمات الشاعر
رعد الفريجي

تعبانه بويه اهوايه تعبانه
تدري انجويت اهنانه وهنانه
لتكلي بويه شلوني سووها زرگه امتوني
****
عالرمح راسك ودار العين اليه
جن تگلي شلونج ابنيتي رقيه
شرد اسولف وآنه محتركات اديه
من اليسر والضيم بويه شظال بيه

مجروحه من فرگاك مجروحه
ويابويه راسك عالي ما الوحه
غيمه الدمع بعيوني وسووها زرگه امتوني
**
اركض وبثيابي بويه مجلبه النار
حافيه وكل ساع اعثر والرمل حار
عليه كل الطك يبويه والشتم صار
زغيره وجروح البمتني كلهن اكبار

تدري شكثر بالصوط ضربوني
من صوطه بويه راحن امتوني
ابجي شكثر خلوني وسووها زرگه امتوني
*
ليش سلابي يبويه ما رعاني
حيل جر ترجيتي مني ودرفعاني
گمت اصيح ودمي ظل يجري من اذاني
گتله بت حسين انه وشتماني

وآنه صحت لو عندك بنيه
جا ما خذت من عندي ترجيه
لمن رحت هضموني وسووها زرگه امتوني
****
بويه اجانه الليل واحنه بلايه خيمه
بالحوافر بويه راحت جم يتيمه
والشمر يفتر عله زينب هضيمه
وتدري شوغات اليسر كلش اليمه

عماتي وينك گامن ايصيحن
وكلهن سوه لوجرهن ايطيحن
وانه شكثر جروني وسووها زرگه امتوني
*
اه يدرب الشام يالوعت عذابه
واحنه ماعدنه عشيره ولا كرابه
صعبه من خلونه يابويه بخرابه
بلا سگف ونام گمنه عله الترابه

آنه عله زينب دمعي يتجاره
ازرك متنها وبينه محتاره
الزينب تغير لوني وسووها زرگه متوني
***
بويه من النوم فزيت واريدك
وانه ما متعلمه انام اله عله ايدك
بشوك احضننك ردت وشتم وريدك
عالطشت خاف ابجي بويه وحرگه ازيدك

جابولي راسك بويه جابولي
هذا ابوج حسين كلولي
وعليه متت شافوني وسووها زرگه امتوني
***
تمت
ميثم العمري

بصوت. مسلم المطيري

تعبانه بويه اهوايه تعبانه

كلمات الشاعر
ميثم العمري

بصوت. مسلم المطيري

#نعي

خويه الدرب كلش طويل
يرادله مداره وچفيل
وانته ادره حمل اختك ثجيل
وكلساع من دونك يميل


كلساع اكشف الروس وانعه
وانلكب من النوح دمعه
ومن ونتي المدفون اسمعه
چن ونت المكسور ضلعه


من وصلتكم كلبي محروك
وذبيت روحي من على النوك
ولكيت باب الكبر مطبوك
ارد اشكي ليكم طبت السوك


تربع كعدت كبال الكبور
وانعيت مذبوحين النحور
جن عود يابس ضهري مكسور
فراك الخوان يحني الضهور


بترابكم ياخويه شميت
وعالكبر ماي عيون رشيت
كلبي انعصر حدما تبديت
ولمسامر الخوان حنيت

مصطفى حرب

#اللهم_عجل_لوليك_الفرج

أهـل المـواكب ــ كـلـها تـراقـب
  زوار لحسين زوار لحسين
تكوه النشـامه ــ درب السـلامه
مشايه لحسين مشايه لحسين
حياكم يازوار حياكم
ــــــــــــــــــــــــــــــــــ
طول الدرب نسمع هله
يـالـكـاصـدين الـكـربـله ــ حـياكـم
اهـل المـواكـب تنتـضر
خدمتكم أغلى من العمر ــ نفادكم
بيكم عـطر مـن الخيم
منكم كفو يهل الـشيم ــ محلاكم
شياب والـشاب عتنت
نسوان واطفال الاجت ــ شفناكم

آهــلا يـزايـر ــ لـحـد المـنـايـر
زوار لحسين زوار لحسين
اعـظم تجاره ــ شـفنه الزيارة
مشايه لحسين مشايه لحسين
حياكم يازوار حياكم
ــــــــــــــــــــــــــــــــــــ
هذا التعب هذا السهر 
يحـميكم بجـفه الكمر ــ ويحبكم
أبدفتر الخـدمه كتب
زواري لو ماي الذهب ــ سـجـلكم
بيكم عزم من حيدره
وفـايـه دنـيه وأخــره ــ حافظكم
فـدوه المـوال الـطاله
ومشايه كـلها الـعايله ــ ويرعاكم

شيخ العشيره ــ يراعه المسيره
زوار لحسين زوار لحسين
طلعت قوافل ــ وحارسها كافل
مشايه لحسين مشايه لحسين
حياكم يازوار حياكم
ــــــــــــــــــــــــــــــــــــ
كل عـام ويعود الركض
يحسين تمشي بالنبض ــ خدمتكم
شـايف مـلايين الـبشر
مـن البحر حـد الـنـحر ــ كصدتكم
ماشين وبحر وشـمس
نـذكـر يبو الـيمه امس ــ غـربتكم
شفنه الدرب كله خيم
ومـعـزب يـنـادي هـلـه ــ بجيتكم

متعنيه صوبين ــ كلهم سلاطين
زوار لحسين زوار لحسين
مـن كل الديان ــ عافوها الوطان
مشايه لحسين مشايه لحسين
حياكم يازوار حياكم
ــــــــــــــــــــــــــــــــــــ
صوت الخدم يامرحبه
كـلمـن محـضر مـوكـبه ــ متانيكم
يـالجـاي شايل رايـتك 
كـلها تصـيح بـخدمتك ــ نـرويكم
ارواحـنه فــدوه ونـذر
هاي الزيارة مـن العـمر ــ نخـليكم
عالروس لا مو عالأرض
واحسينه نوصله فرض ــ ينطيكم

ينطيكم الحيل ــ والدمعه التسيل
زوار لحسين زوار لحسين
يمه الـثجيلات ــ يصيرن خفيفات
مشايه لحسين مشايه لحسين
حياكم يازوار حياكم
ـــــــــــــــــــــــــــــــــــ
شفناه كرم كـله الدرب
والزاد حاضر والـشرب ــ مجـهزينه
بـس الـعـراق تـوفـرت
كـثرت بـعـد وتـوارثت ــ هل الزينه
صحنه هله بكل الدول
احنه نضل الـهايه أهل ــ وتـدريـنه
نرفع عـلم فوك النجم
نـوصل زلـم تتـبع زلـم ــ ونـاديـنه

حجة ويه عمره ــ اليوصل الكبره
زوار لحسين زوار لحسين
اســرع سـفـيـنه ــ بـدربه لـكـيـنه
مشايه لحسين مشايه لحسين
حياكم يازوار حياكم
ـــــــــــــــــــــــــــــــــــ
تمت بعون أسد الله الغالب
العبد الذليل علي الكعبي

بصوت. مسلم المطيري

اهلا المواكب. كلهه تراقب


كلمات الشاعر
علي الكعبي

#نعي #تراث

گولو لحادينا يمر بالغاضريّه     
انسلّم على الوالي وننصب له عزيّه
ــــــــــــــــــــــــــــــــــــــ
گولو الحادينا يمر بينا على حسين
نبغي نزور حسين وانشوفه اندفن وين
والله لروّي گبر اخويه ابدمعة العين     
وياليت فوگ الگبر تحضرني المنيّه
ــــــــــــــــــــــــــــــــــــــ
نادى العليل ومدمعه بالخد مذروف
اكسب اويانا اليوم يا نعمان معروف
مرّوا ابعمّاتي و خواتي برض لطفوف
گلّه  فلا اعصي لك أمر يبن الشّفيّه
ــــــــــــــــــــــــــــــــــــــ
عرّج على گبر الشّهيد و صار لنياح
والعابد السجّاد من فوگ الجمل طاح
وزينب تنادي آه ياعزٍ گضى وراح
خرّت على گبره و يتاماها سويّه
ــــــــــــــــــــــــــــــــــــــ
نوبٍ تگوم ونوب توگع والدّمع سيل
تجري على خدها و بس تصيح بالويل
أهوت على گبره و بگت لترابه اتهيل
وتگول  شوفوا باب گبر حسين ليّه
ــــــــــــــــــــــــــــــــــــــ
ظلّت تنادي يا يتامى و يا نساوين
هيلوا تراب الگبر بَدْخل بنظر حسين
وبَنْظر تجفّن لو بگى من غير تجفين
واسكن معه ولاريد هالدّنيا الدنيّه
ــــــــــــــــــــــــــــــــــــــ
واومت على خوها أبو فاضل تناديه
دگعد  يمن گطعوا على جوده أياديه
ماظن يخويه الشّام ترضى انشوف واديه
يَكرام ما تاخذكم الغيره عليّه
ــــــــــــــــــــــــــــــــــــــ
دگعد يراعي العلم راسي مْن الحزن شاب
مانا الوديعه من أبوكم داحي الباب
لو تشوف خوي شلون جسمي بعدكم ذاب
تدرون  انا مگدر على ركوب المطيّه

الشاعر المرحوم
  الملا عطية الجمري


#اللهم_عجل_لوليك_الفرج

بصوت. مسلم المطيري

#نعي #تراث

گولو لحادينا يمر بالغاضريّه     
انسلّم على الوالي وننصب له عزيّه

گولو الحادينا يمر بينا على حسين
نبغي نزور حسين وانشوفه اندفن وين
والله لروّي گبر اخويه ابدمعة العين     
وياليت فوگ الگبر تحضرني المنيّه
نادى العليل ومدمعه بالخد مذروف
اكسب اويانا اليوم يا نعمان معروف
مرّوا ابعمّاتي و خواتي برض لطفوف
گلّه  فلا اعصي لك أمر يبن الشّفيّه

عرّج على گبر الشّهيد و صار لنياح
والعابد السجّاد من فوگ الجمل طاح
وزينب تنادي آه ياعزٍ گضى وراح
خرّت على گبره و يتاماها سويّه

نوبٍ تگوم ونوب توگع والدّمع سيل
تجري على خدها و بس تصيح بالويل
أهوت على گبره و بگت لترابه اتهيل
وتگول  شوفوا باب گبر حسين ليّه

ظلّت تنادي يا يتامى و يا نساوين
هيلوا تراب الگبر بَدْخل بنظر حسين
وبَنْظر تجفّن لو بگى من غير تجفين
واسكن معه ولاريد هالدّنيا الدنيّه
ــــــــــــــــــــــــــــــــــــــ


الشاعر المرحوم
  الملا عطية الجمري

بصوت. مسلم المطيري

#نعي

لتكول خويه شبيج مابيج
ولتكلي  ياهوه المبجيج
الشام وادمهم يشتمون
محد يكلي الله يجويج

راوني  خويه  اشاكل والوان
يفرون بينه وحنه  نسوان
وكل ما نكول لحكنه يحسين
يگولون خليناه عريان

عطاب  كلبي نترس عطاب
لمن حدوني خويه الاجناب
كالولي مده الجرح ويطيب
وسوك جرحه اخضر وماطاب

مجبوره اسولفلك البيه
من ياوكت اختك سبيه
والله زمن من عكب عباس
كالو على زينب خطيه

قاسم الغزالي

#اللهم_عجل_لوليك_الفرج

لبيك ياحسين ع
ضايعات  ...   باتن بهيمه خواتك
تايهات  ...    ياهو اليلمهن بناتك

حسين حركوهن خيمنه
اخلافكم بالهيمه بتنه
من الركض خويه تعبنه

ضايعات.         ضايعات
.........

ياهو اليدور بناتك دنيا ليل
خويه من كد الركض مابيه حيل
لا خيم ظلت نطبهه ونستراح
وين ما دير الوجه تلحكني خيل

وين اروح ....    حيل ماظل بالعمر
كمت أنوح ...   اتذكرت ذاك الخدر

وينه كفال الضعينه
خلاف عينه اتشتمينه
الجابني وعافاني وينه

ضايعات.     ضايعات
..........

مو من النار العبايه اتشككت
خافت الأطفال بيهه وجلبت
خويه كل ساعه طفل يلبد وراي
واكو بيهه انسحكت وما لحگت

حالي صار ...  خلافكم يكسر الخاطر
والزغار ....  خلصت من الحوافر

دنيا ضلمه وكلهه خوف
عيني ما ظل بيهه شوف
ويني اوين الطفوف

ضايعات.    ضايعات
.......

السته والخمسين عام من الحنان
شلون تشرد حافيه ومامش أمان
ياهو يقنع شارده وما ادري وين
وانه عباس الفحل كفالي جان

يالحنين  ...   ليش زينب فاركتهه
من الونين ...  تنام وكفه الدللتهه

خويه تعبانه وغلاتك
يل جنت يمي شحلاتك
خذن كل حيلي خواتك

ضايعات ... ضايعات
..........

خويه  ماتكدر ترجعلي أمس
خويه هذا الليل بي ريحة شمس
شماله وكتي امقصره وياه بحجاب
شما اكولن نصف يرجع بالعكس

ماتجون  ...    صعبه لو طر الفجر
يعتنون  ...    بالهزل نمشي بيسر

باجر  بنوگ  الرزايه
نفوت من يمكم سبايه
خويه كل خمسه بعبايه

ضايعات.   ضايعات
.........

باجر الما شاف طولي يشوفه
الهزله تفتر بيه شام  و كوفة
الكوفه أهون خويه بس الشام ضيم
يصيح هاي أم الخدر مجتوفه

والعذاب   ....  الناكه عرجه وعثروهه
راسي شاب .. اختك بسوگ اشتموهه

باجر اختك محد أهله
يابو فاضل خويه حلهه
تگوم لو ترجع لاهلهه

ضايعات.  ضايعات
......
#الخادم موسى البطلي

بصوت. مسلم المطيري

ضايعات... باتن بهيمه خواتك

كلمات الشاعر
موسى البطلي

بصوت. مسلم المطيري

المشهد روحي حنت والگلب ينبض
المته اشتم هواها ابلا ذنب يعرض
ومثل ركضت نبي الملگه نبي اركض
وتتشرف حياتي بشوفت الضامن
.............................
لمته ادخل ضريحك يالرضا وانعه
وابجيلك بجي المافارگ الدمعه
مثل سعي الحجيج بمرقدك اسعه
مولاي الغربتك جم وجع دافن
.............................
وين الله واجيلك وادخل الحضره
وانعه اعله الغريب المنگطع نحره
هاي امنيتي ازورك حته لو مره
شوگي المشهد بفيض الدمع باين
..............................
هنياله  اليزورك  والله  هنياله
الطافك يالرضا هاي افضل اعماله
المضيف يضل يتيم ابفرغت ادلاله
وصحنك عامر ابزوارك اتعاين
.............................
يالضامن غزال اضمني ازورنك
تعرفني اختنك من ابتعد عنك
يانسمت هوه ورايد اشمنك
يتيم ومرقدك يابوالعطف حاضن

العبد ابوفايز الرافضي
الفاتحه على روح والدي

بصوت. مسلم المطيري


كل عام او سنه. بيوم الاربعين

كلمات الشاعر
ابراهيم الدريس

=====================
اليوم أهد . وأمرد مرد . جيمانها ... والكعبه أطب . وأكلب كلب . ميدانها
===========================================
اليوم أطب سوح الحرب ... وأنطـي درس فن الضرب
فن الحرب كلش صعــب ... يســتوعــبه المــيت كلب
سيفي جمر . يدمر دمر . فرسانها ... والكعبه أطب . وأكلب كلب . ميدانها
===========================================1
متمني لا عــده وعــدد ... أعــليها ما يلحــــك مـدد
تعرفني كل سوح الشدد ... عباس أبو الغيره الأسد
وين الزلم . ترجع حلم . لوطانها ... والكعبه أطب . وأكلب كلب . ميدانها
===========================================2
بالغيره أطـــب بيدي اللوه ... وبسيــفي أســـد عنها الهوه
وأرســم صبح مابي ضوه ... وامحي الحرب والطف سوه
اليوم أرج . كاعه وأوج . نيرانها ... والكعبه أطب . وأكلب كلب . ميدانها
===========================================3
أقسم وحك رب المله ... اليــوم أذا أهجم فله
تبقى حرب لا كربله ... شايل رمح جالزلزله
عباس أنه . وبالطف دنه . ميحانها ... والكعبه أطب . وأكلب كلب . ميدانها
===========================================4
اليوم أرد بيهم علي ... وآنه الولي وأبن الولي
خيبر أجت هاليم ألي ... لسر ضهر كل جاهلي
بوق الخط . دك وأنفجر بركانها ... والكعبه أطب . وأكلب كلب . ميدانها
===========================================5
ياهو الوكَف عالعلكَمي ... لدمه جبت سيفي الضمي
الموت أجه وي مقدمي ... وفنــــه يرجـع الهاشـمي
رايح أسل . سيفي وأخل . ميزانها ... والكعبه أطب . وأكلب كلب . ميدانها
========================

بصوت. مسلم المطيري

اليوم اهد. وامرد مرد. جيمانها

بصوت. مسلم المطيري

نعي بحق مولاي الإمام الرضا  (عليه السلام )

صارت الدنيا وياي مكلوب
وبوجهي كلهه مسدده البوب
حيل اختنك لو حل الغروب
غفل جفاني الجان مطلوب

برض الغرب حك دمعي اسيله
مو يم هله منهو اليشيله
السم مرد جبده ودليله
وشوفته صارت مستحيله

خلص حياته ألام وجروح
ومن جور أهل الظلم مذبوح
ماهدت ساعه امعذبه الروح
يستاهل الدمعات والنوح

نقيم العزه ونلطم وننعاك
ونصيح لوعه وحزن بجفاك
مصابك كلف وشلون ننساك
فدوه العمر لوجبنه طرواك

جروح البينه ماتنشل وشلهه
الدموع مصابك ابهظنه وشلهه
كلهه تحالفت ضدنه وشلهه
السبب حبكم يزود الهاشميه

كلبنه من الحزن والظيم ماهاد
وجف وكتك حقد من يعت ماهاد
الحك يالرضا ابجي عليك ماهاد
مصابك شيب الحك والثريه

الخادم عبدالمعين الشمري