بصوت. مسلم المطيري

خويه جيتك
تدري لو ماتدري بيه
خويه جيتك

كلمات الشاعر
سيد زيد الفحام

بصوت. مسلم المطيري

رجل سأل هل ياترى

كلمات الشاعر
علي هادي الخزعلي

انه زينب
والعمر خلصته نوح
ان زينب
بيه الاف الجروح
انه زينب ،،،،،،،،،،،انه زينب
*****
من الطفوله عاشرت روحي المصايب
من الطفوله اوفارگت اغلى الحبايب
من الطفوله وگلبي باالاهات ذايب
من الطفوله وشفت ياناس العجايب
عمري خلصته حزن
ليلي ونهاري. اون
انه زينب،، أنه زينب
*****
ماشفت راحه وحزينه طول عمري
موت احبابي الاودهم كسر ظهري
جبت عمري بالونين ودمعي يجري
اشكثر ألام احملت احا يصدري
اشما اصدن عالعليل
نار تسعر بالدليل
انه زينب،،،،،،،،،انه زينب
******
جبت عمري عايشه ابهم وقهر
شفت طبره وشفت مگطوع النحر
وبمصاب الحسن دلالي انفطر
ما رحم ياناس بخواني الدهر
روحي دوم امرمره
‏ ونار گلبي اموجره
انه زينب،،،،،،،،،،،انه زينب
******
كل مصيبه باقي ابگلبي اثرها
امن الالم انفاسي بالگوه أجرها
اونار گلبي دوم مايهفت جمرها
اتحيرت يمه ابيتاماي. اوأسرها
بس اذوب امن الهظم
ظليت بس جلد اوعضم
انه زينب،،،،،،،، انه زينب
***
راح عمري وحيلي برض الغاضريه
عفت اخوتي بلادفن فوگ الوطيه
ابكل وكت منصوبه بكليبي عزيه
با لخرابه ماتت بحسره رقيه
والمصايب داهمتني
بوسط كلبي صوبتني
انه زينب،،،،،،،، انه زينب
***
حيل ماظل بيه من كثر المحن
چن قصيدة حزن يقراها الزمن
دمع تجري اعيوني ياعالم عمن
تالي عمري لااخوان اولاوطن
نار گلبي موجره
عفت اخوتي اعله الثره
انه زينب،،،،،،،، انه زينب
****
اتحملي يمه مصايب دنيتچ
مثل حرگ الباب تحرك خيمتچ
اوراح بالطف تنذبح كل اخوتچ
اوتنمرد من المأسي مهجتچ
اوراح كلبچ ينشعب
ايطيح اخوچ أعله الترب
انه زينب،،،،،، أنه زينب
******
الدنيه مافديوم خلتني استريح
ماتو اهلي بين مسموم اوذبيح
كمت من الظيم من اوگف اطيح
شفت أخوي اعله النهر طايح جريح
صحت وينك حيدره
تدري يابويه أشجره
انه زينب،،،،،،، انه زينب
*****
سيد فاخر البطاط2024

بصوت. مسلم المطيري

انه زينب. والعمر خلصته نوح

كلمات الشاعر
سيد فاخر البطاط

حسين گال بكربلاء

حسين گال بكربلاء
گال لأخته بهلنداء
استعدي للبلاء   آه يزينب
★★★★★
گال يازينب يبت خير العمل
ودعت بحماچ ودعت الاهل
صبري يختي شماجره اعلينه وحصل
لكل أجل حتماً كتاب الكل أجل
نايبتنه ابكربله
اعلينه يختي امسجله
عينچ على العايله   آه يزينب
★★★★★
صبري يوم الطف إذا مسچ قهر
وگلبچ من الفاجعه المره انكسر
الله حاميكم اذا يلفي الخطر
والله حافظكم يبت خير البشر
تگضي هاي الموزمه
الصبر احسن خاتمه
يبت حماي الحمه   آه يزينب
★★★★★
صبري يابت علي ويابت  فاطمه
الله ينجيكم وحگ رب السمه
ومايمسكم شر بعد لاموزمه
عاقبتكم خير وانتي عالمه
ربچ الباري الجليل
يعوفكم لامستحيل
والخصم باچر ذليل    آه يزينب
★★★★★
صح يزينب باچر يمرچ عسر
وتمشي وياچ الحراير للأسر
وعينچ تشوف  الزمان المايسر
يكسر الريح الجبل ماينكسر
جبل انتي من الصبر
بوجه كل شده تمر
ولله تاليه  الأمر   آه يزينب
★★★★★
صح تمرچ باچر هموم السبي
وبلضعن حداي يمشي الأجنبي
صبرچ على الهظم يابنت النبي
باچر اگبالچ ذليل   الناصبي
والنصر يصبح حليف
وموقف الظالم ضعيف
وموقفچ بالغربه سيف    آه يزينب

الشاعر حسن لعيبي الحريشاوي

بصوت. مسلم المطيري

حسين گال بكربلاء

كلمات الشاعر
حسن لعيبي الحريشاوي

شدن حيلچن ماشين لحسين
ماظل حـيل بيچن يانساوين
وحده اتصبر ابوحده
اوسولچن عزم شـده
وألوما ظل دمـع ياخيه بلعين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اريـد ابراحه ونـچـن بـين الگبور
مــن وحــده الـوحده الـونه ادور
احـچن ظيمچن مـن شهر عاشور
سبيه ابصف سبيه
شرحـنها الـقضيه
اوكـل الـصـار احـچن كـل العلوم
ياريت اوياك كـنه الـحـين ميتين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اشصار بحـــانه اوصعبه المصيبه
صبح يوم اهدعش خويه غـريبه
راح الـيـه كـفنـي وامـنـين اجيبه
تصب اجدامي ادموم
خويه اوحال مهضوم
الـدهر مـوجر علينه ابين هلگوم
رمح عباس اصد لورمح الحسين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لاچـمـنـي الـگـلب هــاي الـمسيه
احــــس بحسين يسئلني ابــرقيه
شــلـون اجــاوبه وبـــيـا رزيـــــه
اجيتك شايل أهات
ماظل طفل مامات
حـــال اعيالكم بلـظيم واهــموم
اومحتاره ابهل ظعن كله نساوين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حـــال ام الــرضيع ايـهدم الـحيل
اجـت يمك يخويه اتصيح ياويل
اشيفيد الـنـدم اوانــتـم مـچاتيل
اريدن خبر منه
غـفه لوزاد ونه
مـاغمضت اعيوني اوشايفه النوم
اريــد اخـبـار عـنـه تحصل امـنين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
رملـه اولـيله راحـن صـوب الخيام
وحـده اصيح الأكبر وحــده جسام
يــمـه اوداعـتـك بلـيـل مــا اونــام
ام اوربــت اسـنين
اوتوهم حلو بلعين
وحده اتحاچي وحده ابگلب مالوم
ابـهــاذ الـصـار بينـه هــم تصدگين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تمت بقلم ابو ماجد الشغانبي

بصوت. مسلم المطيري

شدن حيلچن ماشين لحسين

كلمات الشاعر
ابو ماجد الشغانبي

بصوت. مسلم المطيري

مشيت ابلا اخو مسبيه لا والي

كلمات الشاعر
موسى البديري

بصوت. مسلم المطيري

يالدافن گمر. يم النهر

كلمات الشاعر
حيدر تركي الكربلائي

بصوت. مسلم المطيري

نعي
….
يهل تنشد على الماشين منهم
بجفاهم ركبيت هموم من هم
تره الخوان ماينشبع منهم
ذره وتچوه الاخو وحزام اخيه
……
وين البعد ينشد عليه
ويذكرني لوطبت مسيه
ثاري الاخو هيبه وتچيه
رداد كلمن عال بيه

ياليلة الوحشه الثجيله
وفراگكم مابيه حيله
ياهو البعدكم اشتكيله
گصرت ليالي الطويله

فيت الاخو محد يسدها
لايبقه حامي ولاسندها
المكسوره مكسوره ابوحدها
شده ولاصارت بعدها

عبره التطيحني اعله عبره
مات الدليل شلون اصبره
اخ شكبرها بيه حسره
عالميت ونايم ابگبره

دوه الدليل ابنار دوه
عالوادم الكلهم مروه
راحت بعد چلمة الخوه
وشب الگلب گام ايتچوه
بلوه التذبني اگبال بلوه

سوده على يابعد العيون
بين المگابر خويه مدفون
شحال الگلب يالماتردون
خلصت بعد ماضن ترجعون
…..
علي الحاج الصبيحاوي
.....

آني خادم للحسين 

شماتمر بيه السنين  آني خادم للحسين
شماتمر بيه السنين
★★★★★
إلي يناشدني على يانهج أسير
ومنهو سالب مهجتي بحبه أسير
وياهو شاغل فكري ساكن بلظمير
دوم تبقه امنياتي وكون أصير
آني خادم للحسين
شماتمر بيه السنين
★★★★★
جروح گلبي لاتهيد ولاتطيب
للغريب وللخضيب وللسليب
لجله دمعي والمواجع والنحيب
خلي يدري القاصي عني والقريب
آني خادم للحسين
شماتمر بيه السنين
★★★★★
يلفرض حبك يضل امرك مطاع
احفظت روحي من الضلاله والضياع
للهوان  وللفشل گلت الوداع
عن قناعه صرت أگولن واقتناع
آني خادم للحسين
شماتمر بيه السنين
★★★★★
عبر حبي العشگ كله والجنون
بدون ابوالسجاد يعني ما أكون
عشگه جنه صاحب الگلب الحنون
مهما حاربني الدهر بيه يخون
آني خادم للحسين
شماتمر بيه السنين
★★★★★
قدمالي الخير والقول الصريح
وقدمالي ألف خطوه للصحيح
التچوته الحگ للمنيه مايطيح
بين هاي الناس اتباهه واصيح
آني خادم للحسين
شماتمر بيه السنين
★★★★★
هذا نهجي ودوم عنه ما أحيد
لوأضل بين الخلگ امشي وحيد
انته نهجي للمنيه  ياشهيد
وبشعاري ارفع الصوت وأعيد
آني خادم للحسين
شماتمر بيه السنين

الشاعر حسن لعيبي الحريشاوي

بصوت. مسلم المطيري

شما تمر بيه السنين

كلمات الشاعر
حسن لعيبي الحريشاوي

بعد انتهاء زيارة الاربعين وعودة كل خدمة وزوار الحسين الى ديارهم كأني رأيت الحوراء زينب وهي تخاطبنا جميعا فتقول :
......................................................

ها رجعتو من الزياره ؟    
كلمن يروح اعله داره !!
انه بله ويـــــــن اروح ؟     
بيتي خالي بلايــا روح

     انه زيــنب  انه زيـــنب
____

طيحو كل المواكب والدرب وحشه انملى
وردو الخدام ردو كلمن يـــــــــروح لهله
چانت تواسيني دمعه وچلمـــة تفضل هلا
بالطريق وياي چانو والدمــــــوع مسبـله

   بالمجالس والعـزاء      
من وصلنا لكربـــلاء 
    وانا ويــــاهم انوح    
  بيتي خالي بلايا روح
    انه زينب : انه زينب







رجعو الزوار وانا ياهو اليــــــردني لهلي
راح اهز شباچ گبره بلكي يـــــگعد كافلي
گوم يلكلك محنه گوم وديـــــــــــني لعــلي
ارد اگله شلون زينب تبقى بويه بــلا ولي

مو وكت عينك تنام  
ولو مصيوبه بسهــام
خويه چتاله الجروح  
بيتي خالي بلايا روح
انه زينب : انه زينب









  شرد اجاوب علشماته السألو  يــــــعود الاخو ؟
والله وسفه وطلع صوته الچان لا گدهه وكفو
دنيا خلت بيتي خالي لا كفيــــــــــــــل ولا ابو
الفگدت الخوان بله هم تــــــــــــسولف علدفو

شرد اجاوب لو حچــيت     
يا علي وسفه بچيــت 
وين ابو الوجه الصبوح    
بيتي خالي بلايـا روح
انه زينب :: انه زينب









حظني خويه بلا رقيه وعيني والله بلا ضــــوى
حسين من بنتك جبتلك صوغة دموع وهـــــوى
خويه تعرف هالعبايه السوط من عـــدها ارتوى
اي نعم مالت رقيــــــــــــــه خلهه لجروحك دوه

   غطي نحرك بالعبـــات     
  بلكي ترجع للحيـــــاة
   بيهه عطر الما يـروح     
  بيتي خالي بلايا روح
   انه زينب :: انه زينب







گلبي ما ينطيني اودعك واذكــر وداع الحــــــرب
بالطفوف الموت يخنگ والنفس كــلش صــــــعب
چان حتى الماي خاين شال سيفه وي الغـــــــرب
لمة الخوان راحـت راح عبــــــــــــــاس العـــــذب

طاح گلبي ويــــــا اللوى   
متنه يــــــــلكافل سوى 
راح ابو الگلب السموح   
بيتي خالي بلايـا روح
   انه زينب :: انه زينب








ودعتكم وامشي وحدي وانا كــل خطوه الـــتفت
ما يتركوني النشامى وما يعوفون الاخــــــــــت
والمسافه تطول وابچي والله يـــــــــــلكافل متت
گبل ممسويهه خويه ليش مو بسمك صـــحت ؟

شنهي ميــــت يلكفيـــل    
  اقتنـــــع الا بدليــــــــل 
صعبه اعيش بلا طموح    
  بيتي خالي بلايا اروح
    انه  زينب :: انه زينب

كلمـــات خادم الحسين / رعـد الفريجي

بصوت. مسلم المطيري

ها رجعتوا من الزيارة

كلمات الشاعر
رعد الفريجي

تعبانه بويه اهوايه تعبانه
تدري انجويت اهنانه وهنانه
لتكلي بويه شلوني سووها زرگه امتوني
****
عالرمح راسك ودار العين اليه
جن تگلي شلونج ابنيتي رقيه
شرد اسولف وآنه محتركات اديه
من اليسر والضيم بويه شظال بيه

مجروحه من فرگاك مجروحه
ويابويه راسك عالي ما الوحه
غيمه الدمع بعيوني وسووها زرگه امتوني
**
اركض وبثيابي بويه مجلبه النار
حافيه وكل ساع اعثر والرمل حار
عليه كل الطك يبويه والشتم صار
زغيره وجروح البمتني كلهن اكبار

تدري شكثر بالصوط ضربوني
من صوطه بويه راحن امتوني
ابجي شكثر خلوني وسووها زرگه امتوني
*
ليش سلابي يبويه ما رعاني
حيل جر ترجيتي مني ودرفعاني
گمت اصيح ودمي ظل يجري من اذاني
گتله بت حسين انه وشتماني

وآنه صحت لو عندك بنيه
جا ما خذت من عندي ترجيه
لمن رحت هضموني وسووها زرگه امتوني
****
بويه اجانه الليل واحنه بلايه خيمه
بالحوافر بويه راحت جم يتيمه
والشمر يفتر عله زينب هضيمه
وتدري شوغات اليسر كلش اليمه

عماتي وينك گامن ايصيحن
وكلهن سوه لوجرهن ايطيحن
وانه شكثر جروني وسووها زرگه امتوني
*
اه يدرب الشام يالوعت عذابه
واحنه ماعدنه عشيره ولا كرابه
صعبه من خلونه يابويه بخرابه
بلا سگف ونام گمنه عله الترابه

آنه عله زينب دمعي يتجاره
ازرك متنها وبينه محتاره
الزينب تغير لوني وسووها زرگه متوني
***
بويه من النوم فزيت واريدك
وانه ما متعلمه انام اله عله ايدك
بشوك احضننك ردت وشتم وريدك
عالطشت خاف ابجي بويه وحرگه ازيدك

جابولي راسك بويه جابولي
هذا ابوج حسين كلولي
وعليه متت شافوني وسووها زرگه امتوني
***
تمت
ميثم العمري

بصوت. مسلم المطيري

تعبانه بويه اهوايه تعبانه

كلمات الشاعر
ميثم العمري