لا تذبحونه. فاتح عيونه
الماي مو يمكم. ماتشربونه

كلمات الشاعر. علاء، الزيدي

الاربعاء المصادف 17/7/2024

حسينية المرحوم السيد رحمه
البصره الحكيميه

اشگف وحشم يهل الحميه

بصوت. مسلم المطيري

الغيره دخن راسهه. من دخل عباسهه
راعي الغيره ياشيخ الطف

بصوت مسلم المطيري

هذا لطمنه للموت على حسين ومصابه

كلمات الشاعر الشاب
احمد ماجد الكلابي،

عجيبه عيون عدكم تگدر تنام
وصوت خيولهم واصل للخيام

كلمات الشاعر ابو احمد الطائي

دفن الجسد الطاهر


حسين بي ماتدرون 
اعله الرمل مامدفون
.
ظل ثلث تيام عاري حسين ابن عقد الوله
يا گلب منكم يشيعه عل جره يتحمله
وين ياحيدر تشوفه حسين ضل بكربله
ريت بويه اتحضرون
اعله الرمل مامدفون
.
ریت ياحيدر تحضره ضل ثلاثه عالترب
عيني مابطل دمعها ادموم يابويه تصب
انه شنهي الحصليته غير شلعان الگلب
بس حريم ويبجون
اعله الرمل مامدفون
.
انه شنهي الحصليته لا عشيره ولا  ولد
حسين والاكبر عفتهم حته عفت البل مهد
هالامر مکتوب بویه وهذا من الله وعد
وعد من رب الكون
اعله الرمل مامدفون
.
كلشي. مكتوبه علينه سبي والهم والحزن
حته مكتوبه بكصصنه حسين يبقى بلادفن
ريت من گبل المصيبة يالولي عيوني انعمن
الشفته لامو بالهون
اعله الرمل مامدفون
.
اثلاثه  عل غبره رميه جثتك يابن علي
خويه من رحتوا يغالي كلي ياهو يضل الي
امشي للشام وسبيه ياهو يبره المحملي
والغرب من يحجون
اعله الرمل مامدفون
.
حسين ناح العرش لجله الحوافر داسته
وسفه ياخويه اعلى طولك خيل اميه سحگته
ومات گلبي اعله الجرالك يوم عيني شافته
طاح  خنصر  وعيون
اعله الرمل مامدفون
.
حسن صالح العيساوي

بصوت. مسلم المطيري

حسين بي، ماتدرون
عالرمل مامدفون

كلمات الشاعر
حسن صالح العيساوي

من يكضي ليل  العاشر ... يا زينب الله الساتر
بيمن تحشمين...  مذبوح الاحسين
يالغريبه
ـــــــــ
الليلة يا زينب أمان  اخوانج يحرسونج       
باجر اينكع التراب سيل ماي اعيونج
لا كو خيمه ولا كفيل ولا أهل يحمونج                
نار تلهب الخيام  وسوط يدمي امتونج
تمطر مصايب باجر ...  يا زينب الله الساتر
للتل تركضين     مذبوح الاحسين
يالغريبه
ـــــــــــــــــــ
من تشوفين  الرسول  ينذبح كدامج
تهجم الما عدها دينيفرهدون اخيامج
يصيح زين  العابدينعمه  لمـي ايتامج
  للمصايب  والعذاب كومي شدي احزامج
نسوان تكسر خاطر...  يا زينب الله الساتر
تنطي الوجه وين  مذبوح الاحسين
يالغريبه
ـــــــــــــــــــ
الشارده وبخيمها نار خايفه يسلبونها
ناس ما عدهم  ضمير ابليس عامي عيونها
اتحشم النسوان بيش لا اهل يحمونها
اطفالهن تحت الخيول الطاحت  يسحكونها
لا كافل ولا ناصر... يا زينب الله الساتر
بس الملاعين... مذبوح الاحسين
يالغريبه
ـــــــــــــــــــ
شردت اطفال الحسين امن الرعب بالهيمه
كاع صبخه وماكو ماي لا مطر لا غيمه
كلها حركوها الخيام  ما بقت لا خيمه
اليبست عينه الدموع  احتار كلبه بضيمه
اطفال تحت الحافر ...  يا زينب الله الساتر
بيهم  تلمين....مذبوح الاحسين
يالغريبه
ـــــــــــــــــــ
الجان ما واحد يشوف طرف ضل اخيالها
اليوم مرعوبه وتشوف   نار طرف اذيالها
بجال عباس الغيور ياهو يتدنالها
اليوم مسبيه  ليزيد     والشمر يبرالها
صار  الابد ما صاير ...  يا زينب الله الساتر
المن تتانين      مذبوح الاحسين
يالغريبه
ـــــــــــــــــــ
امعلمات اعلى  الدلال الناس يحترمونهن
لو بني هاشم يجونبكربله يشوفونهن
مخدرات  ال الرسول  بيا وكت يسبونهن
بالخرايب عالتراب  بلا ذره  يكعدونهن
يا كلب  يحمل صابر ...  يا زينب الله الساتر
تنطي الوجه وين    مذبوح الاحسين
يالغريبه
ـــــــــــــــــــ
نعيم ابو باقر الساعدي

بصوت. مسلم المطيري

من يگضي ليل العاشر

كلمات الشاعر
نعيم ابو باقر الساعدي

بصوت. مسلم المطيري

تعالي، وگابليني انشيل الحسين

كلمات الشاعر
سلام البهادلي

شوط كربلائي. الجزء الاول

كلمات الشاعر
حيدر تركي الكربلائي

بصوت. مسلم المطيري
البصره التنومه نهر حسن
في دار خادم الحسين عليه السلام
الحاج باقر البزوني. ابو جعفر

الجمعه المصادف 19/7/2024

شوط كربلائي الجزء، الثاني

اروحن وين بعدك خويه يحسس

كلمات الشاعر ابو احمد الطائي
البصره حسينية المرحوم السيد رحمه
الجمعه المصادف 19/7/2024

مع الغوالي
العم الطيب ابو محمد البزوني
و سلام داود اليزوني
و جعفر داود البزوني
محرم الحرام

بصوت. مسلم المطيري

الليلة هاي اعيالي

كمات. ملا علي

صوتمن بالباب هاي الگاعده
اتصيح يامذبوح آنه الوالده
آه ييمه      آه ييمه      آه آه
ــــــــــــــــــــــــــــــــــــــ
اسمع صوت من باب الحسينيه
صوت امريه يشبه صوت لطميه
اتصيح انه الزمان الـمارحم بيه
ابني إگطعو نحره اوبنتي مسبيه

الزهره هاي ام الدموع الحاره
ورده بس ذبلانه كلش صايره
آه ييمه      آه ييمه      آه آه
ــــــــــــــــــــــــــــــــــــــ
ذيچ السيده اعله الباب گعدتهه
شفت عبد الله ملفوف بعبايتهه
وجثه امگطعه المجلسنه جابتهه
شهر عاشور بايگ منهه فرحتهه

اتگول اموت امن البچي خلوني
كون عالغالين تعمه اعيوني
آه ييمه      آه ييمه      آه آه
ــــــــــــــــــــــــــــــــــــــ
حضر صرختك يالعايش ابنعمه
بعد لحضات تدخل للعزاء امه
واتطلع قميصه الناگع ابدمه
وكل احنه عطر مذبوحنه انشمه

واليشم هذا العطر هنياله
فاطمه الزهره تريح باله
آه ييمه      آه ييمه      آه آه
ــــــــــــــــــــــــــــــــــــــ
من عشرة محرّم فاطمة اتون حيل
لان عشره اليدوسن عالحسين الخيل
الهيل ابهاون ايطحنونه بس ياويل
هم شفتو بحوافر يطحنون الهيل

والامدلل هذا ياهو الذابحه
اووين زينب عن اخوتچ رايحه
آه ييمه      آه ييمه      آه آه
ــــــــــــــــــــــــــــــــــــــ
اتباوع عالخدم واتدگ عله الهامه
منو البعيونه دم وبالوجه شامه
منو الـمحتزم الجدّه بالعمامه
وين المهدي تسألكم يلطامه

بس اشوفنه ترد عافيتي
والضلع يشفه واذب عوچيتي
آه ييمه      آه ييمه      آه آه
ــــــــــــــــــــــــــــــــــــــ
ابحضرة فاطمه انغض البصر لازم
احتراماً للضلع والدمعة القائم
الزهره اتگول شو عدكم نقص خادم
وين الچان يبچي بزفة القاسم

آنه عن كل الخدم مسألوله
الليله ازورك بالگبر گلوله
آه ييمه      آه ييمه      آه آه

محمدالجماسي

#اللهم_عجل_لوليك_الفرج

بصوت. مسلم المطيري

صوتمن بالباب هاي الكاعده

كلمات الشاعر
محمد الجماسي

هاي الناس هاي الناس **مشغولة بمهاويها
هاي الناس هاي الناس** مرضى وشيداويها
*
(1)
احنة شعب حسين احنة عدنة ميراث الشهادة
الواحد البينة بمماتة يرتئي بيه السعادة
ليا سبب بينة التفاهة تعتلي اعروش القيادة
وللفكر تنحى مناحي تعتبر حكم الابادة
تتخذ عدة محاور الاول ينول العبادة
ينتفي دور المراجع من ارادة ولا ارادة
ويكيدون ويكيدون **ع المذهب مراميها
ويكيدون ويكيدون ** مرضى وشيداويها
*
(2)
نصبت الفخ للمنابر وسارت بوجهة جديدة
وصارت تنول المشاعر وتنفذ بصف القصيدة
تحت عنوان الحداثة وقعتها بالمصيدة
والقصيدة اخر ذخيرة بيها واجهنة الحديدة
اتجهت لصف الحماية تصوب دروع العقيدة
تفند بفتوة جهادك وللحشد نصبت مكيدة
حتة تنهي كل وجودة وتقضم بسمها وعيدة
واحنة وية صفنة المقاتل عيوني بوجودة رغيدة
من هالباب من هالباب **تتصيد مهاويها
من هالباب من هالباب** مرضى وشيداويها
*
(3)
اتجهت لكل جيل واعي تشتت تريد انتباها
حتة عن كل حق تريدة تحرف اتغير اتجاها
حاربت واقع حياتة وبالحرب جلها السفاها
شاعت جيوش البلاها والسفاها والتفاها
هبطت فكرة ووجودة للارض حطت سماها
راحت افكارة السديدة والكياسة والنباها
وين تريد وين تريد** هالكونة ومهاريها
وين تريد وين تريد** مرضى وشيداويها
*
(4)
عالسراط وجنة نمشي نحاذر بهاي المسيرة
والمصيبة لو بصرنة عوض عن عين البصيرة
وكل هوى يجاذب فكرنة واصبح بلحضة اسيرة
اعرف الحق تعرف اهلة وتعرف اطياب السريرة
والعدو منطق عداوة ما ابد اصبح نصيرة
ولو تمتعت بحياتي شما تطول هي كصيرة
ملك الري ملك الري**الحارب ما قبض بيها
هاي الناس هاي الناس ** مرضى وشيداويها
*
(5)
ما ابيعن ماي وجهي واخذل بديني ومنيرة
كل عدو لاسلام طه لاتضن يخذل اميرة
الذيب اذا راد ايتصيد بليلة او وقت الظهيرة
ولو تدنة للفريسة يظهر الود والقريرة
من تامن لو تهاون يفترس تصبح نحيرة
الجهل غرنة بمحبة وافترسنة مو جريرة
من نشوف من نشوف** ننكرها ضواريها
هاي الناس هاي الناس** مرضى وشيداويها
*
((تمت))
محسن علي العتابي