ياناگتي---------------ياناگتي.      
             ثگلي الجدم-------يم اخوتي.
&**********&
خليني اسولف للگمر.  ضيم الجره اعليه وسده
وخليني اراويه المتن.  بيه اشجره بصوط العده
وخليني اگله ابغيبتك.  گلبي  يون  ضل  ماهده
هذا   كفيلي  اوعزتي.  لچفوفه  اروح  انه فده
ريضيلي ياناگه المشي يمه ارد اكتن دمعتي
                ياناگتي------ياناگتي
&*********&
هذا الفداني ابرگبته.   ياناگه  من   هدو   علي
هذا دليلي اومهجتي.   بيه انه اشم ريحت هلي
شد وفزع صوب النهر.  من گتله عطشانه  الولي
خليني عالماي اسئله.   شنهو السبب ماجابه الي
وشنهي السبب شو مافزع يوم الشمرشب خيمتي
                   ياناگتي------ياناگتي
&**********&
ومريني عالاكبر علي.   واخليني اون يمه ابجزع
وخليها ليلى اتعاتبه.   چيفن جفاها  او مارجع
لختك رقيه من بچت.  حته الصخر ون او دمع
هبتو  تراچيها  هبت.    چيه  شكلت   ماتنزع
وضلت تصب دم اودمع اختك يشايل هامتي
                  ياناگتي-------ياناگتي
&**********&
وامك دمعها مابطل.     لاياعلي  ولا  ون  سكت
لاهي ابأكل لاهي بشرب. من يوم عينك سلهمت
واتطالب ابحگ الربه.     التعبت عليك  اودللت
امك   سبيه   يالولد.      فك عينك الغفله غفت
اشمالك  يبعد انه اوهلي شو  ماترد  النخوتي
                    ياناگتي------ياناگتي
&*********&
اووديني  يم  راعي العرس.   مبنيه ضلت كلته
جاسم  يناگه  البالفرح.     وسفه المنايه اتعنته
ابطاستها بيد امه بگت.     هذا  الولد  يا حنته
عريس  نايم عالترب.    واخظابه من دم هامته
وضليت اون  لمصيبته  وامه تون  وي ونتي
                     ياناگتي-------ياناگتي
&*********&
ليل اونهار امك بگت.     مهمومه   والدمعه  تهل
مسبيه مهضومه وتون.  وتنحب عله ضهورالهزل
طاحت تحت صوط الشمر.  واتنادي وينك يا نفل
جسام ياشمعت درب.      حزنك هدل متني هدل
هد  حيلي  ياعمه  الحزن  مابيه  اشيل اعصابتي
                     ياناگتي--------ياناگتي
&*********&
يم الرضيع انوب اريد.     ياناگه بس وديني اله
بعمر الورد توه ابتسم.      بعين  الاهل توه حله 
ترضيها ياناگه اسألچ.      بالطف يذبحه حرمله
كل ذنبه عطشان وبچه.   اليعطش تذبحه كربله
هم  شفتي  مثلي ابدنيتچ  لوبلوه  تشبه  بلوتي
                 ياناگتي-----------ياناگتي
&*********&
عبدالله عمه امك گضت.   تلطم  عليك  او ماتعن
وتلولي  واترضع  هوى.    واتگمط اوخالي الحظن
مدوهنها فگدك  يالولد.    وساحنهاهم بعدك سحن
موكته ياخصن  الورد.      تذبل   يبعد  البل جفن
فوگ  الجرالي  ابكربله  چملها  سهمك  لوعتي
               ياناگتي-----------ياناگتي
&********&
اووديني للشله العطش.   والداسته اخيول الخلگ
يم جسمه ياناگه اوچبي.   هذا العليه گلبي احترگ
من اهدومه اريداخذعطر.   بلكت بگه ابثوبه علگ
وخل اعدل اضلوع الولي.   المهشمات من السحگ
انه ارد  ادور  خنصره  من النزله  هايه  غايتي
                ياناگتي------------ياناگتي
&*********&
خليني انزل  للجسد.      ياناگه  بس  ارد  اسئله
الف وتسع مية جرح.     اشايلها  اواشحاملها  اله
اشگد نزل بحسين ألم     فهميني  هاي  المسئله
من ضربت الصوط انه اون. ويلي اعله ابن سيدالمله
خوي  اشكثر  شايل ألم  حاچيني  ياكل  راحتي
               ياناگتي--------------ياناگتي
&**********&
نسئلكم الدعاء: غالب النهيراوي

بصوت. مسلم المطيري

ياناگتي. ياناگتي.

كلمات الشاعر
غالب النهيراوي

استشهاد الصحابي الجليل ميثم التمار رضوان الله عليه هذه اليلة الخميس المصادف 27/6/2024
نسأل الله القبول والتوفيق بحق محمد وآل محمد
مسلم المطيري

بصوت. مسلم المطيري

ابوذيات الليلة الاولى

من شفت الهلال انمرد  ....       گلبي
بچيتك لحد جفني الدمع ...    گل بي
اذكرت سكنه يعمه اتصيح ..... گلبيه
اعله وجهه لا يضل فوگ الوطيه ...

بچت والزمت سكنه .. من ردنها
تگلها الخيل جثته .....    مردنها
الحوافر وذر شالن .....   ماردنها
يسكنه اتحيرت شيلمه اليه ...

شذكر يا هلال الحزن ...  يا  مر ؟
عگب عباس صار الشمر ..   يآمر
اعله زينب والگلب ياناس .. يمّر          جمّر  صار جمر
عطش  وامراكض او صارت سبيه ...


ابو فاطمة الطائي

بصوت. مسلم المطيري

نعي حزين
بصوت : الشيخ هادي الحيدري
🎙️🎙️🎙️🎙️🎙️🎙️

اليابيت اطب الكاه ينعاه
بس العمر ماعنده رجعاه
والليل فاولني عالدمعي
شمعة طفت بكبال شمعة
يوميا جرحي بكلبي ممدود
ماالحك اذب اهدومي السود
بويه سلة  شملنه انكلبت اردود
عنكود طاح اخلاف عنكود
بويه خواني الهضم والنوح بعد اهلي خواني
ومثل عظم الخرج يوفه ياخويه
اشما عاين بالنزل ماميل
خواني اشكثر كعداتهم عنت
عليه
بويه ليهسه مابارد حجيهم
يسون لو نبجي عليهم
الفاكدله ولد كل وكته مدهون يابويه
والفاكدله ابو ايعاين على الدور
والفاكد اخو ايظل كل دهره مكسور يابويه
خويه واتفاركينه وصلنه الكبر واتفاركنه
الصعب فكد الحبايب مو بدينه او وره اجنازتك بويه اشكد بجينه

▪️▪️▪️▪️▪️▪️
✍️خادمة خدام الإمام الحسين عليه السلام
لانجيز شرعاً حذف التوقيع
👆
نسألكم الدعاء

#من_ديوان_الدموع_الزينبيه_الجزء_السادس


مربعه لمسلم عليه السلام


يطوعه اعمامته من الگاع شيليها
امانه ولو اجت لم عون تنطيها
🏴🏴💔🏴🏴
شيلي اعمامة الريسان ياطوعه
وحده والكفر صوبين مجموعه
طاح امن القصر ومكسره اضلوعه
مشموره الجنازه ابعاد اهاليها
🏴🏴💔🏴🏴
رميه اجنازته وبالگاع مشموره
مهشوم الصدر وعضامه مكسوره
كلمن تنتحب للحيد ماجوره
لطمت مسلم المظلوم شديها
🏴🏴💔🏴🏴
شدنه اللطم للطاح عالغبره
اهله ابعاد ما واحد حفر گبره
محد خبرك يامهجت الزهره
ابن عمك وگع والدمعه يجريها
🏴🏴💔🏴🏴
ابن عمك وگع ترجف مفاصيله
سحلو جثت الحيد ورگد حيله
ضل اوحيد ويريد اليتچيله
غربه والكفر كل رحم مابيها
🏴🏴💔🏴🏴
استوحد بالحرب من حاطته الغربه
اميه ايريدله مسلم يبس گلبه
خطره حالته واصعب من الصعبه
هواي جروح جسمه ومن يداويها
🏴🏴💔🏴🏴
ضعف جسمه الغريب وتوجعه جروحه
ضلت جثته بالشمس مطروحه
تنوح اعليه الشيعه ولا تمل نوحه
بيه ام الحسن فاطمه انعازيها
🏴🏴💔🏴🏴
انعازي ام الحسن ونعازي بن عمه
مسلم طاح مرمي وغارگ بدمه
اهله ابعاد ما واحد حضر يمه
ماتدري حميد انصاب واليها
🏴🏴💔🏴🏴
ماتدري حميده طاح والدها
الطمي ولطمتچ نور وضخر عدها
يتيمه صبحت الله يساعدها
بلطمچ والدمع عالشال عينيها
🏴🏴💔🏴🏴
✍الشاعره ام ريام دخيل الركابي غير مبري الذمه من يحذف الاسم او ينسبها لشخص اخر .

بصوت. مسلم المطيري

يطوعه اعمامته من الگاع شيليها

كلمات الشاعرة
ام ريام دخيل الركابي

بگلبي المنكسر .. چم ذكره جمر
أبچي وأنتظر .. يبويه
--------------------
آنه ما مرتاح گلبي .. بويه من عني رحت
بس أگولن هسه ترجع .. وللـ لقاء إتصبّرت
ضامّه إبصدري حسرتي .. واعله دربك ألتفت
إويه الهوه إحچيته سؤالي..بويه ليش إتأخرت

بويه إبحاجتك .. حيل إبنيّتك
أنتظرك تمر .. يبويه
--------------------
فجأة لن الظعن يوگف .. بوگفته حيلي انهدم
طارش من الكوفه اجانه .. الفرح زاد اويه الألم
حسين من نزلت دمعته .. احس دلالي انجسم
ومن مسح بيده اعله راسي..بويه حسيت اليتم

گلالي بعد .. مسلم ما يرد
هد حيل الصبر .. يبويه
--------------------
بويه أول گلب گلبي .. إتيتّم بهالقافله
الراح أبوه إيعيش غريه .. حته لو يم كل هله
حاسبه حسابي تجيني .. وسوه ندخل كربله
ياللي تاركني زغيره .. والهجر ما أحمله

دمعاتي تصب .. وكرهت الدرب
يذبحني الهجر .. يبويه
--------------------
سمعت گالوا ياحبيبي .. العطش فتّتْ چبدتك
لوحّدك ظليت بويه .. وحيل تهضم غربتك
طالح گلبي حين گالوا .. من قصرهم طيحتك
إنوب فوگ الگاع ويلي .. بويه جرّوا جثتك

ماكفّه القتل .. جرّوك بحبل
آه من الغدر .. يبويه
--------------------
چانت رسومك فرحتي.. وضحكتك هيّه النبض
وچنت بعيونك أصلي .. للعشگ أجمل فرض
وهسه من ذيچه رسومك..باقي بس دم عالارض
چان چفي يكض چفك .. هسه چف الضيم أكض

چنت انته الهوه .. وچف يچف سوه
وگضينه عُمُر .. يبويه
--------------------
هذا غير وداع بويه .. من عله الناگه أنه
وانته جثّة بسوگ تنجر .. موتي ياريته دنه
بعد  هم نلتقي بويه .. لو أظل متدوهنه
وللوطن رجعتي بدونك .. يعني عيشه بلا هنه

وگلبي المنفجع .. ما يشفه بدمع
ينعاك شكثر  .. يبويه
--------------------
[  الميرزاعلي حسن المنصوري]

بصوت. مسلم المطيري

بگلبي المنكسر


كلمات الشاعر
الميرزا علي حسن المنصوري

سلام الله على المظلومة زينب

سلام الله على المظلومه زينب
على گلب الحنين أشگد تعذب
سلام الله
★★★★★
سلام الله على خدر العقيله
على بنت الوصي الحره الجليله
الشفيعه بالحشر واكرم وسيله
يوم انروح بأعمال القليله
بأسمها تنطفي كل نار تلهب
سلام الله على المظلومه زينب
سلام الله
★★★★★
سلام الله عليها ام المصايب
الشافت بلطفوف شگد نوايب
اهلها اموذرين على الترايب
لاضلوا اهل عدها وگرايب
والعدوان وسط الخيم تنهب
سلام الله على المظلومة زينب
سلام الله
★★★★★
سلام الله على بنت المكارم
على ام الصبر خدر الهواشم
على الخلت خصمها بحيره هايم
سعفه ماتصير ابريح ظالم
ماجزعت رضاك تنادي يارب
سلام الله على المظلومة زينب
سلام الله
★★★★★
سلام الله على زينب الحره
اخت المنذبح غطته الغبره
خيول الگوم  سحگت فوگ صدره
الصارت من دماه الارض حمره
وعطاشا اتريد منها الماي تشرب
سلام الله على المظلومه زينب
سلام الله
★★★★★
سلام الله على بنت الزچيه
الشافت بالحياة أچم رزيه
اهلها اتذبحوا بالغاضريه
بعد شمل الاهل راحت سبيه
وبلسان العدو المهظومه تنسب
سلام الله على المظلومه زينب
سلام الله

الشاعر حسن لعيبي الحريشاوي

بصوت. مسلم المطيري

سلام الله على المظلومة زينب


كلمات الشاعر
حسن لعيبي الحريشاوي

وَاوِيلِي عَلَى الْعَبَّاسْ...
-----------------------
زِينَبْ نَادَتِ بْهَمْهَه............وَاوِيلِي عَلَى الْعَبَّاسْ
سِكْنَه تِنْتِظِرْ عَمْهَه...........وَاوِيلِي عَلَى الْعَبَّاسْ
وِينَه حَارِسِ خْيَمْهَه.........وَاوِيلِي عَلَى الْعَبَّاسْ
گَامَتْ تِلْطُمِ عْلَه الرَّاسْ...وَاوِيلِي عَلَى الْعَبَّاسْ
وَاوِيلِي عَلَى الْعَبَّاسْ...
-----------------------
تِدْرِي يُوفِي بِوْعُودَه.......وَاوِيلِي عَلَى الْعَبَّاسْ
مِنْتَظْرَه الْخِيَمْ جُودَه.....وَاوِيلِي عَلَى الْعَبَّاسْ
بَسْ لَا طَاحَتِ زْنُودَه......وَاوِيلِي عَلَى الْعَبَّاسْ
شِيمَتْهَه الْغَدُرْ هَالنَّاسْ...وَاوِيلِي عَلَى الْعَبَّاسْ
وَاوِيلِي عَلَى الْعَبَّاسْ...
-----------------------
سَاعَه لَنْ رِجَعْ وَحْدَه....وَاوِيلِي عَلَى الْعَبَّاسْ
حْسِينِ وْدَمْعِتَه بْخَدَّه...وَاوِيلِي عَلَى الْعَبَّاسْ
طِلْعَتْ زِينَبِ تْنِشْدَه......وَاوِيلِي عَلَى الْعَبَّاسْ
چَا وِينَه أَبُو النُّومَاسْ...وَاوِيلِي عَلَى الْعَبَّاسْ
وَاوِيلِي عَلَى الْعَبَّاسْ...
-----------------------
گَلْهَه يَخْتِي مَا يِرْجَعْ.......وَاوِيلِي عَلَى الْعَبَّاسْ
عِفْتَه عَالثَّرَى مْگَطَّعْ........وَاوِيلِي عَلَى الْعَبَّاسْ
جِسْمَه دَامِي وِمْوَزَّعْ.......وَاوِيلِي عَلَى الْعَبَّاسْ
وِبْكِتْره الدِّرِعْ وِالطَّاسْ...وَاوِيلِي عَلَى الْعَبَّاسْ
وَاوِيلِي عَلَى الْعَبَّاسْ...
-----------------------
يَخْتِي عَالنَّهَرْ شِفْتَه.......وَاوِيلِي عَلَى الْعَبَّاسْ
نِمْتِ بْطُولَه وِحْضَنْتَه.....وَاوِيلِي عَلَى الْعَبَّاسْ
گُوَّه يْتَمْتِمِ سْمَعْتَه..........وَاوِيلِي عَلَى الْعَبَّاسْ
يِلْهَجْ بِاسْمِچِ بْإِحْسَاسْ...وَاوِيلِي عَلَى الْعَبَّاسْ
وَاوِيلِي عَلَى الْعَبَّاسْ...
-----------------------
رَاحِ الْكَافِلِ وْضِعْنَه........وَاوِيلِي عَلَى الْعَبَّاسْ
سَاعَه وْتِلْهَبِ خْيَمْنَه......وَاوِيلِي عَلَى الْعَبَّاسْ
لُو چَانِ الْگُمَرْ يَمْنَه.........وَاوِيلِي عَلَى الْعَبَّاسْ
مَا چَانِ الْخِدِرْ يِنْدَاسْ...وَاوِيلِي عَلَى الْعَبَّاسْ
وَاوِيلِي عَلَى الْعَبَّاسْ...
-----------------------
شِبْچَتْ زِينَبْ الْعَشْرَه.......وَاوِيلِي عَلَى الْعَبَّاسْ
مِنْهَه فَاضَتِ الْعَبْرَه...........وَاوِيلِي عَلَى الْعَبَّاسْ
صَاحَتْ يُمَّه يَا زَهْرَه.........وَاوِيلِي عَلَى الْعَبَّاسْ
بْصَدْرِي ضَاگَتِ الْأَنْفَاسْ...وَاوِيلِي عَلَى الْعَبَّاسْ
وَاوِيلِي عَلَى الْعَبَّاسْ...
-----------------------
گَالَتْ يَمَّه وَدِّينِي........وَاوِيلِي عَلَى الْعَبَّاسْ
نَارِ فْرَاگَه تِچْوِينِي......وَاوِيلِي عَلَى الْعَبَّاسْ
گَلْهَه يَخْتِي عِذْرِينِي...وَاوِيلِي عَلَى الْعَبَّاسْ
لَا تِتْشَمَّتِ الْأَرْجَاسْ....وَاوِيلِي عَلَى الْعَبَّاسْ
وَاوِيلِي عَلَى الْعَبَّاسْ...
-----------------------

#الشاعر _حسن_خنافر_العاملي

بصوت. مسلم المطيري

واويلي على العباس

كلمات الشاعر
حسن خنافر العاملي

بصوت. مسلم المطيري

لسان حال فاطمة العليلة

هلي راحوا وخلوني عليله
وعلى الدلال فرگتهم ثجيله
الربي من ثگل همي اشتكيله
من گد الصبر مابقت حيله
احسب يوم يوم وليله ليله
همي جبل شوفتهم تزيله
غيبتهم  تره صارت طويلة

الشاعر حسن لعيبي الحريشاوي

(زنجيل)
بحزن عاشور  بگلب مكسور
يبو السجاد اريد انعاك
ـــــــــــ
ربيت ويه الحزن من شبت اسنيني
وعيت اعلى المصيبه ودمعتي بعيني
بدليلي اشچم جرح يدي ويچويني
شفت جرحك مصيبه وضل يبچيني
اجيت اليوم - بجرح ملچوم
يبو السجاد اريد انعاك
ــــــــــــــ
كبر بيه الحزن واشباحه تبرالي
واذا يغفى الجفن جرحي ايتراوالي
واجت صورة الم والنايبه اگبالي
تذكرت السـبوها ابعـازة الوالي
ابچي الايتام - المشت للشام
يبو السجاد اريد انعاك
ــــــــــــــ
اريد ابچي وأون واتعنه  للحضره
ويفز من گد ونيني الميت ابگبره
واريد انعى الحبيبي وغربته ونحره
وبعد ذبحه الحوافر داست ابصدره
بجفن مجروح -بمصيبه ونوح
يبو السجاد اريد  انعاك
ــــــــــــــ
اشتهت روحي المناحه ابابه ملهوفه
ودمع عيني من اسيله ايكحل احروفه
اگصدت شاطي المصيبه اتعاتب جروفه
شفت جربة كفيل ورايه واچفوفه
صحت يا حسين -بدموع العين
يبو السجاد اريد انعاك
ــــــــــــــ
اعتنيت اليله بمصابي لبواليمه
اجيت اشكي المصايب والهظم يمه
گلت بكلت اواسي بدمعتي امه
رحت بيه الجروح ابكل جرح لچمه
بجبل من هم-اجيت الطم
يبو السجاد اريد انعاك
ــــــــــــــ
اجيت وكل جرح ينزف هظم وآلآم
على امصابك يغالي اجروحي ما تلتام
دمع طفه الشمع ليله عرس جسام
مثل فزت رقيه الروح الك تحتام
واصيح بصوت- لحد الموت
يبو السجاد اريد انعاك
ــــــــــــــ
احس جمرة مصابك بالگلب تسعر
واشوفنك وحيد وعيني ما تصبر
مرد چبدك مصاب اوليدك الاكبر
شبيه المصطفى وفوك الثره امطبر
اسيل ادموع-بگلب مفجوع
يبو السجاد اريد انعاك
ـــــــــــــــــ
ارد لاول مصيبها لبيها ابدي وياك
واذا ينشف دمع عيني اظل انعاك
شفت زينب على التل بالهظم تنخاك
يبواليمه ابحزن صوت الخدرناداك
بحزن واهموم-اظل للدوم
يبو السجاد اريد انعاك
ـــــــــــــــــــــــــــــــــ
نعيم ابو باقر الساعدي

بصوت. مسلم المطيري

بحزن عاشور. بگلب مكسور

كلمات الشاعر
نعيم ابو باقر الساعدي

يامولاتي العليله

القصيدة : ناديتك بويه حسين
محرم الحرام 1446 هــ

▫️▪️▫️▪️▫️▪️

ناديتك ناديتك بويه حسين
تانيتك تانيتك بويه حسين
ــــــــــــــــــــــــــــــــــــــــــــــــــــــــــــــــ
نــاديتك بويه انه كاتلني الهجر
من تبعد اسهــرلك حد خيط الفجر
بونينــي وتعبانـــه ياريـــح العمر
جوتنــي نيرانــــك يانــــار الصبر

سميتك سميتك ضوه العين
ناديتك ناديتك بويه حسين
ــــــــــــــــــــــــــــــــــــــــــــــــــــــــــــــــ
من علتي وانه ادري تتركني ابدمع
فاطمتـك سهرانــــه من حال الشمع
ماينبــض بفـــراكك الــ جوه الضلع
من دونك وياكــــم يابويه انفجع

شميتك شميتك روح الوتين
ناديتك ناديتك بويه حسين
ــــــــــــــــــــــــــــــــــــــــــــــــــــــــــــــــ
اتنادينــي وانه اسمع فرحــــت الضوه
انه اركض ملهوفــه وحضرت الدوه
كـــل بالي راح امشي يابويه ســـوه
تاليـــهـــا اتفاركنــي ويطفيني الهوه

حاجيتك حاجيتك كلي حنين
ناديتك ناديتك بويه حسين
ــــــــــــــــــــــــــــــــــــــــــــــــــــــــــــــــ
َوعيونــــي الشافتك من راح الضعن
ضل واكف كدامــــي مايمشي الزمن
ومكسـوره جنحانــي ومن مثلي احن
اتغربنــــي بديــــارك يا اجمل وطن

ونيتك ونيتك عمري ونين
ناديتك ناديتك بويه حسين
ــــــــــــــــــــــــــــــــــــــــــــــــــــــــــــــــ
من روحي ماخوذه ايــــات الحمد
امراضــي واهاتـي دمعات البعد
كل داري من دونك تمردني مرد
فاطمتك تتركهـــا ياعطر الورد

اوميتلك اوميتلك بالجفين
ناديتك ناديتك بويه حسين
ــــــــــــــــــــــــــــــــــــــــــــــــــــــــــــــــ

الشاعـر : فيصل عاشــور المنصوري

بصوت. مسلم المطيري

ناديتك ناديتك. بويه حسين

كلمات الشاعر
فيصل عاشور المنصوري

نزال

روه كاس الموت كل شجعانها
عثرت الخيل وجمع فرسانها
ــــــــــــــــــ
هاية خيبر هالحرب لو كربلاء
نزل أمر الحرب من وحي السماء
صوت كل الجيش يتعالى النداء
هذا منهو الطب حرگ ميدانها
ــــــــــــــــــ
هذا منهو الشاب اليوكع السيوف
وبلثام الموزمة تلگة الالوف
واليزامط ينعجب خل ويشوف
نزل واجفوفة العكفها اردنها
ــــــــــــــــــ
كل قبائلهم تحرت بالسؤال
هذا معقولة الرجع وسط النزال
حيدر الكرار لو غيرة احتمال
رجعت الدنيا بعمر سكانها
ــــــــــــــــــ
عاد صولا الحرب بدر وحنين
من برز وحدة لقتال الظالمين
يرتجر بالحومة اني ابن الحسين
ال هاشم اني من شبانها
ــــــــــــــــــ
فرها مثل الرحلة لمن طبها صار
حتى نسمات الهوه مشتعله نار
على الاكبر بيدة شايل ذو الفقار
مايثني الضربة بيدة امجانها
ــــــــــــــــــ
طبها منجل على السنابل بالحصاد
وشردو شلون الهوه وهب على الرماد
سيفة بنحور الظلم واهل العناد
حده سيفة اعله الرگاب ودانها
ــــــــــــــــــ
على الاكبر بالحرب سيفة انتقام
هوه شمس الله وشرق وسط الظلام
خرس الجيش وكطع حتى الكلام
ورجفت الطف من جميع اركانها
ــــــــــــــــــ

الشاعر زين العابدين الشمري

بصوت. مسلم المطيري

روه كاس، الموت كل شجعانها

كلمات الشاعر
زين العابدين الشمري