بصوت. مسلم المطيري

يذبح جرح الفراگ

كلمات الشاعر
محمد الموالي

ياكمر اكعد حاجيني

اجيتك والمسافه صارت بعيده
انه حسين اصيح ونك تزيده
مدري شكال لاجن صاحلي بهيده
يمكن كال فدوه جفوفي وسنيني

فدوه جفوفي لجلك ولجسم كله
يا بيرغ سلفنه وبيك نتعله
فدوه الروح بس لا دمعك اتهله
وسلملي على زينب كلهه عذريني

تعذك زينب وانه اعذرنك
بين عيونك ونحرك اقبلنك
خويه جفاك ياذي خل اكللك
وهاذه اخر وداع البينك وبيني

هاذه اخر وداع الكطع انياطي
نهدم كلشي وتهدم باقي انشاطي
ماي انته بموتك مات كل شاطي
منو بعدك يخويه منهو يرويني

منو يرويني بعدك يا بعد حيلي
يسباح الكلب اسمعلك احجيلي
جنت وياك اسولف ونته تصغيلي
ختلف كلشي بونينك حيل تاذيني

تاذيني يلنك صاحب مروه 
طحت خويه وكع ثلثينهه الخوه
عكب عينك يخويه الخوه ما تسوه
يا صيت الكلافه يا بعد عيني

بعد عيني يظيغم يا شريج الروح
جسمك برمل وجفوف ماكو تلوح
جرحك بي رمل ودري الرمل مملوح
حاير بيش اضمدك بلله ناديني

حاير بيش اضمدك والجروح هواي
لا شد يرهملهن لا تطيب بداي
طشرتنه الدنيه واوف من دنياي
وانه بحدي وتريد تجفيني


سيد أحمد البو طبيخ

بصوت. مسلم المطيري

ياگمر، اگعد حاچيني

كلمات الشاعر
سيد احمد البوطبيخ

بصوت. مسلم المطيري

#تراث  نعي

يحماي الحمه وليث الصناديد
يصگر الزلم من يثگل الويد
اشلون اصبر يبويه وروحي إتهيد
واسمعك تون ولمهجتي تبيد
امصابك صعب يا والدي امچيد
وعگبك لحرم لبس الجديد
وانصب عزاك بليلة العيد

الشاعر المرحوم
السيد جاسم الطويرجاوي

(251)

#اللهم_عجل_لوليك_الفرج

بصوت. مسلم المطيري

الوعد دين. يالحسين

كلمات الشاعر
كامل السعيدي

بصوت. مسلم المطيري

السيف لايگ بيدك

كلمات الشاعر
كامل السعيدي

بصوت. مسلم المطيري

نعي عن لسان العقيلة زينب تخاطب اخيها الحسين عليه السلام

علتل نادته زينب    يبن أمي ينور العين
افزع لوعدل لختك تراهي اختك ولاها البين
فوضت الأمر لله     لوميت يخويه حسين
حتى وي العده امشي الماعدهم حميه ودين
واعوفك علثره مطروح راسك والجسم نصين
توذر وانگطع گلبي. اليعوف احبابه متوذرين
وبضعني يبوالسجاد  وين الوادم امغربين
ضعن مخدراتك  حيف اظن للشام بيه ناوين

الشاعر حسن لعيبي الحريشاوي

هو الركض مو للزلم
جا زينب شلون اركضت

خمسين عمر ام الخدر
شوفولي حل يهل لبخت

چمره طاحت بت علـــي
أبچم چثــه بليل أعثرت

ماصايره بوادم كــبل
ياهو لسمع حومه أنولت

بس زينب وعند لعــرب
مرتين خدر الله أنسبــت

ياناس موهيــنه وعلي
نســـوان هاشم تنـــولي

الله وأكبــر ياهلـــــي
بلحــومه زينب صيــــحت
😭😭😭😭😭😭😭😭😭😭😭😭
ياهو من عدكم سمــع
حرمه ويركبوهه الهزل

ياهوه يقبل تنـــــضـرب
اخته ويجتفــــوها بحبل

ترضون زينـــب ياخلك
يضربهـــه بلسـوط النــذل

والحادي متعــــمد تـــره
من يدفع برمحــــة طفل

وشافـــت أبدرب سبي
شافت ألم ماينــــحمـل

موحكهه اذا ماتنعــرف
مابينت نقطـــة ضعف

بيــديهه من كثــر الشكف
كل الســــياط اتكطـــعت

هو السبــي الاول صعــــب
بس السبي الثانــي كلـــف

بلمرهــه الاولهه اتلوعــــــت
بلسبــي ثانــــي ولاعــــرف

لاوألـــي ضل ولاحــــمهه
والنــــاس كــامت تستخف

بيـــهه ويشمتوها العـــرب
وعيـــــونهه ذبلـــت نزف

ضلــــت وحيـــده ام الخدر
مثل الجنــــازه بلا جتــــف

امن السبي الاول باقي اثر
وثاني بالســــوط انحـــفر

اولا خاطـــــر عليهــه انكسر
شمســـــويهه هيج اتمرمرت
😭😭😭😭😭😭😭😭😭😭😭😭
أيـــدفعونهه أبكـــعب الرمح
وقـــبضة الســـيف وبالغــــمد

يضــــربوهه جدام الخـــــلگ
حته الشــــماتهه هم تهـــــد

والسوط مـــو سوط وكبل
من يلســع يشلـــع الجلد

چاهيـــج تاليـــتهه الخدر
بيه ناس غربهه التـــــنفرد

مو قصدي بس واقع صعب
بالمهــــدي تعرف بلقصـــد

عمتـــك وحيده ويه الــــزلم
انـــا ادري مابـــيهم شـــــهم

يابويـــهه زينب تنشتم
وناكه من سمعت بجت

الشاعر حسين حمدان الدلفي

بصوت. مسلم المطيري

هو الركض مو للزلم
چا زينب شلون اركضت

كلمات الشاعر
حسين حمدان الدلفي

الك يحسين جمره بكلبي ما تطفه
وجرح لمصيبتك للموت ما يشفه
----------------------------------------
وحك اجروحك الالف وتسمعية
يمر ذكرك علي يحسين يومية
يظل ذكراك ما دام النفس بية
مصيري ابلايه حبك والله ماعرفه
----------------------------------------
يبعدني هوى الدنيه و ترجعني
لو غيرك ترى من ازمان يطردني
رغم كلشي اذا انخاك تسمعني
ألوذ ابخيمتك يحسين بالكلفه
----------------------------------------
اذا تنسه الشمس فد يوم ما تطلع
ما انساك ابد يشهدلك المدمع
معروف اليحبك طاهر المرضع
من الذر هواك ابكلبي مو صدفة
----------------------------------------
امل من روحي انه وما امل منك
فضل منك توفقني اخدمنك
اذا حبك عذاب ونار اتبعنك
تره الجنة بدونك عندي مختلفه
----------------------------------------
يمن جرحك جمرته ابروحي لهابه
عاشور الحزن من يفتح ابوابه
اصيح ابصوت آيحسين ومصابه
مثل جرحك دليلي مابطل نزفه
----------------------------------------
اشما اصفن افكر بيك واتصور
جسد فوك التراب وبالدمه معفر
اه اعليك انادي يا ابو الاكبر
الحبيبه ابلا نحر عيناه ما تغفه
ـــــــ ـــــــ ـــــــ ـــــــ ـــــــ ـــــــ ـــــــ ـ
حسن بشير السوداني

بصوت. مسلم المطيري

الك يحسين جمره بگلبي ماتطفه

كلمات الشاعر
حسن بشير السوداني

بصوت. مسلم المطيري

ابو ذيه بحق الامام الجواد ((ع))

يـمـن بـابـك گـضـه الحاجه.. مردهه
مـصـابـك بـالـحـزن روحـي.. مردهه
دنــيــه بـــدون خـدمـتـكـم.. مردهه

بـخـدامـتـكـم صـبـح عـنـوان إلـيــه
                                                        
                                     *---------------*---------------*

✍خادم موسى ابن جعفر ع
الشاعـر رعـد الجـريخـي

بصوت. مسلم المطيري

[٢٧/‏٥, ٨:٢٣ م] ........: زينب عليها السلام
ابحياتي ماشفت فديوم ونسه
شذكر من مصاب احسين ونسه
خدونه امچتفين اطفال ونسه
وعلينه اتصيح ذوله خارجيه
آه يازينب
سيد موسي الموسوي
[٢٧/‏٥, ٨:٢٣ م] ........: صحت عباس جيش العده يولي
وعدونه تدرى بي اشلون يولي
اتاني ترجع النه اتعود يوليٰ
تروح اويل عدو اختك سبيه
يازينبا..
سيد موسي الموسوي

بصوت. مسلم المطيري

في حق المجلس الحسيني

هلخدمه واجب تظل لاولاد حامي الحمه
لحسين دمعي يهل.  وسط الگلب مٱتمه
لعياله خلصوا ذبح.  والنزف جسمه دمه
وعلمشت درب السبي لاوالي عدها وحمه
بدور الهواشم گضت. طاحت ابدور السمه
ابمجلسچ يم الحسن  چف علصدر لاطمه
وتهل جمر دمعتي.      سَجليهَا يافاطمه

الشاعر حسن لعيبي الحريشاوي

بصوت. مسلم المطيري

ابوذيات لسان حال فاطمة الزهراء عليها السلام تخاطب الامام الحسين عليه السلام

يوم الطف ييمه حسين منحل
نهدم حيلي ولاضل بعد منحل
أَدَوَّر الحسبتي ملگيت منحل
مصابك چمل اللوعات بيه

يبني اعليك ياهو أنشد وسيله
بكل مجلس جمر دمعي وسيله
يامن صرت   للجنه  وسيله
البچالك هَوِّن امصابي عليه

الشاعر حسن لعيبي الحريشاوي

فَارِگُونِي   وْخَلَّوِ   بْگَلْبِي    جَرِحْ
وِالْمِسَه  يِنْثُرْ  عِلَى  جَرْحِي  مِلِحْ
وْلُو نِمِتْ يِلْچِمْنِي مِشْرَاگِ الصُّبِحْ
هَاذَه حَالِي مِنْ مِشَوْ عَنِّي  الْأَهَلْ
-----------------------
وَحْدِي وِالدَّارِ شْكِثُرْ مُوحِشْ غِدَه
مَاكُو  صُوتِ  الَّا  وِنِينِي  وِالصَّدَه
شِلَّه   بَايَّامَه    الْيِعِيشَنْ    وَحَّدَه
يِنْتِظِرْ  كِلْ  سَاعَه  يِلْفِيهِ   الْأَجَلْ
-----------------------
شُو نِسُونِي لُو  جِفُونِي  عِيلِتِي
مَا  دِرَوْ  هَالْغُرْبَه  تِلْچِمْ   عِلِّتِي
وِينَه عَمِّي وِينَ ابُويَه وْإِخْوِتِي
ذِبْلَتِ سْنِينِي وَلَا طَارِشْ وِصَلْ
-----------------------
لُو خَذُونِي  وْيَاهُمِ  بْدَرْبِ  السَّفَرْ
مَا  چِنِتْ  ظَلِّيتَ   انَاطِرْ   بِالْقَهَرْ
چِنِتْ رَاحَ اغْفَه عَلَى مْتُونِ الْگُمَرْ
يَا  وِسَافَه  وْغَرَّبِ  بْعِينِي  الْأَمَلْ
-----------------------
خَايِفَه  يِلْفِينِي  مِرْسَالِ   الْحِزِنْ
يُوصَلِ لْبَابِي وْعَلَى احْبَابِي يِوِنْ
بْهَالْمُصِيبَه بَالله يِغْمَضْ يَا  جِفِنْ
شْلُونْ بِيَّه  لُو  أَبُو  الْيِمَّه  انْچِتَلْ
-----------------------
مَرَّتَ  ايَّامِ  وْوِصَلْ  أَفْجَعْ  خَبَرْ
بْكَرْبَلَه حْسِينِ انْگِطَعْ مِنَّه النَّحَرْ
وِانْسِبَتْ  نِسْوَانَه  رَبَّاتِ   الْفَخَرْ
عَالْمَهَازِلْ ظَعْنَ ابُو الْغِيرَه  حِمَلْ
-----------------------
#العليلة

الشاعر حسن خنافر العاملي

بصوت. مسلم المطيري
فَارِگُونِي   وْخَلَّوِ   بْگَلْبِي    جَرِحْ
وِالْمِسَه  يِنْثُرْ  عِلَى  جَرْحِي  مِلِحْ
وْلُو نِمِتْ يِلْچِمْنِي مِشْرَاگِ الصُّبِحْ
هَاذَه حَالِي من مشو عني الاهل

الشاعر
حسن خنافر العاملي

قصيدة بحق السيدة زينب عليها السلام

زينب ياغريبة ابلاية وليان
ياهو اليعتني ويحشم الاخوان
_
مهمومة وتون محد حظرها
بديار الغرب حفروا كَبرها
لصوب العلكَمي دارت نظرها
وينك يالكفيل اتجيني دفان
____
جايبلي الچفن ويجيني الحسين
ظنيت ودموعة ايهلها بالعين
ويهيل الثرة اعلية بالايدين
ناموا بالكَبر ياوسفة الاحنان
___
اجاني الموت خوية اتلاحكَوني
وين اهل المحنه ما يجوني
ناموا بالكَبر بس لا نسوني
ما واحد اجاني وجاب الاچفان
__
شلت الراس عالي ابجال اخوتي
هسة انة وحيدة ابيوم موتي
من كثر النخاوي راح صوتي
كل واحد كتر بينا الدهر خان
___
صعبة تموت حرمة ابلاية والي
بغياب الاهل مشدوه بالي
حال الظيم يا خوان حالي
مدفونة غريبة ومو بالاوطان
__
موش ابمكَبرة وحدة صفينة
شي ابكربله شي بالمدينة
وبأرض النجف نايم ولينة
وبارض الشام موتي ياهلي حان
__
أسالكم الدعاء رائد الاسدي