اشما مــــــرت بينه الايام
                      بهاي الخدمه انضل خدام
                         ياحسين       ياحسين
                  ــــــــــــــــــــــــــــــــــــــــــــــــــ

                   كلمة عهــــــد وبدمنه خطيناها
                  للموت هاي الخدمه نبقى وياها
                 اقـــــــــرب وسيله للعلي شفناها
                  من الطـــــفوله الخدمه حبيناها

                    الهاي الخدمه انضحي ارواح
                   وبيها اشـــــــــما نتعب نرتاح
                         ياحسين      ياحسين

                  ــــــــــــــــــــــــــــــــــــــــــــــــــ

                  لآخر نفس هــــذا الطم من عوفه
                  والمالطم ويـــــــانه غبره اجفوفه
                  خل نلطم عله الفكد بالطف شوفه
                  وخل نبجي  للركب هزل مجتوفه

                      شما نبجي ونلطم الحسين
                      هم مانكـــــدر نوفي الدين
                           ياحسين     ياحسين

                   ــــــــــــــــــــــــــــــــــــــــــــــــــ

                 ندعي الله كــون يديم هاي الخدمه
                 ياربي لا تحرمنه مــــــــــن هل نعمه
                 بكل مجلس الله يصب علينه الرحمه
                 عـــــــــطر الحسين بكل عزاء انشمه

                       بهاذ المجلس يا هل اناس  
                       حاضــــــــر ويانه العباس
                         ياحسين         ياحسين

                    ــــــــــــــــــــــــــــــــــــــــــــــــــ

                  هـــــــــذا العزاء انقيمه بسم الزهرة
                  واحدنه للخـــــــدمه يضحي ابعمره
                  هنياله البهاذه الـــــــــعزه دك صدره
                  بالمـــــــحشر الزهرة تجي وتحضره

                     الزهرة اتحضره وتمشي وياه
                     بهـــــــــــلا بالخــــادم تتلكاه 
                       
                         ياحسين      ياحسين

                    ــــــــــــــــــــــــــــــــــــــــــــــــــ

                  مذبوب ســـــــــرنه بالمجالس هايه
                 ونموت لــــــــــو ماعدنه يوم اقرايه
                 حسين مــــــن عوفه نطينه احجايه
                 خدامه ذول احـــــــنه الصدك وفايه

                       وفايه ونبصــــــمله ابدم
                       لآخر لحضه انضل نخدم
                        ياحسين      ياحسين

                  ــــــــــــــــــــــــــــــــــــــــــــــــــ

                   هنيالكم  هــــــذا الشرف والرفعه
                   وتدعيلكم مــــن كل كلبها البضعه
                   واحدكم عله حسين ميكض دمعه
                   ومن يلـــطم ابلطمته يكسر ضلعه

                        رفعت راس وكرت عين
                        انتم ياخــــــدام حسين
                         ياحسين      ياحسين

 
                     ــــــــــــــــــــــــــــــــــــــــــــــــــ
حسين عبد الزهرة الدراجي

بصوت. مسلم المطيري

شما مرت بينه الأيام

كلمات الشاعر
حسين عبدالزهره الدراجي

امك للعزه هلـــــــــــــت بواجيهه
***
 
جاسم يابعد كَلبي وبعد عــــــــــــيني
اشــــــوفن وجهك امكدر دحاجـــيني
همـــك يالولد يمـــــــــــه يآذيـــــــني
وين اتريد جـــــــــــــــا امك تخليهه
***  
 
اسم الله اعليك يبني اتحضرك الزهره
اشوفنك ييمــــــــــه اتخنكَـــك العبره
شنهي الي محزنـــــك والكَلب جمره
ناوي الموت متعنــــــــي المواضيهه
***  
 
ليش اخــــدودك الحلــــوه يبعد اهلي
تجوت بالدمــــــــع هايالولــــــد كَلي
بس انته بكَيت واصبحـــــــــت ظلي
موش انته الكلت امـــــــي واباريهه
***
ييمه ايكَلهه مااصــــــبر بعد لاوين
انهدم حيلي ييمه من سمعت حسين
ينادي مابكَالي ناصـــــر ولا معين
وتكتل عمتــــــــــي ونهه وبواجيهه
***
 ييمه ما بعــــــــد اكَــدر ثقل همــي
تفطر باب كلبي مـــن شفت عمــي
راح امشي واخلي حنتــــي بدمــي
وعليه اسهام عدوانــــــي ومراميهه
***
لوسال الدمه ذكرينــــــــــي يايـــمه
عريس وتراب المعركــــــه طــــمه
وعن باقي الشباب ابنج كَبر ضـــمه
وعبراتج تظل هيــــــــــه ونعاويهه
***
يبني يالولد لطمي بنعي وعبــــــرات
اشلون انساك وكَليبي انترس لجمات
ما يكفي الحزن والجمره والدمعــات
صعبه ابلا ولــــــــــــي امك تخليهه
***



أبو علي الركابي

بصوت. مسلم المطيري

امك للعزه هلت بواجيهه

كلمات الشاعر
ابو علي الركابي

#الانصار


ثله مـن خير الرجال
عيدهم سوح القتال
اتحـزمو لجل النزال … أنصار الحسين
©©©©©©©©©

ونعــم مــن زودهـــــم
ياهوه يدنه احدودهم
اتحزمو لجل المنايه وما يخافون
زلزلو ميـــدانهم
والنصر عنوانهم
ابراية حسين بفخر گامو يهوسون
هـوه راية دينهم
قدموله اسنينهم
حسين غالي ولجله يرخص ماي العيون

ثوره صنعو بالدماء
وخلــدتهم كـــربلاء
همه عنــوان الوفاء ... أنصار الحسين
©©©©©©©©©

حسين هوه اختارهم
عنده كل اســــرارهم
احزام صاروله وتجيه وسيف وزنود
ابطفه رفعو راسه
وشـــيمو عبـــاسه
وكسـرو اقماد السيوف وهدو ابزود
ناصـرو محبوبهم
ما تلين اگلــوبهم
گلوب چن زبر الحديد وكلهم احيود

اصدورهم سور الخيام
هـدف صــــارن للسهام
جابو الزينب ســـــــلام ... أنصار الحسين
©©©©©©©©©

وهـب جون وعابس
اهواي عدهم واهس
اتحـــزمو بالغيــــره بالطف ويگولون
احنه نبــــدي الغاره
حسين كلنه انصاره
انمــــوت دونه وما نخليــهم يگربون
وهد حبيب الهيبه
رغم ســنه وشيبه
لجل زينب ضحه روحه وگالها اتهون

خضب اللحيه ابدماء
اويقسم ابرب السماء
مضــو كلهم ســـعداء… أنصار الحسين
©©©©©©©©©©

يا صــفات اگلوبهم
وفو حق محبوبهم
والله لو هيج الوفه لوينگطع دوم
الطف عليهم شاهد
مضو واحـد واحـد
ناذرين ارواحــهم لحسين هاليوم
عاگـدين الرايـه
البالشدد وفـايه
وگفو الوگفه التشرف ردو الگوم

ناصرو روح البتول
نطو شــبان وكهول
بيهم اتباها الرسول… أنصار الحسين
©©©©©©©©

ذوله اهل الشاره
اســيوفهم بتاره
أشــــــدا وبالحـــرايب كلهم اثگال
حسين حظرو يومه
ابســـــاعة الملزومه
وثلث تنعام وگفـو وگفـت اجــبال
من دماء انحورهم
خضــبو عاشورهم
شرفو طف كربلاء ابدمهم السال

واللـــه منهم ونعم
غيره وصرار وعزم
نكسو روس الزلم… أنصار الحسين
©©©©©©©

        الخادم
✍كامل السعيدي

بصوت. مسلم المطيري

ثله من خير الرجال

كلمات الشاعر
كامل السعيدي

قصيدة العليله…

رســالة شــوگ للمحـــبوب   ابعثهه ابدمع عيني
السوالف من يصير اغروب   اذكرهـه وتبچيــني
سلاماً ياحسين
سلاماً ياحسين
            ـــــــــــــــــ ❁ ❁ ❁ ــــــــــــــــــ

اسولف وي صوركم وبدي بعتابي
وين الگـه اليوصـل ليكــم اكتابي
الحـزن بويـه بعـدكم چـودر ابابي
عليله انه وثگل بغيــابك امصابي

گلبي ابكل مســـيه ايذوب   وفرگتكم تاذيـني
السوالف من يصير اغروب   اذكرهه وتبچيني
سلاماً ياحسين
سلاماً ياحسين
         ـــــــــــــــــ ❁ ❁ ❁ ــــــــــــــــــ

ورده انـه وذبل شكلي ويبـس عودي
سهري اولون وجهي وعلتي اشهودي
من كثر البواچـي امجرحه اخـدودي
علّـي يضعـــونهم اتوســــلچ عـودي

ما ادري ارحــلو يا صــوب   عگبهم شلي بسنيني
السوالف من يصير اغروب   اذكرهـه وتبچــــيني
سلاماً ياحسين
سلاماً ياحسين
           ـــــــــــــــــ ❁ ❁ ❁ ــــــــــــــــــ

اطــب للدار وتذكــر سـوالفكم
ماضنه الزمـن ياوالـدي ايردكم
لاچـن ياهلـي ارد انه احلفــكم
اشما شفتو يتيمه اتذكرو بتكم

يبويه اتنــــطر المكــــتوب   منك يمته يلفيني
السوالف من يصير اغروب   اذكرهه وتبچـيني
سلاماً ياحسين
سلاماً ياحسين
          ـــــــــــــــــ ❁ ❁ ❁ ــــــــــــــــــ

احنــن للطــفل وتذكـــر امنـــاغاه
وتفگــــد مجــانه وبيـــه ما الگـاه
من أذكر رقيه وسكنه اصيح احاه
كل غالـي الزمـــن وياي ما خــلاه

وعمــي الكافل المهيــــوب  هجرني وزيد اونيني
السوالف من يصير اغروب  اذكـرهه وتبچـــــيني
سلاماً ياحسين
سلاماً ياحسين
         ـــــــــــــــــ ❁ ❁ ❁ ــــــــــــــــــ

اشم بتراب اثركم وختنگ ونعه
عفتوني وعليه ضـاگت الوسـعه
اليســافر للمـنيه انوب شيرجعه
اودعــنه وداع العيــن للدمــــعه

ابسهم هجره الگلب مصيوب  ونار اوداعه تچويني
الســــوالف من يصير اغروب  اذكــرهه وتبچـــيني
سلاماً ياحسين
سلاماً ياحسين
        ـــــــــــــــــ ❁ ❁ ❁ ــــــــــــــــــ

     الخادم
كامل السعيدي

بصوت. مسلم المطيري

رسالة شوگ للمحبوب
ابعثهه بدمع عيني

كلمات الشاعر
كامل السعيدي

#تراث

يحسين الخيم يحسين...گوم ولحگ عليهه
حرگوهه العده بنار...وأطفال وحرم بيهه
ــــــــــــــــــــــــــــــــــــــ
أجت نار وشرار النار صار اعل الخيم لهاب
أجت الخيل أجت يحسين تتراكض على الاطناب
أجت تسلب خدر و حجاب حرم عفه وخدر و حجاب
شگول اشكثر جم سلاب أجت سبعين الف سلاب

ولن بس العده ايسلبون
الخيم چان المصيبة اتهون
لچن هم گاموا ايحرگون

الخيم عل الحرم والايتام...ولا واحد يحاميهه
ــــــــــــــــــــــــــــــــــــــ
إذا عندك بعد يحسين بگت مهجة سليمة و روح
اعله زينب خل يحن گلبك وگلهه ابيا كتر مطروح
أخاف احجيلك ابيا حال والجم گلبك المجروح
بين الخيم والميدان مهضومة وترد واتروح

لاتگدر تجي يمك
وتعوف العيلة بخيمك
ولاتقبل يضل جسمك
يتگلب على التربان...بذاك الحر ياواليهه
ــــــــــــــــــــــــــــــــــــــ
أختك تدري بيك أختك أنت اعله الثرى ابيا حال
لجن غصبن عليهه اليوم تحشمك والدمع ينهال
وحيدة وخمسة ثمانين عدهه من حرم أطفال
الحرمة ابوليت السلاب وطفلهه ابسحگت الخيال

وخيمهه ابلهبت النيران
وأنت اموسد التربان
مو حگهه يهل العطشان

تگول الله يساعدهه وأنهض يلولي ليهه
ــــــــــــــــــــــــــــــــــــــ
أجت ليك ابگلب لهفان لچن ما أجت زينب ليك
تريد الحره تشجيلك هضمهه الي جره وتاذيك
أجت ليك الغريبة أتشوف أشصاير يا غريب اعليك
أجت تشوفك اليا حد حر العطش أثر بيك

وإذا تشجي العطش يحسين
تعصرلك أدموع العين
لجن بس أنت للمتنين

لتصد وتشوف أشلون أبسوط العده أموسميهه
ــــــــــــــــــــــــــــــــــــــ
تگدر تسمعلهه الصوت تگدر ما أظن تگدر
صوت الي تحشمك بيه والله أيفتر المرمر
أذا من العطش گلبك هو أمروع أمفطر
بعد يحمل أعتاب أشلون أشد من العطش والحر

اشرايك بعد يامظلوم
تگدر للغريبه اتگوم
لو تبگه اعله هذا النوم

بلحر والشمس وأختك مهظومة تخليهه
ــــــــــــــــــــــــــــــــــــــ
أخذ هاك أخذ هذا الصوت إجاك ابدافع الحسره
صوت وحسرة ويه الصوت كل حسرة أبلف جمره
وتحاچيك وحچيهه وياك كل چلمة تجي بعبره
تگلك ها يمن بجيت بهضمك أمك الزهره
العدة ايگلو لك أختك هاي علتل شابچه العشرة

اشتگلهم للعده ياويل
تگلهم مابگالي حيل
أگوملهه و أرد الخيل
وتضل صابر ولو يحسين يگلو لك أمسلبيهه
ــــــــــــــــــــــــــــــــــــــ
أخوي ومدري شحچي وياك أخوي وحرت بين أمرين
أشوف الأخت حگهه أتگوم تعتب عل الأخو يحسين
أشوف أنت عله التربان بعد وين أنت وأنه وين
أعذرك واسكت واصبر أموت من الصبر يحسين

عليك اعتب أخاف عليك
يبن أمي العتب ياذيك
وأنه أدري بعد ما بيك
نهضة وچبدتك يحسين بلمثلث أمصوبيهه
ــــــــــــــــــــــــــــــــــــــ
عله التل أوگفت يحسين واعاين گمت للحومة
نايم أرد اشوفك وين بطل حيلي عل هلنومة
وردت يحسين اگلك گوم عليك أمك المظلومة
خفت هذا القسم ياذيك اسكتت وابگيت مهضومة

وتالي واحد من أعداك
يزينب صاح اخيچ ذاك
بأخر نفس عفته اهناك

شربت ماي اذا عندچ لخوچ بساع وديهه
ــــــــــــــــــــــــــــــــــــــ
أنكسر گلبه عله حال أخته وثلث مرات گام وطاح
وتحسر وبضعيف الصوت يزينب هاه يزينب صاح
كسرتي ابنخوتج گلبي ودمع عيني ويدمي ساح
تجيني للحرب تردين وبعد لحظة يجي الذباح
واذا من السهم ثلثين من گلبي يزينب راح

اشلون اگدر اگوم اشلون
وصار أظلم بعيني الكون
يأختي راحو ايسلبون

اعيالي رديلي اعيالي امن السلابه خلصيهه

إلتوت مكسورة الخاطر وصفگت يمنه بليسره
وصاحت آه يخويه آه تظل نايم عله الغبرة
وتگلي رديلي أعيالي شرد أعيالك امطشرة
تگلي أخيامي حاميهه أخيامك گلهه مستعرة

تگلي هودي الأطفال
شوف أطفالك بيا حال
أجت سبعين الف خيال

وگامت تسحگ أطفالك بعد شلون أحاميهه

الشاعر المرحوم
الشيخ هادي القصاب


#نسألكـــــــــــــم الدعــــــــــــــاء

بصوت. مسلم المطيري

يحسين الخيم يحسين
گوم ولحگ عليهه

كلمات الشاعر المرحوم
الشيخ هادي القصاب

خيم اليل علينه بليلة العاشر سوا
انه وياك نسولف والكمر راعي اللوا
هسه بحماكم كرام مدللين

باجر عل لهزل أسرةمكيدين
سولفولي
::::::::::::
ليلة العاشررهيبه ليلة اوداع الأخير
خويه انشدكم علمكم عل يصير ومايصير
سولفولي الكلب خلص وين تاليها المصير
خمسه بس اخواني بالطف قله لحسين النصير

تسعر الناربدليلي ياجرح ماله دوا
احجي خويه حسين احجي ضاك بنفاسي الهوا
بسرعه وياكم كظت ذيج السنين
::::::::::
خلصت سنين العشتها وياكم وراح العمر
هاي ساعات الأخيرة وخايفه بطرت الفجر
خويه كلولي شأسوي كلب أبد مامستقر
يالعقيله حسين كلي صبري موسهل الأمر
باجر همومج ثكيله ونتي تحمي العايله
باجر بساعة رحيلي تبدي عندج كربله
باجر انتي العايله تتكفلين
::::::::::
من يطر فجر المصيبه شلون زينب صايرة
تكصد الخيل ابحقدها عل مخيم غايرة
زينب اطلعين يختي من المصايب حايرة
ونتي بين الحرم واهلج صرتي بالطف دايرة
من يهجمون عليكم يعني اخوتج عل ثرة
ونتي عل نوك عكبنه بسبي يابت حيدرة
وروس اخوتج عل رماح معلكين
""""""""""""""""""""
وكلها ابوفاضل يزينب لجلج يهون العمر
زينب الحد المنيه انه احاميه الخدر
ولوطحت فوك الشريعه منج اترجه العذر
سامحيني لوأجيتي مكيدة بدرب اليسر
من تمرين غريبه وحايرة بظعن الحرم
ومن تسلمين عليه بيج أشم حرك الخيم
وأمرج الرب البرايه تسلمين
باجر عل لهزل أسرةمكيدين
::::::::::::
كبل لايلفينه باجر بالسمعته اتلوعت
ليله مامرت مثلها بعالم الدنيه
اسمعت
باجر ايذبحون اخوها وكاعدة كباله الأخت
ريت قبل الي سمعته ياعزيز الله متت
تدري الوداع يموت للتودعه ومايرد
صعب الفراك عليه وباجر يموت الورد
باجر بيا حال اخوتي وانه وين
باجر عل لهزل أسرةمكيدين
::::::::::
تمت بعون الله تعالى
خادم خدام العترة ع
علي داود المياحي
تاريخ انتها الكتابه 2024/5/22م

بصوت. مسلم المطيري

خيم اليل علينه بليلة العاشر سوا

كلمات الشاعر
علي داود المياحي

زلـــــزال… حملت علي الاكبر
من صال… صـوت النصر كبر
** * *
هذا ليث الموزمه.. سوه بالطف ملحمه.. سيفه ضل يگطر دمه
امن ادماهم
ضجه صارت نينوه.. ارماد طشهم بالهوه .. أظلمت وبــلا ضوه
خلاهــــــم
يبس ارياگ الزلم ... بيهم ايطش ويلم ... منــه مـا واحـد سلم
ذلاهـــــــم

بالسيف… خلص رگبـهم كر
زلـــزال… حملت علي الاكبر
*
ريح صرصر فزعته... نار كبره ابخزرته ... موت أحمر ضربته
ياويلهم
كل معسكرهم شرد… ماثبت منهم احد ... وگفته وگفت اسد
مابينهم
اگبالهم تاه المفر ... من درو سيفه انشهر … سوه من دمهم بحر
هد حيلهم

والجيش… من فزعته اتحير
زلـــــزال… حملت علي الاكبر
**
عل جحافل من يشد.. بروسهم يحصد حصد.. ذكر الگوم بأحد..
وبخيبر
بي مراجل حيدره.. وعمه سبع الگنطره.. اسد وگت الزمجره
ويتبختر
عاصفة نار ويهب.. سيفه ضل يلهب لهب.. منه كلمن يقترب
يتحــير

سجيل… يمطر على العسكر
زلــزال… حملت علـي الاكبر
**
فارس وحيد وكلف.. گابل السبعين ألف.. سوه بحر امن النزف
بطفوفه
ضهضب وهد ابزعل .. صاعقه الاكبر نزل ..موت موسيف انحمل
بچفوفه
ابينهم ضل يرتجز.. چن رعد صوته ويهز.. بكر ابـن غانـــم يفـز
من خوفه

ويگوم… مثل الاســـد يزئر
زلــزال… حملت علـي الاكبر
*
لو كشخ بمذهبه .. يبتســــم للنايبه .. يخسه جيش الناصبه
ايهز طوله
فرهه فر المسبحه.. لاچهم لوچ الرحه.. سوه بالطف مذبحه
وشهدوله
مايهم بكبر عدد.. اجموعهم صارت بدد.. يطلب امن الله لمدد
وينــوله

كـرار… وكت الحرب مافر
زلزال… حملت علـي الاكبر
**

         الخادم
✍ كامل السعيدي

بصوت. مسلم المطيري

زلزال... حملت علي، الاكبر

كلمات الشاعر
كامل السعيدي

بصوت. مسلم المطيري

زينب (ع) في الكوفة

أعـــلام الحـــــزن فــــرگاك رفها
وكثره جروح گلبي وصعب رفها
يمن چانت حیاتـــــي وياك رفها
اخبرك صــــرت بالكـــوفه سبيه

بِلال الطف ندهْ سمعي وذنباي
وحوافر داسن بصدرك وذنباي
يبو الأكبر شنــي ذنبك وذنباي
راسك عالرمـــــــح وآنه سبيه

دمعي جــروح بالـوجنه يدمّي
يد بيها احضــن سكينه يدمّي
السوط البي عُمر كسّــر يدمّي
شمــــر يحسين رد شاله عليه

✍ فراس المحمداوي

زینب لفت للحادی وگالتله یحادینه
مر ابحومة الميدان حتى أنودع اهالينه

الله اعليك يا حادي مربينه أعلى وليانه
ووچب بلهزل ساعه وبمسراهن اتوانه
انرید أنودع اهالینه ونخبرهم ابممشانه
یحادی الحرم مهظومه
انرید انروح للحومه
انشوف اهلی تظل نومه
یو تنهض تلوح الخیل ویانه اوتبارینه

های النوگ مهزوله اوحدج ماتلتجی اعلیها
یحادی اشلون نرکبها وانامن تمشیها
انرید انروح للولیان نخبرها أو نحاچیها
مرنه اعلی المسنایه
اوگف یم صاحب الرایه
انشوف الضیغم اشرایه
یرضه ابولیة العدوان ابوفاضل يخلينه

مانکدر نروح اویاک یلحادی اعلی هلحاله
انطب اعلی بن مرجانه ابذلّ الیسرواحباله
انرید انشوف اخوی احسین عدمن ودع اعیاله
یاهو الی یباریها
لو سار الظعن بیها
الکوفه اشلون اطب لیها
واشوف الوادم ابعینی وأحنه الظیم عالینه

اسولفلک یهلحادی لمن چنت بلکوفه
ابوی اعلی الخلگ سلطان بیامه المعروفه
منیجبل علیها العید أتحب الوادم اچفوفه
ایگلوله نسانه اترید
اتعید زینب ابهالعید
أتحب منها الجدم والاید
منک نطلب الرخصه
اتعایدها اوترد لینه

ابوی الفحل مایرضه یرخصهن یعیدنی
خافن للزلم یرحن ویحچن منیشوفنی
من ذاک الخدر لنهن یسمعن علهزل ونی
یحادی الموت اشوالی
اولا تتشمت ابحالی
شگلها التوگف اگبالی
اوتنشدنی اعلی ولیانی
او عن ذاک الخدر وینه

الحادی من سمع زینب مر بلضعن بلحومه
زینب شافت الولیان کلها اعلی الارض نومه
تتهاوه الحرم گامت والعبرات مسجومه
او زینب تجذب الونه
اتگلهن گومن امشنه
لعندالنهر نتعنه
نرید الجابنه لهنا هوه الی یودینه

أخذت زینب العیله أو راحت للمسنایه
وگفت یم ابوفاضل اوشالت بیدها الرایه صاحت گوم یاعباس لختک راحت اسبایه لحد یسبع الگنطره
نایم یخویه اعلی الثره
وختک خذوها امیسره
یاعباس مانی اختک او جیت انخاک یلوالی
اگعد نش ادموعی اوعاین ذلت احوالی
یخویه ناگتی عجفه اوشمر أو زجر یبرالی
انهض یحمای الظعن
سدر خواتک للوطن
عگبک یعباس انولن
یخویه النوگ مهزوله
أو شمر أو زجر یبراها
عریه ابلاحدج کلها
او تتعثر ابممشاها
من توگع یتیمه الکم
یاهو البعد یتناها
وزنودی مچتوفه ابحبل
یاطفله اباری اویا طفل
متحیره أو دمعی یهل
ما چان ایخطر علبال
یاعباس تنسانی
اتضل اعلی النهر نایم
یبوفاضل الذرعانک
فدوه اتروح ذرعانی

من کلمات الشاعر المرحوم السید عبدالحسین الشرع
الحان وأداء الرادود الحسيني ابوجليل الدردوشي

بصوت. مسلم المطيري

زينب لفت للحادي وگالتله يحادينه

كلمات الشاعر المرحوم
السيد عبدالحسين الشرع

امودع يانور العين

امودع ياشوف العين هاي المسيه
تشبه لجمـات حسين هاي المسيه
مثله اعله الكَاع اتنام مطروح اتلــــث تيام
هاي المسيه هاي المسيه
***
جيتك يالجـــــــواد وروحي حزنانه
وعيني امن المدامع تجري غركانه
شفت البيت اظلم تبجــــــي حيطانه
تنعه امكدره ومســــــــــدوده بيبانه
وينك يابعــــد الروح هاي المسيه
ميت حيلي المجروح هاي المسيه
متروس ابنك آلام مطروح اتلث تيام
هاي المسيه هاي المسيه
***
اجاك الهادي بويــــه والنفس عالي
ضاك الهوى بريتــي وماتت آمالي
صعدت اعله السطح وانمرد دلالي
شفتك ميت اعله الكــــــــاع يالغالي
مطروح اعلــه التربان هاي المسيه
كلبك ضامي وعطشان هاي المسيه
تنعه وتبجي الايتام مطروح اتلث تيام
هاي المسيه هاي المسيه
***
طحت اعليك اشــمن بيك واتحســـر
شهكَت روحي من الشفته ما اكـــدر
الله ايعين زينـــــــب يم ابو الاكـــبر
من شافت اخوهه اعله الثرى اموذر
جسمك مابي طعنات هاي المسيه
لا سحكَه ولارفسات هاي المسيه
حسين المتروس اسهام مطروح اتلث تيام
هاي المسيه هاي المسيه
***
شك كَلبي الحزن وامصابك الليله
الله ايعين جدي المنهـــــــدم حيله
علي السجاد شـــــــح اللي يتجيله
اخيامه امحركَه ومحـــتار بالعيله
سالفتي اتظـــــل انحيب هاي المسيه
ماظن اجروحي اتطيب هاي المسيه
لافي ظل ولاخيام مطروح اتلث تيام
هاي المسيه هاي المسيه
***
ثلث تيام ميــــــــــت بالشمــــس نايم
لجن جسمك اشوفه امن الطعن سالم
مو مثل الغريب الذبحـــــــته الوادم
واخته اميسره ومجتوفـــــــه للظالم
كَلبي اينشاغ محروك هاي المسيه
آه اعله الطـبت سوك هاي المسيه
انعه وألطم عالهام مطروح اتلث تيام
هاي المسيه هاي المسيه
***


ابو علي الركابي

بصوت. مسلم المطيري

مودع ياشوف العين. .. هاي المسية

كلمات الشاعر
ابو علي الركابي

بصوت. مسلم المطيري

١٠٨٨- سيدي ابا عبدالله

اطوف بكعبة جروحك وناحاي
وعله مصابك اجر ونّي وناحاي
اذا يحسين ماخـــدمك وناحاي
اموتن خـــاسر مصفــرات اديه

✍ فراس المحمداوي