بصوت. مسلم المطيري

دمع بالعين ابد مانشف يمه.
علۍ الذبحو ومحد ﭼـان .يمه.
من نحره سمعته يصيح. يمه.
مرد گلبي السهم وٲثر عليه.

ابو حيدر الصبيحاوي

من الاول للاخير .. بس علي هو الامير
@@@
يا علي مولاه بوالحسنين يافارس مضر
بحبك اثبتنه وعالمنهج لي حز النحر
انته والينه وغالينه وعنوان الفخر
اي وحگ راسك منعوفك ياخير البشر
…
من بدينه بهالمسير .. بس علي هو الامير
@@@
مايهم عاذل لو منه من تالي زعل
بيك لعباده مكتوبه والاجر انقبل
بالحشر حبك ياحيدر للجنه الامل
ياللذي بسمك من أول هالدين اكتمل
…
وبالحشر صار المصير .. بس علي هو الامير
@@@
يابطل خيبر والفارس وانته لا فتى
وبابها العالي بس زندك شاله ابراحته
ياثقل محكم تشهدلك سورة هل اتى
واللذي الكعبه ابميلاده تفخر جابته
…
وبيك بلغنه البشير .. بس علي هو الامير
@@@
اللذي ينكر حب حيدر اعماله سدى
ناصبي وامره لجهنم في حشره غدا
يانفس طه وابعزمك للهادي الفدى
وانته بو الامه والرحمه واركان الهدى
…
الاول بيوم الغدير .. بس علي هو الامير
@@@
وسفه ياحيدر تتركنه في ليلة قدر
ريت بس ليها للمحشر مايطلع فجر
شسوه بن ملجم بهالفعله ما عنده عذر
لمن ابسيفه مولانه ساجد ينطبر
…
جرحه بالطبره خطير .. بس علي هو الامير
@@@
الكوفه بصوابه مذهوله والنور اختفه
بالفرض حيدر واطبر صنو المصطفى
الوحي ناده والوادم سمعت هاتفه
من بعد حيدر يا عالم عالدنيه العفا
…
الهدى ركنه كسير .. بس علي هو الامير
@@@
علي أحمد الحمود

بصوت. مسلم المطيري

من الاول للاخير
بس، علي هو الامير

كلمات الشاعر
علي احمد الحمود

(يازينب)


وويـلاه وويـلاه       يـازيـنـب الـمـظـلـومـه

*-------------------------*---------------------*

        بـالـحـومـه ذبـحـو كـافـلـچ
        يـم عـون يـاهـو ضـل ألــچ
       والــخـيـل داستــهـم هـلــچ

للحباب للحباب       شو طولت هالنومه

*----------------------------*----------------------*

         راح الــيـوفّـيـلــچ وعـــد
         شـگـد نـخيتـي وما گـعـد
        اتـحـزّمـي بـصـبـرچ بـعـد

عله الگاع عله الگاع     غافي وتسيل ادمومه

*------------------------*---------------------*

         بـاچـر تـروحــيـن بـســبـي
         ولـيـحـدي للـنـوگ اجـنبـي
         ماضـل مـحـامـي وطـالبـي

تركضين تركضين      باچر تره وملچومه

*-----------------------*---------------------*

         چــابــو هـزيـلات الــعــده
        أتصعدين وانـتـي امـگـيـده
          ولأهــل كـلـهــه امـوســده

بالعيون بالعيون      هاي الصور مرسومه

*------------------------*--------------------*

          مـا تـرحـم عـيـون الــغــرب
          وبالخيل مكضوض الـدرب
          شـيـوصلـچ ألـيـث الـحـرب

يعباس يعباس       صوتچ عله بالحومه

*--------------------------*--------------------*

         غـاب الــخــدر يـمـدلـلـة
          ضلـت مـدامـع هـامـلـه
          شفت العـذاب ابـكـربلـه

يتانيچ يتانيچ         عاشر محرم يومه

*------------------------*-------------------*

✍خـادم زيـنـب ع
الشاعر رعد الجريخي

بصوت. مسلم المطيري

وويلاه وويلاه يازينب المظلومه

كلمات الشاعر
رعد الچريخي

الدرب ياعمه تعبني،،وظهر النوك دولبني
شمااغفه يطكني السوط ،بيش السوط طالبني
،،،،،،،،،،،،،،،،،،،1،،،،،،،،،،،،،،
ذاك البيده سوط هناك يركض ليه اجه وطكني
جرني بلارحم عمه و من فوك الهزل ذبني
انه شكتله ردت الماي ماسبيته ويسبني
بت حسين موتي يصيح موتي وهوه يجلدني
ثبت فوك الرمح راسه ،وعليه يدير نظراته
ابوي بضعنه وحساسه  ،حاسبهن ابنياته
ليش وما مايكلمني
،،،،،،،،،،،،،،،،،،،2،،،،،،،،،،،،،،،،،
ضلمه الوحدي وفزيت عمه وماتت احلامي
عمه وطيحت الناكه يمكن كاسره اعضامي
انه شمااكوم ارد اوكع دم يصبن اجدامي
اتلفت يمين ايسار وحدي بهيمت الامي
راس حسين من يثبت ،ضاعت لازم بنيه
عمه ومن ضربني السوط، ماادري انغمه عليه
يعمه واعرف الذبني
،،،،،،،،،،،،،،،،،،،3،،،،،،،،،،،،،،،،،،،
جيه اون علئ ابوي حسن كال الشمر كتلوهه
بس يتحرك العسكر من الناكه اشمروهه
بس حسين ابوي وياي راسه يصيح عوفوهه
هاي مدللة كلبي ماي شويه  شربوهه
كابلني زجر شيريد ،بس فهميني ياعمتي
يفتش كتله ماعندي ،تراجي ماكو مثل اختي
يجرهن حتئ من اذني
،،،،،،،،،،،،،،،،،،،4،،،،،،،،،،،،،،،،،،،،،،،،،،،
يعمه ومن طحت علشوك لسه مجلب بهدمي
تعاي وصيحي لسكينه طلعوا الشوك من جسمي
رادوا ضلعي يتكسر جيه هم فاطمه اسمي
شديني بحبل وياج اقبل ضلي بس يمي
وي اجفوفج الميتات خليهم يجتفوني
ودون ارقيه ياعمه خليهم يضربوني
زغيره وحزني شيبني
،،،،،،،،،،،،،،،،،،،5،،،،،،،،،،،،،،،،،
مايوصل لديج الدم يل بحبال مجتوفه
ليش بحجر تتلكاج هاي الناس بلكوفه
ياام طول الي ماينشاف هسه الوادم اتشوفه
ودعتي علئ جرف الماي كافل خدرج اجفوفه
شيب دم ابوي حسين من عاين علئ احوالج
وسفه ويالغرب تمشين عمه ابلايه كفالج
وظهرج شو صفه محني
،،،،،،،،،،،،،،،،،،،6،،،،،،،،،،،،،،،،،،
وينج انتي والديوان وعيون الغرب نتظر
ويمج علرمح عباس خوه من الرمح يكطر
مومر السبي اجرعتي اجرعتي مر المر
راس الكمر بس هزي مروه علئ السبي يمطر
عمه علئ الرمح ويدور ،راسه الكافل علينه
ينظر للحبل كلساع ،وياشر سهم عينه
شوفه هواي عذبني
،،،،،،،،،،،،،،،،،،،،،،،،،،،،،،،،،،
بشار السامي

بصوت. مسلم المطيري

الدرب ياعمه تعبني

كلمات الشاعر
بشار السامي

كل عام وانتم بألف خير عيد سعيد عليكم جميعا
اعاده الله باليمن واليسر عليكم اين ماكنتم
مسلم المطيري
الأربعاء 10/4/2024

فراق الأب وجع لا يحس به إلا من مر به
الأب هو النصيحة التي لا تتكرر أبدا
والدي الغالي كنت ومازلت وستكون حي في، ذاكرتي دائما الى آخر يوم في عمري اسأل الله ان يرحمك برحمته الواسعة وان يحشرك مع محمد وآل محمد

نعي
على لسان السيده الزهراء( ع)
في ذكرى هدم قبور انوار البقيع (ع)

گــبــر مـــا عـنـدي ويـهـدمــوه
هــــدمــــوا گـــبـــر ويـــــلادي

بـظـلـمـهـم لـچـمـوا اضـلـوعـي
واشــكــي الـــحـــال لـلــهــادي

اشـاهـد والــدمــوع اتــســيــل
الـمــنــايـر مــن يــهــدمــوهــه

الـقـبـب وانــوارهــه الـتـزهــي
فـــــوگ الارض ســـــاووهــــه

مــا كــفــه الــحــرگ والــبــاب
ردوا لـلـبــــــقــــــيــــــع اردود

يــعـيـدون الـمــضــه اعـلـيـهه
لــــو عــنــدي گــبــر مــوجــود

اتـانـي الــجــيــت الــمــوعــود
وانــاطـــر لــيــلــي وانـــهــاري

يـــشـــيـــد حــضـــرت اولادي
بــيـــده ويــــاخـــــذ بـــثـــاري

يـــــدري الـغـايــب بــحـــالـــي
يــومــيــه ألّـــچـــم لــچـــمـــه

فـــوگ الـضـلــع والــبــســمــار
اصــد اگــبـــور مـــتـــهـــدمــه

                        *---------------*--------------*

✍ خادم الحسين ع 
      الشاعر رعد الجريخي

نعي بصوت. مسلم المطيري

الشاعر رعد الچريخي

يمته يــــــاثار الله تاخذ ثارك
وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

كـــــــــوم ســـــــل بتارك وليها استعد
عدنه ثــــــــــار وثــــــــــارنه لازم يرد
نحرك الهــــــــــجمو عله اديـــار الورد

ولاترحمه الشــــــغل نار بدارك
وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

حان وكــــــــت الثار يـــــــابن فاطمه
بعد مانســـــــــكت وحك رب السمه
بالبقـــــــــيع اكبور عـــــــدنه مهدمه

كافــــي نايم بالغــــــمد فقارك
وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

الدم يندهــــــك اكــــــعد ولم الحجي
كافي يوميه عله جــــــــرحك تنتجي
كلي عــــــــــد يابير همك تشتجي

وعدمن مخلي يمهدي اسرارك
وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

سنين صـــــــــارلنه الضهورك ننتضر
واحنه منـــــــــتضرين منك بس أمر
الذبحو اهلك مــــــــــايفيدلهم عذر

الطلعتك منتــضره كل انصارك
وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

هـــــد يمن بيك الله جاعــــــل قوته
يابوجــــــــــف المـــــــايثني بسطرته
الحرك دارك كــــــوم وحـــــرك لشته

خل يهب عله الخليفه اعصارك
وتحرك أصحاب السقيفه بنارك


ــــــــــــــــــــــــــــــــــــــــــــــــــــــــــــ

كــــــــــوم ياحيل الله وسرج مهرتك
وخلها فــــــوك امتونك اترف رايتك
بســـــــم ثــــــار حسين أعلن دولتك

وخل تصل سابع سماء اخبارك
وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

سيفك اشـــــــتاك اليمـــــــنتك يالابي
يابو صـــــالح كــــــوم رد ثار السبي
ودوس باجــــــر شكو شارب ناصبي


وخل بذنهم يدك صوت انذارك
وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

ذنــــــــــي ثاراتك وبـــــــــد ماينسن
عيون كـــــــل عاشك لـــــك يتنطرن
بيدك الحــــــــــل والعكد يبن الحسن

بالعدل تحـــكم الباري اختارك
وتحرك أصحاب السقيفه بنارك
ــــــــــــــــــــــــــــــــــــــــــــــــــــــــــــ

يمته تشرق شمسك وتضوي الارض
اشكد بعـــــــدلك يبو الغيره وتنتهض
متنه وبجيتك يــــــــــرد بينه النبض

انعيش من نشتم يمهدي ازهارك
وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

حسين عبد الزهرة الدراجي

بصوت. مسلم المطيري

يمته ياثار، الله تاخذ، بثارك

كلمات الشاعر
حسين عبدالزهره الدراجي

(( مَطلَبُنا البَقيع ))

………………..………………………………………

مطلبُنا البقيع . و حزنُنا الفجيع
فليسمعِ الجميع . ثأرٌ ولا يضيع

……………………………………………………………


فليسمع سعود الحكم . واسمع ابن تيميه
مطلبنه مو مطلب ضعف . مطلب زلم شيعيه
الحگ ابد ما ينطلب . ينوخذ برجوليه
طبة الكافل للنهر . انعطش الحجاز و ميه

مطلبُنا القباب  . يامن غدت خراب
آلُ ابي تراب  . قدّوُمُهم سريع

……………………………………………………………


جدتكم الوگفت امس . حقد ابگلبها اتزيده
في بيتي نعش المجتبى . ما يندفن ما ريده
اعليها طلعتو ابلا رحم . والظلم تم تجديده
نفس الضرب نعش الحسن . رد هدم گبره بأييده

آه على الامام . في نعشهِ السهام
و قبرهُ رُكام    . في منظرٍ فضيع

……………………………………………………………


من گلشي نابع من علي . يسعود بيكم خوفه
الوهابي بعيونه الصحن . سيف الفقار يشوفه
يخاف البقيع و ينگلب . چن كربلاء و الكوفه
معناها ما يبقى الحكم . وسعود اديه مجتوفه

نساءُ لا رجال . و ترتدي العِقال
نأتيكمُ كحال . ذئبٌ غزا القطيع

……………………………………………………………


هاك استمع هذا الحچي . وادريك تصفن حاير
بالگلب شباچ الحسن . اعليه النبض ظل داير
السجاد نشتمه عطر . ابريّتنه اصبح حاضر
العينين بيتين اصبحن . للصادق و للباقر

اولادُ طه نور . وليسَ في القبور
وهم لنا زهور . حياتنا ربيع

……………………………………………………………


اهوايه العليكم اصبحن . يهل اللحايه القذره
المحسن و بسمار الذبح . وضلعين من الزهره
وراس التعله اع الرمح . والـ عالهزل متيسره
وراعي الطلابه اشگد صبر . بيكم يطلع صبره

مهديُنا قريب . في قلبهِ لهيب
يغدو لكم نحيب . ولا لكم شفيع

……………………………………………………………


غصبن عليكم تنبني . اربع گبب مرفوعه
ياحاج لا تشرك بعد . وي اللسن مگطوعه
زوار چن يوم الطبگ . يم الحسن مجموعه
وماكو ولي الا علي . وبكل نجِد مسموعه

مشايةٌ نسير . كبيرُ و الصغير
والقائمُ الامير . وسدُّنا المنيع

……………………………………………………… ..…
✍️ ( سيد خضر الزاملي)

بصوت. مسلم المطيري

مطلبنا البقيع.


كلمات الشاعر
سيد خضر الزاملي

بصوت. مسلم المطيري

ـــ
نعي

لذكرى هدم. القبور


الحياة. بدون اهل البيت مرّه
وبعدهم هم على الدلال مره
ازور اهل البقيع ادعيك مره
يلاهي بجاه كل دمعه الرقيه

…… ..

شكثر نحتي وبچيتي هناك يمهم
ونصبتي اشچم عزا بالنوح يمهم
عليهم سطّريتي هموم يمهم
يفاطم وامست دموعج جريه

…… .
الشاعر محمد حسن ضيغم

للبقيع انــــروح بذن الله المــعين
والأيمه انـزورهـم وام الــبـنـــين
♕★ ★ ★♕★ ★ ★♕
نــزور ابو مــحمد نـون وبكل الم
نگله كبرك ســــيدي ليــش انهدم
انته مـومـعـروف  بلــــعز والكرم
انـــته يا مـولاي امــام المتـقيــن
♕★ ★ ★♕★ ★ ★♕
وابــــو الـــباقر لازم نزوره بهضم
نزور وبــكل حــرگه ونـزيد اللطم
حته نمحي اليوم كل جور وضلم
الخــاطر الـســجاد زيـن العابدين
♕★ ★ ★♕★ ★ ★♕
نحَـــني گبر الباقر بـــسيل الدمع
الي حــبه بلــكلــب مــا يـنتـــزع
وعله كــبره هــناك بـــيــرغ يرفع
حــتــه يـنــذلون كـل الـضالمــين
♕★ ★ ★♕★ ★ ★♕
نزور امام الصادق بشوگ وعشگ
يــمه كـون انـضل ابـد مـا نفـترگ
هـدمو گبـره الفلا عـدهــم صـدگ
نبني گبره بلهفه وبشوگ وحـنين
♕★ ★ ★♕★ ★ ★♕
نزيـد يــم ام البـنـيـن النــايـحه
والدمـوع انخـلهه تنـزل جارحه
من نخلص النوح نقره الفـاتحه
حته تسهل كل امور المؤمنيـن
♕★ ★ ★♕★ ★ ★♕
لخدام اهل البيت عليهم السلام
منتظر العامري احمد المهدوي
عـباس احمـد مـؤيد العامري
ونسألكم الدعاء

بصوت. مسلم المطيري

للبقيع انروح بذن الله المعين

الشاعر منتظر العامري
احمد المهدوي
عباس، احمد
مؤيد العامري

بصوت. مسلم المطيري

يا لثارات البقيع

عـليـك بـفـاطـمـه الـزهــره  ..  وبنها
يـمـهـدي اعـلـن ضليمـتـهـم  ..  وبنها
أگــبــور الـهَـلــك شـيّــدهــا  ..  وبنها

وخـلـي انـشـوف مـرقـد للـزچـيــه

*--------------------*----------------*


يـضـل دسـتـور لـلـعـالــم  ..  عـلـمـهـم
ويجي يوم اليرف بالجو  ..   عـلـمـهـم
چـف الـجـسَـر بالسـطـره   .. على امهم

فـجــعـنــه وعـاد يــوم الــغــاضــريــه

*-------------------------*---------------------*

✍خادم الحسين (ع)
الشاعر رعد الجريخي

طال الغياب... گوم يامحيٌ الشريعه والشعائر
طال الغياب...والبقيـع بلايـــه گبـه ولامنايـر
نسجت اعليها العناكب.... ماتمر بيها المواكب
طال الغياب....... طال الغياب
ــــــــــــــــــــــــــــــــــــــــــــــــــــــــــــــــ
شحچيلك شسولف والجروح هــواي
اخاف اتجاوز حـــدودي العذر مولاي
ليليه الهمــــوم بگلبي تعــــــــزف ناي
واگول الجمعه ياروحي الفرج هالجاي

آه يغالي... بياجرح مشغول بالك الله يدري
آه يغالي...اليامصيبه ويامصاب دموع تجري
صحت يا أبن الأطايب..... ماتمر بيها المواكب
ـــــــــــــــــــــــــــــــــــــــــــــــــــــــــــــــ
دمـــع العيــن وشـــل مابقتلي دمــوع
مثل ون اليتيم بكل وكت مــوجـــوع
وتخيل گبر مخفي وطفل وضلـــــوع
ومسمار ونحر مدمي وعرس وشموع

وينه وعدك... شوكت بركانك يبن حيدر يثور
وينه وعدك... الك كـــم ثار انتظر يوم الظهور
جارت اعلينه النوايب..... ماتمر بيها المواكب
ـــــــــــــــــــــــــــــــــــــــــــــــ
يبـــــــو صبر الچبير المانفذ صبــره
شوكت لمنه الزچيه اتشيد الحضره
وضلعها المنكسر بچفوفك اتجبـــره
وتگطعها الچفــــــوف الأذت الزهره

يبو صالح.... هــــــدموا دار الأمامه اعله البتول
يبو صالح.... التدعي اصحاب الرساله والرسول
شنو اعليها الحرايب...... ماتمر بيها المواكب
ــــــــــــــــــــــــــــــــــــــــــــــــــــــــ
شوكت جرح الحسن ياسيدي يلتم
وتبنيلـــــــــه ضريحه وگبره المهدم
يالچـــــفك عـــلاج الكــل ألم بلسـم
شيعتكـم يبـــو الغـيره لفاها الهــــم

گبر جدك... مــــهدم وممـــنوع يوصل يمـه زاير
گبر جدك... شوكت خدام الحسن تنصب چوادر
بالصحن نلتم يغايب.......ماتمر بيها المواكب
ـــــــــــــــــــــــــــــــــــــــــــــــــــــ

سل سيف الحرايب اذن واطلــــع
واخذ حق البقيع من العدى مربـع
وخليـــــها المـناير بالذهب تلمــــع
علي اشـــهد اذان من الفجر نسمع

بسم حيدر... تصــــــــدح الأصوات من فوگ المنابر
بسم حيدر...  تقيم حكمك سيدي وتصحي الضماير
بسيفك اعدائك تحاسب.... ماتمربيها المواكب
ــــــــــــــــــــــــــــــــــــــــــــــــــــــــــــ

خادم أهل البيت
وسام عبد الجليل الركابي