الما لاگي دواه وحـايـر ابطبه
خله يروح يتنخى بـابـو طلبه

خله يـروح يتنخى بـابـن جعفر
يمه يجيب ربـنـا دعوة المضطر
ابن حيدر ألف نعمين ابن حيدر
يجيبه ابشدته ويخلصه من كربه

يـجـيـبـه وعنه لا شك يرفع الكلفه
اذا بالـعـلـه حـايـر مـاكـو مستشفى
يم موسى ابن جعفر ياخذ الوصفه
تـتـسـهـل تـرى يـم بابه كل صعبه

تتسهل شكو فوگ الظهر شده
ندعي ابأسمه رأساً تنفك العگده
معروفه الحوائج تنگضي عنده
حگها الناس من أفعاله متعجبه

حگها ابـفـعـلـه تبگى حـايـره الوادم
يظل عايش ملك مَن صار إله خادم
خـيـر الـدنـيـا كــلــه ابعتبة الكاظم
الـكـرامـه والـكـرم تتوسل العتبه

عتبه وبيها يتزاحم سرب الاملاك
مـن ضـي گـبـتـه تتنور الافلاك
گبل الحاجه من عنده يسمعك هاك
بس مدة چفوف وتنگضي الحسبه

بـس مـدة چـفـوف وهـوه يگضيها
المراجل والوفه بس موسى راعيها
هـاي الـشـيـعـه ابـداً مـا يخليها
يحبها ابگد ما تهواه واتحبه

تحبه والوعد گالت جسر بغداد
تشييع الجنازه كل سنه ينعاد
جنازه ومنها نسمع خشخشة الاگياد
عليه حگنا دماء المدمع انصبه

عليه حگنا الوجه بچفوفنا انلطمه
وا ويلي على موسى وعلى سمه
والدم الـ نزل من چفه وچدمه
حزنّا بالمدامع لازم انكتبه

....
.
.

تمت.. رجب ١٤٤٤هـ

المتوسل بباب الحوائج.. حسين عبد الله المعيبد

بصوت. مسلم المطيري

الما لاگي دواه وحاير، بطبه

كلمات الشاعر
حسين عبدالله المعيبد

بصوت. مسلم المطيري

نعي للامام موسى بن جعفر الكاظم عليه السلام

من دنياك   يلمهموم حالك
ومامرتاح طول الوكت بالك
للكاظم فجر نَوَّخ ارحالك
يمه اتزول كل عله خفيه

اجد بالسير مهما طال ممشاي
گبل الجدم گلبي  ليك عناي
عليك ابلوتك تنظر  البلواي
وتحل يابوالرضا الصعبت عليه

قصدتك ماتخيب ادريك قصدي
وتحَفَّر من  دموعي عليك خدي
شكثر يابو الرضا حاجات عندي
اجيتك معتني  للكاظميه

حصني بالشدد  مولاي كهفي
يبو الكلفات الك مديت چفي
نخيتك لوعسر علحال يلفي
الشدد يابوالرضا تسهل عليه

الشاعر حسن لعيبي الحريشاوي

بصوت. مسلم المطيري

.


نعي للحسين عليه السلام


انجانكم راضين عنه
عكبكم تره ضعنه يهلنه
علينه هظم محد نشدنه
❥━──➸➽❥💔❥━──➸➽❥💔
انجانكم علذله راضين
نشكي الهظم وانتم بعيدين
رخصت يهلنه دمعت العين
❥━──➸➽❥💔❥━──➸➽❥💔
نشكي الهظم وانهل الاعيون
ذلينه خويه اوعيب تدرون
ابعيده الدروب اوما تسمعون
❥━──➸➽❥💔❥━──➸➽❥💔
اودي عتب لهلي النسوني
ابعيده الدرب ماسمعوني
خلص مايهن راحن عيوني
❥━──➸➽❥💔❥━──➸➽❥💔
اصرخ واصيحن وين اهلنه
ابعيد الدرب عنهم شمرنه
اهل الامروه والمحنه
❥━──➸➽❥💔❥━──➸➽❥💔
يامن يكلي رافجيني
لو ضاك صدرج عاتبيني
حكج اطلعنه ابيميني
❥━──➸➽❥💔❥━──➸➽❥💔
خلينه لهل المرجله انروح
انعاتب اهلنه ابكلب مجروح
يمهم نجيم العتب والنوح
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أميره أم محمد الكناني*
*صاحبه ديوان📚أقل الوفاء في مصائب كربلاء*
*

على طور قصيدة يخيمات   عن استشهاد الامام الكاظم ع


يمسجون    باجر علجسر نعشك   يمسجون
لااهل وعشيرة البيك يدرون
بس عدوان من دربك يمرون


*


فوك الجسر ياسيدي     طفّوّا شمع حياتك
بس الحرس وي العده   تتشمت  ابمماتك
وين الربع وين الاهل  تحضر وكت وفاتك
لكيت الرحيل من السجن  هو سبب نجاتك
يحضرون  بلايه احباب لاناس اليحضرون
صاروا وين عن حالك  ينشدون
وين اليوم عناية اليحبون


****


يلماشفت راحة ابد   كل عمرك وزمانك
شفت الماسي والظلم  ليل وحزن مكانك
صابر على جور الذي   بيه القصد هوانك
بدرع الصبر ماتنكسر  حتما تذل سجّانك
يشوفون   ابحيرة تعيش ايامك يشوفون
وتشكي من السجن كاموا يظنون
بدايتهم نهاية منين يبدون


*


من البصره بجفوفك حبل     ياسيدي مقيدينك
وبسجن بغداد اصبحت       ظلمه تعاشر عينك
لامن خوارج لاترك    لابدعة  جيت ابدينك
لاحرب ونكول ابحرب     ياسيدي اما سرينك
يكبرون اذا يصغر امر منك يكبرون
كبر امرك وتاليهم يصغرون
بالحيرة بقوا  وبجلمة شلون


***


صابر على حر الجمر  صابر على هلحاله
الدين النبي لاينثلم   لايرتحل جماله
تنشر تعاليم النبي   وتواصل الرساله
من النبي اصل وفصل شايل عطر خصاله
يموتون لوتحيي العلم صدك يموتون
لادين وعلم ينفع يريدون
بظلاله وبجهل رادوا يضلون


*

وين اصبحوا اهل الظلم   يلي علت انوارك
اخبارهم خزي وفشل   يلي تسر اخبارك
راحوا ولاالهم   مجد   المجد ساكن  دارك
يلعالي انته من السمه   ماتنكطع  زوارك
اليزورون  كل يوم  وسنه احبابك يزورون
شمامر الزمن اكثر يصيرون
يلكاظم الك نفديها العيون


الشاعر حسن لعيبي الحريشاوي

بصوت. مسلم المطيري

يمسجون
باچر علجسر نعشك
يمسجون

كلمات الشاعر
حسن لعيبي الحريشاوي

بصوت. مسلم المطيري

بسجنك لحظه متنام

كلمات الشاعر
عقيل الحسناوي

الامام الڪاظم عليه السلام




آه   واويلاه   الك   يابو  الرضا
آه   واويلاه   الك   يابو  الرضا
ــــــــــــــــــ

يا أمام الــــــــڪون يا أطهر نفس
حُجة المعبود علــــــــ جن والأنس
وسفه تبقه اربعطعش عام ابحبس

وانت ابن الزهره وابن المرتضى
آه   واويلاه   الك   يابو  الرضا
ــــــــــــــــــــــ

بالمطامير انحرمت امن الضوه
واصبح انهارك  مثل ليلك سوه
المغرب اتميزه يشح چان الهوه

تختنگ وبروحك يضيگ الفضه
آه   واويلاه   الك   يابو  الرضا
ــــــــــــــــــــــ

من حقد سجّانك وبـغضه عليك
بالرجل خله السلاسل وابـ اديك
حرّم اعله احبابك واهلك تجيك

شوفتك صارت حلم للـــرافضه
آه   واويلاه   الك   يابو  الرضا
ــــــــــــــــــــــــ

آخر ايـــــامك چنت صايم أكيد
والرطب مسموم اجالك ياشهيد
الف لعنه اعليك هارون الــرشيد

الله يلعن ڪلمن ابــــفعله رضه
آه   واويلاه   الك   يابو  الرضا
ـــــــــــــــــــــــ

متت بين اربع  حياطينك  غريب
مثل ابو الـــسجاد ما يمك حبيب
هم متت عطشان هم خدك تريب

اضلوعك ابلا اعوجيه امرضرضه
آه    واويلاه    الك    يابو  الرضا
ــــــــــــــــــــــــ

جمعه چان الموعد البي طلعتك
وعلجسر ملهوفه تنطر   شيعتك
من بعيد ولـــــــن تلوح اجنازتك

والمُنادي اينادي ابن جعفر گضه
آه    واويلاه   الك   يابو  الرضا
ــــــــــــــــــــــ

علجسر نعشك بقه ابـــذل وهوان
والحديد ابرجلك امحصل مڪان
ناحت  الاملاك  وي  حور  الجنان

كاظم الغيظ  ارتحل  شيعوضه
آه   واويلاه   الك   يابو  الرضا
ـــــــــــــــــــــــ

وينه هارون اسئل اصحاب العقول
منّه  حتى ابليس متبري  وخجول
والشرف حصراً بقه لـــ آل الرسول

من قباب الكاظم اخذ الموعظه
آه   واويلاه   الك   يابو  الرضا
ـــــــــــــــــــــــــــ

وينها الـعلـــــ عتره چانت باغيه
وينها البلـــــ حُكم چانت طاغيه
زالو وعترة مُحمد باقيــــــــــــه

يبقه بس وجه الله بـ اللوح انمضه
آه    واويلاه    الك    يابو   الرضا
ــــــــــــــــــــــــــــــــــــــــ
سيد علي عبدالزهره الناجي

بصوت. مسلم المطيري

آه واويلاه الك يابو الرضا

كلمات الشاعر
سيد علي عبدالزهره الناجي

امنياتي.... الليلة احج بالغاظرية
أمنياتي... بين الحسين وأخية

كلمات الشاعر... ابو احمد الطائي
بصوت. مسلم المطيري
استشهاد الامام موسى بن جعفر الكاظم عليه السلام
المكان البصرة.. التنومة
الثلاثاء المصادف
6/2/2024

راح انصب عزية. أبأرض الكاظمية

الشاعر ابو حسين السرگودي
بصوت. مسلم المطيري
المكان البصره التنومه
الثلاثاء المصادف 6/2/2024

انه ابن سيد الوجود. صلت ابأيدي القيود
الشاعر سعد العبودي
بصوت مسلم المطيري
المكان البصره التنومه
الثلاثاء المصادف 6/2/2024

انا لله وانا إليه راجعون
انتقل الى رحمة الله تعالى
خادم الحسين الطيب والخلوق
الشاعر اسماعيل الجوراني ( ابو مصطفى)
اللهم الهم اهله وذويه الصبر بحق محمد وآل محمد

السلام عليكم جميعا ورحمة الله وبركاته
لسبب انشغالي وظروفي، وانقطاعي، عن التفاعل والتلحين في، قناتي والكروبات الحسينية وانقطاعي لعدت شهور عن التلحين والتواجد في، برنامج التلگرام سأسلم قناتي، هذه الليلة الى شخص مقرب لي، لأدارتها حتى اعود مثل قبل لتلحين بعد شهور، اذا ابقاني الله سبحانه وتعالى ووفقني لخدمة الحسين عليه السلام قررت هذا الليلة احذف حسابي، التلگرام وارجو برائة الذمه لي، اذا احد انزعج او مزعوج مني، وانا عن نفسي، أبرئه الذمة دنيا وأخرة واتنمنا له التوفيق والنجاح من اعماق قلبي،(مسلم المطيري) الأثنين المصادف 26/2/2024

السلام عليكم ورحمة الله وبركاته
رمضان كريم عليكم والله يتقبل طاعاتكم وصيامكم جميعا اين ماكنتم أحبائي الكرام ( عدت اليكم والعود احمد وسأحوال التواجد حسب المجال المستطاع ونسأل الله لنا ولكم القبول
الثلاثاء المصادف 19/3/2024
مسلم المطيري

علي بوية علي فكدك هظمنه
يتامه ويـكسر الخاطر دمعنه
نار الفركة نار
........................................
بسم كسر الكلب طفوا شمعتــــي
صحت بويه علي وطاحت دمعتي
وغلاتك ما نمت ليلـــــي وصفنتي
أنذبح حلمي يعافيتي وضحكتــــي
وحشه أديارنه وأديار أهلنه
يتامه ويكسر الخاطر دمعنه
من الموت أغار     نار الفركة نار
علي بويه علي
..................................................
سوالف عيني وي كل مغربية
تمطر شوك واتخضًر عزيـــة
جنه أهنانه من نكعد سويــــــة
يخيمة بيتنه الطاحت عليــــــة
أباب البيت ننتضرك بعدنــه
يتامه ويكسر الخاطر دمعنه
حلم مثل الصغار    نار الفركة نار
علي بويه علي
...................................................
بعدك بويه ما يرحم زمانــــي
ليش الموت أخذني وما خذاني
يروح الروح زينب بويه آنـــي
الترب ما كتله لا ياخذ مكانـــي
يشمعة بيتنه وعزنه وفخرنه
يتامه ويكسر الخاطر دمعنـه
بان ألأنكسار    نار الفركة نار
علي بويه علي
....................................................
أعاين كل أخوتي بـلا ملامح
واحد واحد أمن الفركة طايح
أجانه العيد بويه وين رايــــح
أنه بحاجة حنانك مو نوايــــح
لا أم لا أبـــو اليجبر كسرنه
يتامه ويكسر الخاطر دمعنه
يا شمس النهار      نار الفركة نار
علي بويه علي
................................................
يم كبرك يبو الحملة أجينـــــه
كعدنه وفزز الموته بجينــــــه
ألما يعرفنه ضل يعطف علينه
واحنه الطير ياكل من أدينـــه
بعدك ضعنه وأطشر شملنه
يتامه ويكسر الخاطر دمعنه
ذبل كل الخضار       نار الفركة نار
علي بويه علي
..............................................
خادم خدمة الحسين
الشاعر
محمد الموالي

بصوت. مسلم المطيري

علي، فگدك علي، فگدك هظمنه

كلمات الشاعر
محمد الموالي

بصوت. مسلم المطيري

يا علي
نعي مفجع

چـنـه نـتـاني ونحسب احساب
عـيـد الـيـجـيـنـه أيلم الاحباب
ثــاري الــدهـــر دولابــه دولاب
جــار واخــذ دّحــاي الابــواب

*------------------------*--------------------*

ألـمــن بــعــد نـتـنـاك يـا عـيـد
ونـدري عـلـينـه اهمونه اتـزيـد
راح الـيـلـمـنـه وروحتّـه ابعيـد
وصـار الـدمـع لـلـعـيـن تعـويـد

*------------------------*---------------------*

كـلــشـي يــروح الابـو لـو راح
والـمـات ابـوه اشـلـون يـرتـاح
يـگـضـي العـمـر دمعات ونياح
يـلـزم صفحته ويـصفـگ الراح

*--------------------------*------------------*

✍خادم أمير المؤمنين ع
الشاعر رعد الجريخي

بصوت. مسلم المطيري

أبوذيات🍂إلى أمير المؤمنين علي عليه السلام

بعشك حيدر على العالم علينه
وفكدنه العدل لونفكد علينه
عسه لاطر فجر باجر علينه
ونشيع المرتضى والحق سويه
☆☆☆☆☆
☆☆☆☆☆
علي الماغرته الدنيه   ولامال
من عدها جرع  كل مُر ولامال
خل حملي عليَّ يثكَّل ولامال
أصيحن ياعلي ويفزع إليه
☆☆☆☆☆
☆☆☆☆☆
ثيابه الصوف وبجفه غزلها
جيوش بصارمه حيدر غزلها
أسد بالحومه وخصومه غزلها
تفر من صوت حماي الحميه،
☆☆☆☆☆☆
☆☆☆☆☆☆
نبينه إمته بحيدر وصلها
نبع حكمت رسول الله وصلها
عصابه النكرة الوالي وصي إلها
وبغض بالهادي من غدرو وصيه،
☆☆،☆☆
للشاعر نسيم
الحميداوي