بصوت. مسلم المطيري

لبيك ياحسين ع
نعي


يالزهره الزچيه اتگول بتچ
ايچل الليل وتموّت وحشتچ
حن الگلب واليوم ردتــــچ
طبيت بس ماكو بحجرتــچ
*-------------*------------*

وسفه بعجل يالزهره رحتـــــي
اشكبرهه اعليچ يايمه وحشتي
صار الدمع سلـــــوه بصفنتــي
اذّكر مشيتــي اهنـــــا كعدتـــي

*---------------*--------------*
ظليت بدمــــــع وبگلب ملچـــوم
بحسرتي والمناحه يخلص اليوم
اطب الحجرتچ واشتــــم بالهدوم
ما لوم اليتيم ويبچي ما لــــــــوم
*-----------------*------------*

✍بقلم خادم الزهراء ع
الشاعر رعد الجريخي

استشهاد الامام الحسن العسكري ع


الهل تعزيه اتعنينه  نستخلف المهدينه
البقاء في حياتك سيدي 
****
عدنه عاده الفاتحه من نعتنيها
ايگوم للوادم ابوها ايحيي بيها
انته وينك سيدي شو ما تجيها
نظره منك يابو صالح نرتجيها

لازم وجودك بيها   غيرك منو راعيها
البقاء في حياتك سيدي
****
فقط نترحم لون رحنه الفواتح
تختلف فاتحتك وجينه بنوايح
الوالدك يالمهدي مره الدمع سايح
ومره لفراگك دمعنه يابو صالح

متروسه ونه ضلوعك  ندري تهل ادموعك
البقاء في حياتك سيدي
****
ايعينك الله وعظم الباري مصابك
ادفنت ابوك وبالعجل اصبح غيابك
شما تطول اسنينك ايطوّل عذابك
بالفرج ادعولي يا شيعه خطابك

مرفوعنه والله ايدينه  عجل فرج والينه
البقاء في حياتك سيدي
****
شگد مصايب اه يمهدينه بدليلك
هدي من روعك يبو صالح دخيلك
دموع حمره سيدي تارس شليلك
فوگ گبر العسكري هديت حيلك

بنفاسك المجروحه  دموعك حمر مسفوحه
البقاء في حياتك سيدي
****
من غبت لليوم دمعك بس تصبه
هل عزاء اشگد بعد رايد تنصبه
بيا زمن سيفك يبو صالح تخظبه
تسكت وثارك يتاني اهواي صعبه

يمته تجرد سيفك  وتاخذ يغالي بحيفك
البقاء في حياتك سيدي
****
ثار ابوك وثار اهل بيتك ينطرك
ابتدائن من ضلع فاطم نخبرك
ماكو داعي بنحر ابو اليمه نذكرك
بلوعة الطف عايش انته سنين عمرك

عندك بعد رزيه  ثار المشت سبيه
البقاء في حياتك سيدي
****

الشاعر اياد الديراوي
  ***
  

بصوت. مسلم المطيري

الهل تعزيه اتعنينه

كلمات الشاعر
اياد الديراوي

بصوت. مسلم المطيري

ابوذيه لسيده رقيه ع

بوجهي يادهر چم سيف...سليت
طفله من الهظم والضيم... سليت
يعمه وين ابويه حسين ...سأليت
اشبگه وخبره بالصار  بيه

ام اباذر السكيني

بصوت. مسلم المطيري

ابوذيات شهادة الزهراء ع
                          =============


المنيه امگدره ويصعب دفعها
وتره اديون الدهر واجب دفعها
ثگيله الباب والظالم دفعها
وكسر ضلع النبي بضلع الزجيه
*

موبس ظلع يافظه باجر ينكسر
باجر جمر ينزل دمع لجل الستر
ايد احطهه اعله الحجاب.      وايد اردن بيهه باب
اه يفضه…… . اه يفضه
…………… ..

يافظه باجر صــــوتي حتمن ينسمع
ماينحمل يافــــــــــــظه بسمار بظلع
يصكط جنــــيني وبابي باجر يندفع
شلون اظيع اجروحي لو اظيع الدمع
انصطر وبجي بغصب         يافظه دليني الدرب
مني ويطفون شمعه اهل الغدر
………………
يافظه لو شفتي الجرح ظمي عليه
كل خوفي ماكــــدر ولفه انه ابديه
ماريدن تشوفه وتون زينب خطيه
زغيره ماتحمل هظــــم كبل المنيه
اتحمل جروح ومصاب.        ولاتظل بعدي بعذاب
وبعد عيني طيهه يافظه العذر
………………… .
باجر اذا خدي نصطر لو راحت العين
يافظه ماريد الخــبر يوصل للحسين
خليني اموت بحسرتي ولابجي الثنين
بس همه عدي بدنيتي ويظلمهم البين
عمري احسن جنه غاب…      وجرحي اليشيب الشباب
ويبقه دمعي عليهم بكبري ويدر
……………… .
باجر الحســرات يافظه ال حجابي
ويحتــــــــــرك بنار باجر حته بابي
وينسلب مــــني فدك وانه مصابي
ومحسن المــــذبوح لي زود عذابي
هيج مكسوره ظلع….. بت محمد تندفع
وحته كبري يظيع اظل بلا كبر
………… .....
ابقه ماعنــــــدي كبر لا اليه حضره
ودري حيدر ينــــغدر وتنطره طبره
والحسن مسموم واهل الشر تغدره
ونوحي الحــسين اليظل عل غبره نحره
اطفاله تركض ع السراب…… وبني ليظل ع تراب
عفيه زينب بعدي تحتاج الصبر
……… ..
الشاعر ابو سلام الجابري

بصوت. مسلم المطيري

مو بس، ظلع يافضه باچر ينكسر

كلمات الشاعر
ابو سلام الجابري

بصوت. مسلم المطيري

عليج معودة ومانام وحدي
يمر الليل واني ايدي عالخدي (يايمه)
تفيض عيوني بالدمعه وتبدي
من راحت امي شبعد عندي
ياشمعة البيت اه يالوالده ياشمعة البيت
حلو وياج يمه لو كعدنه
يايمه البيت يحله من تكعدين
وبشوفج يايمه ازيل همنه
(ابو ذيه)
ياريت عليه الدنيه من فراكج ياريت
واموات وياج انه تمنيت ياريت
انه بثوب اليشيعج حيل يريت
وصحت ابصوت خل امي الزجيه
يمه يمه يمه

يمه شلون عيني اتنام ويمرها الوسن
عميه عيني ولا اشوفنها بجفن

وبتوالي الليل حداي الضعن
كواطر ومايقبل ايتانيني
بليل ياشيال نعش الطاهره
عله هونك من تسير عله الثره
ترى ضلوع ام الحسين مكسره
جروح فاطم عله متن مرسوم
صيحوا حيدر من ينزلها الكبر
لا يوسدها عله خدها المنسطر
بيده لا يجلم ضلعها المنكسر

نزله

يالخدم رفعت راس ... اتباهه بيكم عباس
هله برجال الليالي الفاطمية
......
هله بعشاك الشعائر والمجالس واللطم
هذا يوم الزهرة لتقصرون حد كسر  العظم
الزهرة تستاهل بواجيكم وشوغات  الهضم
لا تبخلون بدمعكم وانت حيلك لا تضم

الخاطر ام الحسينين ... يالخدم طيحو العين
هاية ليلتكم يفرسان العزية
......
خل نشوف الناصبية شنهو ولد ام الحسن
لجل عيناها ورضاها  نوكف ابوجه الزمن
على طول السنه ننصب ماتم الها ابكل وطن
ونلعن الكّسّر ضلعها بالخفاء وباللعن

الله يلعن من عاب ... صدر فاطم بالباب
وخله دمعتهه على الوجنه جرية
......
يله يخواني النشامه خل نردد ما يلي
احنه غير الزهرة ما عدنه وحق ربنه العلي
لا مره الا الزجية ولا فتى الا علي
خل نردد هالشعار بصيحه وحدة تعتلي

فاطمه سر الله ... وعلي حيدر صاناه
تشهد الاملاك ماخان الوصية
......
لحضر مجلس للزجية رضه الباري حصله
باجر بيوم القيامه اينول اعظم   منزله
علي يشفعله ورسول الله وحُسين يقبله
والاملاك بتاج من در تعنتني وتستقبله

وجنة الله اتحييه .. وعلى الراس اتخليه
اكرامأ الام الحسن جنه زهية

......
ما يحب الزهرة بس الصدك طاهر بالنسب
الرايد ايراجع شنو اصله ايشوف كلبه شنهو حب
والدليل الحرك باب الزهرة والجاب الحطب
هذا مو طاهر حليبه امه شرَّايت ذهب

مو رجل من ارجال ... بالنسب عنده اشكال
ماله ابو المعروف نحجيه القضيه
........

تحت راية ابو صالح ننجمع نوكف حرس
انطالب ابثار الزجية الحد كطع اخر نفس
انحاسب الكسّر ظلعها والصفعها والرفس
ابد ما ننسى ظلعها البيه بسمار انغرس

امربع انرد الثار ... ما نعوفه اشما صارر
قسم ابدم نحر الحسين واخية
.....
كلمات
موسى الخادم

بصوت. مسلم المطيري

يالخدم رفعت راس
اتباهه بيكم عباس

كلمات الشاعر
موسى الخادم

مقدمه للزهراء ع
++++++++++
اگضيتي عمرچ گاعده حدر المنابر
الليله انتي ام العزه وحسين حاضر
      يازهراء.  يازهراء
   +++++++±+++++

حسين هنياله اليشوف ادموعه
لو بعدها الونه مامسموعه
امنيله يالزهره ويدگ اضلوعه
يكسر الخاطر يزهره بلوعه
  يمه يمه لو بچه مجروحه ونته
  تارسه المجلس عله الزهره نحبته
  يا زهراء يا زهراء

هسه واگف شارك اللطامه
الدائره ابنصها ويدگ عالهامه
امحزم ابرمحه ويجرحه حزامه
يمسح ابايده دمع خدامه
    لابس احمر ليش مالابس سواد
   جالچ ابنفس القميص الفوگه باد
يازهراء.   يا زهراء

حتما اويه حسين عباس ايحضر
باطرف المجلس خجِل طبع الگمر
للزجيه باللطم ليش اعتذر
راد چف ايلوح صدره وماگدر
      ضل يدگ بزنوده فوگ اخدوده
     شاف زينب بالعزه موجوده
يا زهراء يا زهراء

ابمجلسچ يتلاگه وي ام البنين
جايبه اوياها العليه للحسين
اتگابلن هيه ورقيه بالانين
وبمصاب الزهره كلهم حاضرين
      وياي امشي للمدينه چن تگول
     انه وانته نبچي يم گبر البتول
يا زهراء. يازهراء
    ++++++++++
والرضا هم يحضر الليله الغريب
والحبيب  ويلتقي ويه الحبيب
يحضر الموعود من يعله النحيب
اينادي صوت المنتضر امن يجيب

      بالفرج ادعولي من هذا الحضور
     بجاه ضلع الزهره عجل بالضهور
  يا زهراء يا زهراء

_
الشاعر ثائر الربيعي

بصوت. مسلم المطيري

اگضيتي عمرچ گاعده حدر المنابر

كلمات الشاعر
ثائر الرببعي

عيني تصد چم منظر،،،يهلال گلبي تگدر
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
كل عام لمن تطلع،،،نفس جرح والمدمع
بيك الگلب يتوجع،،،ولمصيبتك يتحسر،،1
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ترسم صور للناظر،،،عاللي جرى بلعاشر
جثه ونحر وي حافر،،،فوگ الثرى تتوذر،،2
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
يهلال واضح امرك،،،كلك حزن كل عمرك
ويزينب اصبح سرك،،،والكون بيك تغير،،3
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
چم بدر بيك انذكره،،،عطشان دامي نحره
وحسين طاح بكتره،،،وناده بحزن يلأكبر،،4
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
يهلال نارك تلهب،،،بيك الدليل اتعذب
دوم علجاسم ننحب،،،عريس دامي لمنحر،،5
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
چم لوعه بينه وعله،،،لذاك الطفل عبدالله
يشرب دمه من النبله،،،وللماي ظل يتحسر،،6
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
يهلال المن طالع،،، وزينب گمرها واگع
عاف العقيله اتصارع،،،بين الخدر والعسكر،،7
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
يهلال تدري الحرمه،،،من تنولي ابلا زلمه
وبلگوم ماكو رحمه،،،بهذا الوضع تتحير،،8
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
تنظرابوهه اسكينه،،،فوگ الثرى مگطعينه
وراسه برمح والينه،،،،والشمر يمه يفتر،،9
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
والگوم هجمت بلخيل،،،،والحرم شافت الويل
وعليها چلچل الليل،،،،بالهيمه ظلن والبر،،10
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
يهلال تبقى معلم،،،،الأول عزاء ومئتم
بين ادمع بين الدم،،،،نواسي زچيه وحيدر،،11
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الشاعر قصي القاسمي

بصوت. مسلم المطيري

عيني تصد چم منظر
يهلال گلبي اتكدر

كلمات الشاعر
قصي القاسمي

كل عام وانتم بألف خير جميعا اتمنا لكم عاما جديدا مملوء، بالامن والامان والسعادة الدائمة اين ماكنتم تحياتي لكم جميعا

الأحد المصادف. 31/12/2023

مسلم المطيري

جديد محرم ٢٠١٩.. ليلة وداع ليلة العاشر عن السيدة زينب
****

غربة او وداع اومدمع التمينة
يركض الليل وننحب مخلينة
كلـــش كَصير هـــــــواية ليل العاشــــــــــر
من يطر صبحك يكسر اشچم خاطر
نتفاركَ وكلمن دموعة ابعينة
_____
نتسامر ونكَعد سوة چنة شحلات الكَعدة
زينب انة وي اخوتي كلمن دموعة بخدة
بالليل اطلبك ياصبح وجهك تظمة بسدة
مصباح عاشر مطلعة ايطلع البين شعندة
حلوة الليالي الچانت ويخواني
والليلة ما يــشبع اخّو من الثاني
كـــــــل جـــــفن ما نام ويــــــتاني مــــساهر
من يطر صـــــبحك يكسر اشچم خاطر
نتفاركَ وكلمن دموعة ابعينة
****
نسكت ونتبادل حچي بالعين واهمل دمعي
كَالوا وصاية انحملچ لهاي الوصاية استمعي
ابهالخيمة اطفال وحرم باچر يزينب جمعي
خلوني اخاف من الصبح يالـيلي طوّل ادعي
يادمعة تنزل ينــــــجرح احساسي
وموادع الخــوان شــــــــيب راسي
ابيض رمــش عيــــني ابجــــــفاكم صاير
من يطر صـــــبحك يكسر اشچم خاطر
نتفاركَ وكلمن دموعة ابعينة
******
حسينچ يزينب مـــــنذبح باچر يخوية وغافي
ينفطر كَلبي من الضمة وتنفطر حتى شفافي
ياخوية اطفالي وحرم باچـــــــر يتامة اخلافي
وانتي على حـر الجمر تركض اجدامچ حافي
هاي الوصية بت علي سمعيها
بنيتي رقية بعينچ اتحطــــــــيها
وياچــــــن ابكــــــــل المــــــواقف حاظــــــر
من يطر صبحك يكسر اشچم خاطر
نتفاركَ وكلمن دموعة ابعينة
****
ياعمـــــــتي منــين ابتـــــدي امي يعــــــمة امي
ماتحمل فراكَي وتون ابمدمعها يكثر همي
يبني علي من تنتحب ونتها تنحل عظمي
بأمي وصيتي لو رحـــت بيها يعمة اهتمي
بسيوف امية باچـــــر ايوذروني
عن امي بكتار الخيم ظيعوني
بالخــــــيمة ارد سالم يعــــــمة اتــــــــناطر
من يطر صبحك يكسر اشچم خاطر
نتفاركَ وكلمن دموعة ابعينة
******
ما البس هدوم العرس ثوب الحــــرب ينطرني
من الشهد احلى والذ وي عمي موتي يسرني
ياعــــــمة امي وصــــيتچ صـــبريها من تــــذكرني
مثلچ وحــيدة او فاكَـدة ابدمعـــتها لا تقهــــرني
باچر اطفي شموعي من اوريدي
يا عمة احــــط دم الشهادة بأيــــدي
حي جاســـــــم العريــــــس نادن باچـــــــــــر
من يطر صبحك يكـــــسر اشچم خاطر
نتفاركَ وكلمن دموعة ابعينة
****
وداع الاخــــــو وي الاخت يكــــــسر كَلبها الحرة
وانتي يزينب وين اكـــو مثلچ اخـــت بالعشرة
بيچ ارد اوصي وصيتي يالماكو يوم مقصرة
وصلي سلامي للبقت بدرب الضعن منتضرة
لمي العزيزة الظلت اتانيـنة
وفة ابو فاضل يكَلچ ديــــنة
ايميــــنة ويــــسارة اطاها وي الناضــــر
من يطر صبحك يكسر اشچم خاطر
نتفاركَ وكلمن دموعة ابعينة
******
أسالكم الدعاء رائد الاسدي

بصوت. مسلم المطيري

غربة او وداع او مدمع التنينة
يركض الليل وننحب مخلينه

كلمات الشاعر
رائد الاسدي

( وسنين العمر باكيت مدري بيا جگارة انموت) في مثل هذا اليوم
المصادف 16/1/2024
دخلت في عمر ال 41 من عمري، اسأل الله ان يرزقني حسن العاقبة بحق محمد وآل محمد
مسلم المطيري